نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: Islam.kz رۋحاني اقپاراتتارى

جولدانعان ۋاقىتى: 17:15 - 2021/02/22

Нақты Көзі: http://islam.kz/kk/articles/islam-jane-qogam/dinnen-suymauym-kerek-dep-oilaimyn-siriyadan-oralgan-sabinellamen-suqpat-3395/

"دىننەن سۋىماۋىم كەرەك دەپ ويلايمىن". سيريادان ورالعان سابينەللامەن سۇقپات

سابينەللا ايازباەۆا ءۇش بالاسىمەن بىرگە كۇيەۋىنە ەرىپ، سيرياداعى قاقتىعىس ايماعىنا كەتكەن. ول جاقتا ءجۇرىپ تاعى ەكى بالانى ومىرگە اكەلگەن جاس انا ءتورت جىلدان كوپ ۋاقىت تاياۋ شىعىستا تۇرعان. سۇحباتتى جۇرگىزگەن - azattyq.org 

- سيرياعا كەتكەنگە دەيىنگى ءومىرىڭىز تۋرالى ايتىپ بەرىڭىزشى؟

ء

بارى جاقسى ەدى. تاتۋ وتباسىمىز، ءوز پاتەرىمىز، جەكە كاسىبىمىز بولدى. ەشتەڭەدەن تارشىلىق كورگەن جوقپىز. كۇيەۋىم ەكەۋىمىز يسلام ءدىنىن ءبىر ۋاقىتتا قابىلداپ، ۇيلەنبەي تۇرىپ مەشىتكە بارىپ، ناماز وقىپ جۇردىك. كەيىن كۇيەۋىم ءداستۇرلى ەمەس يسلام تۋرالى اقپاراتتىڭ ءبارىن ينتەرنەتتەن ىزدەپ، سىلتەمە ارقىلى تاۋىپ، وقيتىن بولدى. نە سەبەپ بولعانىن بىلمەيمىن. بۇل تۋرالى ايتقان ەمەس.

- كۇيەۋىڭىز سيرياعا كەتەيىك دەپ قاشان ايتا باستادى؟

ۇيلەنگەننەن كەيىن ءۇش جىلدان سوڭ ايتتى. ءبارى اياق استىنان بولدى. 2014 جىلى سيرياعا كەتەردەن ءبىر اپتا بۇرىن ول «تەز جينالىپ، قۇجات جاساتۋ كەرەك» دەدى. كۇيەۋىم باسقا ەلدەردەن كەلگەن مۇسىلمانداردىڭ ءبارى سول جاقتا ەكەنىن، ءبىز عانا وسىندا قالىپ قويعانىمىزدى ايتتى. «ول جاقتا حاليفات، يسلام مەملەكەتى بولادى، بالالار سوندا وقيدى» دەدى. مەنى وسى نارسە قىزىقتىرعان سياقتى.

سيريانىڭ راككا پروۆينتسياسىنداعى اسكەري شەرۋگە قاتىسىپ جاتقان سودىرلار. 30 ماۋسىم 2014 جىل.

- كۇيەۋىڭىز ول جاقتا سوعىس بولىپ جاتقانىن ايتقان جوق پا؟

ول «اسكەري قيمىلدار مەملەكەتتىڭ سىرتىندا ءجۇرىپ جاتىر، ول جاقتا ەشكىم اتتاپ باسپايتىن، حالقى سوعىسقا قاتىسپايتىن شەكارا بار» دەدى. سوزىنە سەندىم. ول كەزدە بۇلاي بولارىن ەشكىم كۇتپەگەن شىعار. ايەلدەر كۇيەۋلەرىنىڭ سوڭىنان ەرىپ كەتە بەردى. قازاقستاننان كەتكەن كەزدە ءوزىم – 25 جاستا، كۇيەۋىم 28 جاستا بولدى. ۇلكەنىم – التىدا، كەنجە بالام ءبىر جارىم جاسار ەدى.

