پارلامەنت سەناتىنىڭ دەپۋتاتتارى تولەۋبەك مۇقاشەۆ، دۋلات قۇسداۋلەتوۆ، ميحايل بورتنيك، عۇمار دۇيسەمباەۆ جانە ءماجىلىس دەپۋتاتى قۇرالاي قاراكەن ەىقۇ پارلامەنتتىك اسسامبلەيانىڭ ليۋكسەمبۋرگتە وتكەن جىل سايىنعى ء28-شى سەسسياسىنا قاتىستى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.

بيىلعى وتىرىستىڭ تاقىرىبى قاۋىپسىزدىكتى نىعايتۋ جولىنداعى تۇراقتى دامۋعا جاردەمدەسۋدەگى پارلامەنتشىلەردىڭ رولىنە ارنالدى. دەپۋتاتتار تۇراقتى كوميتەتتىڭ، ساياسي جانە قاۋىپسىزدىك ماسەلەلەرى جونىندەگى جالپى كوميتەتتىڭ، ەكونوميكالىق ماسەلەلەر، عىلىم، تەحنولوگيالار جانە قورشاعان ورتا جونىندەگى جالپى كوميتەتتىڭ، دەموكراتيا، ادام قۇقىقتارى جانە گۋمانيتارلىق ماسەلەلەر جونىندەگى جالپى كوميتەتتىڭ وتىرىستارىنا قاتىستى.

ت.مۇقاشەۆ قازاقستاندىق دەلەگاتسيانىڭ باسشىسى رەتىندە اسسامبلەيانىڭ جالپى وتىرىسىندا ءسوز سويلەدى. سەناتور ءوز سوزىندە زاماناۋي قاۋىپتەردىڭ كۇشەيۋى اياسىندا ەىقۇ استانا ءسامميتى مۇراسىنىڭ ماڭىزدىلىعىن اتاپ ءوتىپ، قازاقستانداعى ساياسي جانە ەكونوميكالىق وزگەرىستەر ۇدەرىستەرى تۋرالى حاباردار ەتتى.

وتىرىس اياسىندا قازاقستان دەلەگاتسياسى ەىقۇ پا باسشىلىعىمەن كەزدەسىپ، تاراپتار قازاقستاننىڭ ەىقۇ جانە ونىڭ پارلامەنتتىك اسسامبلەياسىمەن ىنتىماقتاستىعىن ودان ءارى نىعايتۋ جولدارىن تالقىلادى. سەنات دەپۋتاتتارى سونداي-اق اۋستريا، رەسەي، بەلارۋس، وزبەكستان، شۆەيتساريا، يسپانيا جانە پورتۋگاليالىق ارىپتەستەرىمەن كەزدەسىپ، «ناسىلشىلدىك، جاتسىنۋ جانە سولارعا بايلانىستى توزىمسىزدىكتى كۇشەيتۋگە ىقپال ەتەتىن اسىرە ۇلتشىلدىق جانە باسقا دا كورىنىستەرمەن كۇرەس» تاقىرىبىنداعى دوڭگەلەك ۇستەلگە جانە ءبىرقاتار شارالارعا قاتىستى.

ەىقۇ پا جىل سايىنعى وتىرىستارىنىڭ قورىتىندىسى بويىنشا ليۋكسەمبۋرگ دەكلاراتسياسى قابىلداندى.