ءتۇرى: Ult.kz ۇلىت تورابى
جولدانعان ۋاقىتى: 23:50 - 2021/02/23
الماتى وبلىسىنىڭ پوليتسەيلەرى اقپان ايىنىڭ 22-26 كۇندەرى وبلىس اۋماعىندا ء«جاسوسپىرىم» جەدەل الدىن الۋ ءىس-شاراسىن جۇرگىزۋدە، دەپ حابارلايدى "ۇلت اقپارات".
ارنايى شارانىڭ باستى ماقساتى – جاسوسپىرىمدەر اراسىنداعى قۇقىق بۇزۋشىلىق پەن قىلمىستاردىڭ الدىن الۋ، ولاردىڭ قۇقىعىن قورعاۋ.
«اتالعان شارانىڭ العاشقى كۇنى 250 اكىمشىلىك قۇقىق بۇزۋشىلىق انىقتادىق. ءتۇسىندىرۋ جۇمىستارىن جۇرگىزىپ، ءتيىستى اكىمشىلىك حاتتاما تولتىرۋ ءۇشىن 225 ءجاسوسپىرىم ىشكى ىستەر ورگاندارىنا جەتكىزىلدى. ونىڭ ىشىندە كامىلەتتىك جاسقا تولماعان بالانىڭ تۇنگى مەزگىلدە ۇيىنەن تىس جەردە جەكە ءجۇرۋى، ولاردىڭ ويىن-ساۋىق ورىندارىنا بارۋى، ولارعا تەمەكى جانە ىشىمدىك ونىمدەرىن ساتۋ جانە تاعى باسقا دەرەكتەرى بار. بالا تاربيەسىنە ءاتۇستى قاراعان 23 ادامعا حاتتاما تولتىرىلىپ، ايىپپۇل سالىندى. 6 ءجاسوسپىرىم ۋاقىتشا بەيىمدەۋ ورتالىعىنا جەتكىزىلدى»،- دەدى وبلىستىق پد جپقب اعا ينسپەكتورى پوليتسيا پودپولكوۆنيگى مەدەت قۇنانباەۆ.
تارتىپ ساقشىلارى 29 ءىس ماتەريالدارىن بالالار قۇقىعىن قورعايتىن ارنايى كوميسسيانىڭ قاراۋىنا ۇسىنعان. 38 ءجاسوسپىرىم مەن 27 قولايسىز وتباسى ارنايى ەسەپكە قويىلىپ، باقىلاۋعا الىندى.
پوليتسيا وكىلىنىڭ اقپاراتى بويىنشا، العاشقى كۇنى قۇقىق قورعاۋشىلار 315 كوڭىل كوتەرۋ ورنىن تەكسەرگەن. ولاردىڭ قاتارىندا مەيرامحانالار مەن كافەلەر، كومپيۋتەرلىك كلۋبتار، ساۋدا ورىندارى جانە جەرتولەدە ورنالاسقان ءتۇرلى ويىن-ساۋىق مەكەمەلەرى بار.
