ءتۇرى: Ult.kz ۇلىت تورابى
جولدانعان ۋاقىتى: 01:40 - 2019/08/14
بارلىق ءبىلىم بەرۋ ۇيىمدارى جۇمىستى باستاۋعا 100 پايىز دايىن بولۋى كەرەك. پرەمەر-مينيستر اسقار مامين اكىمدەرگە وسىنداي مىندەت جۇكتەدى، جەپ حابارلايدى "ۇلت اقپارات".
«1 قىركۇيەككە دەيىن از ۋاقىت قالدى. وزدەرىڭىز كورىپ وتىرعانداي، شەشىلۋى ءتيىس شۇعىل شارۋالار بار. بارلىق ءبىلىم بەرۋ ۇيىمدارىنىڭ كۇردەلى جانە اعىمداعى جوندەۋ جۇمىستارى ءالى اياقتالماعان. مەكتەپتەردىڭ 85 پايىزى عانا جاڭا وقۋ جىلىن باستاۋعا دايىن. اكىمدەرگە قويىلاتىن مىندەت – ءبۇتىن ءبىلىم بەرۋ وشاعى جۇمىستى باستاۋعا 100 پايىز دايىن بولۋى كەرەك»، - دەدى ۇكىمەت باسشىسى بۇگىنگى وتىرىستا.
پرەمەر-مينيستر ءوز سوزىندە شىمكەنت قالاسى مەن تۇركىستان وبلىسىنا وقۋلىقتاردى جەتكىزۋ مەرزىمى كەشىكتىرىلىپ وتىرعانىن ەسكەرتتى.
«قارجى ۋاقىتىندا بولىنبەگەندىكتەن قوستاناي، پاۆلودار، اقمولا، قىزىلوردا وبلىستارىندا وقۋلىقتار قاجەتتى دارەجەدە قامتاماسىز ەتىلمەۋى مۇمكىن. وسى ماسەلەنى باقىلاۋعا الۋ كەرەك. بالالاردى مەكتەپكە تاسىمالداۋ مەن ىستىق تاماق بەرۋ ماسەلەسى تولىق شەشىلمەگەن. باستى ماسەلە – كولىكتىڭ جەتىسپەۋى. اسىرەسە، تۇركىستان مەن سقو-دا. شامامەن 360 مەكتەپتە ءتيىستى ساناتتاعى وتباسىلاردىڭ وقۋشىلارىن تاماقتاندىرۋ ۇيىمداستىرىلماعان. ءوڭىر اكىمدەرى وسى ماسەلەنى شەشۋى كەرەك. گۇلشارا ناۋشاقىزى (پرەمەر-مينيستردىڭ ورىنباسارى گۇلشارا ءابدىقالىقوۆا – اۆت)، بۇل ماسەلەنى نازارعا الىڭىز»، - دەدى اسقار مامين.
