ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-192440715839 %61 %
2019-11-201983628842 %58 %
2019-11-212183686849 %51 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاق گازەتتەرى

جولدانعان ۋاقىتى: 12:00 - 2019/11/07



قازاق كلاسسيكالىق مۋزىكا ونەرىن­دەگى ايشىقتى جۇلدىز – نۇرجامال ۇسەن­باەۆا تۋرالى اڭگىمەلەگەندە باعزى­دان جەتكەن ەرتەگى-جىرلارداعى حاس سۇلۋدىڭ بەينەسى كوز الدىمىزعا كەلەتىنىن نەسىنە جاسىرايىق… ول سومداعان كەيىپكەرلەردىڭ ۇزىنا سونار كوشى جىبەك، سارا، اجار بولىپ قول بۇلعايدى. ءانشىنىڭ ءوزى دە قىردا عۇمىر كەشكەن قازاق ارۋلارىنىڭ جالعاسى ىسپەتتى كورىنەتىنى دە سوندىقتان شىعار.
نۇرجامال ۇسەنباەۆانىڭ شەتەل شىعارمالارىنداعى وبرازدارى دا ۇلكەن اڭگىمەنىڭ وزەگىنە اينالار سيپاتى بولەك بەينەلەر. ءارتيستىڭ شەبەرلىگى دەپ ۇققان ءجون عوي، ول ساحناعا ەۋروپا سۇلۋىنىڭ رولىندە جارق ەتىپ شىعا كەلگەندە، سول ۇلتتىڭ ءوز داۋىسىن، ءوز ءۇنىن ەستىگەندەي ەلتيسىڭ، سول ۇلتتىڭ ارۋىن كورگەندەي قىزىعا قارايسىڭ…
ونىڭ ورىنداۋىنداعى قازاق جانە شەتەل شىعارمالارى دا ادام جۇرەگىنىڭ تەرەڭىنە بويلاپ، مۋزىكا­ اتتى سيقىرلى الەمنىڭ سۇلۋلىعىن پاش ەتەدى. «قازاق دالاسىنداعى مىڭ بوياۋلى اۋەننىڭ قۇدىرەتى مەن كەرەمەتى قانداي؟» دەگەندە دە نۇرجامالدىڭ عاجاپ اندەرىن كوپشىلىككە ۇيالماي ۇسىناسىڭ.
وپەرا مەن كلاسسيكالىق ونەردەگى ۇلتتىق تۇلعالار تۋرالى اڭگىمەلەگەندە دە نۇرجامال ۇسەنباەۆانىڭ ەسىمىن اينالىپ ءوتىپ كەتە المايمىز. ۇلتتىق كلاسسيكالىق ونەردى ءوز داۋىسىنداعى عاجاپ بوياۋمەن تولىقتىرىپ جۇرگەن ءانشى نۇرجامالدىڭ ونەردەگى بيىگى قانداي؟
ەرەكشە نازىكتىگى، عاجاپ ءيىرىمى بار ونىڭ تۇنىق، اشىق داۋىسى قازاق ونەرىنىڭ بولەك ءبىر ماقتانىشى دەسەك، قاتەلەسپەگەنىمىز. بۇگىنگى ونەردىڭ جاي-كۇيى، ءانشىنىڭ قازاق كلاسسيكالىق ونەرى جايلى پىكىر-پايىمدارى بۇگىنگى سۇحباتتىڭ نەگىزگى وزەگىنە اينالدى…

«قازاق دالاسى بۇگىن دە انگە تەربەلىپ تۇر»

– قازاق مۋزىكا ونەرىن زەرتتەگەن شەتەلدىك عالىمدار: «قازاق دالاسى ءان سالىپ تۇرعانداي كورىنەدى» دەگەن ەكەن. بۇگىنگى قازاق دالاسى شە، ءالى دە ءان سالىپ تۇر ما، قالاي ويلايسىز؟
– قازاق حالقى ءان-جىردى بۇرىننان سۇيەتىن، ونەردى قۇرمەتتەيتىن حالىق قوي. ءبىز – داۋىسى سازدى، ءۇنى اسەم، اۋەزدى ۇلتتىڭ قاتارىنا جاتامىز. ول بۇرىننان بار، سۇيەككە سىڭگەن مىنەزىمىز. وسى كۇنى دە سول قالپى­مىز­دان كوپ وزگەرە قويدىق دەمەس ەدىم. ياعني قازاق دالاسى وسى كۇنى دە انگە تەربەلىپ تۇر. قازاق دالاسى بۇگىن دە بايىرعى زاماننان بەرى سالىپ كەلگەن ءانىن وزگەرتكەن جوق. سوندىقتان قازاق دالاسى ءان مەن جىردىڭ بەسىگى بولىپ قالا بەرمەك. قازاق دالاسى سالعان انگە ءالى كۇنگە الەم تاڭدايىن قاعىپ، تامساناتىنى انىق.
