ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-181794515640 %60 %
2019-11-192440715839 %61 %
2019-11-201291401144 %56 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Islam.kz رۋحاني اقپاراتتارى

جولدانعان ۋاقىتى: 10:45 - 2019/11/07

«جەڭىسكە جەتۋدىڭ توتە جولى – وزىڭنەن اقىلدى، وزىڭنەن تاجىريبەلى ادامنان ۇيرەنۋ»: قۋانىش شونباي

 

«مەنىڭ بىلەتىنىم – ەشتەڭە بىلمەيتىنىم». سوكرات.

قاي سالانى تاڭداساڭ دا سول سالاداعى اۆتوريتەتتەردى ءبىلۋىڭ كەرەك. قاي سالادا دا ساعان ۇيرەتەرى كوپ ادام تابىلادى. ولارمەن ارالاسۋ كوزقاراستارىڭدى وسىرەدى، ءبىلىمىڭدى تەرەڭدەتەدى. سونىمەن بىرگە ەڭ جوعارعى ورتالارعا ەسىك اشادى.

ادامداردىڭ كوبى كەزدەسۋلەرگە، تانىسۋلارعا ءمان بەرمەيدى. ەسەسىنە، جاقسى اداممەن وتكىزىلگەن جارتى ساعات ومىرگە دەگەن كوزقاراسىڭدى وزگەرتە الۋى مۇمكىن. سوندىقتان دا ومىرلىك جولىڭنان، ۋاقىتىڭدى الاتىن، پايدا اكەلمەيتىن، ىقپالى كەرى، ءاردايىم كەدەرگى كەلتىرەتىن ادامدارعا ءوز ۋاقىتىڭدى ىسىراپ ەتپە.

«ەل قاتارلى ءومىر سۇرسەڭ، ەلدەن ەرەكشە ناتيجە بەرمەيسىڭ»

وزىڭنەن تابىستى ادامدارى ىزدە. مىسالى، فەدەر وۆچيننيكوۆتى ىزدەپ سىكتىكۆارعا باردىم. ول كەزدە ءالى نە ىستەيتىنىمدى بىلمەيمىن، ءبىراق بىردەڭە ىستەۋگە بولاتىنىن بىلەمىن. جاڭا تىنىس كەرەك بولدى. ءبىراق قاي باعىتقا قارايمىن؟ ەلدىڭ ءبارى تۇركياعا بارىپ جاتقان كەز. شابىت ىزدەگەن جەرىمدى قاراڭىز. ءبىر قاراعاندا تۇسىنىكسىز. ءبىراق ەل قاتارلى ءومىر سۇرسەڭ، ەلدەن ەرەكشە ناتيجە بەرمەيسىڭ دەگەن جاقسى ءسوز بار. ەل بارماعان جەرمەن ءجۇرۋ كەرەك، ەل كورمەگەن جەردى كورۋ كەرەك. بۇل ءوزى جەردىڭ ءتۇبى. مىڭ شاقىرىمنان كەيىن سولتۇستىك مۇزدى مۇحيت. وۆچيننيكوۆ – «دودو پيتستسانىڭ» نەگىزىن قالاۋشى. 24 جاسىندا «سبەربانكتەن» 400 مىڭ رۋبل نەسيە العان. پاتەر جوندەيمىن دەپ العان نەسيەگە سىكتىكۆاردا كىتاپ دۇكەنىن اشادى. ءبىراز ۋاقىتتان كەيىن ول ينۆوستورلاردى تارتا الدى، ءسويتىپ، ونىسى «كنيگا زا كنيگوي» سەگىز دۇكەننەن تۇراتىن ساۋدا جەلىسىنە اينالدى.

