ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-20262590089 %11 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 01:15 - 2019/09/10

ەدەن جۋعىزۋ ەڭبەكتى قاناۋ ما؟ – استانا اقشامى

قازىرگى تاڭدا وقۋشىلاردى مەكتەپتە فيزيكالىق ەڭبەكپەن اينالىسۋعا باۋلۋ، دالىرەك ايتساق، وزدەرى وتىرعان سىنىپتىڭ ءىشىن تازالاپ كەتۋگە ۇيرەتۋ جاپونيادا كەڭىنەن تاراعان. بۇل ءۇردىس باتىستا بالانى قاناۋ رەتىندە قابىلدانعانمەن، شىعىس مادەنيەتىندە جاس ۇرپاقتىڭ سانالى ازامات بولىپ وسۋىنە كومەكتەسەتىن كەشەندى تاجىريبە ءتارىزدى قولدانىلادى. ءوز تىلدەرىندە Gakko Soji دەپ اتالاتىن وسىناۋ شارا كۇنشىعىس ەلىندە مەملەكەت تاراپىنان مىندەتتى ءىس بولىپ سانالماسا دا، شاكىرتتەر ونى كۇندەلىكتى داعدىلارىنا اينالدىرىپ العان. ولاردىڭ ۇراندارى قاراپايىم: ەگەر سەن بەلگىلى ءبىر ورىندى نە جەردى پايدالانساڭ، ونى كەلەسى ادامعا تازا كۇيىندە قالدىرۋ – سەنىڭ جاۋاپكەرشىلىگىڭ.

بيىلعى وقۋ جىلىنان باستاپ استاناداعى ءبىرقاتار مەكتەپ جاپونيالىق تاجىريبەنى نەگىزگە الا وتىرىپ، وقۋشىلاردى سىنىپ ءىشىن تازالاۋعا مىندەتتەۋدە. ياعني شاكىرتتەر ساباقتان سوڭ پارتالاردى رەتتەستىرىپ، تاقتانى ءسۇرتىپ، ەدەندى جۋىپ كەتۋگە جاۋاپتى. تىڭ باستاماعا قاتىستى قوعام پىكىرى بۇگىندە ەكىگە جارىلىپ تۇر.

گۇلىمجان تۇتقابايقىزى، نۇر-سۇلتان قالاسىنداعى №80 مەكتەپ ديرەكتورىنىڭ وقۋ ءىسى جونىندەگى ورىنباسارى:

تازالاۋعا تەك جوعارىسىنىپ وقۋشىلارىنعانا تارتامىز

– جاڭا وقۋ جىلىنان باستاپ ءبىز وسى تاجىريبەنى ەنگىزىپ جاتىرمىز. بىلتىر مۇنى قاناتقاقتى جوبا رەتىندە بىرنەشە سىنىپتا قولدانىپ كورگەن ەدىك، وقۋشىلار قىزۋ قولدادى. نەگىزى، جاپونيانى ۇلگى ەتىپ الدىق قوي، دەگەنمەن كەڭەس وكىمەتى تۇسىندا دا وسىنداي پراكتيكانىڭ بار بولعانىن كوپشىلىك بىلەدى. جالپى، وقۋشىلاردى سىنىپ ءىشىن تازالاۋعا مىندەتتەۋدەگى ماقساتىمىز – ولاردى ومىرگە دايىن ازامات قىلىپ تاربيەلەۋ، وزدەرىنىڭ جانە باسقالاردىڭ ەڭبەگىن باعالاۋ­عا ۇيرەتۋ، تازالىققا تاربيەلەۋ، توپپەن بىرگە جۇمىس ىستەۋگە ەپتى ەتۋ. پەداگوگ رەتىندە ايتارىم، بالا بۇدان جاقسى بولماسا، جامان بولمايدى. ءبىز بالالاردىڭ فيزيكالىق مۇمكىندىكتەرىن ەسكەرىپ، بۇل ىسكە تەك ءبىرىنشى اۋىسىمداعىلاردى، ياعني 8-11-سىنىپ وقۋشىلارىن عانا تارتامىز. ساباقتارى بىتكەن سوڭ، ولار كەلەسى اۋىسىمنىڭ بالالارى ءۇشىن سىنىپتارىن تازالاپ تاپسىرادى. ءبىزدىڭ باستامامىزدى استاناداعى №30 جانە №76 مەكتەپتەر دە جالعاستىرۋدا.

