ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-102001851947 %53 %
2019-12-111970784544 %56 %
2019-12-1225248442 %58 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Ult.kz ۇلىت تورابى

جولدانعان ۋاقىتى: 14:30 - 2019/07/11

شىعىس قازاقستاننىڭ تارباعاتاي اۋدانىنداعى ەلەكە سازى جايلاۋىندا كەڭ اۋقىمدى ارحەولوگيالىق قازبالار ءجۇرىپ جاتىر. بىلتىر «التىن ادام» تابىلعان اۋماقتان بيىل التىنمەن اپتالعان بۇعىنىڭ باستارى شىقتى، دەپ حابارلايدى "ۇلت اقپارات".

بيىل ەلەكە سازىندا اينالاسى 25 شاقىرىمعا جايىلعان قورىمدار كەشەنى زەرتتەلىپ جاتىر. جاڭا تابىلعان جادىگەرلەردى وبلىس اكىمى دانيال احمەتوۆ كورىپ قايتتى. بەلگىلى ارحەولوگتار زەينوللا ساماشەۆ پەن ابدەش تولەۋباەۆ باستاعان جەتى توپ جانە ءال-فارابي اتىنداعى قازاق مەملەكەتتىك اكادەمياسىنىڭ ەكسپەديتسياسى سىرتىنان سىنتاستارمەن قورشالعان قورىمدار كەشەنىنە «پاتشا قورعانى» دەپ ات قويىپتى. «پاتشا قورعانىنان» تابىلعان جادىگەرلەردىڭ اراسىندا ءمۇيىزى التىن سىمنان ورىلگەن بۇعى باسىنىڭ ۇساق پىشىندەرى بۇل ولكە ءۇشىن تىڭ تۋىندى بولىپ وتىر.


«ەلەكە سازى ەسكەرتكىشىنەن وتكەن جىلى «التىن ادام» تابىلسا، بيىل دا وتە قىزىقتى زاتتار تاۋىپ جاتىرمىز. ولار ءبىزدىڭ زامانىمىزعا دەيىنگى ءVىىى عاسىرداعى اتا-بابالارىمىزدىڭ مادەنيەتىن، تۇرمىس-تىنىسىن كورسەتەدى. بۇلار تەك العاشقى تابىلعان مۇرالار، قالعاندارى وسى ايدىڭ سوڭىندا، تامىزدىڭ باسىنا قاراي بولىپ قالادى»، - دەيدى زەينوللا ساماشەۆ.


ابدەش تولەۋباەۆتىڭ ايتۋىنشا، ەكى اپتادان كەيىن «ساردار-1» ۇلكەن جەرلەۋ كامەراسى اشىلادى. زەرتتەۋ جۇرگىزىلىپ جاتقان بۇل قورىمدا ءبىرقاتار كونە مەديتسينالىق قۇرالدار، سونىمەن قاتار، ەرتە ساق كەزەڭىنە جاتاتىن تاس پىشاقتار بار.

وبلىس اكىمى اتالمىش جادىگەرلەر الداعى ۋاقىتتا ەۋروپا تورىندە ۇيىمداستىرىلاتىن كورمەلەرگە قويىلاتىنىن ايتادى.

«بۇل - قازاقستان تاريحىنا جاڭا كوزقاراس. حالقىمىزدىڭ تاريحىن قايتا جازدىراتىن تىڭ مۇرالار. ءبىزدىڭ تەك كوشپەلى ەل بولماعانىمىزدى ايقىندايدى. اتا-بابامىزدىڭ ءبىزدىڭ زامانىمىزعا دەيىنگى ءVىىى عاسىردا جوعارى دەڭگەيدەگى وركەنيەتتى قالىپتاستىرعانىن دالەلدەيدى. تەرەڭ ءبىلىم مەن تەحنولوگيا ءتىلىن بىلگەنىن كورسەتەدى. ونى ءبىز بۇكىل الەمگە كورسەتۋىمىز كەرەك. كەلەر جىلى «ۇلى دالا التىندارى» كورمەسىن ستامبۋلدا، ال 2020 جىلى انگليانىڭ مۋزەيلەرىنىڭ بىرىندە ۇيىمداستىرۋدى جوسپارلاپ وتىرمىز»، - دانيال احمەتوۆ.


«پاتشا قورعانىنىڭ» جانىنان قازىلعان ۇساق قورىمداردىڭ ىشىندە ءار سيپاتتا جەرلەنگەن ادام سۇيەكتەرى تابىلعان. اسىرەسە، باسىنا تاس جاستىق قويىپ، بىرگە جەرلەنگەن انا مەن بالانىڭ سۇيەگى دە زەرتتەۋشىلەردىڭ نازارىنا ىلىگىپ وتىر.


«تاعى ءبىر مولادا ءجاسوسپىرىم بالانى بەسىك سۇلباسىندا جاسالعان تاسقا سالىپ جەرلەگەن. بۇل شامامەن قولا كەزەڭىنىڭ مادەنيەتىنە جاتادى. ونىڭ قاسىندا قويدىڭ ەتى سالىنعان كەراميكالىق قۇمىرا بار. قۇمىرانىڭ ءوزى ەرتە ساق داۋىرىنە كەلەدى. ال ءۇشىنشى ەسكەرتكىش شامامەن ءۇيسىن، قۇلاجورعا مادەنيەتىنە جاقىن. ەر ازاماتتىڭ سۇيەگىنىڭ قاسىندا پىشاق، قۇمىرا، سونداي-اق، قۇيرىق ماي قويىلعان. وعان دالەل قۇيىمشاقتان قالعان قالدىق»، - دەيدى ارحەولوگ زەينوللا ساماشەۆ.


«ەلەكە سازى القابىندا ءبىزدىڭ زامانىمىزعا دەيىنگى ءVىىى عاسىردان ءبىزدىڭ زامانىمىزدىڭ ءVىىى عاسىرىنا دەيىنگى ارالىقتى قامتىعان ۇزىلمەگەن بايلانىس جاتىر. ءسوزسىز، جۇمىستى بىتىرگەننەن كەيىن بۇل القاپ حالقىمىزدىڭ ماقتانىشى بولادى. سونداي-اق، مۇندا ازياداعى جالعىز «قاعان» كەشەنىن زەرتتەپ جاتىرمىز. ءبىز مونعوليادا تابىلعان بىلگە قاعان، كۇلتەگىن كەشەندەرىن بىلەمىز. ەلەكە سازىندا تابىلعان بىرەگەي كەشەن سونىڭ سىزباسىن قايتالايدى. جاقىن ارادا ءبىزدىڭ ەكى مىقتى عالىمىمىز الەمگە جاڭا قازاقستاندى پاش ەتەدى دەگەن سەنىمدەمىن»، - دەيدى دانيال احمەتوۆ.



كەلۋ قاينارى: http://www.elarna.net/koru.php?tur=53&id=1021895

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى