ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-191340442541 %59 %
2019-09-2010832600477 %23 %
2019-09-21741314637 %63 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Islam.kz رۋحاني اقپاراتتارى

جولدانعان ۋاقىتى: 11:45 - 2019/06/10

رەسەيدىڭ سىنا قاعار قارۋى

رەسەيدىڭ س-400 «تريۋمف» زەنيتتىك زىمىران جۇيەسى بۇرىننان بار س-300 رەسەيلىك كەشەننىڭ نەگىزىندە جاسالعان قارۋ. الايدا، س-300 كەشەنىمەن سالىستىرعاندا ايتارلىقتاي ارتىقشىلىقتارعا يە. اتاپ ايتقاندا، تاكتيكالىق-تەحنيكالىق مۇمكىندىكتەرى جوعارى، سونىڭ ىشىندە، ۇشۋ تراەكتورياسى، ايماقتىق اۋقىمى جاعىنان بولسىن، تيىمدىلىگى تۇرعىسىنان بولسىن، جويىپ جىبەرە الاتىن نىساندارىنىڭ ءار الۋاندىعىمەن ەرەكشەلەنەدى. قىسقاشا قايىرعاندا، س-300 كەشەنىنە قاراعاندا تيىمدىلىگى 2،5 ەسە جوعارى. شىن مانىندە، ءبىز ءسوز ەتىپ وتىرعان رەسەيلىك قارۋ شاعىن جانە ورتا قاشىقتىقتاعى زىمىرانداردى عانا جويا الادى، ۇزاق قاشىقتىقتاعى بالليستيكالىق زىمىرانداردى اتىپ تۇسىرۋگە قاۋقارسىز. رەسەيلىك زىمىرانعا قارسى تەحنولوگيانىڭ بالەندەي ارتىقشىلىعى جوق، دەيدى اسكەري ساراپشىلاردىڭ وزدەرى. وعان قاراماستان بۇل قارۋدى تۇركيادان بولەك، قىتاي ساتىپ الدى. ساۋديا قولقا سالىپ وتىر. ءۇندىستان وسى قارۋعا يە بولۋدى كوزدەپ وتىر. دەسەك تە بۇل قاھارلى قارۋدىڭ سوڭعى ۋاقىتتا گەوساياساتتا ءباسى جوعارى بولىپ تۇر. ولاي دەيتىنىمز، ناقتى ماقساتىندا قولدانۋدان گورى ستراتەگيالىق ماڭىزعا يە بولىپ وتىر. وزدەرىڭىز دە تۇسىنگەن شىعارسىزدار، ءبىزدىڭ قايدا مەڭزەپ وتىرعانىمىزدى: تۇركيا مەن باتىس ەلدەرىنىڭ اراسىنا سىنا بولىپ قاعىلاتىن ءتۇرى بار. بۇرىن دا جازعانىمىداي، تۇركيا مەن باتىس ەلدەرى اراسىنداعى داۋ-دامايدى ورشىتكەن اتالمىش قارۋعا قاتىستى رەسەي مەن تۇركيا اراسىنداعى مامىلەنىڭ سوڭى اقش باستاعان ناتو قۇرامىنداعى وزگە ەلدەردىڭ تۇركياعا ءتۇرلى قوقان-لوققى كورسەتۋىنە ۇلاسىپ وتىر. ءتىپتى، تۇركيانى سولتۇستىك اسكەري اليانس قۇرامىنان شىعارۋ، تۇركياعا ەكونوميكالىق سانكتسيا سالۋ سەكىلدى ءتۇرلى ەسكەرتۋلەر سوڭعى ۋاقىتتا ءجيى جاسالاتىن بولدى. نە بۇك، نە شىك تۇسىرەتىن، ەكىنىڭ ءبىرىن تاڭداۋدى تالاپ ەتكەن مۇنداي شەكتەۋ مەن شەتىن ماسەلە تۇركياعا، ءتىپتى، شەگىنەتىن جەر قالدىرمادى دەسە دە بولادى. دالىرەگى، تۇركيا رەسەيلىك اتالمىش قارۋدى ساتىپ الۋدان باس تارتپاعان جاعدايدا ناتو ەرەجەسىنىڭ بەسىنشى بابىنا سايكەس سانكتسيا سالاتىنىن قاتاڭ ەسكەرتكەن دە بولاتىن. بۇدان بولەك، تۇركيا اۋماعىنداعى، ياعني، ىنجىرلىكتەگى امەريكالىقتاردىڭ اسكەري بازاسىن كورشى جاتقان گرەكياعا كوشىرەتىنىن دە ەسكەرتتى. دەسە دە تۇركيا وداقتاستارىنىڭ كوڭىلىنە قاراعاننان گورى ءوزىنىڭ قاۋىپسىزدىگى مەن ستراتەگيالىق قارۋىن جەتىلدىرگەن ماڭىزدى. تۇركياعا ناتو قۇرامىندا بولۋ بۇرىنعىشا كوكەيتەستىلىگىن، ماڭىزدىلىعىن جويعان.  ويتكەنى، ناتو ءاۋ باستا كسرو مەن باتىس ەلدەرى اراسىنداعى سوتسياليستىك جانە كاپيتاليستىك لاگەر بولىپ بولىنگەندە قۇرىلعان ساياسي-اسكەري وداق بولاتىن. قىرعي-قاباق سوعىس كەزىندە مۇنداي وداققا ەڭ الدىمەن باتىس ەلدەرى مۇددەلىلىك تانىتقانىن دا ايتا كەتۋ كەرەك. ءقازىر اتالمىش اسكەري-ساياسي وداقتىڭ مىندەتى مەن ماقساتى باتىس ەلدەرىنىڭ تەك گەوساياسي مۇددەسىن قورعاۋعا باعىتتالعانان دا ايتا كەتپەسكە بولمايدى. تۇركيا بۇل وداققا كۇنى قاراپ وتىرعان جوق. امەريكالىقتاردىڭ تۇركيا اۋماعىنداعى اسكەري بازاسىن گرەكياعا كوشىرۋىنە كەلسەك، بۇل ەڭ الدىمەن اقش-تىڭ وزىنە ءتيىمسىز. گەوساياسي جاعىنان بولسىن، ەكونوميكالىق جاعىنان بولسىن. ال ەكونوميكالىق سانكتسيانىڭ سالدارى تۋرالى ناقتى كەسىپ-پىشىپ ايتۋ قيىن. قالاي دەگەنمەن دە تۇركيا اقش-تىڭ تالابىنا قۇلاق اسىپ، رەسەيدەن اتالمىش قارۋدى ساتىپ الۋدان باس تارتار بولسا، بۇدان ەڭ الدىمەن تۇركيا مۇددەسى زارداپ شەكپەك. بىرىنشىدەن، تۇركيا مەن رەسەي اراسىنداعى قاتىناسقا تەرەڭ سىزات تۇسەدى. ياعني، كەزىندە شام جەرىندەگى سوعىستا تۇركيا شەكاراسىنان ءوتىپ كەتكەن رەسەيلىك ۇشاقتى اتىپ تۇسىرگەن كەزدە ورىن العان ەكى ەل اراسىنداعى داعدارىستان دا اۋىر تىعىرىققا تىرەلەدى. جاقشا ىشىندە ەسكەرتە كەتەتىن جايت: تۇركيا ءوزىنىڭ شەكاراسىن بۇزىپ، قاۋىپسىزدىگىنە قاتەر توندىرگەن رەسەيلىك ۇشاقتى حالىقارالىق تالاپقا ساي اتىپ ءتۇسىردى، ياعني، قورعانۋ قۇقىعىن جۇزەگە اسىردى. ەكىنشىدەن، تۇركيا ءوز تىزگىنى وزىندە ەمەس، اقش-تىڭ جەتەگىندە كەتكەن ەل رەتىندە حالىقارالىق بەدەلى مەن يميدجىنە ەلەۋلى نۇقسان كەلتىرەدى. رەسەي تۇركيانىڭ اۋىل شارۋاشىلىق ونىمدەرىنە سانكتسيا سالىپ قوماي، تۇركيا ەكونوميكاسىنىڭ نەگىزگى تىرەكتەرىنىڭ بىرىنە اينالعان تۋريزم سالاسىن اقساتىپ كەتەدى. ويتكەنى، تۇركياعا بارىپ دەمالاتىن رەسەيلىك تۋريستەر قاراسى جىلدان جىلعا ارتىپ كەلەدى. وتكەن جىلدىڭ (2018 ج.) ءبىرىنشى جارتىسىندا عانا رەسەيلىك تۋريستەر تۇركياداعى تۋريستەر رەيتينگىسىندە كوش باسىنان كورىنىپ، 2،2 ملن ادامعا جەتكەن. ادەتتە دەمالىس (وتپۋسك) ماۋسىمى شىلدە ايىنان باستالاتىنىن ەسكەرسەك، جىل سوڭىنا دەيىن تۇركياعا دەمالۋعا كەلگەن رەسەيلىك تۋريستەر قاراسىن ءوزىڭىز شامالاپ ەسەپتەي بەرىڭىز. نەگىزىندە اقش پەن تۇركيا اراسىنداعى قاتىناستىڭ ناشارلاۋىنا تەك تۇركيانىڭ رەسەيلىك قارۋعا قول سوزعانى عانا سەبەپ بولعان جوق، سونىمەن قاتار، تۇركيا بيلىگى تەررويستىك ۇيىم رەتىندە تانىعان كۇردىستاننىڭ جۇمىسشىلار پارتياسىنىڭ سودىرلارىنان ەفرات وزەنىنىڭ شىعىسىن ازات ەتۋگە اقش-تىڭ كەدەرگى كەلتىرگەنى دە تۇرتكى بولۋدا، كۇرد لاڭكەستەرىنە قارۋ جەتكىزىپ، باسقالاي دا جاردەم بەرگەنى دە ەكى ەلدىڭ اراسىنا جارىقشاق تۇسىرۋدە. ايماقتاعى بىردە-بىر ەل، اتاپ ايتقاندا، يران دا، يراك تا، تۇركيا دا كۇرد سەپاراتيستەرىنەن قاۋىپتەنەدى. اتالعان ەلدەرگە جۇلدىزى قارسى يزرايل دە كۇردتەرگە ساياسي قولداۋ ءبىلدىرىپ،  اتالعان ەلدەردى ىشتەن شالىپ، جىك سالىپ وتىر. بۇدان بولەك، اقش (F-35) جويعىش ۇشاعىن تۇركياعا ساتۋدان باس تارتاتىنىن ەسكەرتكەن بولاتىن. تۇركيا س-400 كەشەنىن ساتىپ الۋدان باس تارتپاعان جاعدايدا. الايدا، ساراپشىلار بۇل تاراپتا مىناداي پىكىر ءبىلدىرىپ وتىر: تۇركيا س-400 كەشەنىن ساتىپ الۋدان باس تارتقان كۇننىڭ وزىندە اقش اتالمىش جويعىش ۇشاعىن تۇركياعا ساتار-ساتپاسى نەعايبىل. ويتكەنى، يزرايل ءوز كەزەگىندە مۇنداي جويعىش ۇشاققا ايماقتا جالعىز ءوزى يە بولعىسى كەلەتىنىن ءبىلدىرىپ، اتالعان جويعىش ۇشاقتى تۇركياعا ساتپاۋى ءۇشىن اقش-قا قىسىم كورسەتىپ وتىر. بۇعان قوسا، F-35 جويعىش ۇشاعى سونشالىقتى ءمىنسىز تەحنيكا