ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-0566971342055 %45 %
2019-12-0628711318864 %36 %
2019-12-07485112950 %50 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Islam.kz رۋحاني اقپاراتتارى

جولدانعان ۋاقىتى: 12:45 - 2019/07/09

نەگە پايعامبارىمىز "تۇيە ەتىن جەگەندەر دارەت الىپ كەلسىن" دەگەن؟

ۇيات - يماننان

اتام قازاق «ولىمنەن ۇيات كۇشتى» دەگەن. جالپاق تىلمەن ۇيات جايلى بۇدان ارتىق ايتۋ قيىن. ارينە، ۇياتتى بارلىعىنان جوعارى قويعان اتا-بابالارىمىز ۇيات يماننىڭ ءبىر تارماعى، اجىراماس بولىگى ەكەنىنە كامىل سەنگەن. سوندىقتان، شىبىن جانىن ۇيات جولىندا قۇربان ەتۋگە دايار تۇرعان. قۇران كارىمدە: «نەگىزىنەن اللانىڭ كورىپ تۇرعانىن بىلمەي مە؟[1]»، - دەگەن ايات بار. ال، ەندى «قۇداي كورىپ تۇر» دەگەن ءسوز قازاقتا ۇلكەن تاربيەلىك مانگە يە بولعان. ادەتتە، ءبىر وعاش ءىس جاساپ قويعان كىسى، پالەنشە سەنى كورىپ قويىپتى دەسە، جانىپ تۇرعان شام سياقتى ۇياتتان ورتەنىپ كەتە جازدايدى.

راسىمەن دە، جوقتان بار ەتىپ جاراتقان قۇداي سەنىڭ ءاربىر قيمىلىڭدى كورىپ تۇرادى. جاتساڭ دا، تۇرساڭ دا، وڭاشا قالساڭ دا، كوپشىلىكپەن بىرگە بولساڭ دا سەن ونىڭ نازارىنان تاسادا قالا المايسىڭ. مىنە، بۇل – ۇياتتىڭ نەگىزى. «نيسا» سۇرەسىندە: «شاكسىز اللا تاعالا سەندەردى باقىلاۋشى[2]»، - دەگەن ايات بار. ءاربىر ادام باقىلانۋدا. ماسەلەن، كولىكتە كەتىپ بارا جاتىرسىز. الدىڭىزدا باقىلاۋ كامەراسى تۇر دەگەن بەلگى كورىنگەندە جىلدامدىقتى اسىرا الاسىز با؟ نەمەسە بىرەۋ ءسىزدى باقىلاپ تۇرعانىن سەزىپ قويساڭىز نە ىستەيسىز؟ بەدەلدى ءارى ءسىزدىڭ قىزمەتتىك مانسابىڭىزعا ىقپال ەتە الاتىن كىسى باقىلاپ تۇرسا شە؟ ەركىنسي الاسىز با؟ بەتالدى سوزدەر ايتۋعا نەمەسە ەرسى تىرلىك ىستەۋگە باتىلىڭىز بارا ما؟ باقىلاۋداعى ادام ءاربىر سوزىنە، قالا بەردى، داۋىس ىرعاعىنا دا ءمان بەرەدى. ەندەشە مىنا اياتقا قۇلاق ءتۇرىڭىز: «اللا كوزدەردىڭ قياناتىن جانە كوكىرەكتەردەگى قۇپيانى بىلەدى[3]».

دەمەك، كىسى بالاسىنا بايقاتپاي كوز قيىعىمەن بولسا دا قيانات ەتسەڭىز، ونى قۇدايدان جاسىرا المايسىز. وسى اياتتاردى ءتيلاۋات ەتىپ، امال جاساي بىلسەك ارسىز، تىرلىكتەر ازايار ەدى.

ۇيات - يماننىڭ ءبىر تارماعى

ساحابا نۇعمان بين حۋسايىن (ر.ا.): «ۇيات تەك جاقسىلىق الىپ كەلەدى[4]»، - دەگەن پايعامبار (اللانىڭ وعان سالاۋاتى مەن سالەمى بولسىن) ءسوزىن ريۋايات ەتكەن. تابيعين بۋشاير بين كاعب بىلاي دەيدى: «دانالىق كىتابىندا جازىلعانداي: ۇياتتان سالماقتىلىق تۋادى، ۇياتتان بايسالدىلىق تۋادى». راسىندا، ۇيات قالاي بولعاندا دا كىسىگە جاقسىلىعىن ۇسىنادى. اللا تاعالا باقىلاپ تۇر دەپ ادام كۇنادان اۋلاق جۇرەدى. قۇداي كورىپ تۇر دەپ ادام بالاسىنا زيان تيگىزۋدەن قورقاتىن ءھام ۇيالاتىن بولادى.

كوپشىلىك جاقسى بىلەتىن مىنا حاديستە: «يمان جەتپىس بىرنەشە (الپىس بىرنەشە) تارماق. ەڭ ابزالى – «اللادان باسقا قۇداي جوق» دەپ ايتۋ، ەڭ تومەنى – جولداعى كەدەرگىنى الىپ تاستاۋ. ۇيات – يماننىڭ ءبىر تارماعى[5]». مىنە، يماننىڭ قۋاتتىلىعى مەن السىزدىگى جەتپىس تارماقپەن ولشەنسە، ۇيات ەرەكشەلەنىپ يماننىڭ ءبىر بەينەسى رەتىندە ايتىلۋدا. سەبەبى، يمان – سەنىم. يمان – ادامنىڭ ءجۇرىس-تۇرىسى، ومىرلىك ۇستانىمى. يمان – مۇسىلماننىڭ مىنەز-قۇلىعى.