- سيرياعا قالاي جەتتىڭىزدەر؟ اتا-انالارىڭىزعا نە ايتتىڭىزدار؟

كۇيەۋىم ولارعا «شىعىس قالالارىنا ساياحاتقا بارا جاتىرمىز» دەپ ايتۋدى ءوتىندى. ءبىزدىڭ ساپارىمىز شىنىمەن-اق سولاي باستالدى. اۋەلى باكۋگە بارىپ، ءبىر اپتا دەمالىپ، بالالاردى قىدىرتتىق. كەيىن گرۋزياعا، ودان سوڭ تۇركياعا بەت الدىق. كۇيەۋىم «كۇدىك تۋعىزباۋ ماقساتىندا جانە بالالارعا الەمدى كورسەتۋ ءۇشىن وسىلاي جاساۋ كەرەك» دەپ ءتۇسىندىردى. ساياحاتىمىز شامامەن ءۇش اپتاعا سوزىلدى. سودان كەيىن كۇيەۋىم تۇركيانىڭ گازيانتەپ قالاسىنا بارىپ، سيريانىڭ جەرابلۋس قالاسىنا جەتۋ ءۇشىن شەكارادان ءوتۋ كەرەگىن ايتتى.

- كوڭىلىڭىزدە كۇدىك تۋعىزعان ويلار بولعان جوق پا؟

- [شەكارادان] وتەيىن دەپ جاتقان كەزدە بىزگە «مىنا جاققا جۇرمە، انا جەردى باسپا» دەپ ايتا باستادى. ويتكەنى بارلىق جەردە مينا جاتتى. ءبىراق جولباستاۋشىلار الىپ جۇرگەن جەرلەردە مينا بولعان جوق. شەكارادان وتكەن سوڭ ارتىما بۇرىلىپ قارادىم دا، بىرنارسە ايتىپ، وكىنۋگە كەش ەكەنىن ءتۇسىندىم. بوتەن ادامدار كۇتىپ الدى، ولاردىڭ قاي تىلدە سويلەپ جاتقانىن تۇسىنبەيمىز، كىم ەكەنىن بىلمەيمىز. ءبىزدى جىلدام ءبىر جاققا قاراي سۇيرەپ، بالالاردى جۇلقىلاي باستادى. ولار «وسى ءقاۋىپتى جەردەن وتسەك، ارى قاراي ءبارى جاقسى بولادى» دەگەن ەمەۋرىن تانىتتى. ءبىراق سول ساتتەن باستاپ بارلىق جەردە ءقاۋىپتى ءارى قورقىنىشتى بولدى.

شەكارا ماڭىنداعى جارابلۋس قالاسىندا سۋ اكەتىپ بارا جاتقان قىزدار. سيريا، 31 تامىز 2016 جىل.

«انام ينسۋلت الدى»

- ارى قاراي سيريادا نە بولدى؟

جەتكەن بويدا ءبىزدى ءبولىپ تاستادى. كۇيەۋىمدى الىپ كەتتى، قايدا اكەتكەندەرىن ايتقان جوق. مەنى بالالارمەن بىرگە باسقا ايەلدەر تۇرىپ جاتقان ۇلكەن ۇيگە ورنالاستىردى. باسىندا كۇيەۋىمنىڭ قايدا ەكەنىن بىلمەدىم، ەندى ونى ەشقاشان كورمەيتىن شىعارمىن دەپ قاتتى قورىقتىم. ءبىراق كەيىن ءورىستىلدى ازاماتتار كەلىپ، كۇيەۋىم مەن باسقا ەركەكتەردىڭ اسكەري دايىندىققا كەتكەنىن، جاتتىعۋدان كەيىن ۇيگە قايتاتىنىن ايتتى.

- كۇيەۋىڭىز اسكەري جاتتىعۋدا جۇرگەندە قالاي ءومىر ءسۇردىڭىز؟

ايەلدەر ۇيىندە ءبىراز ۋاقىت تۇرعاننان كەيىن ءار وتباسىنا پاتەر بەرىپ، «كۇيەۋلەرىڭدى سول جاقتا كۇتىڭدەر» دەدى. بۇل راككا (سيريانىڭ سولتۇستىگىندە ورنالاسقان، 2013 جىلى «يسلام مەملەكەتى» جاۋلاپ العان، ەكسترەميستەردىڭ قولىنا وتكەن ايماقتاعى نەگىزگى قالا. — رەد.) قالاسىندا ەدى. جاڭا ۇيگە كوشكەننەن كەيىن بەسىنشى نە التىنشى كۇنى جاپپاي بومبالاۋ باستالدى. بومبا تۇسكەن كەزدە تەرەزەلەر مەن اينەكتەر ۇشىپ، سنارياد تۇسكەن ۇيلەر قۇلاپ قالدى. كۇيەۋىمدى 40 كۇننەن كەيىن ءبىر-اق كوردىم. سول كەزدە ول «ەندى شىداۋ كەرەك، ارتقا قايتار جول جوق» دەدى.

