10-11 تامىزدا قازاقستان حالقى اسسامبلەياسى «اباي كۇنى» جانە ۇلى اقىننىڭ 175 جىلدىق مەرەيتويىنا وراي رەسپۋبليكالىق دەڭگەيدە ونلاين پوەزيا فەستيۆالىن ۇيىمداستىردى.

ەتنومادەني بىرلەستىكتەر اراسىندا ۇلى اعارتۋشىنىڭ شىعارماشىلىعىن ناسيحاتتاپ، قازاق ءتىلىنىڭ قولدانىس اياسىن كەڭەيتۋ، ەلىمىزدەگى تۇراقتىلىق پەن بىرلىكتى پاش ەتۋگە ارنالعان پوەزيا فەستيۆالىنە باستاپقىدا مەملەكەتتىك ءتىلدى ەركىن مەڭگەرگەن 175 ەتنوس وكىلىن قاتىستىرۋ كوزدەلگەن بولاتىن. ولارعاقازاق تىلىندە175 ولەڭىن وقىپ، الەۋمەتتىك جەلىدە ءتۇرلى فورماتتا بەينەتۇسىرىلىم جاريالاۋ مىندەتتەلگەن ەدى.  الايدا 130 دان استام ۇلت وكىلدەرىنىڭ اقىنعا دەگەن ەرەكشە قۇرمەتى مەن ءىلتيپاتى بۇل مەجەدەن اسىپ ءتۇستى.

ناتيجەسىندە  قحا ءباسپاسوز قىزمەتىنە 705 بەينەروليك كەلىپ ءتۇستى. ونىڭ ىشىندە 521 قاتىسۋشى اقىن ولەڭدەرى مەن اۋدارمالارىن قازاق تىلىندە اسقاقتاتسا، ء127-سى باسقا تىلدەردە ايشىقتاۋعا تىرىستى. 126ونەرپاز  اباي اندەرىن شىرقاپ، قارا سوزدەرىن ناقىشىنا كەلتىرىپ جەتكىزدى.

قازاقستان حالقى اسسامبلەياسى ءتوراعاسىنىڭ ورىنباسارى جانسەيىت تۇيمەباەۆ ەتنوس وكىلدەرىن قولداۋ ءۇشىن ابايدىڭ 37 ءقاراسوزىن وقىپ، كوپشىلىككە تارتۋ ەتتى.

بارلىق بەينەجازبالار مەن روليكتەر اسسامبلەيا سايتى مەن وڭىرلىك قۇرىلىمدارىنىڭFacebook، Instagram، Vkontakte، Youtube، Telegramm كانالىندا، ءتۇرلى اقپاراتتىق سايتتاردا جاريالاندى. اتسالىسۋشىلاردىڭ كوپتىگىنە بايلانىستى پوەزيا فەستيۆالى حالىقتىق سيپاتقا يە بولىپ، ەكى كۇنگە جالعاستى. بۇعان قوسىمشا، اباي كۇنىندە قحا عالىمدارى مەن ساراپشىلارى قازاقستان پرەزيدەنتى ق.ك.توقاەۆتىڭ «اباي – رۋحاني رەفورماتور» ماقالاسىنىڭ ماڭىزدىلىعىن تالقىلاپ، بەدەلدى باق بەتتەرىندە 50-دەن استام پىكىر جاريالادى.

قحا ءتوراعاسىنىڭ ورىنباسارى ج.تۇيمەباەۆتىڭ «ەگەمەن قازاقستان» جانە «كازاحستانسكايا پراۆدا» گازەتتەرىندە «ابايدى تانىتۋ – بورىشىمىز»، «ناسلەديە ابايا – دۋحوۆنىي وپلوت ەدينستۆا» ماقالاسى جارىق كوردى.
بۇدان بولەك، اسسامبلەيا تۇركيا، ازەربايجان، وزبەكستان، قىرعىزستان مەملەكەتىنىڭ ابايتانۋشى-عالىمدارى مەن تاريحشىلارىنىڭ قاتىسۋىمەن «اباي: تاريح جانە قازىرگى زامان» حالىقارالىق كونفەرەنتسياسىن ۇيىمداستىردى.

جالپى، قازاقستان حالقى اسسامبلەياسىنىڭ اباي كۇنىنە ارنالعان ءىس-شارالارىنا رەسپۋبليكا بويىنشا 27 795  ەتنوس وكىلى قامتىلسا،  ونلاين كونفەرەنتسياعا فەيسبۋك پەن Zoom ارقىلى 965 ساراپشى-عالىمدار مەن تاريحشىلار قاتىستى