اقپان ايىنىڭ 20-ى كۇنى بۇكىل الەمدىك ەكونوميكالىق فورۋم ازاماتتارى كريپتوۆاليۋتانى ەڭ كوپ پايدالاناتىن الەمنىڭ 74 ەلىنە قاتىستى زەرتتەۋ ناتيجەسىن جاريا ەتتى. بۇل جايىندا islam. kz پورتالى Haber7 اقپارات كوزىنە سىلتەمە جاساي وتىرىپ ءمالىم ەتەدى. اتالمىش زەرتتەۋ قورىتىندىسى بويىنشا بۇل تاراپتا، ءبىر تاڭقالارلىعى، الەم بويىنشا كريپتوۆاليۋتاعا تولىق تىيىم سالعان نيگەريا كوش باستاعان - 33%. ەكىنشى ورىنعا ۆەتنام جايعاسقان - 21%. ال ءۇشىنشى ورىننان فيليپپين كورىنگەن - 20%. ال ءتورتىنشى ورىندا تۇركيا تۇر - 16%. دەسە دە بۇل رەيتينگتە تۇركيا ەۋروپا ەلدەرى بويىنشا ءبىرىنشى ورىنعا شىققان. مىنا كەرەعارلىقتى ساراپشىلار قالاي ءتۇسىندىرىپ بەرە الماي وتىر: كريپتوۆاليۋتاعا تولىق تىيىم سالعان ەلدىڭ ەلەكتروندى ۆاليۋتا بويىنشا قالاي كوش باستاعانىن. دەسە دە سوڭعى جىلدارى كريپتوۆاليۋتا باتىس تەحنولوگياسى نەگىزىندە پايدا بولعانىمەن اقش نەمەسە ەۋروپادا ەمەس، ازيا مەن افريكا قۇرلىعىندا كەڭىنەن قولدانىلا باستاعانى دا ساراپشىلاردى ويعا قالدىرىپ وتىر. كارى قۇرلىقتا تەك گرەكيا مەن شۆەيتساريادا (اتالعان ەكى ەلدەگى كريپتوۆاليۋتاعا يە تۇرعىندارىنىڭ قاراسى قوسا العاندا 11%-دان اسپايدى) عانا ازداپ سۇرانىس بار. وسى تۇستا كريپتوۆاليۋتانىڭ پاندەميا باستالعالى بەرى حالىقارالىق دەڭگەيدە بولسىن، قانداي دا ءبىر ورتالىق بانك دەڭگەيىندە بولسىن، ارنايى قارجىلىق ۇيىمدارىنىڭ رەتتەۋىنسىز، ياعني، ستيحيالى تۇردە ءوز نارىعىن قالىپتاستىرىپ كەلەدى...

ۇقساس ماتەريال:

«الەمدە ەكىنشى ەل پايدا بولدى كريپتوۆاليۋتانىڭ بارلىق تۇرىنە تولىق تىيىم سالعان» (سىلتەمەسى: https://islam.kz/kk/news/alem/alemde-ekinshi-el-paida-boldy-kriptovalyutanyn-barlyq-turine-tolyq-tyiym-salgan-14831/#gsc.tab=0)