ەمەس. كەم-كەتىكتەرى بار. مۇنى امەريكالىق اسكەري ساراپشىلاردىڭ وزدەرى جاسىرماي ايتىپ ءجۇر. كرەمل ءبىر عانا قارۋىمەن تىكەلەي ماقساتىندا قولدانباي-اق ناتو مەن تۇركيا اراسىنا وت سالىپ وتىر. رەسەيگە تۇركيانىڭ باتىس وداقتاستارىنان الشاقتاعانىى كەرەك. سانكتسيا استىندا الەمنەن وقشاۋلانىپ قالعان رەسەي ءۇشىن تۇركيانىڭ ستراتەگيالىق ماڭىزى زور. رەسەي بيلىگى تۇركيامەن ارازداساتىن بولسا، اقش-تىڭ تاياۋ شىعىستى تۇگەل مونوپوليالاپ الاتىنىن جاقسى بىلەدى. تاياۋ شىعىستاعى ەنەرگەتيكالىق رەسۋرس دالىزىنە باقىلاۋ ورناتىپ، رەسەيدى سوناۋ 1990-شى جىلدارداعى جاعدايعا تۇسىرەتىنىن دە ءتۇسىنىپ وتىر. سول سەبەپتى، تۇركيانىڭ رەسەيدىڭ مۇددەسىنە قايشى كەي ارەكەتتەرى مەن مالىمدەمەلەرىنە كوز جۇما قاراۋعا ءماجبۇر. ماسەلەن، قىرىمداعى رەفەرەندۋم ناتيجەسىن مويىنداماي قويعانىن دا «كەشىردى». ونىڭ ۇستىنە، تاياۋ شىعىستا تۇركيا مەن رەسەي ارىپتەس ەلدەردەن گورى باسەكەلەس ەلدەر ەكەنىن دە ايتا كەتۋ كەرەك. ويتكەنى، تۇركيانىڭ تاياۋ شىعىستاڭى مۇددەسى رەسەيدىڭ مۇددەسىمەن ۇشتاسا بەرمەيدى. دەسە دە ەكى ەلدى دە قانداي دا ءبىر ورتاق يدەولوگيا ەمەس، تاياۋ شىعىستاعى مۇددەلەرى جاقىنداستىرعانىن دا جوققا شىعارۋعا بولمايدى. مۇنى اتالعان ەكى ەلدىڭ تاياۋ شىعىستاعى اسكەري، گۋمانيتارلىق، ت.ب. ماسەلەلەر بويىنشا ىس-ارەكەتىنەن بايقاي الاسىز. ءبىر جاعىنان، تۇركيا ءۇشىن رەسەيدىڭ جەرورتا تەڭىزىنىڭ وڭتۇستىك جانە شىعىس جاعالاۋىندا بولعانىن قالامايدى. ويتكەنى، تۇركيانىڭ مانەۆر جاساۋ ايماعى تارىلادى. وسمانلى كەزىنەن بەرى رەسەيلىكتەردى جەرورتا تەڭىزىنىڭ وڭتۇستىك جانە شىعىس جاعالاۋىنا جولاتپاۋعا كۇش سالىپ كەلە جاتىر. سوعان قاراماستان بۇگىنگى تاڭدا رەسەي اتالعان ايماقتا، دالىرەگى، شام جەرىندە، ليبيادا، مىسىردا جانە الجيردە بەلسەندى ارەكەتكە كوشىپ، ىقپالىن ارتتىرىپ كەلەدى. رەسەيدىڭ بۇلايشا ەركىن قيمىلداعانى، البەتتە، تۇرىكتەرگە ۇنامايدى. ەرتە مە، كەش پە، بۇل ماسەلەدە – جەرورتا تەڭىزىنىڭ وڭتۇستىك جانە شىعىس جاعالاۋىنان تۇركيا رەسەيدى ىعىستىرىپ شىعارۋعا تالپىنادى. ۋاقىتشا وداق ەكەنىن وسىدان اڭعاراسىز. ەكىنشىدەن، تاياۋ شىعىستىڭ بولاشاعىنا