ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-121795452839 %61 %
2019-11-134580823558 %42 %
2019-11-1413325443 %57 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Islam.kz رۋحاني اقپاراتتارى

جولدانعان ۋاقىتى: 12:15 - 2019/07/10

ماشايتتىڭ وتباسى (اڭگىمە)

كۇلشات بويى-باسى جوندەم، اي سايىن جالاقى الىپ تۇراتىن قىزمەتكەرلەرمەن جاقىن-جۋىق جۇرگەندى ۇناتادى. وقىعان-توقىعاندارمەن، قىزمەتكەرلەرمەن بىتە قايناسىپ، بىرگە جۇرسە عانا مىنا ءومىردىڭ ماعىناسى ايقىندالىپ، مازمۇندى بولماق. ادامدىق ابىرويىن دا، رۋحاني قاجەتتىلىگىن دە وسىمەن ولشەپ-پىشىپ تىرلىك ەتەدى. ەڭ باستىسى، وزىنە ىقپالدى، تالعامدى ورتا قالىپتاستىرعىسى كەلەتىن. ال، ول وڭاي-وسپاق شارۋا ەمەس...

الاقانداي اۋىلدا قانشا قىزمەتكەر بار دەيسىڭ، تەك مەكتەپ مۇعالىمدەرى مەن فەلدشەرلىك پۋنكتىڭ باس دارىگەرىن ەسەپتەمەگەندە بىر-ەكى مەدبيكە. تەك سولاردىڭ ءيىنى عانا ءبۇتىن. اقشادان قىسىلعان ەل قارىز سۇراپ ەستەرىن شىعارعان سوڭ كوبىسى بىلايعى جۇرتتان جارىقتاپ، تۇيىقتالىپ كەتكەن. كەيبىرەۋلەرى، ءتىپتى، تاكاپپار، كوشەدە قارسى كەزدەسسەڭ، سالەمىڭدى الماي، مەنسىنبەي وتەدى. مەنسىنبەۋدىڭ دە ءتۇر-تۇرى، نەشە اتاسى بولاتىنىنا كوز جەتكىزەسىڭ. كەيبىرەۋى بايقاماعانسىپ، قاسىڭنان باسىن تومەن تۇقىرتىپ وتە شىعادى (بۇلارى قايتا يمانجۇزدىرەگى)، ەندى بىرەۋلەرى اشىقتان-اشىق جاقتىرماي، مۇرنىن ءشۇيىرىپ، قارسى ۇشىراسساڭ – تۋرا تاپاپ وتەتىن تانك سياقتى. اۋىلداعى وقىعان-توقىعانداردىڭ جالپى نوبايى وسىنداي، باسقا الىپ-قوسارىمىز جوق.

بۇلار اۋىل اراسىندا بۇكىل ۇيەلمەنىمەن «ماشايتتىڭ وتباسى» اتالىپ كەتكەن. اكەلەرىنىڭ نىسپىسى – جاردەمبەك. قالجىڭباس قۇرداستارى ونىڭ شالكەم-شالىس مىنەزىمەن وراي ءوڭىن اينالدىرىپ، ورىستىڭ «مەشاەت» ءسوزىن قازاقى قالىپقا سالىپ، «ماشايت» دەپ اتاپ كەتكەن. تالاي جىل بويداق قوي باققان. بەرتىن اۋىلعا كوشىپ كەلدى. شيتتەي بالا-شاعاسى بار، كۇلشات – تۇلا بويى تۇڭعىشى. كۇلشاتتان باسقاسى تۇگەل يمەنشەك-جاسقانشاق. الىس تۇكپىردەن قاتىناپ وقۋعا قيىن تيەتىن بولعان سوڭ وبلىس ورتالىعىنداعى مالشىلاردىڭ بالالارىنا ارنايى اشىلعان ينتەرناتتا جاتىپ، ون جىلدىقتى بىتىرەدى. قالا كورگەن اتاعى بار، اسا پىسىق بولماسا دا ەتى ءتىرى. بار ايىبى – وقۋعا تۇسە الماعانى. ءالى تۇرمىسقا شىقپاعانى. اۋىز جارىمايتىن تاقىل-تۇقىل اقشاعا بولا مەكتەپ ەدەنىن جۋادى.

