ەستەرىڭىزدە بولسا، وسىدان بىرەر كۇن بۇرىن سايتىمىزدىڭ جاڭالىقتار تاسپاسىندا جاريالانعان «رامازان ايىندا ۇمرا ءۇشىن ەكپە مىندەتتى ەمەس» (قاراڭىز: https://islam.kz/kk/news/alem/ramazan-aiynda-umra-ushin-ekpe-mindetti-emes-15038/#gsc.tab=0) ماتەريالىمىزدا ايتىلعان ءتاجدى تاجالعا بايلانىستى قاجىلارعا قويىلاتىن تالاپ جۇمسارتىلعان بولاتىن. الايدا، جۇقپالى ىندەتتىڭ كۇرت ءورشىپ كەتۋىنە بايلانىستى ساۋديا بيلىگى قاسيەتتى رامازان ايىندا ۇمرا قاجىلىعىن وتەگىسى كەلەتىندەرگە تالاپتى قايتا كۇشەيتۋگە ءماجبۇر بولىپ وتىر. بۇل جايىندا islam.kz پورتالى islam.ru اقپارات كوزىنە سىلتەمە جاساي وتىرىپ ءمالىم ەتەدى. دالىرەگى، ساۋديا بيلىگى بۇرىنعى جاعدايعا قاراي تالاپتى وزگەرتۋ ارقىلى ساقتىق شارالارىن قولعا الىپ جاتىر. ۇمرا قاجىلىعىن COVID-19 ۆيرۋسىنا قارسى ەكپە العاندار عانا قاسيەتتى رامازان ايىنان باستاپ جىل بويى وتەۋ مۇمكىندىگىنە يە بولادى. قاجىلىق جانە ۇمرا مينيسترلىگىنىڭ رەسمي مالىمدەمەسىندە ايتىلعانداي، تەك ەكپە العاندار عانا قاسيەتتى مەككەدەگى ۇلكەن مەشىتتە قۇلشىلىق ەتە الادى. COVID-19 ۆيرۋسىنا قارسى ەكپەنىڭ ەكى دوزاسىن العاندار عانا جىبەرىلەدى، ياعني، قاجىلىققا دەيىن 14 كۇننەن كەم بولمايتىن ارالىقتا ەكپەنىڭ ءبىر دوزاسىن العاندار نەمەسە كورونوۆيرۋسپەن اۋىرىپ ايىققاندار جىبەرىلەدى.                                                    

ۇقساس ماتەريالدار:             

«باتىس ەلدەرىنىڭ ەكپەسىن سالدىرعاندار عانا قاجىلىعىن وتەي الادى» (https://islam.kz/kk/news/alem/batys-elderinin-ekpesin-saldyrgandar-gana-qajylygyn-otei-alady-15007/#gsc.tab=0https://islam.kz/kk/news/alem/batys-elderinin-ekpesin-saldyrgandar-gana-qajylygyn-otei-alady-15007/#gsc.tab=0);

"جۇقپالى ىندەتكە قارسى ەكپە الماعاندار قاجىلىققا جىبەرىلمەيدى" (سىلتەمەسى: https://islam.kz/kk/news/alem/juqpaly-indetke-qarsy-ekpe-almagandar-qajylyqqa-jiberilmeidi-14780/#gsc.tab=0)