ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-22357153025 %75 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ايقىن گازەتى ماقالالارى

جولدانعان ۋاقىتى: 08:50 - 2019/04/27

مەديا-مەنەدجەر. مەملەكەت قايراتكەرى. ەلباسى كىتاپحاناسىنىڭ Media Meiman جوباسىنا وسىنداي سان ءتۇرلى كاسىبي قىرلاردىڭ يەسى، قايراتكەر ازامات ايدوس ۇكىباي قوناق بولدى. كاسىبي قىزمەتتە ءسوز ونەرىن قارۋ ەتسە دە بىلايعى ومىردە سوزدەن گورى ىسكە تىندىرىمپاز. ۇندەمەي ءجۇرىپ ۇيدەي شارۋانىڭ باسىن قايىراتىن ۇكىبايدىڭ بولمىسىنا بويلاعاندا وسىنى اڭعارامىز. قىزمەت باسپالداعىنداعى 20 جىلدىق ايادا قاتارداعى تىلشىدەن ەلباسىنىڭ ءباسپاسوز حاتشىسىنا دەيىن ورلەگەن ازاماتتىڭ ءبىلىمقۇمار ستۋدەنت قاۋىمعا ايتارى دا مول بولدى. قازاقستاننىڭ تۇڭعىش پرەزيدەنتىنىڭ اقپارات ساياساتىنا جاۋاپتى ەل ازاماتىن تىڭداۋعا ەۋرازيا ۇلتتىق ۋنيۆەرسيتەتىنىڭ جۋر­نا­ليس­تيكا جانە فيلولوگيا فاكۋلتەت­تەرى­نىڭ ستۋدەنت­تەرى كوپ جيىلدى.

«وتتى نۇكتەدەن» رەپورتاج 

«زاماناۋي اقپاراتتىق ترەند­تەر» تاقىرىبىنداعى ءىس-شارانى ەلباسى كىتاپحاناسىنىڭ ديرەك­تو­رى ءامىرحان مۇراتبەكۇلى اشىپ بەردى. مەديا مەيماننىڭ جۋر­ناليستىك جولىنان باستاپ، ساياسي قىزمەتىنە دەيىنگى كاسىبي قالىپتاسۋ جولىن شولىپ شىقتى. ەلباسىنىڭ ءباسپاسوز-حاتشىسى كۇنى كەشە الەمنىڭ ءتۇرلى «وتتى نۇكتەسىنەن» اقپارات تاراتقان با­تىل ءتىلشى دە بولعانىن اركىم بىلە بەرمەس: «ەلباسىنىڭ سىن­دار­لى ساياساتىنىڭ ارقاسىندا قازاق­ستان­دا وسى كۇنگە دەيىن بىردە-بىر قاقتىعىس بولماعانىمەن، شەت مەملەكەتتەردە، ونىڭ ىشىندە قا­زاق­ستانمەن قاتار ەگەمەندىككە يە بولعان مەملەكەتتەردىڭ كەيبى­رە­ۋىندە وكىنىشكە قاراي، قاندى قاقتىعىستار بولدى. شيەلەنىس اي­ماعىنان ماڭىزدى حابار دايىن­داۋ مىندەتى قويىلعاندا، ايدوس ىدىرىسۇلى العاش­قى­لاردىڭ ءبىرى بولىپ، ومىرىنە ءقاۋىپ تونەتىنىنە قاراماي كوپتەگەن رەپورتاج دايىندادى».
جۋرناليستەر اراسىندا «تاجىك سيندرومى» دەگەن بار. سيندروم­نىڭ ءمانى، قاقتىعىس ايماعىنا قاراي اۋعان، شەشەن، يراك سيندرو­مى بولىپ وزگەرىپ ايتىلا بەرەدى. ءتۇيىنى سول، «سوعىس كورگەن» جۋرنا­ليست وتانىنا وزگە ادام بوپ ورا­لا­دى. باستىسى، ۇڭعىسىنان ءتۇتىنى سەيىلمەگەن ەلدىڭ اۋىر جاعدايىنا قانىعىپ، مامىراجاي، بەيبىت ءومىردىڭ ءقادىرىن باعالاي ءبىلۋدى ۇيرەنەدى. وتتى جەردىڭ وكپەگىن كورگەن ەكس-تىلشىنىڭ ەسىندە مىنا وقيعا ماڭگى قالىپ قويىپتى.
90-جىلداردىڭ تاجىك-اۋعان شەكارا­­سىن­داعى اسا ءبىر مازاڭ كەزەڭى ەدى. قىراعى وپەرا­تور حاسەن ومارقۇ­لوۆ ەكەۋى ءپاندج وزەنى بويىندا كامەرانىڭ وبەكتيۆىن اۋعان تۇسىنا قاراتا شىرەنە تارتىپ «پلان جيناپ جات­قان». «كەنەت تاجىك تاراپتان اسكە­ري­لەر كەلىپ، بۇل ءقاۋىپتى ارادان شۇعىل كەتۋى­مىز­دى تالاپ ەتتى. اساي-مۇسەيىمىزدى جيناپ، اياق سۋىتىپ ۇلگەرگەنىمىز سول ەدى، وسى جاڭا قامسىز ءتۇسىرىلىم جاساپ جەرىمىزدە گۇرس ەتكەن گرا­نا­تومەت جاڭعىرى­عىن ەستىدىك. قارسى تاراپقا كامە­را­مىزدى قايتا-قايتا «شوشاڭ­دا­تا بەرگەن» ءبىزدىڭ «جۇرەك جۇتقان» ارەكەتىمىز­گە بەر­گەن ەسكەرتۋى دەپ تۇيدىك»، – دەپ ايدوس ۇكىباي قاتەرلى كۇندى ەسكە الدى.


