ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-191340442541 %59 %
2019-09-2010832600477 %23 %
2019-09-21529191842 %58 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ىلە ايماعى اقپاراتتارى

جولدانعان ۋاقىتى: 11:20 - 2018/12/17

سارقامىس قىستاعى: كوپ نەگىزدى شارۋاشىلىق كىرىستىڭ ارتۋىن جەبەدى

  

ءتىلشىمىز جاڭ تيڭ

 

    جاۋعان قاردان كەيىن تاڭەرتەڭ كۇن شايداي اشىلدى، التاي قالاسى قىزىلتاس قالاشىعى سارقامىس قىستاعى مەيىرلى كۇننىڭ شۇلەن شۇعىلاسىنا شومىلعان، اينالا تىپ - تىنىش، كوركەم.

    رەفورما جاساپ، ەسىك اشقاننان بەرى، اسىرەسە، پارتيا 18 - قۇرىلتايىنان بەرى، سارقامىس قىستاعىنىڭ بەت - بەينەسىندە وراسان زور وزگەرىس تۋىلىپ، نەگىزدىك قۇرىلعىلار ۇزدىكسىز كەمەلدەنىپ، قىستاق تۇرعىندارىنىڭ تۇرمىسى بارعان سايىن جاقسارىپ، اۋىل - قىستاقتى گۇلدەندىرۋ جولىنا ءتۇستى.

    12 - ايدىڭ 5 - كۇنى تاڭەرتەڭ ەرتە 50 جاستاعى ساعىم ەرشىكەن قىزى ءوز ءۇيىنىڭ ساڭىراۋقۇلاق ءوسىرۋ بولمەسىندە قاربالاس جۇمىسقا كىرىستى. 40 شارشى مەترلىك شاعىن ۇيدە ساڭىراۋقۇلاق سورەلەرىنە تىزىلگەن ساڭىراۋقۇلاق تاياقشالارىنان ۇلكەندى - كىشىلى ساڭىراۋقۇلاقتار ءوسىپ شىعىپتى. ساعىم ىڭىلداپ ءان ايتا ءجۇرىپ، ساڭىراۋقۇلاق تەرىپ، انە - مىنە دەگەنشە شارباعىنا 2 − 3 كيلوگرام ساڭىراۋقۇلاق تەرىپ الدى. «كەشكە قاراي تاعى ءبىر رەت جيىپ الامىن. ەرتەڭ تاڭەرتەڭ ءبىر سەرىكتەستىكتەن ادام كەلىپ، ساتىپ الىپ كەتەدى»، - دەدى ساعىم.

    ساڭىراۋقۇلاق ءوسىرۋ ساعىمنىڭ كۇندەلىكتى حارەكەتىنىڭ ءبىر بولىگى عانا. جايشىلىقتا ول ۇيىندە جەمىس توسابىن، ءسۇت ونىمدەرىن جاساپ، تاپسىرىسپەن ساتادى، بۇنىڭ بارلىعى ونىڭ اۋلاسىنداعى 8 فىن جەردىڭ ارقاسى. 8 فىن جەرىنەن جىلىنا ساعىم وتباسى 20 − 30 مىڭ يۋان كىرىس كىرگىزدى.

    «2013 - جىلدان باستاپ مەن اۋلاعا كوكونىس، جەمىس، بۇلدىرگەن، ورىك، الما سياقتىلار ەگىپ، جەمىس توسابىن جاسادىم. بيىل اۋلاعا تاعى 50 تاۋىق باعىپ، ونى 5000 يۋانعا ساتتىم»، - دەيدى ساعىم كۇلىمسىرەي.

