ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-171587416432 %68 %
2019-10-181098330835 %65 %
2019-10-19000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ايقىن گازەتى ماقالالارى

جولدانعان ۋاقىتى: 10:00 - 2019/04/27

ەكى اي بۇرىن رەسپۋبليكالىق Nur Otan پارتياسى جانىنان بالالار قۇقىعىن قورعاۋ كەڭەسى قۇرىلعان بولاتىن. جاڭادان اشىلسا دا، بالالاردىڭ قۇقىعى مەن قاۋىپسىزدىگىن قامتاماسىز ەتۋ ماسەلەسىن دەرەۋ قاراستىرۋعا كىرىستى. كەڭەس ءتوراعاسىنىڭ ورىنباسارى دينارا زاكيەۆامەن ءومىردىڭ گۇلى – بالالار جايلى تىلدەسىپ، ماسەلەلەردى شەشۋ جولدارىنا توقتالدىق.

– اڭگىمەمىزدىڭ باسىن «باقىتتى وتباسى» جول كارتاسىنان باستاساق. ماقساتى مەن مىندەتتەرى قانداي؟
– بۇل جوبا كۇللى قازاقستان بويىنشا ىسكە اسىرىلىپ جاتىر. بۇرىن قاناتقاقتى جوبا رەتىندە بىر­نەشە ايماقتا باستاعان ەدىك. سو­نىڭ ناتيجەسى قۋانتىپ، ەندى اۋ­قىمىن كەڭەي­تۋدى كوزدەپ وتىرمىز. مينيستر­لىكتەر مەن ۇكىمەتتىك ەمەس ۇيىم وكىل­دەرىنەن قۇرالعان ەكسپەرتتىك توپ بو­لىپ ايماقتارعا ءىسساپارعا شى­عامىز. بالالار قۇقىعى قالاي قور­عالىپ جاتىر، وڭىردەگى احۋال قانداي دەپ زەرتتەۋ جۇرگىزەمىز؟ ماسەلەن، اق­مولا وبلىسىنداعى شورتاندى اۋى­لىندا بالالاردىڭ ءبارى جۇزۋگە قا­تىسادى ەكەن. ششۋچينسكتەگى بالالار ۇيىندە اتا-اناسىز بالالاردىڭ سانى – بار بولعانى التاۋ. قالعاندارىن اتا-انالارى ءبىر اپتاعا نە ءبىر تۇنگە قالدىرىپ كەتەدى ەكەن. وسىلايشا، ول جەر بۇگىندە وتباسىن قولداۋ ورتالى­عىنا اينالىپ وتىر. جول كارتاسىنىڭ ۇسىنىستارىنا ءوزىمىز بارىپ، ارالاعان مەكەمەلەردىڭ تاجىريبەسىن ەنگىزەمىز. سونىمەن بىرگە، «بالاعا ارنالعان قالا» جوباسىن جول كارتاسىنا قوسىپ وتىرمىز. ويتكەنى بالالارعا ارنالعان ينفراقۇرىلىمدار، سونىڭ ىشىندە بالالار الاڭى، الاڭقايلار، ءقاۋىپسىز اۋماقتار بولۋىن قاداعالاۋ كەرەك ءارى جاسوسپىرىمدەرگە كەرى اسەر ەتىپ، جامان ادەت جۇقتىرۋى مۇمكىن ورىنداردىڭ مەكتەپتەن الىس جەردە ورنالاسۋى ءتيىس. وسىعان قاتىستى ارنايى جۇمىس اتقارىلادى. Nur Otan پارتياسىنىڭ قوعامدىق قابىلداۋلارى بويىنشا ءبىرىڭعاي الەۋمەتتىك تەرەزەلەر اشىلعانىن بىلەسىزدەر. بۇل جوبا «حالىققا كومەكتىڭ» اياسىندا ىسكە اسىرىلىپ وتىر. بۇگىندە 2500 ءوتىنىش ءساتتى شەشىلگەن. سونىڭ ءبىرقاتارى جۇمىسپەن قامتۋ جانە بالالاردى بالاباقشاعا ورنالاستىرۋ ەكەن. سونىمەن قاتار ءبىزدىڭ كەڭەس مۇشەلەرى جۇزەگە اسىراتىن جوبالار دا بار. ايتالىق، قازاقستاننىڭ ىسكەر ايەلدەرى «جاردەم» جوباسىن قولعا الدى. مۇنىڭ اياسىندا دەكرەتتە وتىرعان ايەلدەر قوسىمشا ماماندىق يگەرە الادى. كوبىنە ۇيدە وتىرىپ ىستەي بەرەتىن مانيكيۋر، ماسساج، اسپازدىقتى وقىپ الادى. مەكەمەلەرگە ترانسفورماتسيا شارالارىن جۇرگىزىپ، قىزمەت اياسىن كەڭەيتكىمىز كەلەدى. مىسالى، جاستار رەسۋرستىق