ءسىز بىلەسىز بە، بۇل دالادا توپىرا­عىنا تارتقان، تالانتتى جاندار وتە كوپ. ونىڭ ءارقايسىسىن مىسالعا كەلتىرىپ جاتۋ ارتىق بولار. ءتۇرلى حالىقارالىق، رەسپۋبليكالىق بايقاۋلاردان، بايگەلەردەن توپ جارىپ كەلىپ جۇرگەن جاستار كوڭىل قۋانتادى، مەرەيىمىزدى اسىرادى. بۇل ءبىزدىڭ دالانىڭ كاسىبي مۋزىكالىق ونەردەن دە قۇرالاقان ەمەس ەكەنىنىڭ ءبىر دالەلى. سونداي تالانتتى جاستار باردا قازاق دالاسىنىڭ ونەر دەگەن بيىگى دە الاسارمايتىنى انىق.
– العاشقى سۇراعىمىزعا جالعاس ­ساۋال تاستاساق، ء«اۋ دەمەيتىن قازاق جوق» دەگەن ءسوز سىزگە تانىس شىعار. ءبىراق ول ءسوز «انگە تالاسى بار دا، جوق تا ساحنادا شىرقاي بەرسىن» دەگەن ويدى بىلدىرمەسە كەرەك. وسى كۇنى ءاننىڭ دە ۇلكەن ونەر ەكەنىن ۇمىتىپ كەتكەندەر كوبەيىپ كەلەدى دەپ قاۋىپتەنبەيسىز بە؟
– قاۋىپتەنۋ دەيسىز بە؟.. ءيا، كاسىبي ءبىلىمى جوق بولسا دا ۇلكەن ساحناعا شىعىپ كەتكەن انشىلەر بار. ونى مويىنداۋىمىز كەرەك. بۇل جايت كوڭىلدى الاڭداتاتىنى دا راس. كاسىبي مۋزىكالىق ءبىلىمى جوق سونداي ادامداردىڭ سالعان ءانى، مۋزىكالىق شىعارماسى حاس ونەردىڭ بيىك دەڭگەيىنە ساي بولماي شىعاتىن كەزى كوپ. ارينە، وتە وكىنىشتى.
ەندى كاسىبيلىك تۋرالى ايتسام. نەگىزىندە كەز كەلگەن كاسىبي ءانشى ءوز ونەرىنە بەيجاي قارامايدى دەپ ويلايمىن. مۋزىكا – كاسىبي ءانشىنىڭ تاعدىر ۇسىن­عان عالامات سىيى عوي. ونداي تاماشا مۇمكىندىك كاسىبي ونەر يەسىنە قۋانىش، شاتتىق، باقىت سىيلايتىنى انىق. سول عاجاپ سەزىمدەر ءانشىنىڭ جۇرەگىنەن ءوتىپ، كورەرمەنگە ىزگىلىك تاراتىپ، كوركەمدىكتىڭ عاجاپ كۇيىن شەرتەدى. ساف تازا ونەر – ­دارىندى، تالانتتى ءانشىنى بيىكتەرگە باستايدى، مەرەيىن اسىرادى. ونە­رگە، مۋزىكاعا قۇلاي بەرىلگەن جانعا بەكزات سالا دا ءدال سولاي جاۋاپ قاتادى. دەمەك، كلاسسيكالىق مۋزىكا بولسىن، وپەرا بولسىن، ءداستۇرلى ءان بولسىن، كەز كەلگەن ونەر سالاسىن شىن ونەر دەپ قاراپ، باعالاعان كەزدە عانا سول ونەردىڭ قادىرىنە جەتەمىز، سول ونەردىڭ بيىگىن باعىندىرامىز، سول ونەردىڭ ايرىقشا قۇرمەتىنە بولەنەمىز، مەرەيىمىز ارتادى. سوندىقتان شىن ونەردىڭ حاس شەبەرلەر عانا باعىن­دىراتىن اسقارالى بيىك ەكەنىن مويىن­داعاندار، ونىڭ قادىرىنە جەتكەندەر ءاندى دە ءوزىنىڭ تالانتىنا قاراي ورىنداپ، تالانتىن ەڭبەگىمەن ۇشتاپ، جەتىلدىرىپ وتىراتىنىن ايتقىم كەلەدى. ونەرگە قۇلاي بەرىلگەندەر وعان ەشۋاقىتتا كىر كەلتىرمەيدى.

