ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-15442152155 %45 %
2019-06-16464218247 %53 %
2019-06-17400115954 %46 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ىلە ايماعى اقپاراتتارى

جولدانعان ۋاقىتى: 16:00 - 2018/12/15

قالاداعى جالعىز باقشادان جالپى باقشاعا دەيىن...

    حوۋ شو (ءوز ءتىلشىمىز)

    

    12 – ايدىڭ 8 – كۇنى ءتىلشى 1978 – جىلى تۇسىرىلگەن قۇلجا حالىق باقشاسىنىڭ كونە سۋرەتىن كورىپ، سول كەزدەگى كوپ ادامنىڭ كوكەيىندە قالعان وتكەن كۇن ەلەستەرىن ەلەستەتكەندەي بولدى...

    40 جىلدىڭ بەلەسىنە شىققان، كەزىندە ىلەلىكتەر «باتىس باقشا» دەپ اتاعان قۇلجا قالالىق حالىق باقشاسىنىڭ بۇل كۇندەرى كولەمى، نەگىزدىك قۇرىلعى قۇرىلىسى، باۋ – باقشامەن كومكەرىلۋى جاعىنداعى وزگەرىسى وزگەشە. قۇلجا قالاسى دا كەزىندەگى جالعىز باقشاعا قوش ايتىپ، كوپكە قۋانىش سيلاعان كوپ باقشاسىمەن كوزدىڭ جاۋىن الۋدا.

    ۇعىسۋعا قاراعاندا، بۇل كۇندەرى قۇلجا قالاسىندا حالىق باقشاسى، حالىق الاڭى باقشاسى، دەنەتاربيە باقشاسى سىندى باقشا ورنى 13 كە جەتىپ، مۇنىڭ 12 سى قالا حالقىنىڭ پايدالانۋىنا بەرىلسە، ال بىرەۋى سالىنۋ ۇستىندە ەكەن.

    بيىل 70 جاسقا كەلگەن ۋاڭ مينبين بالا كەزىنەن فوتو سۋرەت تارتۋعا اۋەستەنىپ، ىلەنىڭ دامۋى مەن وزگەرىستەرىن بەينەلەيتىن كوپ سۋرەتتەردى تارتقان ەدى. ءتىلشىنىڭ نازارىن بۇرعان باعاناعى سۋرەت ونىڭ 1978 – جىلى باقشاداعى كولشىك بويىندا تارتقان تۋىندىسى ەدى.

    1954 – جىلدان باستاپ ۋاڭ مينبين «باتىس باقشاداعى» ەسكى اۋلادا تۇراتىن. ونىڭ اكەسى 1954 – جىلى نە ءبارى 700 يۋانعا ورىس ۇلگىسىندە سالىنعان جەكەنىڭ وسى قورا – جايىن ساتىپ العان بولاتىن. ءۇش رەتكى رەمونتتاۋ جانە وزگەرتىپ جاساۋمەن بۇل قورا – جايدىڭ اۋەلگى ۇلگىسى بۇكىلدەي وزگەرىپتى.

    «باتىس باقشاداعى» وزگەرىس پەن قۇلجا قالاسىنىڭ قالا قۇرىلىسىنداعى دامۋشىلىقتاردى، وزگەرىستەردى تىلگە الساق، ۋاڭ مينبين وسىعان ايعاق بولاتىن كونە كوزدەردىڭ ءبىرى سانالادى. ونىڭ ايتۋىنشا، وتكەن عاسىردىڭ 70 – ، 80 – جىلدارى «باتىس باقشا» قۇلجا قالاسىنداعى بىردەن – ءبىر باقشا ەدى. بۇل باقشا 1936 – جىلى 8 – ايدا جاسالىپ، «ىلەنىڭ تۇڭعىش الەۋمەتتىك باقشاسى» دەپ كوپشىلىككە ەسىگىن ايقارا اشقان – دى. سول كەزدەرى «شيساحىزى باقشاسى» دەپ اتالسا، 1974 – جىلعا كەلگەندە «حالىق باقشاسى» اتالىپتى. 1978 – جىلى باقشادان ءبىر جۇپ تاس ارىستان قازىپ الىنپ، ولاردىڭ ءمۇسىنىن باقشاداعى باس كوپىردە كورگىزبەگە قويعان ەكەن. ۋاڭ مينبيننىڭ ايتۋىنشا، حالىق باقشاسى قۇلجا قالاسىنداعى ەڭ العاشقى باقشا ەسەپتەلىپ، رەفورما جاساپ، ەسىك اشقاننان بەرگى قالا حالقىنىڭ تاماشا تۇرمىس پەن باقىتقا دەگەن تالپىنىسىن ايگىلەۋمەن بىرگە، قالا حالقىنىڭ وتكەنگى تاماشا ەستەمەسىن مەنمۇندالاتىپ تۇرعانداي.