وسى جولى وزىنەن ءۇش جاس ۇلكەندىگى بار، باستاۋىش سىنىپتا ساباق بەرەتىن شارانى ۇيىنە قوناققا شاقىردى. كۇلشاتتىڭ ءوز ەسەبى بار: «وتىرعان قىز ورنىن تابادى» دەگەن ماقالدى مالدانىپ، سوقىر ۇمىتكە يەك ارتقىسى كەلمەيدى. شارا دا ءالى تۇرمىس قۇرماعان... ونىڭ ءىنىسى مەكتەپتىڭ كىتاپحاناشىسى، ءۇمىتى دە جوق ەمەس. وقۋشىلار ونى «ساقالدى كارى قىز» دەپ، سىرتىنان تالكەك ەتەدى. كەيىنگى كەزدە ول مۇرت جىبەرگەن، ونىسى ءبىرتۇرلى قىمسىندىرادى. و، ءتاڭىرىم، وعان ءتىپتى دە جاراسپايدى عوي. ءبىراق، نازىك ءارى بالعىن جۇزىنە ەركەككە ءتان ءبىر سۇستىلىق پەن اياۋلى رەڭك بەرەدى. قىزمەتىنە تىك بارىپ، تىك قايتاتىن سىپايى، سىرباز جىگىتتىڭ تامىرىن باسىپ، بايقاستاپ كورگەن، كەتارى ەمەس ءتارىزدى. تەك كامشاتتان عانا ءقاۋىپ كۇتەدى. كىتاپحانانىڭ ەدەنىن جۋعا كەلگەن سايىن ءىشى بىردەڭە سەزەدى مە، مۇنى جىگىتپەن وڭاشا قالدىرعىسى كەلمەيدى بىلەم، قوسامجارلانىپ، كىتاپ قاراعان بوپ، كىتاپحانادان شىقپايدى. تەزىرەك الدىن وراماسا بولمايدى. شارانى قوناققا شاقىراتىن كۇنى كۇلشاتتىڭ ءقاۋپى ءتىپتى ۇلعايا ءتۇستى. قاشانعىسىنداي كامشات «قايتا ورالعان ارىستارعا» البوم-بۋكەت جاساپ وتىرعان جىگىتكە كومەكتەسكەن بوپ، اراسىندا: «قاعازدىڭ ءبارىن جىرتىپ بولدىڭ عوي»،- دەپ سىنىقسي ءتىل قاتىپ، قالجىڭداپ قويادى. جىگىت ۇندەگەن جوق. ونىڭ ۇنسىزدىگىندە، ءتۇر-تۇلعاسىندا سو ساتتە كۇلشاتقا ادامنىڭ جانىن تەبىرەندىرەتىن الدەبىر ۇمىتسىزدىك، تۇڭعيىق بىردەڭە بارداي كورىنگەن. جانارى تۇيىسكەندە بۇعان جاتىرقاي قاراپ، سۋىق جىميعان...

قوناق شاقىراتىنىن، قوناققا كىمدى شاقىراتىنىن ءۇي ىشىنە حابارلاعاندا شەشەسى قاشانعىسىنداي قىزىن قۇپتاپ، باسىن يزەدى. باسقالارىنا كەلدىڭ نە، كەتتىڭ نە، ءبارىبىر سىقىلدى. تەك بوس ۋاقىتىن اتەش توبەلەستىرۋمەن وتكىزەتىن كىشى ءىنىسى عانا بۇلقان-تالقان بولىپ، «اتوي» ساپ، قارسى شىقتى:

– وسى سەندەردىڭ-اق قوناقتارىڭ تاۋسىلمايدى ەكەن. لاعمانعا تاعى تاۋىق سوياسىڭدار ما؟ قۇرتىپ بىتتىڭدەر عوي ابدەن. ءبىر جاعىنان اكەم ۇرلايدى اراققا دەپ، ەكىنشى جاعىنان سەندەر.. لاعمان سوزۋدان جالىقپايدى ەكەنسىڭدەر.

شەشەسى دە، اكپەسى دە ونى ۇرسىپ-ۇرسىپ، تىيىپ تاستادى.

كۇلشاتتىڭ مەيمانى ەل ورىنعا وتىرا كەلدى. مۇعالىمدەرىنىڭ كوزىنە تۇسۋگە ۇيالدى بىلەم، بالالاردىڭ ءبارى تايلى-تاياعى قالماي ءبىر جاققا بەزىپ كەتتى. اكەلەرى ءلايلىپ، ول ءبىر جاقتا قاڭعىپ ءجۇر. كۇلشات پەن شەشەسىنىڭ بار ەسىل-دەرتى قوناق كۇتۋدىڭ قامىنا اۋعان. قاۋرىت، قاربالاس ىستەن مۇرىندارىنا سۋ جەتپەيدى. باۋىرساق ءپىسىرىپ جاتقان كۇلشاتتىڭ شەشەسى قىزۋى بەت شارپىعان پەشتىڭ جانىندا تۇرىپ... كوزىنە قۇيىلا بەرگەن تەر مونشاقتارىن جەڭىمەن جاسقاپ قويادى. ءۇيدىڭ ءىشىن مايدىڭ قوڭىرسىعان جالىنى الىپ كەتكەن، كوك ءتۇتىن. ءارى مونشاداي ىسىپ... شارا كىرگەندە، جاپپاي-اق قوي، دەپ ەسىكتى شالقاسىنان اشتىرىپ تاستادى. كۇزدىڭ سالقىن ساۋمال اۋاسى لاپ بەردى. كۇلشات لاعمان سوزۋعا كىرىسكەن. قاراپ وتىرعانىم ۇيات بولار دەپ، شارا دا بىلەگىن ءتۇرىنىپ، كۇلشاتقا كومەكتەسىپ، لاعمان سوزىسىپ جاتىر.

– بۇلار نە دەگەن ادامدار، دەپ ويلاپ وتىرعان شىعارسىڭ ىشتەي،- دەپ كۇلشات كۇلدى. – نە نانى دايىن ەمەس، نە قامىرى يلەنبەگەن دەپ...

–  نەسىنە قىسىلاسىڭ. ءوزىم جەيتىن اس قوي، ازداپ بولسا دا ەڭبەگىم ءسىڭسىن،- دەپ شارا دا وزىمسىنە قالجىڭداي جاۋاپ قاتتى. 

– ءقازىر «پروستا ماريا» باستالادى. تاماق پىسكەنشە سونى تاماشالاي تۇر، - دەدى قوناقتى تەلەديدارمەن الدارقاتا تۇرعىسى كەلگەن كۇلشاتتىڭ شەشەسى. وسى ۇيدە كۇلشات پەن شەشەسىنىڭ ىمى-جىمى ءبىر. تۋرا ءبىر قۇربىلار سياقتى. كۇيەۋىنىڭ بارىنان جوعى، ۇلكەن قىزىنا ارقا سۇيەيدى. قالعاندارى ءالى مەكتەپ جاسىندا. عۇمىرىنىڭ ەڭ قىزىقتى شاعى ەتەگى قۇرعاماي بالا تابۋمەن، مال سوڭىندا سالپاقتاپ جۇرۋمەن ءوتتى. كورمەگەن قىزىعىن بالالارىنىڭ كەلەشەگىنەن كۇتەدى. اسىرەسە، كۇلشاتىنا ۇلكەن ءۇمىت ارتادى. ول ۇرىسقاق، تىرىسقاق ايەل بولاتىن. ۇرىسقان كەزىندە يەگى كەمسەڭدەپ كەتەدى، جىلاپ وتىرعان ادامنىڭ ءتۇرى. ونىڭ وزىندە دە مىنەزىنىڭ «قاتتىلىعى» سودان عانا كورىنەدى، ايتپەسە جاسىقتاۋ جان-تىن. كەيدە قاتتى اشۋلانعان كەزىندە كىسىنى شوشىتىپ، شاشىن جايىپ جىبەرەتىنى بار. ونداي كەزدە ونىڭ ماڭىنا ەشكىم جولاماۋعا تىرىسادى.

