ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-238643265 %35 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ايقىن گازەتى ماقالالارى

جولدانعان ۋاقىتى: 09:50 - 2019/04/27

بىلتىر ەلەكتروندى ساۋدا اينالىمىنىڭ كولەمى 2017 جىلمەن سالىستىرعاندا، 2 ەسەگە ۇلعايدى.
بۇل دەگەنىڭىز – وتانداستارىمىز ەلەكتروندى ساۋدانى ەپتەپ مەڭگەرىپ كەلەدى دەگەن ءسوز. ينتەرنەت ارقىلى ساتىپ الۋشىلاردىڭ سانى ارتىپ، زاماناۋي ساۋدا-ساتتىق قىزمەتىن ءقازىر 2 ميلليوننان اسا ادام تۇراقتى تۇردە پايدالانادى. نارىقتا 1700-دەن استام ينتەرنەت دۇكەن جۇمىس ىستەيدى.

ينتەرنەتتەگى بيزنەستىڭ ارتىقشىلىقتارى كوپ. كەمشىلىگى دە جوق ەمەس. ءار زاتتى كوزبەن كورىپ، قولمەن ۇستاپ ۇيرەنگەن تۇتىنۋشىنىڭ بۇل ۇردىسكە ۇركە قارايتىنى زاڭدىلىق. وعان الىپساتارعا دەگەن سەنىمسىزدىكتى قوسىڭىز. ينتەرنەت ساۋدا ەلىمىزگە كەش كەلگەندىكتەن ونداعى ىشكى تەتىكتەردىڭ ءالى دە تولىق دامي الماعاندىعى دا بار. بۇل جەردە تاعى كەجەگەسى كەرى تارتىپ تۇرعان كەدەرگىنىڭ بىرىنە پسيحو­لوگيالىق اسپەكتىنى قوسۋعا بولادى. كوپشىلىك ەلەكتروندى ساۋداعا سەنىمسىزدىك تانىتىپ، ءداستۇرلى ساۋدانى ءقاۋىپسىز سانايدى. حالىقتىڭ 20 پايىزى ەلەكتروندى ساۋدانى قيىن دەپ ەسەپتەيدى.
ينتەرنەت ساۋدا نەگىزىنەن قىتاي، اقش، ۇلىبريتانيا، وڭتۇستىك كورەيا، جاپونيا، گەرمانيا، فرانتسيا، برازيليا، وڭتۇستىك كانادا، رەسەي سىندى ەلدەردە جاقسى دامىعان. الەمدەگى وندىق توپقا وسى ەلدەردى قوسامىز. ءتىپتى العاشقى ۇشتىگىندە ونلاين-ساۋدا وف­لايننان اسىپ كەتكەن. ونىڭ ەڭ نەگىزگى سەبەبى بۇل ەلدەردە ينتەرنەت قولدانۋشىلارى باسىم. ال بىزدە ازىرگە ونلاين-ساۋدا ءار جىلى 20-25 پايىزعا عانا ءوسىپ وتىر.
ءبىزدىڭ ەلدە ونلاين-ساۋدانىڭ دامۋىن تەجەپ تۇرعان بىرنەشە ماسەلە بار. نەگىزگى ماسەلە تاۋاردى يەسىنە دەر كەزىندە جەتكىزۋ بولسا، ودان كەيىنگىسى سالىق ماسەلەسىنە كەلىپ تىرەلەدى. قىتايدا، اقش-تا ينتەرنەت ساۋداگەرلەرى سالىقتان بوساتىلعان. بىزدەگى جاعداي باسقا.
«قىتايدان تاۋار تاپسىردىڭىز، ونى ول ساۋداگەر شەكارا اسىرىپ، بىزگە سالادى. ءبىراق وعان ەشقانداي سالىق تولەمەيدى. ول بىزگە پوشتا ارقىلى جەتەدى. وسىنىڭ ورنىنان وزىمىزدەگى ينتەرنەت دۇكەندى قويىپ كورەيىك، بىزدەگىلەر قاراماعىنا قىزمەتكەرلەر ۇستايدى، ولاردىڭ جالاقىسىنان سالىق تولەيدى. ارنايى عيمارات جالدايدى. وسى ءۇشىن قوسىمشا قۇن، تابىس سالىعىن تولەيدى. مىنە، مۇنىڭ بارلىعى ونىڭ كاسىبىن وركەندەتۋگە كەدەرگى كەلتىرەدى. ولار سالىق تولەمەگەن سوڭ تاۋارلارى ارزان، قولجەتىمدى بولادى»، – دەيدى قازاقستان ينتەرنەت ساۋدا قاۋىمداستىعىنىڭ ءتوراعاسى كونستانتين گوراجانكين.
بۇگىندە قازاقستاندىقتاردىڭ 7 پروتسەنتى ينتەرنەت ساۋدانىڭ بەلسەندى قاتىسۋشىلارى سانالادى. بۇلار اي سايىن ءبىر نەمەسە بىرنەشە رەت ونلاين جۇيەدە تاۋار ساتىپ الاتىندار. حالىقتىڭ 25 پايىزى ءبىر ايدا ءبىر رەت نەمەسە ودان سيرەك ونلاين-ساۋدا جاسايدى. 32 پايىز ەر-ازاماتتار ونلاين-ساۋداعا جۇگىنەدى. ولاردىڭ ءبارىن بەلسەندى دەپ ايتۋعا كەلمەيدى. ەڭ قىزىق جايتتى قاراڭىز، ونلاين-ساۋدا جاسايتىن ادامداردىڭ ءاربىر ءۇشىنشىسى اۋىلدىق جەرلەردە تۇرادى ەكەن.