مەديا مەيمان تۋرالى مالىمەت:
ايدوس ۇكىباي
الماتى وبلىسىندا دۇنيەگە كەلگەن.
قازۇۋ-دىڭ جۋرناليستيكا فاكۋلتەتىنىڭ تۇلەگى (1997);
نازارباەۆ ۋنيۆەرسيتەتىنىڭ جوعارى بيزنەس مەكتەبىنىڭ تۇلەگى (2015);
قىزمەت جولىن «حابار» اگەنتتىگىندە ءتىلشى بولىپ باستاعان (1998 ج.);
ءار جىلدارى «حابار» اق اقپاراتتىق جوبالار دەپارتامەنتىنىڭ جەتەكشىسى، باسقارما ءتوراعاسىنىڭ ورىنباسارى قىزمەتتەرىن اتقاردى (1998-2001)
«حابار» اگەنتتىگى» اق باسقارما ءتوراعاسى (2011-2016);
قازاقستان پرەزيدەنتىنىڭ ءباسپاسوز حاتشىسى (2016-2019);
2019 جىلدان ەلباسىنىڭ ءباسپاسوز حاتشىسى;
تمد پارلامەنتارالىق اسسامبلەياسىنىڭ «زا زاسلۋگي ۆ رازۆيتي پەچاتي ي ينفورماتسي» ء(باسپاسوز بەن اقپارات سالاسىنا قوسقان ۇلەسى ءۇشىن) قۇرمەت بەلگىسىمەن ماراپاتتالعان;
Nur Otan پارتياسىنىڭ باق وكىلدەرى اراسىنداعى رەسپۋبليكالىق «نۇر سۇڭقار» بايقاۋىنىڭ «قازاقستاندىق جۋرناليستيكاعا قوسقان ۇلەسى ءۇشىن» اتالىمىندا ۇزدىك دەپ تانىلدى;
«قۇرمەت» جانە «پاراسات» وردەندەرىمەن ماراپاتتالعان.


شىندىق – اقپارات تاراتۋداعى باستى قاعيدات 

وق پەن وتتىڭ اراسىنداعى ءولىارا شاقتى باعامداي بىلگەن جۋرناليستكە جىلدام شەشىم قابىلداي بىلەتىن قاعىلەزدىك ءتان. سەبەبى تۇسىنىكتى. ۇرىستا تۇرىس جوق. اۋقىمدى ويلاۋعا ۇلگەرىپ، شۇعىل شەشىم قابىلداماساڭ، شارۋاڭ ءبىتتى دەي بەر. ەلباسى ءباس­پا­سوز حاتشىسىنىڭ جۇمىس ءستيلىن سىرت­تاي بايقاعاندا وسىن­داي قى­را­عى كاسىبي قاسيەت انىق اڭعا­رى­لا­دى. اقپارات الامانى دا – وزىن­شە ءبىر ءومىر مەن ءولىم اراسىن­داعى مايدان سياقتى الەم. قارسى تاراپ قارۋ كەزەنەم دەگەنشە الدىن وراپ، تۇتقيىلدان شابۋىل­داپ ۇلگە­رۋىڭ كەرەك. ياكي، جالعان اقپا­رات، فەيكتەر «وق جاۋدىر­عان» تۇستا قاعا بەرىستە قارسى جاۋاپ بەرە بىلمەسەڭ، ابىروي-بەدەلىڭە وراسان زالال كەلۋى اپ-ساتتە. مۇنداعى باستى قارۋىڭ – ال­بەتتە، شىندىق. ءبىلىمپاز قاۋىم­عا ايدوس ۇكىباي وسىنى اي­قىن ۇقتىردى: «شىندىق اقپارات تاراتۋداعى باستى قاعيدات بولۋى ءتيىس. جۋرناليست بولسىن، ءباس­پاسوز حاتشىسى بولسىن، شىن­دىق­پەن قارۋلانسا عانا، اۋديتوريا الدىندا زور سەنىمگە يە بولادى. ءوزارا سەنىم قالىپتاسقاننان كەيىن ءوزارا پىكىر الماسۋ دا ەركىن جۇرە­دى. اقپاراتتى بۇرمالاپ بەر­گەن بولساڭىز، كوزدى اشىپ جۇم­عانشا سەنىم جوعالىپ كەتە­دى. سەنىم جوعالدى ەكەن، اۋدي­توريا­ڭىزدان بولەك، مەملە­كەتتىك ور­گان­دار دا سىزگە سەنبەيدى، سالدا­رى­نان كوممۋنيكاتسيا السىرەي بەرە­دى».

