ءتۇرى: Ult.kz ۇلىت تورابى
جولدانعان ۋاقىتى: 20:10 - 2019/08/13
ۋكراينا پرەزيدەنتى ۆلاديمير زەلەنسكي ۋكراينا ازاماتتىعىن الۋ شارتتارىن جەڭىلدەتەتىن جارلىققا قول قويدى.
13 تامىزدا جاريالانعان قۇجاتقا ساي، رەسەيدە ساياسي كوزقاراستارى ءۇشىن قىسىم كورگەن رەسەيلىكتەر ۋكراينا ازاماتتىعى جەڭىلدەتىلگەن جولمەن الا الادى. بۇدان بولەك، ۋكراينانىڭ ۇلتتىق قاۋىپسىزدىگى مەن ەلدى قورعاعان شەتەلدىكتەر دە ۋكراينا ءتولقۇجاتىن الۋعا مۇمكىندىگى بار.
13 تامىزدا رەسەي پرەزيدەنتى ۆلاديمير پۋتين دە رەسەي ازاماتتىعىن الا الاتىن ۋكراينالىقتاردىڭ ساناتىن كەڭەيتكەن. بۇل قۇجاتقا ساي، دونەتسك جانە لۋگانسك وبلىسىنىڭ بارلىق تۇرعىنى رەسەي پاسپورتىن الۋىنا بولادى. 24 ساۋىردە پۋتين سەپاراتيستەر باقىلاۋىنداعى ايماقتىڭ تۇرعىندارىنا رەسەي ازاماتتىعىن الۋدى جەڭىلدەتكەن.
رەسمي ماسكەۋ ءۇش ايدىڭ ىشىندە دونباستىڭ جەتى مىڭ تۇرعىنى رەسەي ازاماتتىعىن العانىن حابارلادى. ۋكراينا، ەۋروپا وداعى جانە كانادا پۋتين ۇسىنعان بۇل ءتولقۇجاتتى زاڭسىز دەپ تانىعان.
