نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: Islam.kz رۋحاني اقپاراتتارى

جولدانعان ۋاقىتى: 01:45 - 2021/04/08

Нақты Көзі: https://islam.kz/kk/articles/islam-jane-gylym/ihsan-jane-muraqaba-3438/

يحسان جانە مۇراقابا

(*يحسان جانە مۇراقابا: كاي جەردە بولسا دا، قانداي جاعدايدا بولسا دا اللا تاعالا ونى كورىپ تۇر، ىستەگەن ىستەرىن باقىلاپ تۇر جانە ونىڭ ءاربىر جاعدايىن ءبىلىپ تۇر دەگەن ىشكى سەزىم).  

ء

مۇمين ءوزىنىڭ ءاردايىم ءيلاھي باقىلاۋدا جۇرگەندىگىن سەزىنۋى جانە وسى سەزىمنىڭ جۇرەكتە بەرىك ورنىعۋى دەگەن ماعىناعا كەلەتىن يحسان ۇعىمى اللاقا جاقىن قۇلداردىڭ رۋحاني ميعراجى بولىپ تابىلادى.

اللا تاعالانىڭ قۇلداردىڭ ءاربىر ىس-ارەكەتىن كورىپ تۇراتىندىعى جانە ۋاقىتى كەلگەندە ولاردى جاۋاپقا تارتاتىندىعى اياتتا بىلاي باياندالادى:

«ولارعا (بولعان جاعدايلاردى) ءبىلىپ باياندايمىز. ءبىز ولاردان جاسىرىن ەمەسپىز. (ياعني، ولاردان ۇزاق جانە حابارسىز ەمەسپىز، بارلىق نارسەگە كۋامىز)» (اعراف سۇرەسى، 7-ايات).

«(مۇنافىقتار) اللا ولاردىڭ سىرلارىن دا، ءوزارا سىبىرلاسقاندارىن دا جاقسى بىلەتىندىگىنە جانە اللاتىڭ بارلىق كومەسكىلەردى اپ-انىق ءبىلۋشى ەكەندىگىنە ءالى كوزدەرى جەتپەدى مە؟» (تاۋبە سۇرەسى، 78-ايات).

«(لۇقمان) قۇلىنىم! ىستەگەن ءىسىڭ جاقسىلىق پەن جاماندىق توزاڭنىڭ سالماعىنداي بولسا دا، ءبىر جار تاستىڭ ىشىندە بولسىن، مەيلى كوكتە نەمەسە جەردىڭ استىندا بولسىن اللا ونى (قيامەت كۇنى) الدىڭنان شىعارادى. شىنىندا، اللا ەڭ جاسىرىن ىستەردى كورىپ، ءبىلۋشى ءارى بارلىق نارسەنى تولىق ءبىلۋشى» (لۇقمان سۇرەسى، 16-ايات).

كۇندەلىكتى ومىرىمىزدە ءبىر كوزدىڭ وزىنە قاراپ، باقىلاپ تۇرعانىن سەزگەن كىسى قاتە ءسوز ايتۋدان ءارى قانداي دا ءبىر قاتەلىك ىستەۋدەن ءوزىن تىياتىنى ايدان انىق. بۇل وزىنە ەشقانداي جازا بەرە المايتىن جۇپ كوزدىڭ الدىندا وسىلاي. تاپ سول سياقتى يحسان دارەجەسىنە جەتكەن ءمۇمين دە اللا تاعالانىڭ ءوزىن ءاردايىم كورىپ تۇراتىنىن جانە نە ويلاپ، نە سويلەگەنىن، ياعني ىستەگەن ءاربىر ءىسىن بىلەتىنىن تەرەڭ ۇعىنىپ جۇرەدى.

يحساننىڭ كەلەسى ءبىر ماعىناسى – كەز كەلگەن ىس-ارەكەتتى ەڭ كەمەل دارەجەدە ورىنداۋ.

اقتىق دەمگە دايىندالۋدا پايداسى تيەتىن ماڭىزدى نارسەلەردىڭ ءبىرى دە وسى – يحسان سەزىمىن جۇرەكتە ورنىقتىرۋ. ياعني، اللا تاعالامەن ءاردايىم بىرگە ەكەندىگىڭدى جانە ءيلاھي باقىلاۋدا جۇرگەندىگىڭدى سەزىنىپ، ۇعىنۋ. ءبىراق تا مىنانى ەستەن شىعارماعانىمىز ءجون، اللاپەن بىرگە بولۋ سەزىمىنە تەك اللا تاعالانى وتە كوپ زىكىر ەتۋ ارقىلى عانا قول جەتكىزە الماقپىز.

