ءتۇرى: Ult.kz ۇلىت تورابى
جولدانعان ۋاقىتى: 19:20 - 2019/07/11
پاۆلودار وبلىسى باياناۋىل اۋدانىندا 53 جاستاعى رەسەيلىك تۋريست شىڭنان قۇلادى. ونىڭ وڭ اياعى سىنىپ، اۋداندىق اۋرۋحاناعا جەتكىزىلدى، دەپ حابارلايدى pavlodarnews.kz.
تج وڭىرلىك دەپارتامەنتىنەن حابارلانعانداي، 53 جاستاعى رەسەيلىك جاسىباي كولىندە تۋربازامەن دەمالىپ جۇرگەن.
«10 شىلدەدە 18:00-دە 112 نومىرىنە جاسىباي دەمالىس ايماعىندا جەدەل-قۇتقارۋ جاساعى رەسەي فەدەراتسياسىنىڭ ازاماتىن شىڭنان ەۆاكۋاتسيالاعان. 1966 جىلعى ازامات ابايسىزدا ەكى مەترلىك بيىكتىكتەن قۇلاپ، اۋداندىق اۋرۋحاناعا جەتكىزىلدى»، - دەدى ۆەدومستۆودا.
باياناۋىل اۋداندىق تج بولىمىندە تۋريستىك جاسىبايدا جۇبايىمەن بىرگە دەمالىپ جۇرگەنىن ايتتى.
«ول تاۋدا جۇبايىمەن بىرگە بولعان. تۋريست تاۋعا سۋرەتكە ءتۇسۋ ءۇشىن شىققان. تاۋدىڭ بيىكتىگى 130 مەتر. ەر ادام ەكى مەترگە كوتەرىلىپ، اياعى قايىرىلىپ قالعان. ءوز-وزىن ۇستاي الماي، تومەن قاراي قۇلاعان. ايەلى تۋربازاعا كەلىپ، وقيعا تۋرالى حابارلاعان»، - دەدى ءبولىمنىڭ باس مامانى، ازاماتتىق قورعانىس پولكوۆنيگى دانيار توقاتوۆ.
حابارلامانى تج مەن جەدەل جاردەمگە جىبەرگەن. دەنساۋلىق ساقتاۋ باسقارماسىنان اتاپ وتكەندەي، وڭ اياعى سىنعان ەر ادام العاشقىدا اۋداندىق اۋرۋحاناعا، كەيىن ءبىرىنشى پاۆلودار قالالىق اۋرۋحاناسىنا جەتكىزىلگەن.
«ناۋقاس تولىقتاي ەم قابىلداپ جاتىر، ونىڭ جاعدايى ورتاشا اۋىر دەپ باعالانىپ وتىر»، - دەدى باسقارمادان.