ەلباسى – جۋرناليستەر جاناشىرى

ەل ەگەمەندىگىنىڭ ىرگەسىن نىق قا­لاسۋعا جۋرناليستەردىڭ دە ەڭ­بەگى ولشەۋسىز. ەلدەگى ءاربىر وزگەرىس، ءاربىر رەفورمانى قالت جىبەرمەي، قالامىنىڭ ارقاۋىنا اينال­دىر­عان اقپارات قۇرالدارى وكىلدەرىن ەلباسى دا ۇنەمى نازاردا ۇستاپ، قال-قادەرىنشە قولداپ كەلەدى. نۇرسۇلتان ءابىشۇلىنىڭ ەلدىڭ بەلدى جۋرناليستەرىمەن بولاتىن تەلە­ۆيزيالىق جانە گازەتتەگى سۇح­بات­تارى، جىل سايىنعى باق وكىل­دەرىنە بەرىلەتىن پرەزيدەنت سىي­لى­عى، ورتا ازيا ەلدەرىندە تەڭ­دەسى جوق «قازمەديا» ورتا­لى­عىن سالدىرعانى – ايتقانىمىزدىڭ كوپ دالەلىنىڭ ءبىرى عانا. كۇندەلىكتى ومىردە قازاقستاننىڭ تۇڭعىش پرەزيدەنتىنىڭ وتاندىق مەديا كەڭىس­تىكتىڭ احۋالىمەن تانىسۋ ادە­تى جىلدار بويى قالىپتاسقان. قاي گازەتتى، نە سايتتى وقيدى؟ قاي تەلەارنانى كورەتىنى تۋرالى ساۋال جاس جۋرناليستەردىڭ ەڭ كوپ بىل­گىسى كەلگەن ساۋالى بولدى. «نۇرسۇلتان ءابىشۇلى تاڭەرتەڭ مۇم­كىندىگىنشە بارلىق گازەتتى وقۋعا تىرىسادى. كەشكىسىن ۋاقىت بول­سا، تەلەارنادان بەرىلەتىن بار­لىق جاڭالىقتى قالت جىبەرمەيدى. ودان بولەك، ءبىp الىس-جاقىن شە­تەل­دىڭ اقپارات قۇرالىنان الىن­عان جاڭالىققا دايدجەست جا­ساپ، ەلباسىعا ۇسىنامىز. سو­نىڭ ىشى­نەن قىزىعۋشىلىق بىلدىرگەن جاڭا­لىقتىڭ استىن سىزىپ، بىزدەن كەڭىرەك بەرۋدى سۇرايدى»، – دەدى ول. ەلباسىنىڭ كۇن­دە­لىكتى اقپارات قۇرالىن شولىپ وتەتىن داعدىسىن ايتىپ.