    سارقامىس قىستاعى كورىكتى اۋىل - قىستاق قۇرىلىسىن زور كۇشپەن دامىتىپ، بيىل جول شامدارىن ورناتۋ، داۋالداردى اكتەۋ، جولداردى كورىكتەندىرۋ، جاسىلداندىرۋ جۇمىستارىن ورىنداپ، قىستاق تۇرعىندارىنىڭ ءوندىرىس، تۇرمىس شارت - جاعدايىن شىنايى جاقسارتتى. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى مەن قىستاق «ەكى كوميتەتىنىڭ» ىنتالاندىرۋىندا، نيەتتى قىستاق تۇرعىندارى شارۋالار ساياجايىن اشىپ، اۋىل - قىستاق ساياحاتىمەن شۇعىلداندى.

    وسى كۇنى تۇستە قىستاق تۇرعىنى بەكزات مامىربەك ۇلى اشقان شارۋالار ساياجايى تاعى ءبىر توپ ساياحاتشىنى قارسى الدى. ادال ساۋدا جۇرگىزۋدىڭ جانە ەل اۋزىنداعى جاقسى اتىنىڭ ارقاسىندا، قىستىڭ وزىندە دە ونىڭ ساۋداسى جاقسى ءجۇردى.



    2017 - جىلى 8 - ايدا ول 300 مىڭ يۋان قارجى سالىپ، اۋلاسىن شارۋالار ساياجايىنا وزگەرتىپ، قاراعاي، تەرەك، الما، قاراقات سياقتىلاردى ەگىپ، ءۇي قۇستارىن باقتى. «التاي قالاسىنان تاڭبالى كولى كورىنىس وڭىرىنە باراتىندار ءبىزدىڭ قىستاقتىڭ جانىنان وتەدى، ساياحاتشىلار ءبىزدىڭ وسى اراعا كەلىپ تاماقتانىپ، تىنىعا الادى»، - دەيدى بەكزات. كەلەر جىلى ول قوناق ءۇي اشىپ، ساياحاتشىلاردىڭ قونىپ جاتۋىنا مۇمكىندىك جاساماق ەكەن.

    قازىر قىستاقتا شارۋالار ساياجايىنان بەسەۋى بار، كەلەر جىلى جاڭادان بەسەۋى سالىنباقشى. اۋىل - قىستاق ساياحاتى قىستاق تۇرعىندارى كىرىسىنىڭ جاڭا ارتۋ تۇيىنىنە اينالۋدا.

    باعىمشىلىق قىستاق تۇرعىندارىنىڭ تاعى ءبىر كىرىس كوزى.

    «بۇل جەردىڭ سيىر ءسۇتى ساپالى، ءدامدى، التاي قالاسى وڭىرىندە ساتىلاتىن ءسۇتتى نەگىزىنەن وسى ارا قامدايدى. بۇرىن قىستاقتاعى جاستار ۆەلوسيپەدپەن، موتوتسيكلمەن قالا رايونىنا ءسۇت جەتكىزەتىن. قازىر كولەمدەنگەن باعىمشىلىق جۇزەگە اسقاننان كەيىن ءبىز توڭىرەگىمىزدەگى كاسىپورىندارمەن تاپسىرىسقا قول قويىستىق، ەندىگارى ءسۇت ساتۋدان الاڭدامايتىن بولدىق»، - دەيدى كۇرەس ءالي.

    سارقامىس قىستاعى نيدەرلاند قارالا سيىرىن ەنگىزىپ، وسى قىستاقتىڭ سيىر تۇقىمىن اسىلداندىردى، قازىر قىستاقتا 874 اسىل تۇقىمدى سيىر بار، قىستاق كۇنىنە 4 تونناداي ءسۇت وندىرەدى، جىلدىق كىرىسى 4 ميلليون 100 مىڭ يۋانعا جەتەدى.

    كولەمدەنگەن باعىمشىلىق جۇزەگە اسقاننان كەيىن قىستاق تۇرعىندارى ۇجىمداسىپ دامىدى. كۇرەس قازىر 4 قىستاق تۇرعىنىنىڭ وزىمەن سەلبەستىك جاساسقانىن، ءوزىنىڭ ءار كۇنى ءسۇت جيناۋعا جاۋاپتى ەكەنىن ءارى ءسۇتتى ءبىر تۇتاس ءسۇت ساتىپ الاتىن كاسىپورىندارعا جەتكىزىپ بەرەتىندىگىن، بىلتىر وتباسى كىرىسىنىڭ 150 مىڭ يۋانعا جەتكەندىگىن ايتتى.