يحسان مەن مۇراقابا مارتەبەلەرىنە ۇلاسۋدا جاسالاتىن ەكىنشى قادام:

 اللا تاعالانىڭ مىنا اياتتارىنا وي جۇگىرتۋ:

«...قاي جەردە بولساڭدار دا، ول سەندەرمەن بىرگە...» (حاديد سۇرەسى، 4-ايات).

«...بىز وعان (ادام بالاسىنا) كۇرە تامىرىنان دا جاقىنبىز» (قاف سۇرەسى، 16-ايات).

«...بىلىپ قويىڭدار! اللا ادام مەن ونىڭ جۇرەگىنىڭ اراسىنا كىرەدى...» ء(انفال سۇرەسى، 24-ايات).

راسۋلۋللاھ (سالل اللاۋ ءالايھي ءۋا ءساللام) بۇل جايىندا:

«يماننىڭ ەڭ جوعارعى مارتەبەسى قايدا جۇرسەڭدە، اللاتىڭ سەنىمەن بىرگە ەكەنىن ءبىلۋىڭ» دەگەن (حايسامي ءى، 60).

اللاتىڭ ەلشىسىنىڭ (ساللاللاھۋ ءالايھي ءۋا ءساللام) كۇندىز-تۇنى، قيىنشىلىقتا ءارى مولشىلىقتا، سوعىستا ءارى بەيبىت كۇندەردە، ياعني ءاردايىم يحسان سەزىمىندە جۇرگەندىگىندە ەش كۇمان جوق. ونىڭ ءارۋاقىت زىكىر ەتىپ ءجۇرۋى، ءاربىر ارەكەتى ءۇشىن دۇعا قىلىپ، ءمىناجات ەتۋى، ءاردايىم ءناپىل ناماز وقۋى، تۇندە اياعى ىسكەنشە ناماز وقىپ، قيامدا تۇرۋى، قۇقىقتاردى ورىنداۋدا كورسەتكەن ۇقىپتىلىعى، ءاردايىم ادىلدىك پەن حاقيقاتتى ۋاعىزداپ-ناسيحاتتاۋى سىندى ىزگى امالدارى – ونىڭ ەڭ قۋاتتى يحسان سەزىمىنە يە ەكەندىگىنىڭ ايقىن دالەلدەرى...

نەگىزىندە قۇلدىڭ ەڭ ۇلكەن باقىتى راببىسىمەن ءاردايىم بىرگە ەكەندىگىن سەزىنۋى. ويتكەنى، الەمنىڭ جاراتۋشىسى ءاردايىم قۇلىمەن بىرگە بولۋدى قالايدى. بۇل جايىندا بىلاي دەيدى:

«ولار تىك تۇرعاندا، وتىرعاندا، جانباستاپ جاتقاندا (ياعني ءاردايىم) اللاتى ەستەرىنە الادى جانە كوك پەن جەردىڭ جاراتىلىسى جايىندا تەرەڭ وي جۇگىرتەدى; «راببىمىز! سەن بۇلاردى قۇر بەكەرگە جاراتقان جوقسىڭ. سەنى پاكتەپ، دارىپتەيمىز. ءبىزدى ءجاھاننام وتىنان ساقتا! (دەپ جالبارىنادى)» ء(الي يمران سۇرەسى، 191-ايات).

الايدا، ناپسىلىك قالاۋلارعا جەڭىلگەن، جۇرەككە باعىنبايتىن اقىل اللا تاعالامەن بىرگە بولۋ ءلاززاتىنىڭ ءدامىن تاتا المايدى. ياعني، ەڭ ۇلكەن ىزگىلىك پەن باقىتتان قول ۇزەدى.

عيباداتتاردان راحات الىپ، ءلاززاتقا بولەنۋ، ولاردان جالىقپاۋ تەك يحسان سەزىمىنە قول جەتكىزۋ ارقىلى عانا مۇمكىن بولماق. جۇرەگى يحسان سەزىمىنەن جۇرداي كىسى ناماز وقىسا بولدى، شارشايدى. ناماز وعان اۋىر تيەدى. ەگەر ول باي ادام بولسا، زەكەت پەن ساداقا بەرۋدەن، جوق-جىتىكتەرگە قول ۇشىن سوزۋدان تارتىنادى. ويتكەنى، ول اللاتىڭ ءوزىن ءاردايىم باقىلاپ تۇرعاندىعىنان عاپىل بولعاندىقتان، يماننىڭ ءلاززاتتى ءدامىن تاتپاعان.