باۋىرجان مومىشۇلى تۋرالى فيلم 

ەلىمىزدىڭ مەملەكەتتىك تەلە­ار­نا­­سىندا ءجۇرىپ، ايدەكەڭ تالاي سۇبە­لى تەلەدۇنيەنىڭ تۋىنداۋىنا سەبەپكەر بولدى. سونىڭ ءبىرى – داڭقتى قولباسشى، الاشتىڭ ايبارلى ۇلى باۋىرجان مومىش­ۇلى تۋرالى كوپسەريالى فيلم. ايدوس ىدىرىسۇلى وسى تىڭ كينو­جوبانىڭ يدەيا اۆتورى ەكەنى­نە قانىق جاستار كەزدەسۋدە ءفيلم­نىڭ تاريحى تۋرالى دا سۇرا­دى. ۇلى باۋكەڭنىڭ بولمىسىمەن ول ەڭ العاش مەكتەپ كەزىندە بەتپە-بەت كەزىگىپتى. ايدوس – ەلىمىزگە بەل­­گى­لى وقۋ ورداسى دارىندى بالا­لار­عا ارنالعان اباي اتىنداعى قازاق ءتىلى مەن ادەبيەتىن تەرەڭ­دە­تىپ وقى­­تاتىن مەكتەپتىڭ تۇلەگى. قا­زاق­تىڭ قاھارمان ۇلىن ەلگەزەك وقۋ­شىعا تانىستىرعان التىن ۇيانىڭ ونەگەسىن كورمەيسىز بە؟!
1990 جىلى اباي مەكتەبىنە ۇستا­زى كاكىمجان قازىباەۆتىڭ ۇيىن­دەگى جەڭگەي ورىنشا قارابا­لي­نا كەلىپ، باۋىرجان مومىش­ۇلى­­نا كەڭەس وداعىنىڭ باتىرى اتاعى بەرىلگەنىن جۇرەگى جارىلا سۇيىن­شى­لەدى. سەرگەك سانالى بالا ايدوستىڭ ۇلى باۋكەڭ بولمىسىنا ۇڭىلگەن العاشقى ءساتى دە – وسى. باۋ­كەڭ-بولمىسقا بويلاعان ەكىن­شى ءسات «قازاقستان» تەلەارناسىندا ءوتتى. قارا شاڭىراق تەلەارنانىڭ مۇراعاتىنان ىزدەنگىش جۋرناليست ءالىمجان سابىرجانۇلى ەكەۋلەپ ءجۇرىپ، باۋكەڭنىڭ گۇر داۋىسىمەن جازىلعان كونەلەۋ اۋديوجازبانى تاۋىپ الىپتى. تىڭ دۇنيە تاپقا­نى­نا ەسى كەتە قۋانىپ، كوڭىلگە نۇر قۇيى­لىپ، شاتتانعان ءسات ۇمىتىل­ماق ەمەس.
اراعا جىلدار سالىپ، باۋىر­جان مومىشۇلى تۋرالى كوپ­سە­ريا­لى فيلم ءتۇسىرۋ ايدەكەڭ قيا­لىنىڭ ءبىر قيىرىندا قىلاڭ بەردى. شەتەلدىڭ سەريالدارى مەزى بولا باستاعان مەزەت ەدى. مەملە­كە­تىمىز وتاندىق فيلم تۇسىرۋگە جاپپاي تاپسىرىس بەرە باستاعان كەزەڭ. ايدوس ۇكىباي «حاباردىڭ» باسشىسى رەتىندە «قۇلاساڭ نار­دان قۇلانى» ۇستانىپ، مىق­تى رەجيس­سەر اقان ساتاەۆقا بىر­دەن قولقا سالادى. كانىگى كينومامان سوعىس تۋرالى ءفيلم­نىڭ اسا قىم­بات­قا تۇسەتىنىن ءبىر كىسىدەي بىلەدى. تيىسىن­شە، بولىنگەن قارجىنىڭ جەتىڭ­كىرەيتىنىنە سەنىمسىز كەيىپ تانى­تىپ، العاشىندا ازداپ كىبىر­تىك­­تەي بەرگەن. دەيتۇرعانمەن، كە­­لەر ۇرپاق الدىنداعى ۇلى ميس­سيا­نى تۇسىنگەن اردا ازامات نار تاۋەكەل ەتىپ، كۇردەلى جوباعا بەل شەشە كىرىسەدى. مەديا-مەنەد­جەر ايدوس باستاپ، رەجيسسەر اقان قوش­تاپ، قازاقتىڭ داڭقتى قاھار­ما­نى تۋرالى فيلم دۇنيەگە كەلدى وسىلاي.