راككاداعى قيراعان عيمارات. 16 قازان 2017 جىل.

 - ول نە ءۇشىن شىداۋ كەرەگىن ءتۇسىندىردى مە؟

ول «وسىنىڭ ءبارى اللا ءۇشىن جاسالىپ جاتىر، وسىندا قالۋىمىز كەرەك» دەدى. كەيىنىرەك بالالاردىڭ قينالعانىن كورە المايتىنىن، ولاردى بۇل جاقتان الىپ كەتۋ كەرەگىن، ءبىراق ارتقا قايتار جول جوعىن ايتتى. قالاي قاشىپ كەتۋگە بولاتىنىن ۇزاق ويلاندىق، ءبىراق بۇل مۇمكىن ەمەس ەدى. قاشىپ كەتپەك بولعان ادامداردى تاۋىپ، تۇرمەگە جاۋىپ، ءولىم جازاسىنا كەسەتىن. كەيىن «قاشقان ادامداردى ۇستالعان جەرىندە اتىپ تاستاڭدار!» دەگەن بۇيرىق بەرىلدى. باسىمدى قاتەرگە تىگۋگە قورىقتىم. سوندىقتان ولەتىن كۇنىمىزدى كۇتىپ جۇردىك. بالالارىم مەن كۇيەۋىمنەن ايىرىلىپ قالۋدان، سابيلەرىمدى اناسىز جەتىم قالدىرۋدان قورىقتىم. ناتيجەسىندە جەسىر قالدىم. بالالارىم ءتىرى. ول جاقتا كەيدە قيراعان ۇيلەردىڭ استىنان اياق-قولى جوق نە ىشكى قۇرىلىسى سىرتقا شاشىلعان ايەلدەر مەن بالالاردى تاۋىپ الاتىن.

- سيريادا جۇرگەندە اتا-اناڭىزبەن بايلانىسقا شىعىپ كوردىڭىز بە؟

ء

يا، تەك ايىنا ءبىر رەت حابارلاسام. ول جاقتا از عانا مەگابايت بەرەتىن. ينتەرنەت قوسىلسا، ونى سول مەزەتتە بومبالاپ تاستايتىن. سوعىس. انام ءبىزدىڭ ساياحاتتاۋعا كەتپەگەنىمىزدى بىردەن ءتۇسىندى. كۇيەۋىمە ءبىر رەت قوڭىراۋ شالۋعا مۇمكىندىك بەرگەندە ول اناما حابارلاسىپ، سيريادا ەكەنىمىزدى ايتىپتى. انام وسىدان كەيىن كىشىگىرىم ينسۋلت العان. ءبىز سيريادا جۇرگەن جىلدارى انام ءارتۇرلى اۋرۋعا شالدىقتى. اكەمنىڭ دەنساۋلىعى دا كۇرت ناشارلادى.

«قازاقستاننان كەلگەندەر كوپ بولدى»

- قانداي اقشاعا كۇنەلتتىڭىزدەر؟

سيرياعا جاڭا بارعان كەزدە وتباسىنداعى ءاربىر ەرەسەك ادامعا 50 دوللاردان، ءبىر بالاعا 28 دوللاردان تولەيتىن. ءبىراق بۇل اقشا جەتپەيتىن. جيناعان اقشامىزدى جۇمسادىق. ول جاقتا ءبارى جۇمىس ىستەپ تۇردى، بازارلار بولدى. بومبالاۋ باستالسا، ءبارى تاراپ كەتەدى، تىنىشتىق ورناي قالسا، قايتادان قايناعان تىرشىلىك باستالادى. ءبىز سيريانىڭ بارلىق وڭىرىندە تۇرىپ كوردىك. قاتتى بومبالاۋ بولعان كەزدە ايەلدەر مەن بالالاردى امان الىپ قالۋ ءۇشىن باسقا قالالارعا كوشىرەتىن. كوشى-قون جۇمىستارىن سول جاقتاعى قازاق جاماعاتى ۇيىمداستىراتىن. قازاقستاننان كوپ ادام بولدى. ءبارى ۇلتقا بولىنگەن. ول جاقتا ۇلتىڭ اراب بولسا، سەنەن مىقتى ادام جوق. باسقا ۇلت وكىلدەرىنە تومەنگى «سورت» سياقتى قارايدى. نەگە ولاي بولعانىن بىلمەيمىن، ويتكەنى يسلامدا ۇلتقا بولىنۋگە تىيىم سالىنعان. سۇمدىق ادىلەتسىزدىك بولدى، ۇلكەن كۇنالار جاسالدى. ءبىز نەگىزىنەن قازاقستاندىقتارمەن، رەسەيدەن، داعىستاننان كەلگەن ازاماتتارمەن، ءبىر نەمىس ايەلىمەن ارالاستىق. راككا قالاسىنان كەيىن ءبىزدى شادات اۋىلىنا كوشىردى. بۇل — تازا قازاق اۋىلى ەدى. ول جاقتا ەكى جىلداي تۇردىق. بۇل اۋىلدى دا بومبالايتىن. بومبادان جاسىرىنىپ قالا المايسىڭ، كۇندە ءبىراز ادام قۇربان بولاتىن.