وسى تۇرعىدان، دۇرىس وقىلاتىن ناماز، شىنايى كوڭىلمەن بەرىلەتىن زەكەت پەن ساداقا، كوڭىل قۇزىرىمەن ۇستالاتىن ورازا، ماحابباتپەن ورىندالاتىن قاجىلىق، ۇرەي مەن ءۇمىت اراسىندا بولاتىن ساۋ جۇرەك، كوركەم احلاق جانە وزگە دە جاقسى دۇنيەلەردى يحساننىڭ بەرەكەتتەرى دەپ ايتۋعا ابدەن بولادى.

نەگىزىندە قۇلدىڭ ەڭ ۇلكەن باقىتى راببىسىمەن ءاردايىم بىرگە ەكەندىگىن سەزىنۋى. ويتكەنى، الەمنىڭ جاراتۋشىسى ءاردايىم قۇلىمەن بىرگە بولۋدى قالايدى. بۇل جايىندا بىلاي دەيدى:

«ولار تىك تۇرعاندا، وتىرعاندا، جانباستاپ جاتقاندا (ياعني ءاردايىم) اللاتى ەستەرىنە الادى جانە كوك پەن جەردىڭ جاراتىلىسى جايىندا تەرەڭ وي جۇگىرتەدى; «راببىمىز! سەن بۇلاردى قۇر بەكەرگە جاراتقان جوقسىڭ. سەنى پاكتەپ، دارىپتەيمىز. ءبىزدى ءجاھاننام وتىنان ساقتا! (دەپ جالبارىنادى)» ء(الي يمران سۇرەسى، 191-ايات).

الايدا، ناپسىلىك قالاۋلارعا جەڭىلگەن، جۇرەككە باعىنبايتىن اقىل  اللا تاعالامەن بىرگە بولۋ ءلاززاتىنىڭ ءدامىن تاتا المايدى. ياعني، ەڭ ۇلكەن ىزگىلىك پەن باقىتتان قول ۇزەدى.

عيباداتتاردان راحات الىپ، ءلاززاتقا بولەنۋ، ولاردان جالىقپاۋ تەك يحسان سەزىمىنە قول جەتكىزۋ ارقىلى عانا مۇمكىن بولماق. جۇرەگى يحسان سەزىمىنەن جۇرداي كىسى ناماز وقىسا بولدى، شارشايدى. ناماز وعان اۋىر تيەدى. ەگەر ول باي ادام بولسا، زەكەت پەن ساداقا بەرۋدەن، جوق-جىتىكتەرگە قول ۇشىن سوزۋدان تارتىنادى. ويتكەنى، ول اللاتىڭ ءوزىن ءاردايىم باقىلاپ تۇرعاندىعىنان عاپىل بولعاندىقتان، يماننىڭ ءلاززاتتى ءدامىن تاتپاعان. وسى تۇرعىدان، دۇرىس وقىلاتىن ناماز، شىنايى كوڭىلمەن بەرىلەتىن زەكەت پەن ساداقا، كوڭىل قۇزىرىمەن ۇستالاتىن ورازا، عاشىقتىقپەن ورىندالاتىن قاجىلىق، ۇرەي مەن ءۇمىت اراسىندا بولاتىن ساۋ جۇرەك، كوركەم احلاق جانە وزگە دە جاقسى دۇنيەلەردى يحساننىڭ بەرەكەتتەرى دەپ ايتۋعا ابدەن بولادى.

ونەگەلى كورىنىستەر

ابدۋللاھ بين ابباس (رادي اللاۋ انھۋما) بىلاي دەيدى:

ء

بىر كۇنى اللاتىڭ ەلشىسىنىڭ (سالل اللاۋ ءالايھي ءۋا ءساللام) ارتىنا مىنگەسىپ كەلە جاتتىم. ول ماعان: «قۇلىنىم! ساعان بىرنەشە قاعيدا ۇيرەتەيىن» - دەدى. سوسىن ءسوزىن ارىقاراي جالعاستىرىپ:

« اللاتىڭ بۇيرىقتارىن ساقتا! سوندا اللا تا سەنى ساقتايدى. اللاتىڭ رازىلىعىن بارلىق ىسىڭدە الدىڭعى كەزەككە قويساڭ، اللاتى الدىڭنان تاباسىڭ. بىرنارسە سۇراماق بولساڭ، اللاتان سۇرا. جاردەم سۇراساڭ دا، اللاتان سۇرا!..» (تيرميزي، قيامەت 59/2516).