قاتىستى ەكى ەلدىڭ قالاۋى بىر-بىرىمەن ۇيلەسپەيدى: رەسەي ءوزىنىڭ ىقپالى جۇرە باستاعان تاياۋ شىعىس ەلدەرىندە زايىرلى قوعام زاڭدىلىقتارى ۇستەم بولعانىن قالايدى، ماسەلەن، سيرياداعى باشار اساد رەجيمى، مىسىر باسشىسى ءابدىفاتتاھ اس-سيسي، ليبياداعى حاليف حافتار، پالەستيناداعى ازات ەتۋ ۇيىمى زايىرلى قوعام جاقتاۋشىلارى ەكەنىن ۇمىتپايىق. ال تۇركيا باشار اسادتىڭ رەجيمىنە قارسى. مىسىر بيلەۋشىسى ءاس-سيسيدى «مۇسىلممان باۋىرلار» ۇكىمەتىن توڭكەرىپ تاستاعانى ءۇشىن ايىپتايدى. وسىعان قاراپ، تۇركيانىڭ پوزيتسياسىن اڭعاراسىز. ۇشىنشىدەن، تۇركيا مەن رەسەيدىڭ ەكونوميكالىق مۇددەلەرى دە قابىسپايدى: ەنەرگيا رەسۋرسىن ەكسپورتتاۋشى رەسەيگە ەنەرگيا رەسۋرسى باعاسىنىڭ جوعارى بولعانى قولايلى. سول سەبەپتى، رەسەي وپەك-كە مۇشە ەلدەرمەن، سونىڭ ىشىندە، ساۋديامەن جاقىنداسقان الدەقايدا ءتيىمدى. ال تۇركيا ەنەرگيا رەسۋرسىن اسا ءىرى يمپورتتاۋشى ەل رەتىندە ەنەرگيا رەسۋرسى باعاسىنىڭ جوعارى بولعانىن قالامايدى.


كەلۋ قاينارى: http://www.elarna.net/koru.php?tur=52&id=1006764

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ساۋدانىڭ سۇننەتكە ساي ا 7 مينوت
بەكزات نۇرداۋلەتوۆ بوكس 14 مينوت
بەكزات نۇرداۋلەتوۆ بوكس 20 مينوت
وسكەمەندە بالالارعا ارن 29 مينوت
«جەتى ءان» باعدارلاماسى 29 مينوت
«جەتى ءان» باعدارلاماسى 1 ساعات
پاپا ي ماما نە راۆنى 1 ساعات
باس ءمۇفتي رامازان ايىن 1 ساعات
«جەتى ءان» باعدارلاماسى 1 ساعات
نۇر-سۇلتان مەن وسكەمەند 1 ساعات
مەكتەپ باعدارلاماسىنا « 1 ساعات
中国哈萨克语广播网 1 ساعات
ۆاسيلي لەۆيتتىڭ الەم چە 2 ساعات
中国哈萨克语广播网 2 ساعات
كامشات، التىناي جولدىبا 2 ساعات
قپل: «قايرات» قاتارىنان 2 ساعات
جەتىستىكتىڭ قاراپايىم ج 2 ساعات
中国哈萨克语广播网 2 ساعات
اقش پەن سولتۇستىك كورەي 3 ساعات
امانگەلدى ايتالى: نەمە 3 ساعات
4 سمەرتي، كوتورىە موجەت 3 ساعات
中国哈萨克语广播网 3 ساعات
ەلورداداعى پرەزيدەنتتىك 3 ساعات
اعاشتاعى ەشكىلەر - قىزى 3 ساعات
وسى ارانى باسىپ كورىڭىز 3 ساعات
مادەنيەت ءمينيسترى «ازا 3 ساعات
中国哈萨克语广播网 3 ساعات
وسى ارانى باسىپ كورىڭىز 3 ساعات
وسى ارانى باسىپ كورىڭىز 3 ساعات
الماتىدان 744 كم جەردە 4 ساعات