«ونلاين-ساۋداداعى ەڭ ۇلكەن ءقاۋىپ – الاياقتىق. ينتەرنەت دۇكەندەرى الدايدى دەگەن كۇدىك ءالى دە سەيىلگەن جوق. ەكىنشىدەن، ەلدىڭ ءبارى تۇراقتى ينتەرنەتپەن قامتىلماعان. ۇشىنشىدەن، سىزگە تاۋار ۇناماعان جاعدايدا ونى قايتارۋ ۇزاق ۋاقىت الادى»، – دەيدى قو­عامدىق پىكىر جانە نارىقتى كاسىبي زەرت­تەۋشىلەردىڭ قازاقستاندىق قاۋىمداستىعىنىڭ پرەزيدەنتى ناتاليا وسپانوۆا.
قازاقستاندىقتار ينتەرنەت دۇكەندەرى ارقىلى كوبىنە كيىم، سۋسابىن، كىرەم جانە ءيىسسۋلار ساتىپ الادى ەكەن. ىدىس-اياققا دا سۇرانىس كوپ. قۋىرشاق، قۇراستىرعىش ويىنشىقتار دا ءجيى وتەدى. ينتەرنەت رەسۋرسى ارقىلى قۇرىلىس ماتەريالدارى ساتىلادى. ودان سوڭ تۇرمىستىق تەحنيكالارعا سۇرانىس جوعارى.
– ءدال ءقازىر نۇر-سۇلتانداعى بىرنەشە بازاردا، ءتىپتى، مىناۋ سول جاعالاۋدا ورنالاسقان «مەن» دەگەن دۇكەندەردىڭ دەنىندە ينتەرنەت دۇكەندەردەگى كيىمدەر تۇر. بىزدەگىسى قىمبات، ال سايتتىڭ وزىنە تاپسىرىس بەرسەڭ، ەكى ەسەگە ارزان. اسىقپايتىن ۋاقىتتا تەك عالامتور ارقىلى ساۋدا جاسايمىن. ءبىز وتباسىمىزبەن 80 پايىز ونلاين دۇكەندەردەن كيىنەمىز. 6 جىل بولدى. وسى ارالىقتا قاي دۇكەننىڭ ولشەمدەرى ماعان نەمەسە بالاما ءدال كەلەدى، قانداي برەندتەردىڭ ساپاسى سىن كوتەرەدى دەگەن بىرنەشە ساۋالدارىما جاۋاپ الىپ، ناقتىلاپ ۇلگەرگەنمىن. جانىمداعى قۇربىلارىما قولىمنان كەلگەنشە، كەڭەس بەرەمىن. ءقازىر ادامداردا ۋاقىت از. قالانىڭ ءبىر بۇرىشىنان ەكىنشى ءبىر جاعىنا بارىپ قايتۋعا ارنايى ۋاقىت ءبولۋ كەرەك. ال تاپسىرىس الۋشىلار سەنىڭ زاتىڭدى ۇيىڭە اكەپ بەرەدى. مۇنداي دۇكەندەردىڭ ارتىق­شىلىقتارى وتە كوپ، – دەيدى قالا تۇرعىنى اياجان ءسابي.
ءيا، تاۋار دۇكەنگە كوپتەگەن دەلدال ارقىلى جەتەدى، باعا دا قولدان قولعا وتكەن سايىن قىمباتتايدى. ال ينتەرنەت ارقىلى تاپسىرىس بەرسەڭىز، تاۋار تىكەلەي قويمانىڭ وزىنەن جەتكىزىلەدى دە، ۇستەمە باعا تەك جەتكىزۋ قىز­مەتىنە عانا قوسىلادى.
وتكەن جىلى قازاقستاندىقتارعا الەمنىڭ تۇكپىر-تۇكپىرىنەن 18 ميلليوننان استام ينتەرنەت سالەمدەمەلەر كەلىپتى. ولاردى قابىلداپ الۋ، ساقتاۋ جانە يەلەرىنە جەتكىزىپ بەرۋ جۇمىستارى «قازپوشتادا» جۇرگىزىلەدى. ونداعى قىزمەتكەرلەر كۇن سايىن كەم دەگەندە 47 مىڭ شەتەلدىك ينتەرنەت سالەمدەمەلەرىن قابىلدايدى. ءدال ءقازىر ورتالىقتا 50-دەن اس­تام ينتەرنەت دۇكەنىنىڭ تاۋارلارى ساقتالادى. مامانداردىڭ ايتۋىنشا، قازاقستان­دىقتاردىڭ دەنى قىتاي، ۇلىبريتانيادا جانە رەسەيدەن تاپسىرىس جاسايدى.
ال عالامتور ارقىلى ەڭ كوپ ساۋدا جاساي­تىن الماتىلىقتار ەكەن. ويتكەنى ينتەرنەت دۇكەندەر مەن قويمالاردىڭ كوبى الماتىدا ورنالاسقان. ونىڭ ۇستىنە ول قالانىڭ قىتاي­مەن شەكارالاس جاتۋى دا اسەر ەتسە كەرەك.