- قاشان جەسىر قالدىڭىز؟

كۇيەۋىم 2017 جىلى اۋە سوققىسىنان قازا تاپتى. ونى شەكاراعا ريباتقا (شەكارانى كۇشەيتۋ. — رەد.) جىبەرگەن. ول شەكاراشى ەدى، امىرلەر نە ايتسا، سونى ورىندايتىن. ونىڭ ءولىمى تۋرالى حابار كەلگەندە، دالەل رەتىندە سۋرەتى مەن زاتتارىن اكەلدى. ولار كۇيەۋىمدى قالاي جەرلەگەنىنە دەيىن كورسەتىپ، ۆيدەوعا ءتۇسىرىپ الىپتى. كۇيەۋىم قايتىس بولماي تۇرىپ ەكى رەت جاراقاتتانعان. ءبىرىنشى رەت ۇيگە تۇسكەن زىمىران سىنىقتارى ءتيدى، كەيىن سنايپەر قاق باسىنان اتتى. ول كەزدە ازەر ءتىرى قالدى. اۋرۋحانالار لىق تولى بولدى، كوبى ۇيدە ەمدەلدى، كۇيەۋىمە ءوزىم قارادىم.

يم سودىرلارىنىڭ وتباسى. باگۋز قالاسى دەير-ال-زور پروۆينتسياسى سيريا، 12 ناۋرىز 2019 جىل.

 - سيريادا تاعى ەكى بالاڭىزدى دۇنيەگە اكەلدىڭىز. مۇنداي جاعدايدا بالالى بولۋعا قورىقپادىڭىز با؟

ارينە، قورىقتىم. ءبىراق تاڭداۋ مۇمكىندىگى بولعان جوق. ۇيدە بوساندىم، باسقا ايەلدەر كومەككە كەلدى. ءاربىر ەكىنشى ايەل وسىنداي جاعدايدا بوساناتىن. كۇيەۋلەرىمىز «ادام سانىن كوبەيتۋ ءۇشىن بالا تۋ كەرەك» دەدى.

«بەرىلۋگە قورىقتىم، ءبىراق قالۋ ودان دا ءقاۋىپتى بولدى»

 - قاي كەزدە جاعداي قاتتى ۋشىقتى؟

2018–2019 جىلدارى اشتىق باستالدى. بالالاردى جىلاماۋعا كوندىرىپ، ازىق-تۇلىك بولماسا دا، امالداپ اس دايىنداۋعا تىرىستىق. شوپتەن سورپا قايناتىپ، كەبەك قۋىرىپ جەدىك. 2018 جىلدىڭ سوڭىندا ءبىزدى باگۋز ەلدىمەكەنىنە كوشىردى. ول جاقتا بۇزىلماعان ۇيلەر از بولدى، كوبى شاتىرلاردا تۇردى. بىزگە جاقسى شاتىر ءتيدى، توبەمىزدەن سۋ اقپايتىن. باسقالار توبەسىنە ماتا جاۋىپ، امالداپ كۇنەلتتى. قىس مەزگىلى ەدى، سۋىق بولدى. تىعىرىقتان شىعار جول تابۋعا تىرىستىق. ءبىراق كۇيەۋى جوق، ونىڭ ۇستىنە كىشكەنتاي بالاسى بار ايەلدەردىڭ قولىنان ەشتەڭە كەلمەيدى. كەيىن «جاسىل ءدالىز» اشىلادى، قالاعاندار ءوز ەركىمەن كۇردتەردىڭ قولىنا بەرىلۋى كەرەك» دەپ ەستىدىك. 2019 جىل بولاتىن. بەرىلۋگە قورىقتىق، ءبىراق قالۋ ودان دا ءقاۋىپتى بولىپ كورىندى. كۇرد جاساقتارىنىڭ قولىنا بەرىلمەي، قالۋدى ۇيعارعان ادامدار دا بولدى. ءبىراق ولار كەيىن بومبانىڭ استىندا قالدى.