ء

يا، مەن بالا كۇنىمنەن انمەن، مۋزىكامەن ءوستىم، وسى سالانىڭ بيىكتەرىنە ۇمتىلىپ، ارمانداپ بويجەتتىم. ­مۋزى­كا­نى قۇلاي سۇيگەندىكتەن، وسى بەكزات ونەر سالاسىنىڭ يگىلىگى مەن قۋانى­شىن، ءتىپتى قيىندىعى مەن جاۋاپكەرشىلىگىن دە ءبىر كىسىدەي ءتۇسىندىم. ءار كەيىپكەرىم، ەڭبەكتەنە سومداعان ءار ءرولىم ارقىلى ءبىلىمىمدى ۇشتاپ، كاسىبىمدى جەتىلدىرىپ قانا قويماي، ۇلكەن ءبىر الەمگە تەرەڭدەي تۇسكەنىمدى سەزىنەمىن. كاسىبى مەن ءناسىبىن مۋزىكادان تاپقان ادام ەسەبىندە ءار ءرولىمنىڭ دە ەرەكشە جاۋاپكەرشىلىك جۇكتەيتىنىن تۇسىنەمىن. ماماندىعىم، سومداعان رولدەرىم ارقىلى الەمدىك، وتاندىق ساحنالاردا قۇرمەتكە بولەندىم. ءوز ءرولىمدى قالاي قۇرمەتتەسەم، كورەرمەن دە مەن سومداعان رولدەردى قۇرمەتتەۋى ارقىلى مەنى بيىكتەرگە كوتەردى.

«مەنىڭ جىبەگىم وسىنداي بولۋى كەرەك»…

– نۇرجامال پەرنەبەكقىزى، ارينە، وزىڭىزگە اياۋىلى ءرول كوپ شىعار. ءبىراق ءسىزدىڭ «قىز جىبەك» وپەراسىنداعى ءرولىڭىز ونەردەگى ەڭ ءبىر اسقاق بەينەڭىزدى كورسەتەتىندەي. ءوزىڭىز بۇعان نە دەيسىز؟ ول ءرولدى قالاي الدىڭىز، ەڭ العاش قالاي ورىندادىڭىز، كوپشىلىكتىڭ، بەلگىلى تۇلعالاردىڭ پىكىرى قانداي بولدى؟ باستى سىنشى – ءوزىڭىز عوي، ءوزىڭىزدىڭ كوڭىلىڭىز تولدى ما؟
– «قىز جىبەك» وپەراسى اباي اتىنداعى مەملەكەتتىك اكادەميالىق وپەرا جانە بالەت تەاترىنداعى دەبيۋتىم عوي. وسى رولمەن العاش ساحناعا شىققان 1984 جىلدىڭ 4 اقپا­نىندا قۇرمانعازى اتىنداعى كونسەر­ۆاتوريانىڭ ءتورتىنشى كۋرس ستۋدەنتى عانا ەدىم. سول العاشقى رولىمنەن سوڭ، مەنى بىردەن تەاتردىڭ ترۋپپاسىنا قابىلدادى. اباي اتىن­داعى تەاتر­دىڭ جارتى عاسىرلىق مەرەيتويى قارساڭىندا، وسى وپەرانى جاڭا نۇسقادا قوياتىن بولىپ شەشەدى دە، كوپتەگەن تالاپكەرلەردىڭ اراسىنان قىز جىبەكتىڭ رولىنە مەنى تاڭداپ الادى. بۇل ءانشى رەتىندەگى تاعدىرىمدى ايقىنداعان، ونەردەگى كەيىنگى جولىما نەگىزگى باعىت-باعدار بەرگەن، تەمىرقازىق بولعان، جولىمدى اشقان ءرولىم دەپ ويلايمىن. ءدال سول قويىلىم اياقتالعان ساتتە ۇلكەن تۇلعا ايتقان ءسوزدىڭ مەن ءۇشىن تەرەڭ ءمانى بار. پرەمەرانى زالدا وتىرىپ تاماشالاعان، «قىز جىبەكتىڭ» ليبرەتتوسىن جازعان عابيت مۇسىرەپوۆ سپەكتاكل بىتكەن سوڭ ساحناعا كوتەرىلىپ، بارشامىزعا جىلى لەبىزىن ايتتى. مەنى دە قۇتتىقتاپ: «مەنىڭ جىبەگىم وسىنداي بولۋى كەرەك» دەگەن ەدى. قازاق ءسوز ونەرىندەگى ەڭسەلى تۇلعانىڭ، شىعارما اۆتورىنىڭ وسى ءبىر ءسوزى مەنى قاناتتاندىرعانى راس. پرەمەرا اياقتالعان سوڭ، عابيت اعانىڭ ساحناعا كوتەرىلىپ، پىكىرىن ايتۋى ونىڭ ماعان بەرگەن اق باتاسى سەكىلدى سەزىلدى. سوندىقتان ول ءسوزدى اركەز جۇرەگىمدە ساقتاپ جۇرەمىن، ەسىمنەن شىعارمايمىن. عابيت مۇسىرەپوۆتىڭ باتا ىسپەتتى وسى ءبىر پىكىرى ماعان ارتقان سەنىمى، ماعان بەرگەن كەڭەسى، اعالىق اقىلى دەپ ويلايمىن.
