الماتى پوليتسيا دەپارتامەنتى تىكۇشاقتاردىڭ نەلىكتەن قالا ۇستىمەن ۇشىپ جۇرگەنىن ءتۇسىندىردى. قۇقىق قورعاۋشىلار قالا جولدارىنداعى جاعدايدى باقىلاۋ ماقساتىندا اۋەدەن پاترۋلدەۋدى قايتا باستادى، دەپ حابارلادى Polisia.kz.

سونىمەن قاتار، پوليتسيا وسىلايشا كەپتەلىس بولىپ جاتقان قيىلىستاردى انىقتاپ، ول ۋچاسكەلەرگە جول قوزعالىسىن رەتتەگىشتەردى جىبەرەدى.

الماتى پوليتسيا دەپارتامەنتىنىڭ باستىعى قانات تايمەردەنوۆتىڭ ايتۋىنشا، سوڭعى جىلدارى قالادا كوشە مەن ماگيسترالدەردە كولىك اعىندارىنىڭ جيىلىگى ەداۋىر ارتقان، وسى سەبەپتى پوليتسيا جول قوزعالىسىن ۇيىمداستىرۋدى جەتىلدىرۋ شارالارىن قابىلداپ جاتىر.

12 تامىزدان باستاپ قالالىق توتەنشە جاعدايلار دەپارتامەنتىنىڭ تىكۇشاقتارى الماتىنى ارالاپ ۇشىپ جاتىر. اۋەدەن پاترۋلدەۋگە اكىمشىلىك پوليتسيا جانە جەرگىلىكتى پوليتسيا قىزمەتىنىڭ باسشىلارى جۇمىلدىرىلدى، ولار جولداعى جاعدايعا تالداۋ جاسايدى.

ونلاين پاترۋلدەۋ رەجيمىندە ەكيپاجدارعا كولىك قوزعالىسى قيىنداعان ۋچاسكەلەر تۋرالى وزەكتى اقپارات ۇسىنىلادى.

فوتو: دوسجان بالابەكۇلى