تاعى ءبىر ريۋاياتتا بىلاي دەلىنگەن:

« اللاتىڭ امىرلەرى مەن تىيىمدارىن ساقتاپ ءجۇر، سوندا ونى الدىڭنان تاباسىڭ. مولشىلىق كەزدە اللاتى تانىساڭ، قيىنشىلىق كەزدە ول سەنى تانيدى...» (احمەد ءى، 307).

پايعامبارىمىز (سالل اللاۋ ءالايھي ءۋا ءساللام) جوعارىداعى سوزدەرى ارقىلى يحسان جانە ونىڭ جەمىستەرىن وتە تاماشا ساباقتاپ بەرگەن.

ابدۋللاھ بين ومار (رادي اللاۋ انھۋما) دوسىمەن بىرگە ءمادينا ايماعىنداعى ءبىر جەرگە بارماق بولىپ جولعا شىعادى. جولدا داستارقان جايىپ، اس جەپ وتىرعاندا قاستارىنا ءبىر قويشى كەلىپ، سالەم بەرەدى.

ابدۋللاھ بين ومار:

– ەي، قويشى كەل، دامنەن اۋىز تي، - دەدى. قويشى:

– مەن ورازامىن، اۋزىم بەرىك، - دەپ جاۋاپ قايىردى. يبن ومار:

– وسىنداي ىستىق كۇندە قالاي ورازا ۇستاپ ءجۇرسىڭ؟ ءارى وسى حالىڭمەن قوي باعىپ ءجۇرسىڭ بە؟ - دەدى. ارتىنان قويشىنىڭ تاقۋالىعىن سىناماق بولىپ:

– مىنا قويلارىڭنىڭ بىرەۋىن بىزگە سات. اقشاسىن تولەيمىز. اۋىز اشقانىڭا جەتەرلىك ەت تە بەرەيىك. بۇعان قالاي قارايسىڭ؟ - دەپ ۇسىنىس جاسادى.

سوندا قويشى:

– بۇلار مەنىڭ قويىم ەمەس، قوجايىنىمدىكى، - دەپ جاۋاپ بەردى. ابدۋللاھ يبن ومار (رادي اللاۋ انھۋ):

– جوعالىپ قالدى دەپ ايتاسىڭ، قوجايىنىڭ ونى قايدان بىلەدى دەيسىڭ؟ - دەدى. قويشى ءجۇزىن كوككە بۇردى، سوسىن سۇق ساۋساعىن جوعارى كوتەرىپ:

– سوندا اللا قايدا؟ - دەدى.

يبن ومار (رادي اللاۋ انھۋ) قويشىنىڭ يحسان مەن مۇراقابا سەزىمىنە قاتتى ءتانتى بولدى. ءبىراز ويلانىپ تۇردى. وز-وزىنە قويشى « اللا قايدا دەدى؟»، قويشى « اللا قايدا دەدى؟» دەپ ىشىنەن قويشىنىڭ سوزدەرىن قايتالادى.

ء

ماديناعا ورالعان سوڭ قويشىنىڭ قوجايىنىنا ەلشى جىبەرىپ، قويشى مەن قويلارىن ساتىپ الادى. سوسىن قويشىنى ازات ەتىپ، قويلاردى وعان تارتۋ ەتەدى (يبن ءاسير، ۋسدۋل-عابا ءىىى، 341).

مىنە بۇل – يحسان مەن مۇراقابا سەزىمدەرىنىڭ كەرەمەتتىگى جانە ولاردىڭ وسى دۇنيەدەگى بەرەكەتى مەن تيگىزگەن پايداسى. ال سوندا اقىرەتتەگى پايداسى قانداي بولماق؟ ونى تارازىلاۋ ءوزىڭىزدىڭ ەنشىڭىزگە قالسىن.