الايدا 2008 جىلعى داعدارىستان سوڭ قارىزداردان قۇتىلۋ ءۇشىن ءوزىنىڭ ۇلەسىن تۇكەە تۇرمايتىن اقشاعا ساتۋىنا تۋرا كەلەدى. بۇل تۋرالى جۋرناليست ماكسيم كوتين «ي بوتانيكي دالايۋت بيزنەس» دەگەن كىتاپ جازدى. 2011 جىلى فەدور سىكتىكۆاردا ءبىرىنشى پيتستسەرياسىن اشتى. بەس جىلدان كەيىن الەمنىڭ توعىز ەلىندە (اقش، انگليا، ەستونيا، ليتۆا، رۋمىنيا، قىتاي، قازاقستان، قىرعىزستان، وزبەكستان) 160 پيتستسەرياسى جۇمىس ىستەپ تۇردى. بۇكىل رەسەيدى پيتستساعا «وتىرعىزدى»: 14 پيتستسەرياسى بار. ول، كەرەك دەسەڭىز، يتاليان تاعامدارىنا مامانداناتىن IL Patio جەلىسىن دە (135 مەيرامحانا) باسىپ وزعان ادام. قىسقاسى، وۆچيننيكوۆ بىلگەنىمەن كوپ ءبولىستى، مەنى شەكسىز بايىتىپ جىبەردى. ودان كوپ نارسە ۇيرەندىم. ەگەر سوندا بارماسام، بالكىم، ء«Rumi»-دىڭ نەگىزگى فيلوسوفياسى دا بولماس پا ەدى. ءالى كۇنگە دەيىن ارالاسىپ، ءجون سۇراسىپ تۇرامىز.

مىسالى، ول سونشاما تابىستى كاسىپكەر بولعانىنا قاراماستان، ءوزى بلوگ جۇرگىزەدى. بۇل – ول ءۇىن فرانچايزينگكە ادامدار تارتۋدىڭ، باسقا سوزبەن ايتقاندا، شىعىس ەسەبىنىڭ ءبارىن اشىق جايالايدى ينتەرنەتكە. «مۇنىڭ نە؟» دەگەندە: «بۇل ارتقا شەگىنبەۋگە ستيمۋل» دەيدى. «كىرىسىڭ مەن شىعىسىڭ ەلدىڭ كوز الدىندا بولعان سوڭ، جارتى كۇشپەن جۇمىس ىستەۋگە قۇقى جوق». ماعان وسى يدەياسى ۇنادى، ءوزىمىز دە ەسەپ-قيسابىمىزدى اشىق جۇرگىزۋگە تىرىسىپ ءجۇرمىز. سول سياقتى، ارتەم وۆەچكينمەن كەزدەسۋ ءۇشىن ماسكەۋە ەكى ساعاتقا ۇشىپ بارىپ كەلگەنىم بار.

كومەك سۇرا. فەرراتستسي «كونسۋلتاتيۆتى كەڭەس» دەپ اتايتىن ماماندار تىزبەگىن قالىپتاستىرۋدى ايتادى. ەكى-ۇش كەڭەسشى، وزىڭنەن تاجىريبەلى، وزىڭنەن ءبىلىمدى ادامداردىڭ كەڭەسى ەشقاشان ارتىق ەتپەيدى. ءبىر قىزىق قۇبىلىس بار، ونى ترەيسي دە اتاپ وتەدى: ادام وزىنە كومەكتەسكەن ادامنان گورى ءوزى كومەكتەسكەن ادامدى كوبىرەك ۇناتادى. ويتكەنى سەن بىرەۋدەن كومەك سۇراساڭ، ول بەيسانالى تۇردە جانى سەمىرىپ، مەرەيى ۇستەم بولىپ قالادى: ءوزىن ىقپالدى، ماڭىزدى ادام سەزىنەدى. سوندىقتان مەنتورلاردان كومەك سۇراۋدان قىسىلما. مۇنىڭمەن ءوزىڭ پايدالى، ولارعا جاعىمدى ارەكەت جاسادىم دەپ ساناي بەر. مەن وۆچيننيكوۆقا بارعاندا، ول ءۇشىن بەيتانىس ادام ەدىم. ءالى بيزنەسىم دە جوق. ءبىراق ول پىكىرلەسۋدەن قاشقان جوق، ويىن جايىپ سالدى، كەڭەستەرىمەن ءبولىستى. بۇل ماعان كوپ كومەك بەردى.