 - كۇرد جاساقتارىنىڭ قولىنا بەرىلۋگە نەگە قورىقتىڭىز؟

ء

بىزدى يراكتاعىداي قۇلدىققا الىپ كەتەتىن شىعار دەپ قورىقتىم. كۇردتەردىڭ قولىنا تۇسكەن كەزدە ءبارىمىزدىڭ جەكە دەرەكتەرىمىزدى جازىپ الدى. قازاقستاننان كەلگەنىمىزدى ايتقاندا، تىلشىلەر جۇگىرىپ كەلىپ، «قازاقستان ءوز ازاماتتارىن الىپ كەتەدى» دەدى. بۇعان ەشكىم سەنگەن جوق. ءبىراق بىزگە ء«قازىر لاگەرگە بارامىز، كەيىن قازاقستاننان ادامدار كەلىپ، سەندەردى الىپ كەتەدى» دەدى. مەن سوڭعى ساتكە دەيىن ءبىزدى قازاقستانعا قايتاراتىندارىنا سەنگەن جوقپىن. كۇردتەردىڭ لاگەرىندە ءبىز ءبىر ايداي كوشەدە شاتىردا تۇردىق، جەرگە توسەلگەن ماتراستاردا ۇيىقتادىق. سۋىق بولعانىمەن، جەيتىن تاماعىمىز بولدى. بومبا تۇسپەيتىن جەردە تۇرۋ وسىعان دەيىنگى كۇنىمىزدەن الدەقايدا جاقسى كورىندى. شىداۋعا تىرىستىق، ويتكەنى مۇنىڭ ۋاقىتشا ەكەنىن بىلدىك. باسقا ەل ازاماتتارى بىزگە قىزىعا قاراپ، ءوز مەملەكەتتەرىنەن الىپ كەتۋدى سۇراي باستادى. ءبىراق ولاردى ەشكىم الىپ كەتكەن جوق. قازاقستان تەك ءوز ازاماتتارىن، ونىڭ ىشىندە ەلگە ورالعىسى كەلگەندەردى عانا الىپ كەتتى. مەنى تۇرمەگە جاۋىپ، بالالاردى جەتىمدەر ۇيىنە وتكىزەتىن شىعار دەپ قورىقتىم. بۇلاي بولماعانىنا العىسىم شەكسىز.

حاساكا پروۆينتسياسىنداعى ءال-حول لاگەرىندە جۇك كولىگىندە وتىرعان ايەلدەر. سيريا، 1 ءساۋىر 2019 جىل.

- سيريادان قايتقان كۇنى نە بولدى؟

ۇشاق كەلىپ، ءبىزدى الىپ كەتتى. بۇل 2019 جىلدىڭ 6 مامىرى بولاتىن. ماعان اسكەري كيىمدەگى ايەل كەلىپ، كىشكەنتاي قىزىمدى الىپ، «مەن كوتەرەيىن، ءوزىڭ ازەر ءجۇرسىڭ عوي» دەدى. بىزگە جاقسى قارادى. اۋەلى اقتاۋ قالاسىنا جەتكىزىپ، وڭالتۋ ورتالىعىنا جاتقىزدى. ول جاقتا بىزبەن تەولوگتار، پسيحولوگتار جۇمىس ىستەدى. مۇنىڭ بىزگە كوپ پايداسى ءتيدى، العاش كەلگەندە جابايى ادامدار سياقتى ەدىك. پسيحولوگتىڭ «سەندەردى قوعامعا قوسىپ جىبەرۋ وپ-وڭاي دەپ ويلايسىڭدار ما؟» دەگەنى ەسىمدە. كەيىن مەنى بالالارىممەن بىرگە قاراعاندىداعى «شانس» ورتالىعىنا اپاردى. ءبىراز ۋاقىت سوندا تۇرعاننان كەيىن تۋىستارىمىزدىڭ ۇيىنە بارۋعا رۇقسات بەردى.