 "تۇيە ەتىن جەگەندەر دارەت الىپ كەلسىن" 

بىردە پايعامبارىمىز (س.ع.س.) ساحابالارىمەن بىرگە توي داستارقانىنا بارادى. بەسىن نامازىن وقىپ بولىپ، داستارقان باسىنا وتىرادى. (داستارحانعا تارتۋ ەتىلگەن اس) تۇيە ەتى ەكەن. كەنەت، كوپشىلىك اراسىنان جاعىمسىز ءيىس شىعادى. ەشكىم ۇندەمەيدى. ەكىنتى ۋاقىتى كەلىپ، ازان شاقىرىلادى. الگى دارەتى بۇزىلعان كىسى دارەت الىپ كەلۋى كەرەك. ءبىراق، ءالى ەشكىم ونىڭ كىم ەكەنىن بىلمەيدى. الايدا، ءدال ءقازىر ونىڭ ماسقاراسى شىعايىن دەپ تۇر. ساحابالار «سەن بە ەدىڭ؟»، - دەمەسە دە، ءوزى ۇياتتان جەر بولارى انىق. ءبىراق، پايعامبارىمىز (س.ع.س.): «تۇيە ەتىن جەگەن بارشاڭ دارەت الىڭدار»، - دەدى. سوندا ادامدار: «ۋا، اللا ەلشىسى! بارلىعىمىز بۇل ەتتى جەدىك قوي»، - دەگەن ەدى، پايعامبار: «بارلىعىڭ دارەت الىڭدار»، - دەدى (الگى ءسوزىن قايتالاپ). مىنە، وسىلايشا پايعامبارىمىز (س.ع.س.) ىڭعايسىز جاعدايعا تاپ بولعان ساحابانى ۇياتقا قالدىرماي امان الىپ قالدى. دەمەك، ادام ءوز ۇياتىن ساقتاۋمەن بىرگە، قاجەتتى جاعدايدا كىسىنىڭ دە ۇياتىن قورعاۋى كەرەك.

ارداقتى پايعامبارىمىز (س.ع.س.): «اقيقاتىندا، پايعامبارلار سوزىنەن ادامدارعا جەتكەنى: «ۇيالمايتىن بولساڭ، قالاعانىڭدى ىستە[6]»، - دەگەن ەكەن. فۋدايل بين عياد باقىتسىزدىقتىڭ بەس بەلگىسىنىڭ ءبىرى رەتىندە «ۇياتتىڭ ازدىعىن» ايتسا، سيررۋ ساقافي: «ۇيات پەن ادامگەرشىلىك جۇرەك ەسىگىن قاعادى. جۇرەك ىشىنەن تاقۋالىق پەن ءدىندارلىقتى كورسە، سوندا قالادى. ايتپەسە، جونىنە كەتەدى»، - دەگەن ەكەن.


[1] الاق سۇرەسى، 14-ايات
[2] نيسا سۇرەسى، 1-ايات
[3] عافير سۇرەسى، 19-ايات
[4] بۇحاري
[5] مۋسليم
[6] بۇحاري


كەلۋ قاينارى: http://www.elarna.net/koru.php?tur=52&id=1020913

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


حالىقارالىق ستاندارتقا 7 مينوت
中国哈萨克语广播网 7 مينوت
كۋالىكتەر كارتالارعا اۋ 22 مينوت
توقاەۆتىڭ گەرمانياعا سا 25 مينوت
«قازاتومونەركاسىپ» كومپ 1 ساعات
ءتۋريزمدى دامىتۋعا ارنا 1 ساعات
中国哈萨克语广播网 1 ساعات
«قازاتومونەركاسىپتىڭ» د 1 ساعات
جەمقورلىق جولى كەسىلەدى 1 ساعات
«رەال مادريد» ەكولوگيا 1 ساعات
پوەزيا قاينارىنان سۋسىن 1 ساعات
NASA كۇنگە قاتىستى تىڭ 1 ساعات
中国哈萨克语广播网 1 ساعات
باس ءمۇفتي ۇستازىنىڭ با 1 ساعات
استانادا كوشەسى بار ابى 1 ساعات
ءابىشتانۋدىڭ تەرەڭ تاعى 2 ساعات
Kids’ quick and e 2 ساعات
تيانشان تورى 2 ساعات
中国哈萨克语广播网 2 ساعات
ريددەردە سەس قۇبىر جەلى 2 ساعات
«رەال مادريد» ەكولوگيا 2 ساعات
قايتا وڭدەلمەگەن قالدى 2 ساعات
قاراعاندىدا «مەنىڭ قازا 2 ساعات
تيانشان تورى 2 ساعات
قازاقستاندىق 39 سپورتشى 2 ساعات
«پاتەر يەلەرى ەرەكشە ج 2 ساعات
قاراعاندىدا جەمقورلىققا 2 ساعات
中国哈萨克语广播网 2 ساعات
«نۇرلى جەر»: اتىراۋدا 1 2 ساعات
تيانشان تورى 2 ساعات