«كەرەك ادامدارمەن تانىسىپ، ولاردان ءدارىس الۋ، ۇيرەنۋ – وسەمىن دەگەن ادامنىڭ مىندەتى»

تابىستى ادامداردان وزگەلەر دە ۇيرەنەتىن جاعداي جاسا. جاقىندا IFC (الەمدىك بانكتىڭ بولىمشەسى) كورپاراتيۆتىك باسقارۋ بويىنشا كۋرستان وتتىك، ۇزدىكسىز ءوسۋ، تاۋەكەلدەردى باسقارۋ، ستاندارتيزاتسيا، ت.ب. ماڭىزدى نارسەلەردى ۇيرەتتى. جاس كومپانيامىز، ءبىراق بىزگە ستارتاپ دەڭگەيىنەن تەزىرەك ءوتىپ، باسقارۋدىڭ نەعۇرلىم دامىعان ۇلگىلەرىن پايدالانۋ كەرەك بولدى. سول سياقتى، «پرەۆوسحودنىي سەرۆيس» كىتابىنىڭ اۆتورى دجون شوۋلدىڭ[1] سەمينارى ءوتتى. ونى ءبىزدىڭ قىزمەتكەرلەر جاقسى بىلەدى، ويتكەنى كوپ ءۇردىستى ءدال وسى كىتاپ بويىنشا رەلسكە قويعانبىز. ءبىزدىڭ كوماندادان 16 ادام، ونىڭ ىشىندە ءوزىم دە بارمىن، سەميناردى تىڭدادىق. سەميناردان كەيىن، ارينە، ءوزىمىزدىڭ پالاۋدى ۇسىندىق. ەڭ تاماشاسى، شوۋل «تاماشا سەرۆيس» دەپ باعا بەرىپ كەتتى. ءبىراق وسى سەميناردان ءبىز ءالى دە وسە الاتىنىمىزدى ءتۇسىنىپ قايتتىق. قىسقاسى، كەرەك ادامدارمەن تانىسىپ، ولاردان ءدارىس الۋ، ۇيرەنۋ – وسەمىن دەگەن ادامنىڭ مىندەتى.

سوڭعى كەزدە ماعان ءتۇرلى سۇراقتارمەن كەلەتىن ادامدار كوبەيدى. جانە بايقاعانىم، جوعارىدا ايتقان ەرەجەلەردى عانا ەمەس، ەڭ قاراپايىم دۇنيەلەردى ەسكەرمەيدى ەكەنبىز. كەزدەسۋگە بايلانىستى مىنا ويلارىممەن بولىسەيىن.

«ادام ءوزى جاقسى بولماي، وزگەنىڭ جاقسى بولۋىنا كومەكتەسپەيدى» 

كەزدەسەتىن ادامىڭ تۋرالى اقپارات ىزدە. اسىرەسە، ول ساعان «كەرەك» بولسا. Googl-دان ىزدە،  Facebook، Twitter، Instagram، «ۆ كونتاكتە» جەلىسىن اقتار، تانىستارىڭنان سۇرا. قىسقاسى، ونىڭ نەمەن اينالىساتىنىنان حاباردار بول. اقپاراتتى باسقارعان ادام، سيتۋاتسيانى دا باسقارادى. سويلەسەتىنىڭ كاسىپكەر بولسا، ونىڭ ءونىمىنىڭ (تاۋارىنىڭ) ءدامىن تاتىپ كور. ماعان ىسكەرلىك قارىمقاتىناس ۇسىنىپ، ەشقاشان «Rumi»-دە بولمادىم دەگەن اداممەن سويلەسسەم، ءوزىمدى قولايسىز سەزىنەمىن. ادەتتە الدىمەن ءبىزدىڭ مەيرامحاناعا بارىپ كورۋىن سۇرايمىن، سودان كەيىن عانا كەزدەسۋگە كەلەمىن. سوندا نەمەن اينالىساتىنىڭدى ءتۇسىندىرىپ ۋاقىت شىعىندامايسىڭ.

