بۇل جايىندا islam.kz پورتالى يۋنەسكو جانىنداعى تۇركيانىڭ ۇلتتىق كوميسسياسىنىڭ (UTMK)  جەتەكشىسى،  پروفەسسور ءوجال وعىزعا ءجون سىلتەگەن anadolu اقپارات اگەنتتىگىنە سىلتەمە جاساي وتىرىپ ءمالىم ەتەدى. بۇگىن، ياعني، اقپان ايىنىڭ ء21-ى كۇنى حالىقارالىق انا ءتىلى كۇنى اتالىپ ءوتتى. بۇل اتاۋلى كۇن 2000 جىلدان بەرى جىل سايىن اتالىپ وتەدى. تۇرىك پروفەسسورى وسى ورايدا بۇگىندە الەم بويىنشا شامامەن 7 مىڭ ءتىل قولدانىستا ەكەنىن ايتا كەلە ولاردىڭ ەكى جارىمعا جۋىعى جويىلۋ الدىندا تۇرعانىن جەتكىزدى. ويتكەنى، جويىلۋ الدىندا تۇرعان تىلدەردى تەك ساناۋلى ادامدار عانا قولدانادى. قولدا بار ستاتيستيكالىق مالىمەتكە قاراعاندا، ءار 15 كۇن سايىن ءبىر ءتىل جوعالادى. تىلدەردىڭ جويىلۋ قاتەرىن سوڭعى ون جىل ىشىندە الەمدە بولىپ اتقان الەۋمەتتىك، ساياسي جانە ەكونوميكالىق وزگەرىستەر ارتتىرىپ كەلەدى. ء1950-شى جىلدان بەرى الەمدە 250-دەن اسا ءتىل جوعالعان. نەگىزىنەن 10 مىڭنان اسپايتىن ادامدار عانا سويلەيتىن ءتىل جوعالۋ قاتەرى جوعارى تىلدەرگە جاتقىزىلادى. سونىڭ ىشىندە، رەسەي بودانىندا وتىرعان حالىق سانى از تۇركى تىلدەرى دە جوعالۋ قاتەرى جوعارى.