    ۋاڭ مينبين بىلاي دەدى: «20 – عاسىردىڭ 60 –، 70 – جىلدارى كوپشىلىكتىڭ ءبارى دە باقشادا سەرۋەندەۋدى ۇناتاتىن، ول كەزدە باقشا ورتالىعىندا ۇلكەن كولشىك بار بولاتىن». 20 – عاسىردىڭ 80 – ،90 – جىلدارى حالىق باقشاسى نەگىزىنەن بالالاردىڭ بارعىسى كەلەتىن، اسىر سالاتىن دۋماندى ورنىنا اينالعان. 1982 – جىلعا كەلگەندە حالىق باقشاسىنىڭ ىشىنەن 15 مۋ اۋماقتى يەلەگەن بالالار وينايتىن، سەرۋەندەيتىن ءوڭىر قۇرىلۋمەن بىرگە، 1983 – جىلدان باستاپ لانجوۋ، شاڭحاي سياقتى قالالاردان بالالار قىزىعاتىن ەلەكتروندى ماشينا، ويىنشىق ايروپلان سياقتى قۇرىلعىلار ىلگەرىندى – كەيىندى ەنگىزىلىپ، بالالاردىڭ وسى ارادا تاماشا ەستەلىكتەر قالدىرۋىنا مۇمكىندىكتەر جاسالىپتى.

    «ول كەزدەگى قۇلجالىقتاردىڭ ۇيىندەگى كونە سۋرەتتەردىڭ دەنى وسى باقشادا تارتىلعان سۋرەتتەر ەدى»، – دەيدى ۋاڭ مينبين. ولاردىڭ كورشىسى چى گوچاڭ دا سول كەزدە حالىق باقشاسىنان سۋرەتكە تارتۋ ورنىن اشىپ، ساۋداسى دا كۇسەت بولعانداردىڭ ءبىرى ەكەن.

    21 – عاسىرعا قادام تاستاعالى بەرى قۇلجا قالاسىنىڭ قالا قۇرىلىسىندا وراسان زور وزگەرىستەر جارىققا شىقتى. حالىق باقشاسىنىڭ قۇرىلعى قۇرىلىسى، كوگالدانۋ جاقتارى دامۋعا ساي كەنجەلىك تانىتا باستادى. مۇنى كوزدە ۇستاعان جەرگىلىكتى ۇكىمەت 2012 – جىلدان باستاپ حالىق باقشاسىنىڭ ەكولوگيالىق ورتاسىن جاقسارتۋ ءۇشىن كورىنىس وڭىرلەرى مەن جاسىل جامىلعى جاعىنداعى قۇرىلعى قۇرىلىسىن كەمەلدەندىرە ءتۇستى. باقشانىڭ كىرەر اۋزىنداعى الاڭ، دەمالۋ ورنى، شىنىعۋ ورنى، گۇلدەردى تاماشالاۋ ءوڭىرى جانە وتانشىلدىق تاربيە بازاسى سىندى بەس يقۋاتتى ءوڭىردى قالىپتاستىرىپ، كورىنىسى كوركەم، جاسىل جامىلعىلى، سەيىل – سەرۋەن قۇرۋعا قولايلى ۋنيۆەرسالدى باقشاعا اينالدىردى.

    جاقىنعى جىلداردان بەرى ادامدار تابيعاتپەن جاراسىمدىلىقتى، دوستىقتى ساقتاي بىلگەندە عانا كوركەم دە جايلى تۇرمىس ورتاسىنا يە بولاتىندىقتارىن تۇسىنە باستادى. قۇلجا قالاسى ەكولوگيالى، قونىستانۋعا قولايلى قالا قۇرۋعا ۇمتىلىپ، ەكولوگيالى باقشا، جاسىلدانعان كوشە قۇرۋدى نەگىز، شاعىن سەرۋەندەۋ ورىندارى مەن جاسىل جامىلعىلى اۋلا قۇرۋدى قوسىمشا ەتكەن قالانىڭ باۋ – باقشالانۋ قۇرىلىسىن جەبەدى. قازىر قۇلجا قالاسىندا حالىق باقشاسىن نەگىز ەتكەن باقشا سانى 13 كە، ۇلكەندى – كىشىلى سەيىل – سەرۋەن قۇراتىن ءوڭىر 33 كە جەتىپ، قالا حالقىنىڭ سەيىل – سەرۋەن قۇرۋىنا، دەمالۋىنا، ءلاززات الۋىنا اناعۇرلىم مول مۇمكىندىكتەر جاسالدى. ەكولوگيالىق ورتا ۇزدىكسز جاقسارتىلعان جانە قورعالعاندىقتان، وسى وڭىردەگى مەملەكەت دارەجەلى قورعالاتىن حايۋاناتتار مەن قۇستار شوعىرى مولايىپ، تاماشا جاراسىمدىلىق تاپتى.