ەگەر ىسكەرلىك قارىم-قاتىناس ورناتقىڭ كەلسە، ونىڭ اينالاسىن زەرتتە. ورتاق جوبا باستاعالى تۇرعان ادامنىڭ اينالاسىنا نازار اۋدار: ونى قورشاعان ادامدار قالاي كيىنەدى، قانداي كولىك مىنەدى، نە ىشەدى، قانشا ۋاقىتتان بەرى جانىندا... 2011 جىلى ءبىر كاسىپكەر بىرلەسىپ جۇمىس ىستەۋدى ۇسىندى. ەستۋىمشە، سول كەزدە ونىڭ ەسەپشوتى 19 ميلليون دوللار شاماسىندا ەدى. ءبىراق، قاسىنداعى ورىنباسارىنا قاراپ، ولاردىڭ وسىنشاما تابىس تاباتىنىنا سەنبەيسىڭ. وڭ قولى بولىپ سانالاتىن، كومپانياعا جىلىنا 800 مىڭ دوللار شاماسىندا تابىس تاۋىپ بەرەتىن قىزمەتكەر 75 مىڭ تەڭگەگە پاتەر جالداپ تۇراتىن، اۆتوكولىگى ارزان، كيىمى مەن ءستيلى دە اتقارىپ جۇرگەن قىزمەتىنە سايكەس كەلمەيتىن. سول كەزدە تۇيگەنىم: باسقا بىرەۋدى جارىلقاماعان ادام، سەنى دە جارىلقامايدى. سوندىقتان دا بىرەۋمەن جۇمىس ىستەمەس بۇرىن، ونىڭ باسقالارعا دەگەن قارىم-قاتىناسىنا نازار اۋدار.

تارازدا جۇرگەن كەزدە، ءبىر ادام مال شارۋاشىلىعىمەن اينالىسۋدى ۇسىندى، ونى اكەم قولداپ، ەت ساتىپ تابىس تابۋدى ءجون كوردى. بۇنى قايدان كوردىڭىز، يدەيا قايدان كەلدى دەپ سۇراعانىمدا، اكەم مەنى سول تانىسىنا اپاردى. بارسام، ءۇيى ءزاۋلىم سارايداي، مىنگەن اۆتوكولىگى ۇلكەن، سول كەزدە بۇل كاسىپتىڭ جاقسى پايدا اكەلەتىنىن ءتۇسىندىم.

ء

بىر ادام جاقىندا عانا وزبەكستاننان جەمىس-جيدەك اكەلىپ، ولاردى وتكىزۋمەن اينالىسايىق دەپ ۇسىنىس جاسادى. ءبىراق ءوزىنىڭ ءتۇر-سيپاتىنا قاراپ، ونىڭ سونداي جۇمىستى الىپ كەتە الاتىنىنا، جەڭىسكە جەتكىزەتىنىنە سەنبەيسىڭ. بۇنداعى ايتايىن دەگەن نەگىزگى يدەيام – ادامنىڭ ءوزى جاقسى بولماي، وزگەنىڭ جاقسى بولۋىنا كومەكتەسپەيدى. ءوزىن جارىلقاماعان ادام، باسقانى دا جارىلقامايدى. سوندىقتان دا كەز كەلگەن جۇمىستى باستاماس بۇرىن، ادامنىڭ وزىنە جانە ونى قورشاعان ادامدارعا ۇلكەن نازار اۋدارۋ، بۇل وتە قاجەت لايفحاق دەپ ەسەپتەيمىن. بۇنى ولەگ تينكوۆ تا ءاردايىم ايتىپ جۇرەدى. سوندىقتان مەن دە ءوزىمنىڭ وسى باقىلاۋىممەن بولىسكەندى ءجون كوردىم.

