ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-102001851947 %53 %
2019-12-111970784544 %56 %
2019-12-1225248442 %58 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: اقجول تور ماقالالارى

جولدانعان ۋاقىتى: 01:00 - 2019/07/09

تۇرىكتەرگە قازاق كۇيىن تانىستىرعان جاپون جىگىتى – استانا اقشامى

الدا-جالدا جولىڭىز ءتۇسىپ ستامبۇلعا بارساڭىز، تاكسيم الاڭىنا سوقپاي كەتپەڭىز. وندا قازاق كۇيلەرى مەن اندەرىن تارتىپ وتىراتىن دومبىراشى جىگىت بار. قوس ىشەكتى قۇيقىلجىتا شەرتكەندە، ونىڭ جاپون ەكەنىنە سەنۋ قيىن.

قۇج-قۇج قايناعان ستامبۇل. ءوزىم سەكىلدى تۋريستەردىڭ ءجيى جۇ­رەتىن مەكەنى تاكسيم الاڭىن­دامىن. سيميت پەن كوفە ءيىسى اڭ­قى­عان اۋانى قۇمارلانا جۇتىپ جاي­باراقات كەلە جاتقانمىن. كەنەت قۇلاعىما سونداي تانىس قوڭىر ءۇن كەلدى. دومبىرانىڭ ءۇنى! وزگە ەلدە قۇددى ءبىر باۋى­رىمدى تاپقانداي جۇرەگىم اتقاقتاپ قويا بەردى. داۋىس شىق­قان جاققا جەتكەنشە اسىق­تىم. دومبىراشىنىڭ ءوزىن دە تاپتىم-­اۋ. بىر-ەكى اۋىز سوزگە تار­تىپ كورسەم، الگى جىگىتىم جاپون بولىپ شىقتى. ول ءوزىن اكيرا تاكەگۋچي دەپ تانىستىردى. جاپونيا­داعى كاناگاۆا وبلىسىنا قاراس­تى كاۆاساكي قالاسىنان ەكەن.
– مۋزىكاعا دەگەن قىزىعۋشى­لىعىم ون ەكى جاسىمدا وياندى. ءجاسوسپىرىم كەزىمدە ەلەكترلى گيتا­راعا، كەيىننەن فلامەنكو گيتا­راعا قىزىقتىم. ودان سوڭ ورتا ازياداعى مۋزىكالىق اسپاپ­تارعا اڭسارىم اۋدى. وسى سالانى تۇبەگەيلى زەرتتەمەك بولىپ ۋنيۆەرسيتەتكە تۇسەردە دە مۋزىكانى، دالىرەك ايتسام، ەتنوستىق مۋزىكا ماماندىعىن تاڭدادىم. ۋنيۆەرسيتەتتە وقىپ جۇرگەنىمدە ۋدتا ويناۋدى ۇيرەندىم، ول – تۇرىكتەردىڭ ۇلتتىق مۋزىكالىق اسپابى. وقۋىمدى اياقتاعان سوڭ، ونەرىمدى ءارى قاراي جەتىلدىرمەك بولىپ ستامبۇلعا كەلدىم. بۇل مەنىڭ تۇركياعا جاساعان العاشقى ساپارىم ەدى، – دەيدى جاپون جىگىت.
باستاپقىدا ستامبۇلدا ءۇش ايداي وقىپ، سوسىن ەلىنە قايت­قان اكيرا كافە-بارلاردا ۋدتا ويناپ، ءناپاقا تاۋىپ ءجۇرىپتى. الايدا ءوز ومىرىنە قاناعاتتانباعان ول ءناسىبىن وزگە ەلدەن ىزدەمەكشى بولىپ، قايتادان تۇركياعا اتتانادى. دومبىرامەن تانىستىعى دا سول شاقتاردا باستالسا كەرەك.
– 2016 جىل ەدى. مەن انكارادا جۇرگەنىمدە، اكدەنيز اتتى نوعايدىڭ ءانشى جىگىتىمەن تانىستىم. دومبىرانى دا ومىردە تۇڭعىش رەت سونىڭ قولىنان كورگەن ەدىم. وعان دەيىن 2011 جىلى تەلەديداردان قازاقستاننىڭ تاريحىنا قاتىستى دەرەكتى ءفيلم­دى تاماشالاعانىمدا دومبىرا جايلى اقپاراتتى ەستىگەنىم بار. اكدەنيزبەن تانىستىعىمنان سوڭ دومبىرانى ۇيرەنە باستادىم، – دەپ ەسكە الدى ول سول كەزدى.
وعان كۇي شەرتۋدى تۇركيادا تۇراتىن قازاق جىگىت ۇيرەتىپتى. بۇگىندە اكيرا ون التى كۇيدى جاتقا بىلەدى. ونىڭ ىشىندە «اداي»، «بالبىراۋىن»، «كوروعلى» سەكىلدى بەلگىلى تۋىندىلار بار. كۇي تارتىپ وتىرعاندا، مۇنى ىزدەپ كەلەتىن قازاقتار كوپ ەكەن. ولاردىڭ كەيبىرى سونداعى جەرگىلىكتى تۇرعىندار بولسا، كەيبىرى قازاقستاندىق تۋريستەر كورىنەدى.
– دومبىرانى ۇيرەنگەن سوڭ، قازاقتىڭ ءسالت-داستۇرى مەن تاريحىنا دا ازداپ كوز جۇگىرتە باستادىم. ماعان بارىنەن بۇرىن سىزدەردىڭ ءوز شىققان تەكتەرى­ڭىز­بەن ماقتاناتىندارىڭىز، وزدەرىڭىزدى بار كۇيلەرىڭىزدە قابىلدايتىندارىڭىز ۇنايدى. جاپوندارعا وسى قاسيەت جەتىسپەيدى. مىسالى، جاپوننىڭ زاماناۋي كەيىپكەرلەرىن كورە قالساڭىز، شاشتارى اق سارى، كوزدەرى ۇلكەن، ءبىر سوزبەن ايتساق، ءتۇر-تۇلعاسى – اۋماعان ەۋروپالىق ادامداردىكى. مەنىڭشە، ءوزىڭنىڭ ازيات ەكەنىڭنەن قاشۋ، ونى ۇمىتۋعا تىرىسۋ – وتە ۇلكەن قاتەلىك. وسى تۇستا مەن سىزدەردەن ۇلگى العىم كەلەدى، – دەدى اكيرا.
ايتپاقشى، اكيرا بىلتىر الماتىعا قوناق بولىپ قايتىپتى. قازاقستاننىڭ حالقىن دا، اسىن دا، تابيعاتىن دا ۇناتقان ول ءبىزدىڭ ەلدىڭ بالقان تۇبەگىندە ورنالاسقان كەيبىر مەملەكەتتەرمەن ۇقساستىعىن بايقاپتى. جاپون جىگىتتىڭ ايتۋىنشا، الماتىدا دا بەلگراد، سوفيا، سكوپە سەكىلدى قالالارعا ءتان اتموسفەرا ساقتالعان. الداعى ۋاقىتتا جولى تۇسسە ەلورداعا دا كەلەر، بالكىم.


كەلۋ قاينارى: http://www.elarna.net/koru.php?tur=7&id=1020752

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى