ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-171646515737 %63 %
2019-09-181453485241 %59 %
2019-09-19982323146 %54 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: قازاق گازەتتەرى

جولدانعان ۋاقىتى: 17:12 - 2019/09/09



جۋىردا سەمەي قالاسىندا «ەكولوگيا. رادياتسيا. دەنساۋلىق» اتتى XIV حالىقارالىق عىلىمي-پراكتيكالىق كونفەرەنتسيا ءوتتى. الدىمەن اباي اتىنداعى مەملەكەتتىك قازاق مۋزىكا-درامالىق تەاترىندا پلەنارلىق وتىرىس ۇيىمداستىرىلدى. شارانى قر دەنساۋلىق ساقتاۋ ۆيتسە-مينيسترى قامالجان نادىروۆ جانە سەمەي مەديتسينالىق ۋنيۆەرسيتەتىنىڭ رەكتورى ەرسىن ءجۇنىسوۆ جۇرگىزىپ وتىردى.

رادياتسيالىق ەكولوگيا جانە رادياتسيالىق قاۋىپسىزدىك، كلينيكالىق مەديتسينانىڭ وزەكتى ماسەلەلەرى، مەديتسيناداعى زەرتحانالىق دياگنوستيكانىڭ قازىرگى زامانعى ماسەلەلەرى، ەكولوگيالىق جاعىنان ءساتسىز اۋماقتاردا تۇراتىن تۇرعىنداردىڭ ناۋقاستانۋىن ەمدەۋ، الدىن الۋ جانە وڭالتۋ، جاس عالىمدار سەكتسيالارى، ستەندىلىك باياندامالار كونفەرەنتسيانىڭ عىلىمي تاقىرىپتارى بولدى.

كونفەرەنتسيا جۇمىسىنا جاپونيا، ءۇندىستان، تۇركيا، رەسەي جانە ەلىمىزدىڭ وڭىرلەرىنەن عالىمدار قاتىستى. پلەنارلىق وتىرىسقا عىلىمي زەرتتەۋ ورتالىقتارى، حالىقارالىق قاۋىپسىزدىك جانە ساياسات ورتالىعىنىڭ، سونداي-اق رادياتسيالىق قاۋىپسىزدىك جانە ەكولوگيا ينستيتۋتىنىڭ وكىلدەرى ءسوز سويلەدى.

كەزدەسۋدە رادياتسيالىق مەديتسينا بويىنشا عىلىمي زەرتتەۋ جۇمىستارىنىڭ قورىتىندىسى تۋرالى اقپارات بەرىلدى. سونداي-اق مەيماندار يادرولىق مەديتسينا سالاسىنداعى سوڭعى جاڭالىقتارمەن ءبولىستى. سەمەي مەديتسينا ۋنيۆەرسيتەتىنىڭ رەكتورى سەمەي پوليگونىنىڭ جابىلۋ تاريحىنا توقتالدى. مەرەيتوي شاراسىنىڭ قۇرمەتتى قوناقتارىنىڭ اراسىندا شيمانە، ناگاساكي، حيروسيما ۋنيۆەرسيتەتتەرى، «حيروسيما-سەمەي» كوزعالىسى، راديولوگيالىق زەرتتەۋلەر ۇلتتىق ينستيتۋتىنىڭ وكىلدەرى جانە رادياتسيوندى بيولوگيا جانە مەديتسينا عىلىمي-زەرتتەۋ ينستيتۋتىنىنىڭ پروفەسسورلارى بولدى.

ماسەلەن، «حيروسيمو-سەمەي» قوزعالىسىنىڭ حاتشىسى چەيكو كوباتاكە جاپونداردىڭ دەنى چەرنوبىل اپاتىن جاقسى بىلەتىنىن ايتتى. سونىمەن قاتار سەمەيدەگى 500-گە جۋىق يادرولىق جارىستىڭ حيروسيما جانە ناگاساكي قالالارىنا تاستالعان بومبالار قۋاتىنان الدەقايدا زور ەكەندىگىن، قازاق پەن جاپون حالىقتارىنىڭ تاعدىرلارى ۇقساس ەكەندىگىن تىلگە تيەك ەتتى. جاپوندىق مەيماندار كورسەتىلگەن قۇرمەتكە ريزاشىلىعىن ءبىلدىرىپ، ەكى ەل اراسىنداعى عىلىمي جانە دوستىق قارىم-قاتىناس ءالى دە نىعايا تۇسەرىنە سەنىم ءبىلدىردى.

انشى روزا رىمباەۆانىڭ «زامان-اي» ءانى جاپون جانە اعىلشىن تىلدەرىنە اۋدارىلعان. بۇل تۋرالى سەمەيگە العاش رەت تابان تىرەگەن جاپون قىزى ريوكا ميچيدا ايتىپ بەردى. ونىڭ ايتۋىنشا، سەمەي پوليگونى جۇرەككە جازىلماستاي جارا سالعاندىعىن جاپون حالقى جاقسى بىلەدى. سول سەبەپتى وسى ءان جاپون تىلىنە اۋدارىلىپ، الەمنىڭ كوپتەگەن ەلدەرىندە ورىندالىپ ءجۇر. ساحنا تورىنە كوتەرىلگەن كۇنشىعىس ەلىنەن كەلگەن مەيمان، ءبىر ساتكە بولماسىن كوز جاسىن تىيا المادى. جارىلىس زابدارىنان ونىڭ كوپتەگەن جاقىن-تۋىستارى ومىردەن وزعان. ال «زامان-اي» ءانىن ورىنداعاندا، لىق تولى زالدا وتىرعاندار ورىندارىنان تۇرىپ ۇزاق قول شاپالاقتادى.

كونفەرەنتسيا كەزىندە پوليگوندار تۋرالى دەرەكتى فيلمدەر ءتۇسىرىپ جۇرگەن شەتەلدىك جۋرناليستەر دە ءوز ويلارىمەن ءبولىستى. سونىڭ ءبىرى اقش-تان كەلگەن ءتىلشى احمەت فازي، ول سەمەي جانە كۋرچاتوۆ قالالارىندا بولعان. قازاقستاننىڭ بەيبىت ساياساتىن جۇرگىزۋگە بەت العانى تۋرالى باستاما كوپتەگەن ەلدەرگە ۇلگى ەكەندىگىن العا تارتتى. ونىڭ ايتۋىنشا، شەتەلدىك جۋرناليستەر مەديتسينالىق ۋنيۆەرسيتەتتىڭ اناتوميالىق مۇراجايىندا بولىپ، سەمەي پوليگونىنىڭ زاردابىن مۇقيات زەرتتەۋگە كۇش سالۋدا. ساپار بارىسىندا تەك ەل ىشىندەگى ەمەس، بۇكىل الەممەن بىرگە اۋىر كەزەڭدەردە بىرىگۋدىڭ جارقىن ۇلەس ءبىلدىرۋ ماڭىزدى دەگەن ويىمەن ءبولىستى.

كونفەرەنتسيا كەزىندە ءتۇرلى باعىتتاردا سەكتسيالار جۇمىس جاسادى. ۇيىمداستىرۋشىلار قاتىسۋشىلار نازارىنا مەديتسينانى دامىتۋدىڭ زاماناۋي اسپەكتىلەرىن ۇسىنىپ، جاس عالىمدار وزدەرىنىڭ زەرتتەۋلەرىمەن ءبولىستى.

كونفەرەنتسيا بارىسىندا عالىمدار رادياتسيا، ەكولوگيا، دەنساۋلىق ماسەلەلەرى جايلى كوزقاراستارى مەن پىكىرلەرىن ورتاعا سالدى. رادياتسيا جانە رادياتسيالىق قاۋىپسىزدىك، ەكولوگيالىق قولايسىز ايماقتارداعى كلينيكالىق مەديتسينانىڭ وزەكتى ماسەلەلەرى، زەرتحانالىق دياگنوستيكانىڭ زاماناۋي تالاپتارى، يادرولىق سىناق پوليگونى سالدارىنان تۋىنداعان ونكولوگيالىق اۋرۋلاردى ەمدەۋ جانە ونىڭ الدىن الۋ سىندى تاقىرىپتار توڭىرەگىندە باياندامالار جاسالدى.

بۇدان ءارى سەمەي مەديتسينالىق ۋنيۆەرسيتەتىنىڭ رادياتسيالىق مەديتسينا جانە ەكولوگيا عىلىمي-زەرتتەۋ ينستيتۋتى بازاسىندا «رادياتسيالىق ەكولوگيا جانە رادياتسيالىق قاۋىپسىزدىك» سەكتسياسى ءوتتى. تسيتوگەنەتيكالىق بيولوگيالىق دوزيمەتريا تاقىرىبىنا شەتەلدىك جانە وتاندىق عالىمدار اسا قىزىعۋشىلىق تانىتتى، وعان سانسىز سۇراقتار مەن ۇزاق پىكىرتالاسقا ۇلاستى.

كونفەرەنتسيادا ءسوز العان «نەۆادا-سەمەي» حالىقارالىق انتيادرولىق قوزعالىسى باتىس ايماقتىڭ فيليالىنىڭ ديرەكتورى، پروفەسسور ءىزىمعالي كوبەنوۆ، كوپ جىلدار بويى ايتىلىپ جۇرگەن اقتوبە وڭىرىندەگى شالقار كولىنە ەكولوگيالىق اپات ءتونىپ تۇرعاندىعى تۋرالى بايانداما جاسادى. كەيدە بالىقتار قىرىلىپ، سۋعا ءتۇسۋ ءقاۋىپتىڭ بارىن ەكولوگتار بىرنەشە رەت ەسكەرتكەن. توپىراق پەن سۋ قۇرامى دا تەكسەرىلگەن. شالقار كولىندە زياندى قوسپالاردىڭ مولشەرى كوپ. وتىرىس قورىتىندىسى بويىنشا شالقار كولىنىڭ ماسەلەسىن رەزوليۋتسياعا كىرگىزىپ، رەسپۋبليكالىق دەڭگەيدە كوتەرىلەتىن بولىپ شەشىلدى. ايتا كەتۋ كەرەك، كونفەرەنتسيا جۇمىسىنا ەلىمىزدىڭ باتىس وڭىرلەرى، اتاپ ايتقاندا اقتوبە، ولار، اتىراۋ جانە اقتاۋدان وكىلدەر بەلسەندى قاتىستى.

«داستۇرلى تۇردە وتكىزىلىپ تۇراتىن كونفەرەنتسيا الدىمەن سەمەي تۇرعىندارى ءۇشىن ماڭىزى وراسان زور دەپ بىلەمىن. وزدەرىڭىزگە بەلگىلى، بۇل ايماقتا 1949 جىلدان بەرى توقتاۋسىز جۇرگىزىلگەن اتوم جارىلىسى 1990 جىلعا دەيىن جالعاستى. وكىنىشكە وراي، بولعان زارداپتاردىڭ سالدارى ءالى كۇنگە دەيىن حالىقتىڭ دەنساۋلىعىنا تەرىس اسەر ەتۋدە جانە مۇنى جاسىرۋعا بولمايدى. ارينە، مەملەكەت تاراپىنان جاسالىپ جاتقان جۇمىستار از ەمەس، دەسە دە ەكولوگيا، رادياتسيا جانە دەنساۋلىق ماسەلەلەرىنە كوڭىل ءبولۋدى ءالى دە جالعاستىرا بەرۋىمىز قاجەت. جۇرگىزىلىپ جاتقان عىلىمي-زەرتتەۋ جۇمىستارى ەلىمىزدەگى مەديتسينا جانە دياگنوستيكانى دامىتۋ بويىنشا شەتەلدىك تاجىريبەگە جۇگىنىپ، تاجىريبە الماسقان ءجون. جاپونيا عالىمدارىمەن تىعىز قارىم-قاتىناس ورناعانىنا ءبىراز بولدى، ەندىگى كەزەكتە بۇل ىنتىماقتاستىقتى الدە دە جانداندىرۋ قاجەت»، — دەيدى ءىزىمعالي كوبەنوۆ.

سونداي-اق، بەيبىتشىلىك ارالىنداعى يادرولىق سىناق الاڭىنىڭ جابىلۋىنا 28 جىل تولۋىنا وراي بەيبىتشىلىك اكتسياسى وتكىزىلدى. وعان شاھار تۇرعىندارى مەن قوناقتارى، قوعام بەلسەندىلەرى مەن شەتەلدەن كەلگەن مەيماندار قاتىستى. جينالعاندار يادرولىق جارىلىس قۇرباندارىنىڭ رۋحىنا تاعزىم ەتىپ، گۇل شوقتارىن قويدى. بەيبىتشىلىك ارالىندا سەمەي سىناق پوليگونىندا بولعان جارىلىستاردان سىر شەرتەتىن فوتوسۋرەتتەر قويىلدى. سەمەي مەديتسينالىق ۋنيۆەرسيتەتىنىڭ ستۋدەنتەرى «بەيبىت ءومىر» اتتى فلەشموب كورسەتتى. وندا ستۋدەنتتەر 3 تىلدە اۋديو جازبا ارقىلى جارىلىسسىز ءومىردى بايانداپ، بەيبىتشىلىكتىڭ سيمۆولى سانالاتىن اق كوگەرشىندەردى اسپانعا ۇشىردى.

سەمەيگە جاساعان ساپارىندا باتىس وڭىرىنەن بارعان ماماندار XVIII عاسىردىڭ سوڭىندا ءومىر سۇرگەن، ەلى مەن جەرىن جاۋدان قورعاپ، 21 جاسىندا مەرت بولعان قازاقتىڭ قاس باتىرى كۇشىكباي قانايۇلىنىڭ باسىندا بولىپ، ءباھادۇردىڭ رۋحىنا ارناپ قۇران باعىشتادى. سونىمەن قاتار، اباي اۋدانى ءبورىلى اۋىلىنداعى مۇحتار اۋەزوۆتىڭ مۇراجاي-ۇيىندە بولىپ، قازاقتىڭ ۇلى جازۋشىسى، عۇلاما قالىمنىڭ ومىربايانىمەن تانىستى.

نۇربول قونجار،

قر جۋرناليستەر وداعىنىڭ مۇشەسى

ماڭعىستاۋ وبلىسى، اقتاۋ قالاسى



كەلۋ قاينارى: http://www.elarna.net/koru.php?tur=6&id=1045724

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


جاڭاوزەندە اكىمدىك قىزم 4 مينوت
مۇعالىمدەر ءبىرقاتار جە 6 مينوت
اقمولالىق سامبوشى ازيا 7 مينوت
ارقا تويى اجارلى | ادەب 16 مينوت
中国哈萨克语广播网 16 مينوت
سەنىمدى بەكەمدەپ، قاجىر 26 مينوت
قازاقستاندا تسيفرلىق كو 26 مينوت
اقمولالىق سامبوشى ازيا 28 مينوت
نۇر-سۇلتان بيزنەس قالاس 1 ساعات
مارات شيبۇتوۆ: سوڭعى 10 1 ساعات
قازاقستاندا 20 قىركۇيەك 1 ساعات
پرەزيدەنت بۇقتىرما سۋ ق 1 ساعات
中国哈萨克语广播网 1 ساعات
مەملەكەتتىك كەڭەستىڭ اق 1 ساعات
اقش اسكەري-تەڭىز كۇشتەر 1 ساعات
مەنىڭ جازعى دەمالىسىم. 1 ساعات
جامبىل وبلىسىندا پوليتس 1 ساعات
مامين «بايتەرەك» ۇبح» ا 1 ساعات
اسقار مامين قاراعاندى و 1 ساعات
جۇڭگو مەن سەربيا تۇڭعىش 1 ساعات
ەلىمىزدە تابىسى تومەن و 1 ساعات
اقتوبەدەگى «وق وتپەيتىن 1 ساعات
سەمەيدەگى سپورت كەشەنىن 1 ساعات
中国哈萨克语广播网 1 ساعات
الەۋمەتتىك نىسانداردى ج 1 ساعات
ەلوردادا مەكتەپكە اۆتوب 1 ساعات
جۇڭگو مەن پاكيستان بىرل 1 ساعات
مۇعالىمدەردى «بولاشاق» 1 ساعات
M1-Challenge 105 تۋرنير 2 ساعات
قازاقستان ايەلدەرى گينە 2 ساعات