استى ەندى الدارىنا الا بەرگەندە ەسىكتى تەۋىپ اشىپ، وتاعاسى كىردى. ۇشەۋى ءبىر ءسات سىلەيىپ قالعان. ەسىن تەز جيعان كۇلشات بولدى. ورنىنان ۇشىپ تۇرىپ، قۇلاپ قالماس ءۇشىن بوساعاعا سۇيەنىپ، سۇزەگەن بۇقاشا كوزى الايىپ تۇرىپ قالعان اكەسىنىڭ جىك-جاپار بولىپ، اياق كيىمىن شەشتى. اكەسى قىزىن تەۋىپ جىبەرە جازدادى.

–  وي، پاپا، كىشكەنە تىنىش تۇرىڭىزشى. اياعىڭمەن ءۇيدىڭ ءبارىن بىلعايسىڭ. انا قوناقتان ۇيالساڭىزشى،- دەدى كۇلگەن بولىپ.

– ء بىز دە ادام بالاسىمىز،- دەدى ءتىلى كۇرمەلە سويلەگەن اكەسى. – ۇقتىڭ با؟

– ء يا، ءيا، ءجۇر، تاماعىڭدى ءىش،- سابىرسىزدانا ءتىل قاتقان قىزىنىڭ داۋسى ۇياتتان دىرىلدەپ شىقتى.

–  تاعى دا لاعمان با؟ - دەدى مىسقىلداي سويلەگەن اكەسى قىزىنا قاراداي ءتيىسىپ.

اراق ىشەتىن جەر تاپپاعانداي مانا، كۇندىز اكەسى وزىمەن بىرگە وسى اۋىلدىڭ ءبىر توپ القاشىن ەرتىپ اكەپتى. ايەلى مەن قىزى ەكى جاقتاپ، ولاردى تابالدىرىقتان اتتاتپاي كەرى قايتارعان. قانشا ىشسە دە سونى ءالى ۇمىتپاعان سىڭايلى. داستارحانعا جەتكەنشە ءبىر جىعىلىپ تۇردى. الدىنا قويعان استى دا اقتارىپ الدى. ونىمەن قويماي، بىر-ەكى رەت جۇدىرىعىمەن ۇستەلدى توقپاقتاپ، ءبارىنىڭ بەرەكەسىن كەتىرىپ، ىشكەندەرىن ءىرىڭ، جەگەندەرىن جەلىم ەتتى. قانىن ىشىنە تارتىپ العان شەشەسىنىڭ سىرى وزىنە ءمالىم، تاعى شاشىن جايىپ جىبەرە مە، دەپ، كۇلشاتتا زارە جوق. ونان دا دۇرسە قويا بەرگەنى جاقسى ەدى. ابىرويدان ايىرىلايىن دەسە، اپ-ساتتە ەكەن عوي.

– كەل دەمەك باردا، كەت دەمەك جوق، رۇقسات بولسا مەن قايتايىن. ىقىلاستارىڭىزعا راحمەت – ءوزىن ىڭعايسىز سەزىنگەن قوناعى وسىنى ايتۋى مۇڭ ەكەن، ىزدەگەنگە – سۇراعان، لىپ ەتىپ شام ءسوندى دە قالدى. ءبىراق، شارا ورنىنان تۇرىپ ۇلگەرگەن جوق، وتاعاسىنىڭ جۇرەگى كوتەرىلىپ كەتتى بىلەم، لوقسىپ-لوقسىپ، قۇسىپ جىبەردى. بۇل ماسقاراعا شىداماعان كۇلشات شىڭعىرا قۇلادى. مۇنىڭ ءبارى اپ-ساتتە بولدى. قۇر شىلتەر تۇتىلعان تەرەزەدەن اي ساۋلەسى مول توگىلىپ، بۇلار وتىرعان تۇستى اقتاڭداتىپ، اجەپتەۋىر جارىق قىپ تۇر.

