ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-07-19552224339 %61 %
2019-07-20447195040 %60 %
2019-07-21417272521 %79 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 00:45 - 2019/07/11

World Scholar’s Cup ءپانارالىق وليمپياداسى – استانا اقشامى

ەلورداداعى «جاستار» تەاترىندا Spectrum حالىقارالىق مەكتەبىنىڭ ۇيىمداستىرۋىمەن World Scholar’s Cup ءپانارالىق وليمپياداسىنىڭ حالىقارالىق دەڭگەيى باستالدى. 20-عا جۋىق ەلدەن كەلگەن وقۋشىلار الداعى ءتورت كۇن بويى ءتۇرلى اكادەميالىق سايىستاردا باق سىنايدى. نۇر-سۇلتان قالاسىندا ءوتىپ جاتقان وليمپيادانىڭ حالىقارالىق دەڭگەيىنە ورتالىق ازيا، ەۋروپا، ءۇندىستان، پاكىستان جانە باسقا دا ەلدەردەن جالپى سانى 215 ءبىلىمپاز قاتىسۋدا.

اتالعان شارانىڭ ۇيىمداستىرۋشىلارى مۇنداي باسقوسۋ وقۋشىلاردىڭ بىر-بىرىمەن جاقىن تانىسىپ، الەمنىڭ ءار قيىرىنان وزىنە دوستار تابۋىنا ۇلكەن مۇمكىندىك بەرەدى دەيدى. «بۇگىن نۇر-سۇلتان قالاسىنا World Scholar’s Cup ءپانارالىق وليمپيا­داسىنىڭ حالىقارالىق دەڭگەيىن وتكىزۋ ءۇشىن جينالىپ وتىرمىز. قاتىسۋشىلار الەمنىڭ تۇكپىر-تۇكپىرىنەن كەلگەندىكتەن، وقۋشىلارعا ءوز داستۇرلەرىن كورسەتۋگە مول مۇمكىندىك قاراستىرىلعان. ءبىلىمپازداردىڭ بىر-بىرىنەن ۇيرەنەرى دە كوپ دەگەن ويدامىن. ومان جانە كەنيا سەكىلدى الىستان كەلگەن قاتىسۋشىلارىمىز بار. ورتالىق ازيا مەن ەۋروپا، ءۇندىستان مەن پاكىستاننان دا كوپتەگەن وقۋشىلار كەلدى. بۇل – ءتۇرلى مەملەكەتتەر مەن داستۇرلەردىڭ بايلانىسى. ناقتى سانى 215 قاتىسۋشى بار. بۇل جيىن – وقۋشىلاردىڭ ءبىر-بىرىن تانۋىنا، الەمدە دوس تابۋىنا ۇلكەن مۇمكىندىك» دەدى وليمپيادانىڭ ۇيىمداستىرۋشىسى جوزەف ۋيللارد حار.
وليمپيادانىڭ اشىلۋ سالتاناتى بارىسىندا ساحناداعى ۇلكەن ورىندىقتان باستاپ اينالانىڭ بارلىعى ۇلكەندى-كىشىلى ورىندىقپەن تولعانىن اڭعاردىق. وسىدان-اق حالىقارالىق دەڭگەيدىڭ باستى ەلەمەنتى، تاقىرىبى ورىندىق ەكەنىن تۇسىنۋگە بولادى. جاۋابىن ۇيىمداستىرۋشىلاردان سۇراپ كوردىك. «World Scholar’s Cup وليمپياداسى بارىسىندا كوپتەگەن ەلدى ارالادىق. ءتۇرلى قىزىقتى داستۇرگە كۋا بولدىق. الايدا ءبىز ەلەمەيتىن دۇنيەلەر جەتەرلىك. ءتىپتى ادامداردىڭ ءوزى كۇندەلىكتى بىر-بىرىنە زەر سالىپ، ماڭىز بەرىپ قارامايدى. ورىندىق – قاراپايىم زات. كۇندە وتىراتىن ورىندىققا دا زەر سالىپ قاراي بەرمەيمىز. بۇل – تەك مىسال عانا. ۇلكەن ىستەردى اتقارۋ ءۇشىن كىشكەنتاي دۇنيەلەردى دە قاپەردە ۇستاعان ءجون» دەدى ۇيىمداستىرۋشىلار.
وقۋشىلار تۇسكى استان كەيىن ارنايى اۆتوبۋستارعا وتىرىپ، «جەتىسۋ» ساياباعىنا جول تارتتى. ساياباقتا ارنايى ۇيىمداستىرىلعان ويىندار ويناپ، ءبىرىنشى كۇندى قورىتىندىلادى. ەلوردانى ارالاعان وقۋشىلاردىڭ العان اسەرى ۇشان-تەڭىز. ءبىز ولاردىڭ ءبىرقاتارىن سوزگە تارتتىق. سولاردىڭ ءبىرى – وڭتۇستىككورەيالىق يۋنگجۋن مۋن. «ەسىمىم Youngjiun Moon. وڭتۇستىك كورەيادا دۇنيەگە كەلدىم. ءقازىر استاناداعى QSI حالىقارالىق مەكتەبىندە وقيمىن. بۇگىنگى World Scholar’s Cup Global Round وتە قىزىقتى ءوتىپ جاتىر. ءارتۇرلى ەلدەردەن كەلگەن دوستارىمىزبەن باعا جەتپەس تاجىريبە الماسىپ، قىزىقتى داستۇرلەرمەن تانىسۋدامىز. ەڭ ۇناعانى – توپ بولىپ جۇمىس جاساۋ. ءدال ءقازىر فلەشموب ۇيىمداستىرىپ جاتىرمىز» دەدى 13 جاسار قاتىسۋشى.
وقۋشىلار اۆتوبۋستان تۇسە سالا توپ بولىپ سۋرەتكە ءتۇسىپ، قىزىقتى فلەشموبتار ۇيىمداستىرۋعا كىرىسىپ كەتتى. «World Scholar’s Cup-قا العاش رەت قاتىسىپ وتىرمىن. پاندەرگە دايىندالۋعا ۇزاق ۋاقىت كەتتى. باعدارلامالار كۇردەلى بولسا دا قىزىق. وزىمە ۇناپ جاتىر. قازاقستان وتە قوناقجاي ەل ەكەن. اۋا رايى دا تامىلجىپ تۇر» دەدى كەنيادان كەلگەن قاتىسۋشى اماني نجۋگۋنا.
تاعى ءبىر قاتىسۋشى اياۋلىم تۇكەنتەگى ­انگليادان كەلىپتى. «انگليادا دۇنيەگە كەلدىم. استاناداعى Haileybury حالىقارالىق مەكتەبىندە وقيمىن. بۇگىن نۇر-سۇلتان قالاسىنداعى World Scholar’s Cup Global Round 2019-عا قاتىسىپ جاتىرمىز. بۇل – بىزگە بەرىلگەن ۇلكەن مۇمكىندىك. سونىمەن قاتار، وسى جارىسقا قاتىسۋ ءۇشىن ۇزاق دايىندالدىق. كوپتەگەن ەلدەردەن دوس تاپتىق. بارلىق قاتىسۋشىلار ءۇشىن تاپتىرماس تاجىريبە دەپ ايتار ەدىم» دەدى 13 جاسار قاتىسۋشى.
وليمپيادانىڭ ەكىنشى كۇنى نۇر-سۇلتانداعى ءبىلىم وردا حقق-نا قاتىستى Spectrum حالىقارالىق مەكتەبىندە جالعاساتىن بولادى.