جازيرا اسانوۆا، نۇر-سۇلتان قالاسى ءبىلىم باسقارماسى ستراتەگيا، تالداۋ جانە تسيفر­لىق تەحنولوگيا ءبولىمىنىڭ باسشىسى:

بۇل مىندەتتەمە ەمەس

«كۋكيريكو بوكتەرىنەن» اتتى جاپونيالىق انيمە فيلمىنەن كورىنىس: وقۋشىلار تازالىق جۇمىستارىمەن اينالىسۋدا

– ەلورداداعى جيىرما شاقتى مەكتەپتە وقۋشىلارعا سىنىپ ءىشىن تازالاتۋ تاجىريبەسى ءساتتى جۇزەگە اسىرىلدى. بۇل جەردە ەشقانداي مىندەتتەۋدىڭ جوق ەكەنىن ايتا كەتكەن ءجون. ەگەر بالانىڭ ءوزى نەمەسە اتا-اناسى قارسى بولسا، وندا بۇل جۇمىسقا قاتىسپاي-اق قويۋىنا بولادى. ەكىنشىدەن، بۇل وقۋشىلاردىڭ ءبارى جاپپاي ەدەن جۋادى دەگەن ءسوز ەمەس. ماسەلەن، ولار اسحانادا ءوز ىدىسىن ءوزى جيناۋ، سىنىپتاعى گۇلدەردى ­سۋارۋ نەمەسە تەرەزەنىڭ شاڭىن ءسۇرتۋ سياقتى قاراپايىم شارۋا­لاردى جاساۋدان باستايدى.

عايشا ابدىكارىم، اتا-انا:

بالالاردان بۇرىن ەرەسەكتەردى تاربيەلەۋ كەرەك

– مەنىڭشە، حالىقتى جاۋاپكەرشىلىككە تاربيەلەۋ بالالاردان ەمەس، ەرەسەكتەردەن باستالۋى كەرەك. مىسالى، قوعامدىق ورىنداعى اجەتحانانى پايدالانعاندا، ساياباقتا قىدىرعاندا، پويىزعا مىنگەندە، كونتسەرتكە بارعاندا ادامداردى ءوز قوقىستارىن وزدەرى جيناپ كەتۋگە مىندەتتەۋ قاجەت. سوندا عانا ۇلكەندەر بوتەننىڭ ەڭبەگىن باعالاۋدى ۇيرەنىپ، بۇعان بالالارىن وزدەرى-اق ۇيرەتە باستايدى. ال وعان دەيىن بالالارعا قانشا جەردەن مەكتەپتە شاڭ سۇرتكىزگەنمەن، ولار مۇنىڭ نە ءۇشىن قاجەت ەكەنىن تۇسىنبەيدى، ويتكەنى ۇيىندەگىلەردەن كورگەنى باسقا. ەكىنشىدەن، بۇل جەردە جاپونيانىڭ تاجىريبەسىن مىسال ەتۋ دە ورىنسىز دەپ ويلايمىن. ول جاقتا گيگيەنا – ءبىرىنشى ورىندا، بالالار زاماناۋي ءارى ءقاۋىپسىز قۇرالدارمەن تازا سىنىپتاردىڭ ءىشىن جيناس­تىرادى. ال بىزدەگى اۋىر حيميكاتتاردى پايدالانىپ، ەرتەڭگى كۇنى بالالاردىڭ ءبىرى قاۋىپسىزدىك شاراسىن ساقتاماسا، وعان كىنالىنى قايدان ىزدەيمىز؟! ۇشىنشىدەن، بۇگىنگى بالالاردىڭ ونسىز دا ۋاقىتى از. بىرنەشە ۇيىرمەنى ءبىر باستارىنا ۇيىپ-توگىپ قويعانىمىز ازداي، بىلايعى ساباقتارىنىڭ وزدەرىن ورىنداپ ۇلگەرۋ وڭاي شارۋا ەمەس. ەندى وعان قوسىمشا ەتىپ مەكتەپتى جيناستىرۋدى جۇكتەپ قويعانىمىز وبال.