ء

ۇيدىڭ ءىشىن الىپ كەتكەن الەمتاپىراق ءيىستى ەلەگەن دە جوق، شەشەسى مەن شارا دەرەۋ ەس-تۇسسىز قۇلاپ جاتقان كۇلشاتتى اپارىپ، كەرۋەتكە جاتقىزدى. سونىڭ اراسىنشا اكەسى دە قور ەتىپ ۇيىقتاپ قالدى. ەندى ونى زەڭبىرەك اتساڭ دا وياتا المايسىڭ. شەشەسى جاياۋ جەتىلىك شامدى اكەپ جاعىپ ەدى، ونىسى تۇتانباي قايتا-قايتا سونە بەردى. – قانجاۋعىرلارعا قۇدايدىڭ زارىن قىلام بىلتەسىن تازالاپ قويىڭدار دەپ. شەتىنەن قىرسىق، شەتىنەن كەرى باعىپ تۇرادى عوي... جۇرەك تالماسى بار ەدى...- شەشەسىنىڭ كۇبىر-كۇبىر ەتكەن ءۇنى كۇيىنىشتى شىقتى.

ايتسە دە، ەكەۋى اياقتارىنىڭ ۇشىنان باسىپ، قاتتى دابىرلاسپاۋعا تىرىسادى. اياقتارىنىڭ ۇشىنان باسقان سايىن ەدەن سىقىر-سىقىر ەتىپ، زارەلەرىن ۇشىرادى. جاياۋ جەتىلىك شامدى تۇتاتىپ، كۇلشاتتىڭ قول-اياعىن ۋقالاپ، قۇپ-قۋ وڭىنە سۋ اكەپ بۇرىكتى. وسىنىڭ ءبارىن ەكەۋى ءۇنسىز اتقاردى. تەك تىنىشتىقتى، وسى ءۇيدىڭ شىرقىن بۇزىپ، داستارحان باسىندا قىلجيىپ ۇيىقتاپ جاتقان وتاعاسى قورىلدايدى...

كەنەت تۋرا قۇلاعىنىڭ تۇبىنەن جىلاننىڭ ىسىلداعانىنا ۇقساس دىبىستان شارا سەسكەنە جالت قاراعان. كۇلشاتتىڭ شەشەسى قىستىعا، ەگىلىپ جىلاپ تۇر ەكەن. شاراعا مۇلدەم نازار سالمايدى. سويتسە دە، ودان وسى ءقازىر اقجۇرەگىنەن اقتارىلۋى ءتارىزدى ەرلىككە پارا-پار ءبىر ارەكەتتى كورگىسى كەلەتىنى ءتۇرى ايتىپ تۇر. شارا ىشتەي ءبىر قىسىلۋدان، مىنا قاسىرەتى قالىڭ ايەلدىڭ الدىندا ءوزىن جازىقتى جانداي سەزىنۋدەن ارىلا الماي، بارىنەن بۇرىن ونى جۇباتۋ ەش مۇمكىن ەمەستەي كورىندى. ايەل ارا-اراسىندا تىستەنىپ:  – اتاۋ كەرەڭدى ىشكىر،- دەپ، كۇيەۋىن قارعاپ-سىلەپ قويادى.

كەنەت ەسىكتەن ءبىرىن-بىرى يتەرىپ، اياق كيىمدەرگە شالىنىسىپ، دابىرلاسىپ بالالارى كىردى. ايىزدارى قانىپ ويناعان بولۋى كەرەك، وزدەرى كوڭىلدى، ءبىرىنىڭ ءسوزىن ءبىرى ءبولىپ، داۋىستارى جارقىن-جارقىن شىعادى.

–  ماما، قارىن اشتى، - دەپ بىرەۋى ەسىكتەن كىرمەي جاتىپ ايعاي سالدى.