«جاقىندا حورگوس شەكارا ماڭىنداعى حالىقارالىق ورتالىعىندا بونت-قويما اشايىن دەپ وتىرمىز. ول جەردەن قىتايداعى ونلاين كومپانيالار بۇرىن تەك قىتاي پوشتاسى ارقىلى عانا جىبەرسە، ءقازىر «قازپوشتانىڭ» كومەگىمەن ورتالىق ازيا جانە ەۋروپا ەلدەرىنە جىبەرە الادى. بۇل نە بەرەدى؟ بىرىنشىدەن، جەتكىزىلۋ ۋاقىتى قىسقارادى. اۆيا بويىنشا 4-5 كۇندە، جەردەگى اۆتوترانسپورت بويىنشا شامامەن 7-10 كۇندە تۇتىنۋشى زاتىن الا الادى. ال بۇل مەرزىم بۇرىن بۇدان ۇزاقتاۋ ەدى»، – دەيدى «قازپوشتا» اق-تىڭ بيزنەس جونىندەگى باسقارۋشى ديرەكتورى باۋىرجان اينابەكوۆ.
2020 جىلعا قاراي قىتايدان رەسەيگە جىلىنا – 576 ملن، ەۋروپاعا – 250 ملن، ال ەۋروپادان قىتايعا 800 ملن سالەمدەمە جىبەرىلەتىن بولادى. بۇل تاپسىرىستى تەڭىز جولىمەن جەتكىزۋ تىم ۇزاق ۋاقىتتى الادى. ۇشاقپەن قىمباتقا تۇسەدى. ال قازاقستان ارقىلى وتەتىن تەمىرجول ەڭ قىسقا ءارى ەڭ ءتيىمدىسى بوپ تۇر.
سوڭعى جىلدارى ونلاين-ساۋدا دامىعالى الاياقتىقتىڭ دا جاڭا ءتۇرى پايدا بولدى. ماسەلەن، جاقىندا تۇركىستاندىق تۇرعىن ينتەرنەت ارقىلى 60 مىڭ تەڭگەنىڭ ۇيالى تەلەفونىنا تاپسىرىس بەرىپ، ورنىنا ەشتەڭە الا الماعان. ءتىپتى شەكارا اسىپ كەلەتىن ينتەرنەت تاپسىرىستاردىڭ اراسىنان تۇككە تۇرعىسىز زاتتار شىعاتىن كەز دە بولادى ەكەن. الدىن الا 100 پايىز تولەمىن جاساپ تاپسىرىس بەرگەن كيىمىن كورىپ، ءوز كوزىنە ءوزى سەنبەي قالاتىندار دا ءجيى كەزدەسەدى.
زاڭ بويىنشا مۇنداي تاۋاردى 14 كۇن ىشىندە قايتارىپ جىبەرۋگە بولادى. ءبىراق كەيدە قوراپتا كورسەتىلگەن مەكەنجاي جالعان بوپ شىعادى. وسىعان وراي، «قازپوشتا» ين­تەرنەت ساۋدامەن اينالىساتىن كومپانيا­لاردىڭ ءتىزىمىن دايىنداپ جاتىر. سونداي-اق تاۋاردى قابىلداپ الۋدىڭ دا ءتيىمدى جۇيەسىنە كوشتى.
«تاۋار كەلەدى، ءبىزدىڭ قىزمەتكەر ونى قولىڭىزعا بەرەدى. ءسىز اشاسىز، كورەسىز، كەرەك بولسا ولشەيسىز. ساپاسىن قارايسىز،ۇناپ-ۇناماعانىن انىقتايسىز. سودان كەيىن عانا اقشاسىن تولەيسىز. ول ساتىپ الۋشىلارعا دا ىڭعايلى، ساتۋشىلارعا دا ىڭعايلى. الاياقتىڭ الدىن الۋ ءۇشىن وسى جول عانا ءتيىمدى»، – دەيدى باۋىرجان اينابەكوۆ.
ال وسىدان ەكى جىل بۇرىن «Goساۋدا» جوباسىنىڭ جەتەكشىسى ايبەك جارتىباەۆ باستاعان ءبىر توپ كاسىپكەر تۇتىنۋشى مۇددەسىن ءبىرىنشى ورىنعا قوياتىن ءموبيلدى قوسىمشا ويلاپ تاپتى. وتاندىق ەلەكتروندى ساۋدا نارىعىندا «Goساۋدا» اتتى ونلاين الاڭدى ىسكە قوستى. مۇندا تەك ساتۋشىلاردىڭ عانا ەمەس ساتىپ الۋشىلاردىڭ دا ءوتىنىمى قابىل­دانادى. «Goساۋدا» ارقىلى ءقازىر اۆتوكولىك، جىلجىمايتىن مۇلىك، ازىق-تۇلىك، ءتىپتى، سوعىمعا دا تاپسىرىس بەرەتىندەر بار ەكەن.
«Goساۋدا» ساۋدا الاڭىنىڭ ەرەكشەلى­گى – ول بىرىنشىدەن، وتاندىق ءونىم، ونى قۋانا ايتا الامىز. ەكىنشىدەن، ول ەڭ العاشقى ءموبيلدى قوسىمشا ءارى قازاق تىلىندە، لاتىن تىلىندە جازىلعان. ۇشىنشىدەن، تمد مەملەكەت­تەرىن قامتيتىن، بايلانىستىراتىن ساۋدا الاڭى بوپ تۇر. ول جەردەن زات ساتىپ الا الا­سىز جانە زاتىڭىزدى دا ساتا الاسىز.
قالاي دەسەك تە، ونلاين-ساۋدا – جاڭا ترەندتەردىڭ ءبىرى. اۋقىمىنىڭ كۇن ساناپ ارتۋى ونىڭ قوعامعا قانشالىقتى قاجەت ەكەنىن ايعاقتايدى. بۇگىندە اۋە، تەمىرجول بيلەتتەرىنىڭ 99 پايىزى ونلاين-ساۋدا ارقىلى ساتىپ الىنادى. بولاشاقتا بازار اتاۋلىنىڭ بارلىعى دا ونلاين رەجيمگە كوشەدى دەگەن بولجام ءبار.