«بىزدى «كەش جارىلاتىن ميناعا» تەڭەيدى، بۇل دۇرىس ەمەس»

- بەيىمدەلۋ پروتسەسى قالاي ءجۇردى؟

ء

ومىردى قايتا باستاۋعا، بالالارمەن جاقسىلاپ جۇمىس ىستەۋگە تۋرا كەلدى. ولاردىڭ سيرياداعى ءومىردى تەزىرەك ۇمىتىپ، مەكتەپكە دايىندالعانىن قالادىم. ولار وقۋ باعدارلاماسىنا تەز ىلەسىپ كەتتى، سيريادا قولىمنان كەلگەنشە بالالارعا وقىپ-جازۋدى ۇيرەتىپ ءجۇردىم. بالالارىم جاقسى وقيدى، جاندارىن سالىپ تىرىسىپ ءجۇر. ۇلكەن بالالارىم اكەسىن ەسكە الىپ تۇرادى. ولار اكەسىنىڭ قايتىس بولعانىن بىلەدى. مەن ۋنيۆەرسيتەتتەگى وقۋىمدى جالعاستىراتىن بولدىم. بۇرىن تۇرمىسقا شىعىپ، اياعىم اۋىرلاعان سوڭ، ەكىنشى كۋرستا وقۋىمدى تاستاپ كەتىپ ەدىم. مەنى جاستار ورتالىعىنا جۇمىسقا ورنالاستىردى. بالالارعا قارايمىن، دەنە قالپىمدى ساقتاۋ ءۇشىن كەشكىسىن جاتتىعۋ زالىنا بارامىن. كۇيەۋىمنىڭ اتا-اناسىمەن ارالاسىپ تۇرامىن، ەكىنشى رەت تۇرمىسقا شىعۋ جوسپارىمدا جوق.

ء

 - سىزدى قوعام قالاي قابىلدادى؟ ارالاسقىسى كەلمەگەندەر بولدى ما؟

نەگىزىنەن جاقسى قابىلدادى. قولداۋ بارىن سەزدىم. بىرەۋ «تەرروريست» دەپ اتاعانىن ەستىگەن ەمەسپىن. ەشتەڭە جاسىرماي، ءبارىن اشىپ ايتامىن. ەشكىمدە مۇنداي جاعدايعا تۇسپەيمىن دەگەن كەپىلدىك جوق، كەز كەلگەن ادام قاتەلەسەدى. سوندىقتان ەشكىمدى سوگۋگە بولمايدى. قورقىپ، ارالاسپاي كەتكەن دوستارىم بولدى. ءبىر قۇربىم ورتاق تانىسىمىز ارقىلى كۇيەۋى جۇمىستاعى بەدەلىنە نۇقسان كەلمەۋى ءۇشىن مەنىمەن ارالاسۋعا تىيىم سالعانىن ايتىپ جىبەرىپتى.

دىننەن كوڭىلىم قالىپ، بەزىپ كەتپەۋىم كەرەك دەپ ويلايمىن، ويتكەنى سيرياعا بارۋعا ءدىن ەمەس، باسقا جايت اسەر ەتتى عوي.

- بىلۋىمشە، قازاقستانعا ورالعاننان كەيىن ءسىزدى ەۋروپارلامەنتتە سويلەۋگە شاقىردى.

ء

- يا، 2019 جىلى. سيريادا باسىمنان وتكەن جاعداي، ەلگە قالاي ورالعانىم، قازىرگى ءومىرىم تۋرالى ايتىپ بەرۋدى سۇرادى. اۋەلى بريۋسسەلگە، ودان سوڭ ۆەناعا باردىق. جەنەۆاعا ۇشۋىمىز كەرەك ەدى، ءبىراق كوروناۆيرۋسقا بايلانىستى كارانتين باستالىپ، ءبارىن جاۋىپ تاستادى. مەن سونداي-اق تەرروريزم مەن پروپاگانداعا قارسى ناۋقاندارعا قاتىستىم. وسى سۇمدىقتىڭ ءبارىن باسىمنان وتكەرىپ، بۇدان باس تارتۋ كەرەگىن، مۇنداي جەرلەرگە بارۋعا بولمايتىنىن ءتۇسىندىم. ءوز ءدىنىڭدى وسىندا ءجۇرىپ تە ۇستانۋعا بولادى. بۇل جاقتا ءدىن ۇستانۋ مۇمكىن ەمەس دەگەندەر ماسەلەنى ويدان شىعارىپ العان دەپ ويلايمىن.