– لاعمانىڭدى سالشى تاباققا، ءبىر تويايىق،- دەگەن كىشى ۇلىنىڭ ءۇنى بۇكىل ءبىر اۋىلدى كوشىرىپ اكەلگەندەي... ولاردىڭ ۇيدەگى جايدان حابارسىزدىعى، كاپەرسىزدىگى اراداعى ىڭعايسىزدىقتى، مىنا شەشەلەرىنىڭ باقىتسىزدىعىن دا اپ-ساتتە ۇمىتتىرىپ جىبەردى. دابىر-دۇبىر ۇننەن كۇلشات ەسىن جيدى. ءبىر ءسات مىزعىپ كەتكەن ادام ءتارىزدى.

– نە بوپ قالدى؟- دەدى ەنتەلەگەن بىرەۋى. كەنەت شارانى ەندى عانا بايقاپ قالدى بىلەم، جاۋاپ كۇتپەي، جىلىستاي جىلجىپ، قاراكولەڭكەگە شەگىندى.

– توپىرلاماي بارىڭدار. تاماقتى وزدەرىڭ قۇيىپ ىشىڭدەر. الدىمەن اكەلەرىڭنىڭ قۇسىعىن ءسۇرتىپ الىڭدار،- دەدى شەشەلەرى ولارعا قاراماعان كۇيى قىزىنىڭ قۇپ-قۋ  وڭىنە ءۇڭىلىپ.

– بىزدىكىندە ۆالەريانكا بار. مامامنىڭ جۇرەگى ناشار... مەن سودان اكەپ بەرەيىن.

– مەن دە سەنىمەن بىرگە بارامىن،- دەدى كۇلشات باسىن كوتەرىپ.

– سەن قوزعالماي جاتشى، ءوزىم-اق اكەپ بەرەيىن،- دەدى شارا قاباعىن شىتىپ.

– جاتقاننان پايدا جوق. سەرۋەندەپ، كىشكەنە تازا اۋا جۇتپاسام بولمايدى،- دەپ اقىرى بوي بەرمەي، سىرتىنان جىلى كيىم كيە باستادى.

– ماما، بىزگە شام كەرەك، - دەدى شىدامسىزدانعان بالالار داۋىستاپ. ولار بۇلارعا ءتىپتى دە ءمان بەرگەن جوق، ءوز قىزىقتارى وزدەرىندە، ويىننىڭ قىزىعىن ايتىپ، تاۋىسا الماي جاتىر. اراسىندا كۇلىسىپ قويادى.

دالا سۇتتەي جارىق. قورا جاقتان ورىستەن تىڭقيا تويىپ كەلگەن سيىردىڭ پىس-پىس ەتىپ، كۇيىس قايىرعانى ەستىلەدى.

– كىسىلەر ەندىگىسىن بايلاۋلى قاباعان يتتەرىن بوساتىپ جىبەرگەن شىعار. اۋىلدىڭ شەتىندەگى اينالمالى جولمەن بارايىق، - دەدى شارا. كۇلشات كەلىستى.

– قايدان عانا قوناققا كەلە قالدىم ەكەن دەپ، وپىق جەگەن شىعارسىڭ. ابدەن زارەڭدى ۇشىردىق بىلەم،- دەدى كۇلشات پريستۋپتان العاش رەت زورلانا كۇلىپ. ءوڭى ءالى دە بولسا قۇپ-قۋ.

– وقاسى جوق. ونداي-ونداي حاننىڭ قىزىندا دا بولادى،- دەدى شارا جۇباتا سويلەپ. – ەشتەڭە ويلاما، ءبارى جاقسى بولادى.

تۋرا جول ۇستىنە شولمەك سىنعان بولۋى كەرەك، شىنىلارى اي ساۋلەسىنە شاعىلىسىپ، سۋىق جىلتىرايدى. نەگە ەكەنى بەلگىسىز، كۇلشاتتىڭ ەسىنە تۇرىندە ادامنىڭ جانىن باۋرايتىن سونشالىقتى ۇمىتسىزدىك، تۇڭعيىق بىردەڭە بارداي كورىنەتىن، وزىنە جاتىرقاي قاراپ، سۋىق جىميعان جاسۇلان ورالعان. سونسوڭ، اي ساۋلەسىنەن جۋساپ جاتقان توڭىرەككە تاڭىرقاي قارادى.

– شارا، ەگەر قۇپيا بولماسا، ايتشى، كوزىڭ تۇسكەن، كوڭىلىڭ اۋعان جىگىتىڭ بار ما؟- دەدى جۇمساق ۇنمەن.

– بار عوي بىرەۋى، - دەدى شارا نەمقۇرايدى ۇنمەن. ونىڭ بۇل اڭگىمەگە تۇك زاۋقى جوقتىعىن اڭعارسا دا كۇلشات تىقاقتاپ: – ول كىم ءوزى؟ - دەدى.

– كلاستاسىم التاي... تراكتوريست. وڭاشا قالعان كەزىمىزدە ول ماعان جانىنىڭ تۇكپىرىندە جاسىرىنىپ جاتقان سىرىن اقتارىپ، شەرىن تارقاتا ما دەپ كۇتەمىن، كەرىسىنشە بىدىڭ-بىدىڭ ەتىپ، ناۋقان ۋاقىتىندا باعاسى كۇرت كوتەرىلىپ كەتەتىن جانار-جاعار ماي تۋرالى بىردەڭەلەرىن ايتىپ، قۇلاعىمدى سارسىتىپ بىتەدى. وزدەرى ءۇي ىشتەرىمەن جەكە شىققالى بەرى شارۋاشىلىقتان باسقا ەشتەڭە ايتپايدى. زەرىكتىرىپ جىبەرەدى.

قۇربىلار اي استىندا ۇزاي بەردى...

2002 جىلى وتكەن
V-شى حالىقارالىق «شابىت»
فەستيۆالىنىڭ پروزا نوميناتسياسى بويىنشا،
بىرىنشى ورىندى يەلەنگەن
 ادەبي شىعارما. 


كەلۋ قاينارى: http://www.elarna.net/koru.php?tur=52&id=1021343

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قارا سوزگە دەس بەرمەگەن 8 مينوت
جايىق بەكتۇروۆ | ادەبي 8 مينوت
احقو جاڭالىقتارى – 23 مينوت
چيليدە جالپىۇلتتىق ەرەۋ 28 مينوت
گولوۆكيندى جەكپە-جەككە 29 مينوت
ءمادي ايىمبەتوۆ | ادەبي 1 ساعات
تەڭدەسى جوق توموتەراپيا 1 ساعات
بوليۆيادا ۋاقىتشا پرەزي 1 ساعات
تۇركىستاندا جاڭادان كاس 1 ساعات
اقتوبە وبلىسىندا «قازىر 1 ساعات
انا ءتىلىڭ – اسىلىڭR 1 ساعات
وسى ارانى باسىپ كورىڭىز 1 ساعات
تۇرىسبەك ساۋكەتاي | ادە 1 ساعات
كومىرمەن جابدىقتاۋدا قا 1 ساعات
ورالدىق از قامتىلعان وت 1 ساعات
باعانى تۇراقتاندىرۋدا ج 1 ساعات
«قازاق رۋحى» كورمەسى &# 1 ساعات
سلوۆاكيادا اۆتوبۋس پەن 1 ساعات
ءاليا داۋلەتباەۆا | ادە 2 ساعات
سانا تۇزەلسە – ادام، ا 2 ساعات
«BAQ league» ءتۋرنيرىنى 2 ساعات
سلوۆاكيادا اۆتوبۋس پەن 2 ساعات
مىندەتتى مەديتسينالىق س 2 ساعات
ءتىل كوسەگەسى قاشان كوگ 2 ساعات
قورعانىس مينيسترلىگىنىڭ 2 ساعات
كەنتاۋ قالاسىندا «التىن 2 ساعات
13 قاراشا - رادياتسيالى 3 ساعات
ادامداردىڭ كوپشىلىگى كۇ 3 ساعات
13 قاراشا - رادياتسيالى 3 ساعات
وسى ارانى باسىپ كورىڭىز 3 ساعات