ورتالىق­تارىنىڭ بازاسىندا وتباسىن قولداۋ ورتالىقتارىن اشۋدى جوسپارلاپ وتىرمىز. ارنايى ءبىلىم العان ما­ماندار ەش شارالارعا قاتىناسپايتىن جاستارمەن جۇمىس ىستەيتىن out rich جۇيەسىن ەنگىزەمىز دەگەن جوسپار بار. ويتكەنى اتالعان توپ ومىردە اداسۋى ابدەن مۇمكىن. سونىڭ الدىن الۋىمىز كەرەك. ولارمەن تىلدەسىپ، قىزىعۋشى­لىقتارى تۋرالى سۇراپ، ءوز جولىن تابۋعا باعىت بەرەدى. مىسالى، سپورت سەكتسيالارىنا جازىلۋعا كەڭەس بەرۋى مۇمكىن.
– شىنى كەرەك، بۇگىندە وتباسىن­داعى زورلىق-زومبىلىق ماسەلەسى ءورشىپ تۇر. كۇنى كەشە تۇركىستان وبلىسىندا وگەي انانىڭ ءۇش قىزىنا كورسەتكەن قورلىعىن ەستىپ، جانىمىز تۇرشىكتى. مۇنداي جاعدايدى بولدىرماۋ ءۇشىن نە ىستەۋ كەرەك؟
– وتباسىندا زورلىق بار-جوعىن انىقتاۋ وڭاي ەمەس. الدىن الۋ ءۇشىن بىرنەشە شارالار ەنگىزۋدى جوسپارلاپ وتىرمىز. ءبىرىنشىسى – سەنىم تەلەفو­نىنا «111» ءنومىرى بويىنشا حابار­لاسىپ، جاعدايدى ايتۋ. جەلى بىرنەشە جىلدان بەرى ىستەپ كەلەدى. مىسالى قاڭتاردا 800 ادام، ناۋرىزدا 2000 ادام حابارلاسقان. سەنىم تەلەفونىنا شىققان ەڭ كىشكەنتاي بالانىڭ جاسى ۇشتە ەكەن. سويتسەك، ۇيدە جالعىز قالىپ قويىپتى. بارلىق وڭىرلەرگە اقپارات تاراتىپ، بالالار­دىڭ ءوز قۇقىعىن ءبىلۋ كەرەگىن ايتىپ ءجۇرمىز. مەكتەپتەردە دە ونداي مالى­مەت ءىلىنىپ تۇر. بالالار عانا ەمەس، اتا-انالار دا سەنىم تەلەفونى بار ەكەنىن بىلسە دەيمىز. ويتكەنى كور­شى­لەرى نەمەسە تۋىستارى زورلىق كورسە­تىلىپ جاتقانىن بىلسە، بىزگە ايتسىن. ەشكىم بەيجاي قاراماسا ەكەن. شىنىندا، كورشىنىڭ ۇيىندە نە بولىپ جاتقانىن كوبى بىلەدى. تەك ارالاسقىسى كەلمەيدى. قاراپ تۇرساڭىز، بار بول­عانى ءبىر ءنومىردى بەرىپ، حابارلاۋ عانا. ودان كەيىنگى ماسەلەمەن ۋچاسكەلىك پوليتسيا اينالىسادى. وتباسى باقى­لاۋعا الىنادى. ۆەدومستۆوارالىق بايلانىستىڭ دا مۇندايدا ماڭىزى زور. مەكتەپتەگى پسيحولوگ، پەداگوگ، ۋچاسكەلىك پوليتسيا قىزمەتكەرى – ءبارى بىرلەسىپ جۇمىس ىستەۋى كەرەك. ءبىزدىڭ كەڭەسكە بارلىق مەملەكەتتىك ورگاندار مەن ۇكىمەتتىك ەمەس ۇيىمدار مۇشە. سەبەبى، بارلىعىمىز كۇش بىرىكتىرسەك، قولىمىزدان كوپ نارسە كەلەدى. ەل بويىنشا اۋقىمىمىز ۇلكەن، وتباسى ماسەلەسىن شەشە الاتىن الاڭنىڭ ءپروتوتيپى بولىپ وتىرمىز. بۇگىندە مەملەكەت الەۋمەتتىك ءالجۋاز توپتارعا كوپ كومەك بەرەدى. دەگەنمەن كوپشىلىگى بۇدان بەيحابار. وسىنى ەسكەرە وتى­رىپ، ارنايى بروشيۋرالار ازىرلەدىك. وندا تولىق اقپارات بار. بروشيۋرا­لاردى ءار ۇيگە تاراتىپ شىققىمىز كەلەدى. سول ءۇشىن ءۇيدى-ۇيدى ارالاپ، ءار وتباسىنىڭ قولىنا جەكە تابىس­تايمىز. ەلىمىزدەگى بۇكىل وتباسىنىڭ احۋالىمەن تانىسىپ، كىمنىڭ كومەككە ءزارۋ ەكەنىن بىلسەك دەيمىز. وسىدان بارىپ الدا قانداي شارالار اتقارى­لاتىنىن، قالاي دامۋ كەرەگىن، ورىن العان جاعدايلاردى وڭتايلى شەشۋ ادىستەرىن انىقتايمىز.