سول ەڭ العاشقى سپەكتاكل مەن ءۇشىن وتە اسەرلى بولدى، ول كەزدە­ قاتتى تولعانىپ، تولقىعان ەدىم. الايدا مەنى ارىپتەستەرىم: الىبەك دىنىشەۆ (تولەگەن)، شورا ۇمبەتاليەۆ ­(بەكە­جان)، شابال بەيسەكوۆا ­(باتساي)، كەڭەس باقتاەۆ (شەگە) سىندى داڭقتى اكتەرلەر، رەجيسسەر بايعالي دوسىمجانوۆ، ديريجەر بازارعالي جامانباەۆ­تار قولداپ، ۇلكەن دەمەۋ كورسەتتى. ولاردىڭ بارلىعى دا ماعان شابىت سىيلاپ، كومەگىن، كەڭەسىن اياعان ەمەس. ساحناعا سونداي عاجاپ جاندارمەن بىرگە شىققانىم ءوزىم ءۇشىن دە ۇلكەن مارتەبە دەسەم، ارتىق ايتقانىم ەمەس.
ال سول رولگە ءوزىمنىڭ كوڭىلىم تولدى ما دەگەن ساۋالىڭىزعا جاۋاپ­ بەرسەم، ەڭ الدىمەن، ساحناعا ءىرى تۇلعا­لارمەن شىققانىما ريزا كوڭىلدە بول­عانىمدى ايتقىم كەلەدى. كەز كەلگەن اكتەر ساحناعا شىعار الدىندا قاتتى تولقيدى. مەنى دە سول سەزىم تەربەدى. جوعارىدا اتىن اتاپ وتكەن شىعارماشىلىق ينتەلليگەنتسيا وكىلدەرىنىڭ جىلى ءسوزى، مەيىرىمى، نيەت­تەستىگى، ءىلتيپاتى تولقىپ، ءارى-سارى كۇيگە تۇسكەن كوڭىلىمە دەمەۋ بولدى عوي دەپ ويلايمىن. دۇنيەجۇزىلىك ساحنا بولسىن، ءوزىمنىڭ اياۋلى مەكەنىم – وپەرا­ تەاترىنىڭ ساحناسى بولسىن، ءتىپتى وڭىرلىك تەاترلاردىڭ ساحناسى بولسىن، كەز كەلگەن قويىلىمعا شىعار الدىندا ءالى كۇنگە دەيىن قاتتى تەبىرەنەمىن. كاسىبي ءانشى كەز كەلگەن ساحناعا بەي-جاي شىعا سالمايدى. ال ەڭ العاش رەت ۇلكەن ساحنادا باستى ءرولدى ويناۋ ءۇشىن شىعىپ تۇرعان جاس ءانشىنىڭ سول كەزدە قاتتى تولقىعانى، الاڭداعانى، الاپات سەزىمگە بولەنگەنى انىق. ءيا، سول كەزدە ءرولىمدى قالاي ورىنداعانىم، ءاندى قالاي شىرقاعانىم انىق ەسىمدە جوق. الايدا قاتتى تولقىپ، ساحنا سىرتىندا ۋايىمداپ جۇرگەنىم، ءرولىمدى قايتا-قايتا جۇپتاپ دايىندالعانىم وسى قازىرگىدەي جادىمدا…
مىنە، سول ساحنا، سول ساحناداعى عاجاپ اكتەرلار، شىعارماشىلىق توپ مەنى تاربيەلەدى. ونەردىڭ عيبادات­حانا­سىنا اينالعان، كيە قونعان تاماشا سول ءبىر جەر مەنىڭ ەكىنشى وشاعىما اينالدى. ستۋدەنت بولسام دا، وپەرا تەاترىنىڭ ترۋپپاسىنا قابىلداعان، سەنىپ ءرول تاپسىرعان مەنىڭ العاشقى اياۋلى ۇجىمىما، سول ۇجىمداعى ارىپ­تەستەرگە، اعا بۋىن وكىلدەرىنە ءالى كۇنگە دەيىن ريزاشىلىق سەزىمىم تۇگەسىلگەن ەمەس.
وپەرالىق سپەكتاكل – ۇجىمدىق ونەر ەكەنى بارشاعا بەلگىلى. كەز كەلگەن سپەكتاكل­دىڭ ءساتتى قويىلۋى – سول قويى­­لىم­عا قاتىسقان، قويىلىمنىڭ باسى-قاسىندا جۇرگەن سانسىز ادامنىڭ ەڭبەگى، سولاردىڭ تامشىلاپ توگىلگەن تەرى، دەمەك، سانسىز ادامنىڭ جەتىستىگى. سوندىقتان العاش ساحناعا كوتەرىلگەن ساتتە ۇلكەن قۇرمەتكە بولەنسەك، وندا دا ونەر­دىڭ جاۋاپكەرشىلىگىن سەزىنگەن ادامداردىڭ ەڭبەگى ايرىقشا دەپ بىلەمىن.
 دالا ارۋلارىنىڭ دا، شەتەلدىك كلاسسيكالىق شىعارمالارداعى سۇلۋ­لاردىڭ دا ءرولىن سومدادىڭىز. ول كەيىپكەرلەردە نۇرجامال ۇسەنباەۆانىڭ قانداي مىنەزى، بولمىسى بار؟ ال ءانشى نۇرجامالعا ول كەيىپكەرلەر نە بەردى؟
– ءيا، ءدال سول وبرازداردى ۇلگى تۇتاتىن دا كەزدەر كوپ. كەيىپكەر­لەرىمنىڭ ەڭ ءبىر جاعىمدى، جۇعىمدى مىنەزىن مەن دە ءوز بويىما سىڭىرگىم كەلەدى. ساحنادا ورىندايتىن وبراز­دارىمنىڭ ءارقايسىسى دا قىمبات. ويتكەنى ول رولدەردى سومداۋ ءۇشىن جان-جۇرەگىممەن ەڭبەك ەتەمىن. ونەردى بىلاي قويعاندا، ءومىردىڭ وزىندە ءاربىر ايەل بەينەسى – ەرەكشە، ءارقايسىسى ايرىقشا. سول سەكىلدى ءاربىر كەيىپكەر دە وزگەشە ەكەنى بەلگىلى. ال ءار ءرولدى سومداعاندا، ءار ۋاقىتتا ساحناعا كوتەرىلگەندە كەيىپكەرلەرىمدى ەرەكشە ەتىپ كورسەتۋگە ۇمتىلامىن. وبرازداردى جاڭا قىرىنان اشسام دەيمىن. سوندىقتان ءار رولدە كەيىپكەرلەرىمنىڭ جانە ءوزىمنىڭ دە بويىمداعى جاڭا ءبىر سيپاتتى كورسەتە وتىرىپ، سان قىرلى ەتىپ ورىنداۋعا ۇمتىلامىن.
ءيا، مەن بالا كۇنىمنەن انمەن، ­مۋزىكامەن ءوستىم، وسى سالانىڭ بيىك­تەرىنە ۇمتىلىپ، ارمانداپ بويجەتتىم. مۋزىكانى قۇلاي سۇيگەندىكتەن، وسى بەكزات ونەر سالاسىنىڭ يگىلىگى مەن قۋانى­شىن، ءتىپتى قيىندىعى مەن جاۋاپكەرشىلىگىن دە ءبىر كىسىدەي ءتۇسىندىم. ءار كەيىپكەرىم، ەڭبەكتەنە سومداعان ءار ءرولىم ارقىلى ءبىلىمىمدى ۇشتاپ، كاسىبىمدى جەتىلدىرىپ قانا قويماي، ۇلكەن ءبىر الەمگە تەرەڭدەي تۇسكەنىمدى سەزىنەمىن. كاسىبى مەن ءناسىبىن مۋزىكادان تاپقان ادام ەسەبىندە ءار ءرولىمنىڭ دە ەرەكشە جاۋاپكەرشىلىك جۇكتەيتىنىن تۇسىنەمىن. ماماندىعىم، سومداعان رولدەرىم ارقىلى الەمدىك، وتاندىق ساحنالاردا قۇرمەتكە بولەندىم. ءوز ءرولىمدى قالاي قۇرمەتتەسەم، كورەرمەن دە مەن سومداعان رولدەردى قۇرمەتتەۋى ارقىلى مەنى بيىكتەرگە كوتەردى.
ءقازىر دە ساحنادا، وپەرادا ءتۇرلى مىنەزدەردى، پارتيالاردى – رولدەردى سومدايمىن. مەن ءارتيستپىن، سوندىق­تان كەيىپكەرلەرىمنىڭ ءتۇرلى وبرازدارى مەن مىنەزدەرىن دۇرىس بەينەلەي ءبىلۋىم اسا ماڭىزدى. بۇل – مەنىڭ كاسىبىم. ­ارتيست ساحنادا كەز كەلگەن وب­رازدى اشا بىلۋگە ءتيىس: جاعىمدى ما، جاعىمسىز با – كورەرمەندى سەندىرۋىڭىز وتە قاجەت دۇنيە… ول وبرازداردىڭ كەيبىرى ءانشىنىڭ ىشكى الەمىنە جاقىن بولماۋى دا مۇمكىن عوي. ونداي ساتتەردە ءتۇرلى سەزىمدەرگە تاۋەلدىلىكتەن ارىلىپ، ەڭ باستىسى، ەڭبەكتەنە وتىرىپ، سومدايتىن وبرازدارىڭدى حالىققا جەتكىزە ءبىلۋىڭ كەرەك.
سوندىقتان قانداي دا ءبىر وبراز جاساعان­دا، كەيىپكەردى سومداعاندا سول وبرازعا بارىنشا ەنۋ ءۇشىن ەڭبەك­تەنەمىن، دايىندالامىن. ساحنادا وزىمە سەنىپ تاپسىرىلعان كەيىپ­كەردىڭ، شىعارمانىڭ ءومىرىن سۇرەمىن. سول وبرازدىڭ ىشكى الەمىنە بويلايمىن. الگى كەيىپكەردىڭ قۋانىشىن دا، شاتتىعىن دا، تراگەدياسىن دا وزىم­دىكىندەي قابىلداپ، كورەرمەنگە ءوزىمنىڭ باسىمنان كەشكەندەي ەتىپ جەت­كىزۋگە ۇمتىلامىن. ارتيستەر ءۇشىن ماڭىزدى دۇنيە – ءرولىڭنىڭ جان-جاقتى اشىلۋى، سومداعان وبرازىڭنىڭ حالىققا تولىق جەتۋى، كورەرمەننىڭ ونى شىنايىلىقپەن قابىلداۋى. ءيا، كەيىپ­كەرىڭدى وزگە­لەردىڭ ەسىندە قالار­لىقتاي سوم­داۋ ءۇشىن بارىڭدى سالاسىڭ. ءسويتىپ ءجۇرىپ كەيىپكەرىڭنىڭ بارلىق جاقسى جا­عىن، ايرىقشا مىنەزىن، ەرەكشە قاسيەتىن، جۇعىمدى ءبىر قىلىقتارىن ءوز بويى­ڭا قابىلدايسىڭ. ال جاقسى ەمەس ءبىر قىلىقتارىن، مىنەزدەرىن بويىڭنان اۋلاقتاتۋعا تىرىساسىڭ.