كەلۋ قاينارى: http://www.elarna.net/koru.php?tur=7&id=1021646

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


كۇرەس جاساۋ ىنتاسىن قاۋ 5 مينوت
تەننيس: ەلەنا رىباكينا 15 مينوت
جاپونياعا جول تۇسسە، نە 25 مينوت
اۆتونوميالى رايوندىق حا 25 مينوت
ارىستا رۇقساتسىز ۇشىرىل 27 مينوت
سەرىك يبراگيموۆ - سەنەم 30 مينوت
قپل: «توبىل» مەن «قايرا 1 ساعات
كليپتەر 1 ساعات
اقسۋ اۋماعىنىڭ ”ەكىدەن 1 ساعات
رىسبەك اتاش - ساناماق ء 1 ساعات
"جاڭا لاۋازىمعا ۇي 1 ساعات
ساكەن سەيفۋلليننىڭ مىنە 1 ساعات
بۋراباي مەن زەرەندىنى ج 1 ساعات
قورعاستا 20 نىسان ءبىر 1 ساعات
جانىبەك ءالىمحانۇلىنىڭ 1 ساعات
كوپتەگەن ەلدەر بالانىڭ 1 ساعات
قازاقستاندىق ۆاتەرپولشى 2 ساعات
گولوۆكين مەن "كانە 2 ساعات
دميتري بالاندين الەم چە 2 ساعات
22 شىلدە كۇنى قازاقستان 2 ساعات
ەلوردادا بوياۋلار مەرەك 2 ساعات
بالاندين توكيو وليمپياد 3 ساعات
ۇمىتىلا باستاعان ءداستۇ 3 ساعات
بۋرابايدا جەتكىنشەك سۋع 3 ساعات
پرەمەر-مينيستر «بىرگە – 3 ساعات
الماتى زووباعىنداعى ەڭ 3 ساعات
اقمولا وبلىسىنداعى 69 ە 3 ساعات
جامبىل وبلىسىندا جول اپ 3 ساعات
الماتى زووباعىنداعى ەڭ 3 ساعات
قايراتىمدى شىڭداعان مەت 3 ساعات