ءتۇرى: Ult.kz ۇلىت تورابى
جولدانعان ۋاقىتى: 01:40 - 2021/02/24
اقمولا وبلىسىندا ءورت ەكى ادامنىڭ ءومىرىن قيىپ كەتتى، دەپ حابارلايدى "ۇلت اقپارات".
ۆەدومستۆونىڭ مالىمەتىنشە، اعىمداعى جىلى اقپاننىڭ 23-دە ساعات 03:55 مينۋت شاماسىندا زەرەندى اۋداندىق ءورت ءسوندىرۋ ءبولىمىنىڭ پۋلتىنە الەكسەەۆكا اۋىلىنداعى ءۇيدىڭ ورتەنىپ جاتقانى تۋرالى حابارلاما كەلىپ ءتۇستى. شاقىرۋ ورنىنا زەرەندى اۋدانىنىڭ جانە كوكشەتاۋ قالاسىنىڭ ءورت ءسوندىرۋ جاساقتارى جىبەرىلدى. ءورتتى ءسوندىرۋ جانە ءۇيدىڭ قۇرىلىمىن بۇزۋ بارىسىندا ەكى ادامنىڭ دەنەسى تابىلدى.
«كۋاگەرلەردىڭ سوزىنشە، قازا بولعان وتاعاسى ءورت كەزىندە ەكى بالامەن ۇيدە بولعان. ول بالالاردىڭ ءبىرىن ۇيدەن الىپ شىعىپ، ەكىنشىسىن قۇتقارماقشى بولعاندا ۇيدەن شىعا الماي قالعان. ءتىلسىز جاۋدى اۋىزدىقتاۋعا تجد جەكە قۇرامىنان 20 ادام جانە 5 ارنايى ءورت ءسوندىرۋ تەحنيكاسى جۇمىلدىرىلدى. ءورت ساعات 05:00 مينۋتتا اۋىزدىقتالىپ، 06:40-تا تولىق ءسوندىرىلدى»، - دەدى ۆەدومستۆودان.
تجد ءباسپاسوز قىزمەتىنەن اتاپ وتكەندەي، قازىرگى كەزدە ءورتتىڭ شىعۋ سەبەبى جانە ادامداردىڭ قازا بولۋىنا قاتىستى سوتقا دەيىنگى تەرگەۋ شارالارى جۇرگىزىلۋدە. سونداي-اق، سوت مەديتسينالىق ساراپتاما تاعايىندالىپ، ءورت - تەحنيكالىق زەرتحانا زەرتتەۋ جۇرگىزۋدە.