شۇعىلا دۋاناەۆا، بالالار پسيحولوگى:

وزىنە-وزى قىزمەت كورسەتۋ قابىلەتى ومىردە كەرەك

– وقۋشىلارعا سىنىپ ءىشىن تازالاتۋ تاجىريبەسى جاپونيا، كورەيا سەكىلدى ازيا ەلدەرىنىڭ ءبىلىم بەرۋ جۇيەسىندە بۇرىننان بار. ولار وسىلايشا بالالاردىڭ بويىنا ومىردە كەرەك بولاتىن قابىلەت – وزىنە-وزى قىزمەت كورسەتۋ قابىلەتىن سىڭدىرگىسى كەلەدى. وزىنە-وزى قىزمەت كورسەتە بىلەتىن ادام ءوزىنىڭ دە، وزگەنىڭ دە ەڭبەگىن قۇرمەتتەۋدى ۇيرەنەدى. جاپونيا، كورەياعا بارا قالساڭىز، قايدا قاراساڭىز دا مۇنتازداي تازالىقتى كورەسىز. ويتكەنى حالىق بالا كەزىنەن باستاپ وزىنەن كەيىن ورىندى جيناستىرىپ كەتۋگە داعدىلانعان. بىزدە كەيبىر اتا-­انالاردىڭ وسى تاجىريبەگە قارسى بولۋ سەبەبى ولارعا ءتۇسىندىرۋ جۇمىستارى دۇرىس جۇرگىزىلمەگەننەن دەپ ويلايمىن. ارينە، فيزيكالىق ەڭبەك تە بەلگىلى ءبىر قيسىننىڭ شەڭبەرىندە بولۋى ءتيىس. تاقتا ءسۇرتۋ، گۇل سۋارۋ، سىنىپ ىشىندەگى قوقىستى جيناۋ، پارتالاردى رەتتەستىرىپ قويۋ ءتارىزدى بالالارعا اسا ۇلكەن اۋىرتپالىق تۇسىرمەيتىن جۇمىس­تاردىڭ ەش زيانى جوق.


كەلۋ قاينارى: http://www.elarna.net/koru.php?tur=7&id=1045923

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اعاجاي التاي تورى 3 مينوت
تيانشان تورى 3 مينوت
رەكتور ەسەپ بەردى | Dal 13 مينوت
中国哈萨克语广播网 13 مينوت
ەندى برەند زاتتاردىڭ ءت 13 مينوت
پاۆلودار وبلىسىندا 69 ا 19 مينوت
اعاجاي التاي تورى 23 مينوت
قازاقستان ەلشىسى تۇرىكم 1 ساعات
اعاجاي التاي تورى 1 ساعات
中国哈萨克语广播网 1 ساعات
ەلەكتروندى تەمەكى جايىن 1 ساعات
دوس تاڭداي بىلەىمىز بە؟ 1 ساعات
ەلوردادا تاعى ەكى ءوڭىر 1 ساعات
كۇرەس تۇرلەرىنەن الەم چ 1 ساعات
اسقار مىرزاحمەتوۆ جامبى 1 ساعات
中国哈萨克语广播网 1 ساعات
پرەزيدەنت بۇقتىرما سۋ ق 1 ساعات
وسى ارانى باسىپ كورىڭىز 1 ساعات
قاسىم-جومارت توقاەۆتىڭ 1 ساعات
ارمەنيانىڭ ەحەگنادزور ق 1 ساعات
20 قىركۇيەك. تۋعان كۇن 2 ساعات
باۋىرجان بايبەك "ا 2 ساعات
وسى ارانى باسىپ كورىڭىز 2 ساعات
中国哈萨克语广播网 2 ساعات
شاعباننىڭ شاراپاتى R 2 ساعات
پاۆلودارعا بەلارۋستان ج 2 ساعات
وسى ارانى باسىپ كورىڭىز 2 ساعات
بۋراباي مەن زەرەندىدە س 2 ساعات
中国哈萨克语广播网 2 ساعات
سولتۇستiك قازاقستانعا ق 3 ساعات