    كوز ايىم بولار كوركەم كورىنىس، دۋماندى دەنە شىنىقتىرۋ مەن اسەم ءبي، شاتتىققا تولى كۇلكى قۇلجا قالاسى باقشالارىنىڭ سالتاناتىن، باۋراۋ قۋاتىن ءتىپتى دە اسىرا تۇسكەندەي...

    مىنە، بۇل كورىنىستەر قۇلجا قالاسىنىڭ رەفورما جاساپ، ەسىك اشقان 40 جىلدان بەرگى وزگەرىسى مەن دامۋىنان تاماشا سىر اعىتىپ تۇرعانىنىڭ ايقىن كۋاسى ىسپەتتى.


 
 
 


 
 
 


 
 
جوعارىداعى رەڭسىز سۋرەتتەر 70 –، 80 – جىلدارداعى قۇلجا قالاسىنىڭ حالىق باقشاسىنىڭ كورىنىسى. ۋاڭ مينبين فوتوسى
 


 
 
ىلە وزەنى كورىنىس باقشاسى حوۋ شو فوتوسى
 


 
 
قۇلجا قالاسى سازدىق باقشاسى ليۋ چىڭگاڭ فوتوسى
 


 
 
قازىرگى قۇلجا قالاسىنىڭ حالىق باقشاسى ۋاڭ مينبين فوتوسى
 


 
 
كىشكەنە كوپىر ليۋ چىڭگاڭ فوتوسى
 


 
 
سەيىلدەۋ ليۋ چىڭگاڭ فوتوسى
 


 
 
حانبيڭ باقشاسى ليۋ چىڭگاڭ فوتوسى
 


 
 
باقشا ىشىندەگى كولەمدى گۇل شوعىرى ليۋ چىڭگاڭ فوتوسى
 


جاۋاپتى رەداكتور: جازيرا بولاتباي قىزى

كەلۋ قاينارى: http://www.elarna.net/koru.php?tur=62&id=917608

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


قر ەكولوگيا، گەولوگيا ج 4 مينوت
كىتاپحاناشىسى جوق كىتاپ 6 مينوت
17 مىڭنان استام شىمكەنت 6 مينوت
قازاقستاندا جاڭادان ەكى 6 مينوت
تاتۋلىق – تابىلماس باقى 7 مينوت
«وتقا ماي قۇيۋ» جورالعى 7 مينوت
قازاق كۇرەسى بويىنشا ەل 7 مينوت
ايماقتىق 2 تولىق ورتا م 7 مينوت
تاس جولدى قىرمانعا اينا 7 مينوت
شي جينپيڭ ساۋلە گازەتىن 7 مينوت
تۇركىستاندىق پوليتسەيلە 7 مينوت
باقىت سۇلتانوۆ ساۋدا ج 10 مينوت
«بايتەرەك» حولدينگى مەن 16 مينوت
ءجانناتقا جەتەلەيتىن ام 22 مينوت
مادەنيەت جانە سپورت ءمي 22 مينوت
ارناۋلى سۇحبات: وڭىرلىك 27 مينوت
ەلىمىزدىڭ باس مەشىتىندە 27 مينوت
شي جينپيڭنىڭ جاڭا ءداۋى 27 مينوت
اۋىل ـ قىستاق ايەلدەرى 27 مينوت
شۇعىل جاعدايعا توتەپ بە 27 مينوت
جاڭاوزەن قالاسىنىڭ جاست 27 مينوت
سينوپتيكتەر ەلوردادا جا 28 مينوت
نۇر-سۇلتاندا 42 قاباتتى 1 ساعات
ابزال نۇكەنوۆ: ۇلتتىق 1 ساعات
اقتوتى رايىمقۇلوۆا مادە 1 ساعات
بوكەي ورداسىنداعى يسلام 1 ساعات
2021-2022 وقۋ جىلى: قاز 1 ساعات
مەكتەپ اۋلاسى «دوۋيىن» 1 ساعات
ارىستانبەك مۇحامەديۇلى 1 ساعات
«تاجىكستان مەن جۇڭگونىڭ 1 ساعات