ءتۇرى: قازاق گازەتتەرى
جولدانعان ۋاقىتى: 16:57 - 2020/08/13
وبلىس اكىمى گۇلشارا ءابدىقالىقوۆا «بايتەرەك» تۇرعىن اۋدانىنداعى 600 ورىندىق مەكتەپتىڭ قۇرىلىس جۇمىستارىن كورىپ، جاڭا مەكتەپتىڭ كىرپىشىن قالاۋ جۇمىستارىنا اتسالىستى. شاراعا قر پارلامەنتى ءماجىلىسىنىڭ دەپۋتاتتارى بالايىم كەسەباەۆا مەن ناتاليا جۇمادىلداەۆا قاتىستى.
وبلىس اكىمى مەكتەپ قۇرىلىسىنىڭ جۇمىسىن باقىلاپ، ءبىلىم وشاعىنىڭ زاماناۋي تۇردە ىسكە اسىپ، وقۋشىلاردىڭ يگىلىگىنە باعىتتالۋى قاجەتتىگىن اتاپ ءوتتى.
4 جىل بۇرىن قىزىلوردا-جەزقازعان تراسساسىنىڭ بويىنان 6600 وتباسىنا ارنالعان «بايتەرەك» شاعىن مولتەك اۋدانى اشىلعان. بۇگىندە مولتەك اۋدانىندا 70 وتباسى قونىستانسا، اتالعان وتباسىلاردىڭ مەكتەپ جاسىنداعى وقۋشىلارى قالا ورتالىعىنداعى مەكتەپتەرگە قاتىناپ ءبىلىم الۋدا. وسىعان وراي 600 ورىندىق مەكتەپتىڭ قۇرىلىسىن سالۋدا جوبالىق-سمەتالىق قۇجاتتارعا سايكەس جۇمىستار باستالىپ كەتتى.
مەكتەپ 2020-2021 جىلدارعا ارنالعان جۇمىسپەن قامتۋدىڭ جول كارتاسى اياسىندا ىسكە اسۋدا. ءبىلىم وشاعىن سالۋعا 1،2 ملرد.تەڭگە قارجى بولىنگەن. جاڭا مەكتەپ جىل اياعىنا دەيىن پايدالانۋعا بەرىلمەك.
الداعى 3 جىلدىڭ جوسپارىنا سايكەس «بايتەرەك» شاعىن مولتەك اۋدانىندا مەكتەپ جاسىنداعى وقۋشىلار سانى 1500-گە جۋىق بولادى دەپ جوسپارلانۋدا. جاڭا مەكتەپ ورىن تاپشىلىعى ماسەلەسىن شەشەدى.
شارادا ءبىلىم سالاسىنىڭ ارداگەرى مىلتىقباي بايمبەتوۆ «جاڭا ءبىلىم ۇياسى ەلگە بەلگىلى ازاماتتاردىڭ تۇلەپ ۇشاتىن وزىق وقۋ ورداسىنا اينالادى» دەپ باتا بەردى.
ايتا كەتەيىك، قازىرگى تاڭدا وبلىستا 8 مەكتەپتىڭ قۇرىلىسى جۇرگىزىلۋدە. وقۋ جىلىنا قىزىلوردا قالاسىنان جانە جالاعاش اۋدانىنان 2 مەكتەپ قۇرىلىسى پايدالانۋعا بەرىلەدى دەپ جوسپارلانۋدا. سونىمەن قاتار، 4 مەكتەپتىڭ قۇرىلىسى جۇرگىزىلۋدە. ونىڭ ىشىندە ارال اۋدانى، سەكسەۋىل كەنتىندەگى 300 ورىندىق مەكتەپ جىل سوڭىندا اياقتالماق.
5