لايلا رۋسلان


كەلۋ قاينارى: http://www.elarna.net/koru.php?tur=5&id=987682

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


يسلام ينستيتۋتى 67 ءدىن 22 مينوت
تارازدا جىل سوڭىنا دەيى 1 ساعات
امازونياداعى الاپات ءور 1 ساعات
«بارىس»  شۆەيتساريالىق 2 ساعات
اتىراۋ وبلىسىندا جىل با 2 ساعات
ءبىرجان احمەر | ادەبيەت 3 ساعات
تاۋعا شىققان تۋريستەرگە 3 ساعات
شىمكەنتتە ءۇش اۋىسىمدى 3 ساعات
گونكونگتا ورتا مەكتەپ و 3 ساعات
پاۆلودار وبلىسىندا  175 3 ساعات
اقۇشتاپ باقتىگەرەەۆا | 4 ساعات
23 تامىز، جۇما كۇنگە ار 4 ساعات
گونكونگتە ەرەۋىل ءوتىپ 4 ساعات
ەۋروپا ليگاسى: «استانا» 4 ساعات
22.08.2019 - اقپارات - 4 ساعات
وسى ارانى باسىپ كورىڭىز 4 ساعات
ەلىمىزدە حيميا ونەركاسى 4 ساعات
وسى ارانى باسىپ كورىڭىز 4 ساعات
جامبىل وبلىسىندا جوو-دا 4 ساعات
ۆاكانسيالار مەن تولەمدە 4 ساعات
الماتىدا ورتالىق ازيا ج 4 ساعات
اتىراۋدا ورتەنگەن تەاتر 5 ساعات
قر كاسىپوداقتار فەدەرات 5 ساعات
پولشادا جاي ءتۇسىپ، بىر 5 ساعات
«سارىارقا» گاز قۇبىرى ە 5 ساعات
ساراپشى ەلوردانىڭ راديا 5 ساعات
بۇگىن تاتارستان استاناس 5 ساعات
ەۋروپا ليگاسى. "استانا" 5 ساعات
قوسشى اۋىلىندا قىرۋار ق 5 ساعات
ماگيستراتۋرا ەمتيحانىنا 5 ساعات