حازىرەت  ومار  (رادياللاھۋ  انھۋ)  حاليفالىعى  تۇسىندا  حازىرەت مۋعازدى  كيلاب  ۇرپاقتارىنىڭ  تايپاسىنا  جىبەرەدى.  ونىڭ  اتقاراتىن مىندەتى مەملەكەت قازىناسىنان ءتيىستى ورىندارعا وتەلۋى ءتيىس قاراجاتتاردى وتەۋ، يەلەرىنە بەرىلۋى كەرەك مالداردى بەرۋ، بايلاردان الىنعان زەكەتتەردى كەدەيلەر مەن مۇقتاجدارعا تارقاتۋ بولاتىن. مۋعاز  (رادياللاھۋ  انھۋ)  موينىنا  العان  بۇل  مىندەتتى  ءتيىستى دارەجەدە ورىنداپ، ادامداردىڭ ىقىلاس-ريزالىعىنا بولەنىپ، قىزىقتى ەستەلىكتەرمەن  كەرى  قايتىپ  كەلە  جاتادى.  كەرى  قايتقاندا  ونىڭ  دۇنيە-مالى رەتىندە ءبىر مويىن وراعىشى عانا قالادى. ول مويىن وراعىشى ول جاققا بارا جاتقاندا وزىندە بار بولاتىن. ءبىر جولى ايەلى وعان:

– مۇنداي قىزمەتتەگى ادامدار بەلگىلى مولشەردە ايلىق الادى. ۇيلەرىنە سىيلىق الا كەلەدى. ال سەنىڭ سىيلىقتارىڭ قايدا؟ - دەيدى.

مۋعاز (رادياللاھۋ انھۋ):

– مەنىمەن بىرگە قاسىمنان ەش ايرىلمايتىن ءبىر باقىلاۋشى بار ەدى. العان  ءاربىر  نارسەمدى  جانە  بەرگەن  ءاربىر  نارسەمدى  ەسەپتەپ  تۇردى،  -  دەپ جاۋاپ بەرەدى.

ايەلى اشۋلانىپ:

– راسۋلۋللاھ (ساللاللاھۋ ءالايھي ءۋا ءساللام) كەز كەلگەن نارسەدە ساعان سەنۋشى ەدى. ءابۋ باكىر دە سولاي بولاتىن. ەندى ومار كەلدى دە، سەنىمەن بىرگە باقىلاۋشى جىبەرىپ، ءاربىر ءىسىڭدى قاداعالاپ ءجۇر مە؟ - دەدى.

بۇل  ءسوز  حازىرەت  وماردىڭ جۇبايىنا  ودان  حازىرەت  ومارعا  جەتەدى. ومار راديالاھۋ انھ حازىرەت مۋعازدى شاقىرتىپ، اشۋلانىپ:

– مەن سەنىڭ ارتىڭنان باقىلاۋشى جىبەرمەسەم دە، بۇلاي دەگەنىڭ قالاي، ەي مۋعاز؟ سەن مەنى ساعان سەنبەيدى دەپ ويلايسىڭ با؟ - دەپ سۇرادى.

حازىرەت مۋعازدىڭ بەرگەن جاۋابى تاڭداي قاقتىرارلىق كەرەمەت ەدى:

–  ۋا،  مۇميندەردىڭ  ءامىرشىسى!  جۇبايىما  وسىدان  باسقا،  اقتالار  ءسوز تابا المادىم. باقىلاۋشى دەگەندە ءسىزدىڭ باقىلاۋىڭىز ەمەس، اللاھتىڭ باقىلاۋىن  ايتتىم.  يگى  نيەتپەنەن  ىستەگەن قىزمەتىمنىڭ  ساۋابى  جەلگە ۇشىپ كەتپەۋى ءۇشىن رۇقسات بولسا دا وزىمە ەشنارسە الا المايمىن.

حازىرەت  ومار  ونىڭ  بۇل  سوزدەرىنەن  نە  دەمەكشى  بولعانىن  جاقسى ءتۇسىندى. ويتكەنى، مۋعاز (رادياللاھۋ انھۋ) ناپسىسىنە جانە دۇنيەگە ءتيىستى نارسەلەرگە كوڭىل توق كىسى ەدى. حاليفا وعان ىزەت قىلىپ، بەلگىلى مولشەردە سىي-سياپات تارتۋ ەتتى دە:

– مىنالاردى اپارىپ، جۇبايىڭنىڭ كوڭىلىن اۋلا! - دەدى. 