كەلۋ قاينارى: http://www.elarna.net/koru.php?tur=5&id=987689

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


باس مەشىتتەگى قايىرىمدى 9 مينوت
ماڭعىستاۋعا جاڭا وكىل ي 24 مينوت
中国哈萨克语广播网 24 مينوت
وسى ارانى باسىپ كورىڭىز 24 مينوت
قىتايلىق تاۋار تيەلگەن 1 ساعات
قىزىلوردالىق جىگىتتەر ۇ 1 ساعات
اتىراۋعا جاڭا وكىل يمام 1 ساعات
قالامگەرلەر سايىسىنىڭ ك 1 ساعات
كاتالونيادا ەرەۋىلگە قا 1 ساعات
دەمالىس كۇندەرى ەلورداد 1 ساعات
اقش سيرياداعى كۇردتەردى 1 ساعات
中国哈萨克语广播网 1 ساعات
قاراعاندىدا اۆتوبۋس اۋد 1 ساعات
سەمەي وڭىرىنە جاڭا وكىل 1 ساعات
قاراعاندىدا جولاۋشىلار 1 ساعات
رايىمبەك ساتىبالدى feat 1 ساعات
中国哈萨克语广播网 1 ساعات
اقمولا وبلىسى ەلدەگى قۇ 1 ساعات
قىزىلورداداعى كوپ سالال 2 ساعات
جامبىلدا «جومارت جۇرەك» 2 ساعات
KeshYou - Hosh endi ءبى 2 ساعات
اقتاۋداعى داعدارىس ورتا 2 ساعات
تسۋكەربەرگ: Facebook سا 2 ساعات
اللانىڭ كوركەم ەسىمدەرى 2 ساعات
中国哈萨克语广播网 2 ساعات
الماتىدا قىزىمەن بىرگە 2 ساعات
اقتوبەلىك وتباسىلاردا ق 2 ساعات
نازارباەۆ 1 ناۋرىزعا دە 2 ساعات
وسى ارانى باسىپ كورىڭىز 2 ساعات
اۋديوكاسسەتالار قايتا و 2 ساعات