ەگەر ادامعا قاتىستى ۇزاق مەرزىمدى جوسپارىن بولسا، تۇسىنبەۋشىلىككە جول بەرمە.

ەگەر ادامعا قاتىستى ۇزاق مەرزىمدى جوسپارىن بولسا، تۇسىنبەۋشىلىككە جول بەرمە. بىردە مەنىڭ تانىسىم «Rumi»-دەن اس ءىشتى. مازىردەن تاپسىرىس بەرىپ، ءوزى ساناپ تا قويىپتى.  ءبىراق 10 % قىزمەت اقىسىن قوسپاعان. اقىرىندا ءوزى كۇتكەننەن 9 مىڭ تەڭگەگە كوبىرەك تولەدى. ءسويتىپ، اشۋلاندى. وعان بىزدەگى جاعدايدى ءتۇسىندىردىم، ول تۇركيادا پايىزدار بولمايتىنىن، «Rumi» ءالى كەڭەس وداعىندا جۇرگەنىن ايتىپ ءبىراز تۋلادى. اقىرىندا اقشاسىن قايتارىپ بەردىك. كەيىن سول ادام ماعان كەلىپ، بىرگە جۇمىس ىستەگىسى كەلگەنىن ايتتى. قالاي ويلايسىڭ، ءبىز ونىڭ ۇسىنىسىن قابىلدادىق پا؟

قۋانىش شونباي، «ەكىنشى بولما» اتتى كىتابىنان.


[1] دجون شوۋل – كليەنتتەرگە قىزمەت كورسەتۋ ستراتەگياسى بويىنشا الەمدىك دەڭگەيدەگى كەڭەسشى، Service Quality Institute پرەزيدەنتى.


كەلۋ قاينارى: http://www.elarna.net/koru.php?tur=52&id=1068919

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستان مەن وزبەكستان 8 مينوت
سقو شەتەلدەن اسىل تۇقىم 8 مينوت
«WorldSkills Kazakhstan 9 مينوت
«WorldSkills Kazakhstan 15 مينوت
قارتايعاندا قۇلاق ەستىم 18 مينوت
ەلوردادا تۇرعىن ءۇي كەش 18 مينوت
中国哈萨克语广播网 18 مينوت
فرانتسيا حالقىنىڭ جارتى 18 مينوت
«ۇلى دالانىڭ جەتى قىرى: 18 مينوت
شىن ىقىلاس، شىن نيەتپەن 18 مينوت
تۋدى بيىك ۇستاپ، ۇزدىكس 18 مينوت
KFC-گە بەرىلگەن «قمدب ح 24 مينوت
ەلوردادا «عالامنىڭ راقى 28 مينوت
يراكتا ەرەۋىلشىلەر پورت 28 مينوت
جىندار دا پەيىشكە كىرە 1 ساعات
دانىشپاندىقتىڭ قۇپياسى 1 ساعات
ادال دوس جۇماققا جەتەلە 1 ساعات
ءدوربىلجىن اۋدانى: ىرىق 1 ساعات
پارتيا 19-كەزەكتى ورتال 1 ساعات
وسى ارانى باسىپ كورىڭىز 1 ساعات
قالمۇحانبەت قاسىموۆ تمد 1 ساعات
تۇركىستاندا «مۋزەيگە سى 1 ساعات
KFC جەلىسىنە بەرىلگەن « 1 ساعات
ءسىز جاراتۋشىنى تانيسىز 1 ساعات
الماتىدا «جۋسان ءيىسى» 1 ساعات
سارسەنبى-سۇحبات (ۆيدەو) 1 ساعات
بۋراباي تمد-داعى ەمدىك 1 ساعات
中国哈萨克语广播网 1 ساعات
وسى ارانى باسىپ كورىڭىز 1 ساعات
«دالا قىراندارى» تەلەحي 1 ساعات