ريۋايات  بويىنشا  يسا  ءالايھيس-سالام  الاپەس  اۋرۋىنا  شالدىققان ناۋقاس ءبىر ادامدى كورەدى. ول كىسى تانىندەگى سىرقاتتان حابارسىز ادامداي وز-وزىنە:

– ۋا، راببىم! ساعان سانسىز ماقتاۋلار مەن شۇكىرلەر بولسىن! مەنى ادامداردىڭ  كوبىنە  سىناق  ەتىپ  جىبەرگەن  دەرتتەن  قۇتقاردىڭ!..  -  دەپ سويلەپ جاتىر ەدى.

يسا ءالايھيس-سالام  الگى  كىسىنىڭ  تارازىلاۋ  دەڭگەيىن،  ءارى  رۋحاني كەمەلدىگىن بايقاماق بولىپ وعان:

– ەي، ادام! اللا سەنى قانداي دەرتتەن قۇتقارىپ ەدى؟ - دەدى.

ناۋقاس كىسى:

– ۋا، رۋحۋللاھ! ەڭ قاتەرلى دەرت پەن سىناق، ول - جۇرەكتىڭ اللاھتان عاپىل ءارى ماقرۇم بولۋى. مىڭ دا ءبىر شۇكىر! مەن اللا تاعالامەن بىرگە بولۋدان ءلاززات الىپ، راقاتتانۋدامىن. تاپ ءبىر دەنەمدەگى سىرقاتتاردان بەيحابار جاندايمىن...

قورىتا ايتقاندا، يحسان مەن مۇراقابا يماننىڭ تاپ ءوزى، ياعني جاۋھارى بولىپ تابىلادى. بارلىق عيباداتتار مەن جاقسى ارەكەتتەردە بولۋى ءتيىس حۇشۋع سەزىمى، شىنايى ىقىلاس، تاقۋالىق سىندى اللا تانىمىنىڭ جەمىستەرىنە تەك وسى ءبىر رۋحاني جەتىلۋدىڭ ارقاسىندا عانا قول جەتكىزۋگە بولادى. ويتكەنى، اللاتى تاپ كوزبەن كورىپ تۇرعانداي كۇيدە جاسالعان ءاربىر ساليح امال ىقىلاس» اتتى بۇتاقتارعا بۇرشىك جاردىرىپ، «تاقۋالىق» اتتى گۇلدەردى اشادى جانە «حۇشۋع» اتتى جەمىس بەرەدى.

ەشكىم كورمەيتىن جەرلەردە تۋرا بولۋ، ادامداردىڭ نازارىنان ۇزاق مەكەندەردە كۇنالاردان ساقتانۋ تەك «ول مەنى كەز كەلگەن ۋاقىتتا جانە بارلىق جەردە كورىپ، باقىلاپ تۇرادى!» دەگەن سەزىمگە يە بولۋ ارقىلى عانا مۇمكىن بولماق. سول سەبەپتەن، تاساۋف ءىلىمى جالپى نەگىزدەرى مەن قاعيدالارىندا ادام كوڭىلىن وسىنداي حالگە جەتكىزۋدى ماقسات تۇتادى. اللاتىڭ ءۋالي قۇلدارى وسى حالگە جەتۋ ءۇشىن بۇكىل عۇمىرلارىن ىزدەنۋشى بولىپ وتكىزگەن.

ولاي بولسا، ءبىزدىڭ مىندەتىمىز – رۋحاني دەڭگەيىمىزدى كوتەرە وتىرىپ، اللا تاعالانىڭ باقىلاۋىن ءاردايىم سەزىنىپ ءجۇرۋ. سونىمەن قاتار، مىنەز-قۇلقىمىزدى يحسان مارتەبەسىنىڭ تاماشا دا جارقىن ۇلگىسى بولعان حازىرەت پايعامباردىڭ (سالل اللاۋ ءالايھي ءۋا ءساللام) جوعارى قاسيەتتەرىمەن تارازىلاي وتىرىپ، تۋرا باعىتتان اينىماۋ. «...كۇمانسىز يحسان يەلەرىنە اللاتىڭ راقىمى وتە جاقىن» (اعراف سۇرەسى، 56-ايات).

"وركەنيەت شىڭىنداعى جاۋھارلار" اتتى كىتاپتان.
"حيكمەت" باسپا ءۇيى، الماتى-2010 ج.
ىقشامداپ الىندى..


كەلۋ قاينارى: http://www.elarna.net/koru.php?tur=52&id=1385190

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

اللا مەيرىمى قۇلشىلىعىڭ 4 كۇن
فاتيحا سۇرەسىنىڭ قۇدىرە 11 كۇن
اقاشا ورتەۋ 11 كۇن
جانار - حالىقتىڭ شەكسىز 20 كۇن
ناۋرىز جۇرەگىمدە ءبۇر ج 22 كۇن
ۇستازىڭ بولسىن، ءپىرسىز 27 كۇن
ادەبيەتتىڭ سيقىرى. اڭگى 27 كۇن
ءاز ناۋرىز قۇتتى بولسىن 29 كۇن
قىتايدىڭ مۇسىلمانشىل حا 29 كۇن
قىتاي قازاقتارىنان 18-ع 30 كۇن
ءاربىر ادامعا قۇرمەت كو 32 كۇن
پايعامبارىمىز قازىرەت م 32 كۇن
ءبىلىمنىڭ ەڭ جاقسىسى .. 46 كۇن
ادامنىڭ ەڭ ۇلكەن دۇشپان 46 كۇن
ماڭگىلىك ەلدىڭ تۇعىرى ت 47 كۇن
قاراقۇرىق 56 كۇن
ياسساۋي ءىلىمى قازاق ۇل 58 كۇن
ابەبيەت جايلى وزگە سىر 58 كۇن
تاڭىرشىلدەر -قازاق قالم 63 كۇن
قازاقتىڭ ەتنوتەرريتوريا 64 كۇن
ەجەلگى قازاقتىڭ جەتى ءت 68 كۇن
بارايىنشى 79 كۇن
ءشۇبار ءتىلدى قويايىق 79 كۇن
كەلەمىز ءبارىن تەڭ كورى 80 كۇن
قىتاي ادەبيتىندەگى «بات 80 كۇن
نانىم-سەنىم جانە ونىڭ ق 80 كۇن
ماڭىزدى ماقالانى وقىعان 82 كۇن
قازاۇۋ ستۋدەنتتەرى مەن 82 كۇن
بۇلىنگەننەن بۇلدىرگى ال 85 كۇن
ەلباسىنىڭ قۇرانى اڭگىمە 87 كۇن

ەڭ جاڭا ماقالالار


دۇنيە دەنساۋلىق ساقتاۋ 3 مينوت
بيللي دجو سوندەرس: گولو 3 مينوت
دۇنيە دەنساۋلىق ساقتاۋ 1 ساعات
وسكەمەندە كوپقاباتتى تۇ 1 ساعات
وسكەمەندە كوروناۆيرۋسقا 1 ساعات
يسپانيانىڭ مۋرسيا ايماع 1 ساعات
ساياسي جاۋاپكەرشىلىكتى 1 ساعات
الماتىدا جىلىتۋ ماۋسىمى 1 ساعات
چىن چۋانگو، شوكىرات زاك 1 ساعات
سۇلتان اسەتۇلى ازيا چەم 1 ساعات
سانجى وبلىسىنداعى فىڭيۋ 1 ساعات
ۆەلوسپورت: «تۇركيا پرەز 1 ساعات
سارسەنبىدە اۋا رايى قان 1 ساعات
قىتاي ءوز ۆاكتسيناسىنىڭ 1 ساعات
«سامۇرىق-قازىنادا» ءاۋى 1 ساعات
تاريحي تاجىريبەلەردى ون 1 ساعات
الماتىدا جىلىتۋ ماۋسىمى 1 ساعات
حالىق بانكەسى، بانكە قا 2 ساعات
ەلوردا ماڭىنداعى اۋماقت 2 ساعات
گرەك-ريم كۇرەسى: دەمەۋ 2 ساعات
يگى ءىستى ءار ۇلت بۇقار 2 ساعات
ۇبت: پەتروپاۆلدا 6 وقۋش 2 ساعات
«سامۇرىق-قازىنادا» ءاۋى 2 ساعات
7-سىنىپ وقۋشىسى رۋبيك ت 2 ساعات
سىرتقى ىستەر مينيسترلىگ 2 ساعات
قوستاناي وبلىسىندا مەمل 2 ساعات
قاعىلىق: جاڭعاق شارۋالا 2 ساعات
كوكشەتاۋدا كوپقاباتتى ت 2 ساعات
مينيستر رايىمقۇلوۆانىڭ 2 ساعات
Monte Carlo Master: الە 2 ساعات