ونەر – ىزگىلىكتىڭ بەينەسى، ول كوركەمدىكتىڭ سيپاتى. ءبىز رولدەردى سومداۋ ارقىلى كوركەمدىكتى قالاي قابىلداساق، كورەرمەنگە دە سول سۇلۋلىقتىڭ ساۋلەسىن ءتۇسىرۋىمىز كەرەك. الەمدى ىزگىلىك كوركەم ەتە تۇسەدى. ونەرگە ىڭكارلىك ءبىزدى تاربيەلەيدى. ءبارىمىزدىڭ جاق­­سى كەيىپ­كەرلەرگە ۇقساعىمىز كەلەدى عوي، سوعان ەلىكتەيمىز. اكتەرلەر دە شى­عارما كەيىپ­كەر­لەرىنەن ەموتسيالىق اسەر الادى.
الايدا مىنانى ايقىنداپ الۋ ­كەرەك. ساحنا مەن ءومىردىڭ شەكاراسى بار. شى­نايى ءومىردى – ساحناعا، ­ساح­نانى – شى­نايى ومىرگە ارالاس­تى­رۋعا بولمايدى. مۇنى دا تۇسىنگەن ابزال.

«مۋزىكا – مەنىڭ تاعدىرىم»

– ء«انشىڭ كىم؟» دەسە، ەرەكشە ماق­تا­­نىشپەن-اق كورسەتەتىن جانسىز. ونەر، كورىك، سىمبات، ىزەت – ءبارى ءبىر بويىڭىزدان تابىلادى. مۇنداي ىزگى مىنەز قايدان ءسىڭدى؟ ونەردە ەلىكتەگەن، ەرەكشە قۇرمەتتەگەن، «وسى ءبىر جانداي بولسام-اۋ» دەپ ۇمتىلعان يدەالىڭىز بار ما؟
–  يدەالىم – اتا-انام دەر ەدىم. مەن 8 ۇل-قىزى بار كوپ بالالى ­وتباسىندا ءوستىم. اكەم ورتا مەكتەپتىڭ ديرەكتورى، تاريح ءپانىنىڭ ۇستازى ەدى. انام مەكتەپتە كىتاپحاناشى ­بولىپ ەڭبەك ەتتى. اتا-انامنىڭ بەرگەن تاربيەسى ۇدايى جادىمدا. ولار مەنى ەڭبەكقورلىققا، قارا­پايىم­دىلىققا، ەلگەزەكتىككە، ادامگەرشىلىككە، ءبىلىم­پازدىققا، «ۇلكەنگە ىزەت، كىشىگە قۇرمەت كورسەتۋگە» تاربيەلەدى. مەنى وسىلاي تاربيەلەگەن اتا-اناما ال­عىسىم شەكسىز. ولاردىڭ بىزگە سىڭىرگەن تاربيەسىن، بەرگەن ءبىلىمىن، ونەگەسىن ەش ۇمىتپاق ەمەسپىن، سولار كورسەتكەن دۇرىس جولمەن جۇرۋگە، سول دۇرىس باعىتتان اداسپاۋعا تىرىستىق. ولار مەنىڭ ءبىلىمدى بولىپ وسۋىمە بار كۇش-جىگەرىن جۇمسادى. بالا كەزىمنەن مۋزىكامەن شۇعىلداندىم. بويىمىزداعى ونەرگە دەگەن ۇشقىندى بايقاپ، وسى سالادا كاسىبي ءبىلىمىمىزدى ۇشتاۋعا كومەكتەستى.
كەيىنىرەك مۋزىكالىق ۋچيليششەدە وقىدىم. ول كەزدە مەنىڭ عانا ەمەس، كوپ­تەگەن جاستىڭ كۋميرى الىبەك دىنىشەۆ بولدى. مەن دە ءدال سول الىبەك اعا سەكىلدى اسەم ءان ايتسام، داۋىسىم سول كىسىنىكىندەي سازدى بولسا دەپ ارماندايتىنمىن. ول ارمانىم ءبىراز جىلداردان كەيىن ورىن­دالدى. قۇرمانعازى اتىنداعى كونسەر­ۆاتورياعا ءانشى رەتىندە وقۋعا تۇسكەندە، اكادەميالىق، كلاسسيكالىق ۆوكالعا الىبەك دىنىشەۆتىڭ ءوزى جەتەلەپ اكەلدى. كەيىن ول مەنىڭ ەڭ العاشقى قويىلىمىم «قىز جىبەك» وپەراسىندا ساحنالىق ارىپتەسىم بولدى.