    مۇنان سىرت، سوڭعى جىلدارى قىستاقتىڭ باعىمشىلىق كاسىپتىك سەلبەستىك كووپەراتيۆىنىڭ كولەمى ۇزدىكسىز زورايىپ، كوپتەگەن قىستاق تۇرعىندارىن قابىلدادى. بىنبىن مال شارۋاشىلىق كاسىپتىك كووپەراتيۆىندە ءجۇز نەشە سيىر كۇن شۋاقتا كۇيىس قايتارىپ تۇر. بۇل ارادا جەم ارالاستىرۋدان، جەم بەرۋدەن تارتىپ سيىر قورانى تازالاۋعا دەيىن نەگىزىنەن ماشينالاسقان. جەرگىلىكتى ورىننىڭ باعىمشىلىعىنىڭ اقاۋسىز دامۋىن ىلگەرىلەتۋ، ەگىنشى - مالشىلاردىڭ كىرىسىن ارتتىرۋدى جەبەۋ ءۇشىن، بۇل سەلبەستىك كووپەراتيۆ ءداستۇرلى باعىمشىلىق تاسىلىنە بۇرىلىس جاساۋدى قامال الۋ ءتۇيىنى، ۇلگى كورسەتەتىن وتباسىلارىن جەتىلدىرۋدى ءتۇيىن ەتىپ، ارناعا تۇسكەن جەم - ءشوپ بەرۋ ولشەمىن اتقارىپ، باعىمشىلىقتان ۇلگى كورسەتەتىن قىستاق قۇرىلىسىن بىرتىندەپ ىلگەرىلەتتى.


جاۋاپتى رەداكتور: گۇلدەن ماقسات قىزى

كەلۋ قاينارى: http://www.elarna.net/koru.php?tur=62&id=918229

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


الماتىدا 180 ءدىني بىرل 5 مينوت
ءدىن ماماندارى قوعامدىق 11 مينوت
قانتتىڭ ادام اعزاسىنا ت 23 مينوت
الەم چەمپيوناتى: الىشەر 29 مينوت
باتىس قازاقستاندا كۇن س 1 ساعات
الەمنىڭ 2000 قالاسىندا 1 ساعات
中国哈萨克语广播网 1 ساعات
ەركىن كۇرەستەن تاعى ءبى 1 ساعات
اقتوتى رايىمقۇلوۆا بولا 1 ساعات
قاسىم-جومارت توقاەۆ ىسس 1 ساعات
اقش تاياۋ شىعىسقا قوسىم 1 ساعات
عاسىر سوڭىندا جەردەگى ا 1 ساعات
اتىراۋدا جاياۋ جۇرگىنشى 1 ساعات
ساۋد ارابياسى يەمەندەگى 1 ساعات
中国哈萨克语广播网 1 ساعات
يزرايلدە «اقىلدى جاعاجا 1 ساعات
العاش رەت ورازا ۇستايتى 2 ساعات
وسى ارانى باسىپ كورىڭىز 2 ساعات
الماتىدا 17 كونفەسسيا م 2 ساعات
شامالعانداعى اپات: بالا 2 ساعات
وسى ارانى باسىپ كورىڭىز 2 ساعات
中国哈萨克语广播网 2 ساعات
قاسىم-جومارت توقاەۆ اقش 2 ساعات
اقتاۋلىق كارديوحيرۋرگتا 2 ساعات
51 ايماققا 2 مىڭنان است 2 ساعات
شامالعانداعى پويىز اپات 2 ساعات
ەلوردا مەشىتتەرىندە سەن 2 ساعات
وسى ارانى باسىپ كورىڭىز 2 ساعات
قر پرەزيدەنتى ءبىرقاتار 2 ساعات
ءسىم ەرەكشە تاپسىرمالار 2 ساعات