- «اسكەري قاقتىعىس ايماعىنان كەلگەندەر بولاشاقتا ءقاۋىپ تۋعىزۋى مۇمكىن» دەگەن پىكىر بار. بۇل تۋرالى نە ويلايسىز؟

تۇرمەگە جابىلعان ادامدار ويلانىپ، قاتەسىن تۇسىنەدى دەپ ويلايمىن. ءبىزدىڭ ءوزىمىز مۇنىڭ دۇرىس ەمەس ەكەنىن ءتۇسىنىپ وتىرمىز. بىرەۋلەر ءبىزدى «كەش جارىلاتىن ميناعا» تەڭەيدى. ءبىراق بۇل دۇرىس ەمەس. ءقاۋىپ جوق دەپ ويلايمىن. بارلىق مەملەكەت ەلىنە ورالعىسى كەلگەن ازاماتتارىن قايتارسا ەكەن. ويتكەنى ول جاقتا ءومىر جوق. ال سيريادان كەتكىسى كەلمەگەندەر سول جاقتا قالا بەرسىن.

ء

 - قازىر دىنگە كوزقاراسىڭىز قانداي؟

بوس ۋاقىتىم بولعاندا مەشىتكە بارىپ تۇرامىن، ۇيدە ناماز وقيمىن، حيدجاب كيەمىن. دىننەن كوڭىلىم قالىپ، بەزىپ كەتپەۋىم كەرەك دەپ ويلايمىن، ويتكەنى [سيرياعا] بارۋعا ءدىن ەمەس، باسقا جايت اسەر ەتتى عوي.


Copyright (c) 2013. RFE/RL، Inc. Reprinted with the permission of Radio Free Europe/Radio Liberty، 1201 Connecticut Ave.، N.W. Washington DC 20036.


كەلۋ قاينارى: http://www.elarna.net/koru.php?tur=52&id=1358824

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


نۇرلان نىعماتۋلين ءماجى 2 مينوت
سەناتور ەلگە كەلگەن قان 2 مينوت
شي جينپيڭ پولشانىڭ زۇڭت 4 مينوت
ساۋىردە 20 مىڭعا جۋىق ق 4 مينوت
وكلاحومادا ورتتەن التى 4 مينوت
وسكەمەن: «Qamqor-Sharap 4 مينوت
دانيار ەلەۋسىنوۆتىڭ كەل 4 مينوت
جوعارى وقۋ ورىندارى مەن 4 مينوت
مەملەكەتتىك ءبىلىم بەرۋ 8 مينوت
قازاقستان ەلشىسى ماسكەۋ 11 مينوت
سەناتور ومارتاشىلار مەن 14 مينوت
ورالدا كوپىردىڭ استىنان 15 مينوت
تەڭىز كەن ورنىندا قالدى 15 مينوت
ەلوردانىڭ باس سانيتارلى 17 مينوت
قىزمەت بابىندا قازا تاپ 17 مينوت
ءبىر ءۇي – ءبىر بىرلەست 19 مينوت
قوستاناي: اسپازدار بايق 19 مينوت
جاساندى ەت وندىرىسىندە 19 مينوت
كارانتينگە بايلانىستى ق 19 مينوت
باياناۋىلدا بارىمتاشىلا 19 مينوت
ايماعامبەتوۆ پەداگوگتار 23 مينوت
وبلىستىق ساياسي كەڭەس پ 24 مينوت
مارحابات جايىمبەتوۆ قۇر 24 مينوت
باتىس قازاقستاندا " 25 مينوت
الەۋمەتتىك كاسىپكەرلىك 25 مينوت
نىعماتۋلين: پارتياارالى 26 مينوت
نۇر-سۇلتاندا بازارلاردى 26 مينوت
گەرمانياداعى لوكداۋن 28 28 مينوت
نۇرتورە ءجۇسىپ كىتاپحان 29 مينوت
جاپونيادا ياكۋدزا باندا 29 مينوت