پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى                  م.قۇل-مۇحاممەد نۇر-سۇلتان قالاسىنداعى جاڭادان اشىلعان №4 ءورت ءسوندىرۋ بولىمىندە جانە ەلىمىزدىڭ ۇلتتىق ۇلانىنىڭ جەدەل ماقساتتاعى بريگاداسى -№ 5573 اسكەري بولىمىندە بولدى، دەپ حابارلايدى پارلامەنت سەناتىنىڭ ءباسپاسوز قىزمەتى.

سەناتور كەزدەسۋ بارىسىندا ءورت ءسوندىرۋ سالاسىنىڭ جاڭاتەحنيكاسىمەن جانە ءورت ءسوندىرۋ ءبولىمىنىڭ جابدىقتالۋىمەن تانىسىپ، ءورت سوندىرۋشىلەر جانە قۇتقارۋشىلارمەن پىكىر الماستى. ىشكى ىستەر ءمينيسترىنىڭ ورىنباسارى يۋ.ۆ.يلين ەلدى مەكەندەردىڭ اۋماقتارىن، ستراتەگيالىق، اسا ماڭىزدى مەملەكەتتىك نىسانداردى جانە مەملەكەتتىك مەنشىكتەگى تىرشىلىكتى قامتاماسىز ەتۋ نىساندارىن كۇزەتۋ مەن ءورتتى ءسوندىرۋدى قامتاماسىز ەتەتىن، اۆاريالىق-قۇتقارۋ جۇمىستارىن جۇرگىزەتىن ءورت قىزمەتىنىڭ ءىس-قيمىلى تۋرالى حاباردار ەتتى. نىسانداردىڭ ءزىلزىلاعا تۇراقتىلىعىن كۇشەيتۋ، ءورت ءسوندىرۋ دەپولارىنىڭ قۇرىلىسى مەن جوندەۋ، كۇرە جولدارداعى مەديتسينالىق-قۇتقارۋ بەكەتتەرىن ۇستاۋ، ءورت سوندىرۋشىلەر مەن قۇتقارۋشىلاردىڭ ەڭبەكاقىسىنىڭ تومەندىگى تۋرالى وزەكتى ماسەلەلەردى اتاپ ءوتتى.

م. قۇل-مۇحاممەد ءورت قاۋىپسىزدىگى، الەۋمەتتىك نىسانداردى ساقتاندىرۋ، حالىقتى توتەنشە جاعداي كەزىندە جەدەل ارەكەت ەتۋگە ۇيرەتۋ، ونەركاسىپ قاۋىپسىزدىگى جاعدايىنداعىتالاپتاردى قاتايتۋ ماسەلەلەرىن قوزعادى.

كوميتەت ءتوراعاسى سونداي-اق5573 اسكەري ءبولىمىنىڭ جەكە قۇرامىمەن كەزدەسىپ، ونىڭ ماتەريالدىق-تەحنيكالىق جابدىقتالۋىمەن، اسكەري قىزمەتشىلەردىڭ ءومىر ءسۇرۋ جانە تۇرمىس جاعدايىمەن تانىستى، اسكەري قىزمەتشىلەردىڭ كيىم-كەشەگى مەن كيىم ۇلگىسىن كوردى.

ۇلتتىق ۇلان باس قولباسشىسىنىڭ ورىنباسارى س.نۇراحمەتوۆ № 5573 اسكەري ءبولىمى نۇر-سۇلتان قالاسىنداعى قوعامدىق قاۋىپسىزدىك پەن قۇقىق ءتارتىبىن قامتاماسىز ەتۋگە ارنالعانىن اتاپ ءوتتى. ءبىرىڭعاي ۇلگىدەگى اسكەري قالاشىقتىڭ ينفراقۇرىلىمى جەكە قۇرامنىڭ جاۋىنگەرلىك ازىرلىگىن جوعارى دەڭگەيدە ۇستاۋعا مۇمكىندىك بەرەدى، تەحنيكالىق قىزمەت كورسەتۋ جانە جوندەۋ پۋنكتتەرىمەن جابدىقتالعان اۆتوموبيل پاركى، سپورت كەشەنى، قازىرگى زامانعى مۋلتيمەديالىق اتىس ءتيرى، وقۋ قالاشىقتارى مەن لازارەتى بار.

سەناتور مۇحتار قۇل-مۇحاممەد «قازاقستان رەسپۋبليكاسىنىڭ ۇلتتىق ۇلانى تۋرالى» زاڭدى جۇزەگە اسىرۋدىڭ، اسكەري قىزمەتشىلەردى الەۋمەتتىك جانە ماتەريالدىق-تەحنيكالىق قامتاماسىز ەتۋدىڭ وزەكتى ماسەلەلەرىن قوزعادى. ۇلتتىق ۇلاننىڭ باسشىلىعى ۇلتتىق ۇلاننىڭ شىعىستارىن قارجىلاندىرۋ كولەمىن تيىسىنشە ۇلعايتۋ، اسكەري قىزمەتشىلەرگە نىساندى كيىم-كەشەك، قارۋ-جاراق، ارنايى قۇرالدار مەن قاجەتتى جابدىقتاردى ساتىپ الۋعا قوسىمشا قاراجات ءبولۋ قاجەتتىگىن اتاپ ءوتتى.