– بۇگىنگى كلاسسيكالىق ونەردىڭ جاي-كۇيى تۋرالى بىلگىمىز كەلەدى. قازاق ونەرپازدارىنىڭ ۇلكەن ونەردەن الار ۇلەسى، ورنى قانداي ەكەنىن وسى سالانىڭ كاسىبي مامانى رەتىندە ايتىپ بەرىڭىزشى.
– وپەرا، كلاسسيكالىق مۋزىكا – ماڭگىلىك ونەر. ول ەشقاشان وزگەرمەيدى، وشپەيدى. وعان دەگەن قۇرمەت بۇرىن دا بولعان، كەيىنگىدە دە سول قۇرمەت تولاس­تامايدى عوي دەپ سەنەمىن. قازاقستاندا كلاسسيكالىق مۋزىكا باعىتىنداعى مامانداردىڭ دەڭگەيى وتە جوعارى. ول – الەمدىك دەڭگەيگە سايكەس كەلەتىن دەڭگەي دەپ، نىق سەنىممەن ايتا الامىن. الەمنىڭ ەڭ ۇزدىك ساحنالارىندا ونەر كورسەتىپ جۇرگەن ءبىزدىڭ مۋزىكانتتارىمىز وسى سوزىمە دالەل.
قازىرگى كۇنى جاستاردىڭ مۇمكىندىگى دە مول. ولاردىڭ الدىندا ونەردىڭ داڭعايىر جولى اشىلىپ جاتىر. ولار الەمنىڭ كەز كەلگەن جەرىندە، كەز كەلگەن مارتەبەلى ساحنادا ءبىلىمىن جەتىلدىرىپ، كاسىبيلىگىن شىڭداي الادى. ارمانى­ جەتەلەگەن كەز كەلگەن جەردە ءانىن شىرقاپ، ونەرىن وزگەلەرگە پاش ەتۋگە مۇمكىندىگى مول. مۋزىكادا شەكارا بولمايدى. دەمەك، بۇل ونەر شارتتى شەكارالاردان، شەكتەۋلەردەن ادا. ­ونداي جاعدايدا الەمنىڭ كەز كەلگەن ساحانسىن ونەرىڭمەن باۋراپ، بويىڭداعى تالانتىڭدى وزگەلەرگە پاش ەتۋگە دە مۇمكىندىگىڭ مول.
– اڭگىمەڭىزگە راقمەت!

اڭگىمەلەسكەن
قاراگوز ءسىمادىل



كەلۋ قاينارى: http://www.elarna.net/koru.php?tur=6&id=1068978

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قوستانايدىڭ باس پوليتسە 9 مينوت
رەجيسسەر ءادىلحان ەرجان 9 مينوت
Kids favourite desserts 9 مينوت
中国哈萨克语广播网 9 مينوت
ەلباسى «تىراۋلاپ ۇشقان 9 مينوت
جاپونيا وك باس حاتشىسى 18 مينوت
بالالار قاۋىپسىزدىگى تا 20 مينوت
ەلوردا 2025 جىلى گازبەن 30 مينوت
وسى ارانى باسىپ كورىڭىز 30 مينوت
ەنەرگەتيكا مينيسترلىگىن 1 ساعات
中国哈萨克语广播网 1 ساعات
سينگاپۋر مودەلى – ءتيىم 1 ساعات
الماتىدا تۇرعىندار شاعى 1 ساعات
اۋستراليانى شاڭدى داۋىل 1 ساعات
گايتيدە ءاربىر ءۇشىنشى 1 ساعات
قىزىلوردادا ايالداماداع 1 ساعات
اقتوبەدە ىشكى ىستەر ءمي 1 ساعات
الماتى اكىمدىگى 28 پانف 1 ساعات
قىزىلوردادا ايالداماداع 1 ساعات
دەنساۋلىق ساقتاۋ مينيست 1 ساعات
中国哈萨克语广播网 1 ساعات
وسى ارانى باسىپ كورىڭىز 1 ساعات
اقمولا وبلىسىنىڭ اكىمى 1 ساعات
ءپۋتيننىڭ قىزىنا تيەسىل 1 ساعات
وسى ارانى باسىپ كورىڭىز 1 ساعات
ورالدا 105 جاستاعى ۇوس 1 ساعات
ءبىرتانوۆ: 2020 جىلدان 1 ساعات
دەۆيس كۋبوگى: ۇلىبريتان 2 ساعات
中国哈萨克语广播网 2 ساعات
ەلوردادا جول-كولىك وقيع 2 ساعات