تۇسكە  كىرگەن ەفير 

ادەتتە شىعارماشىلىق كەز­دەسۋ­دە ءجيى قويىلاتىن ساۋالدىڭ ءبىرى – «جۋرناليستىك قىزمەتىڭىزدە با­سىڭىزدان وتكەن قىزىقتى وقي­عا». ايدوس ۇكىباي تەلەجۇر­گىزۋشى اتاۋلىنىڭ بارىنە ورتاق ۇرەي – ەفيردەن كەشىگىپ قالۋ فوبياسىن ەسكە الدى. ۇرەيدىڭ بويدى بيلەپ الاتىنى سونشالىق، كەيدە ءتىپتى ءتۇس كورگەنىڭدە ەفيردەن قالىپ بارا جاتقان قورقىنىشتان تەرلەپ ويانعان كەزدەر بولعانىن جاسىرمادى. ارى-بەرىدەن سوڭ بۇل كاسىبي قورقىنىش ءوز ىسىڭە دەگەن ادالدىقتىڭ، تىندىرىمدى بولۋ­عا ۇمتىلعان تىنىمسىز جاۋاپ­كەرشىلىكتىڭ ايقىن بەلگىسى ەكەنىن ارىپتەس رەتىندە بىزگە دە ءمالىم.
تەلەجۋرناليست ءارى بۇگىنگى مەملە­كەت قايراتكەرىنە ەفيردەگى مەملەكەتتىك تىلدەگى تاراتۋ تۋرالى ساۋالدىڭ دا قيسىنى كەلدى. ايدوس ۇكىباي بۇل ورايدا بۇدان 20 جىل بۇرىنعى ەفيرلىك ستاتيستيكانى كەلتىردى: «ول تۇستا قازاق تىلىندەگى تاراتۋدىڭ كولەمى 30 پايىزدان اسپاي­تىن، بۇگىن بولسا ول مەملە­كەتتىك ارنالار «حابار» اگەنتتى­گىندە 90%، «قازاقستان» ارناسىندا 100% ەكەنىن قاپەرگە سالدى. مەملەكەتتىك ءتىلىمىزدىڭ قولدانىس اياسىنىڭ كەڭىپ، قۇلاشىن كەڭگە سەرمەگەنىنىڭ ءبىر ايعاعى دا وسى».


P.S.
2 ساعاتقا سوزىلعان ستۋ­دەنت­تەرمەن كەزدەسۋ كوزدى اشىپ جۇمعانشا وتە شىقتى. «سۇراق-جاۋاپ» فورماتىنداعى جۇزدەسۋ سوڭىندا ەلباسىنىڭ ءباسپاسوز حاتشىسى سوڭىنان ەرگەن ارىپتەس ءىنى-قارىنداسقا زاماناۋي تابىستى ادامنىڭ بەس قىرىنا يە بولۋعا كەڭەس بەردى. ولار – تىنىمسىز ەڭبەك، وزىڭە سىن كوزبەن قاراۋ، ۇزدىكسىز ءبىلىم الۋ، جاڭا نارسەگە قۇشتارلىق، كوممۋنيكاتسياعا اشىق بولۋ. ەلباسىنىڭ ءباسپاسوز قىزمەتى تۋرالى تالاي اقپاراتقا قانىققان ستۋدەنتتەرگە مارتەبەلى مەيمان كەزدەسۋ سوڭىندا ەستەلىك كىتاپ پەن قاتىسۋ سەرتيفيكاتىن بەردى.


قانات اۋەسباي،
جۋرناليست


كەلۋ قاينارى: http://www.elarna.net/koru.php?tur=5&id=987645

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


ۇكىمەت وتىرىسىندا «نۇرل 10 سەكوند
اعاجاي التاي تورى 10 سەكوند
SÙ‰M-كارتا ساتاتىن ساۋد 11 سەكوند
قازاقستان 99 حالىقارالى 2 مينوت
ەجەلگى يسلام ورتالىقتار 5 مينوت
قازاقستاندا اقىلى جولدا 5 مينوت
نۇر-سۇلتاندا ورتالىق 10 10 مينوت
قازاقستاندا اقىلى جولدا 11 مينوت
«نۇرلى جول» اياسىندا قا 20 مينوت
ءوزىڭ جارقىراۋ ارقىلى و 20 مينوت
ساپاسىز جول اقتوبەگە جا 20 مينوت
اعاجاي التاي تورى 20 مينوت
تاكفيريتتىك ساناعا توقت 26 مينوت
شىمكەنتتەگى جول جوندەۋ 1 ساعات
نۇر-سۇلتاندا جۇمىسسىزدا 1 ساعات
قورىلدىڭ مي قىزمەتىنە ء 1 ساعات
5 جىلدا كولىك ينفراقۇرى 1 ساعات
اعاجاي التاي تورى 1 ساعات
قر پرەزيدەنتى اكىمشىلىگ 1 ساعات
اعاجاي التاي تورى 1 ساعات
الماتىنىڭ مەديتسينا ۇيى 1 ساعات
الماتىلىق مەديتسينا ۇيى 1 ساعات
باس ءمۇفتي قاجىلىق فيرم 1 ساعات
يتاليادا دۇنيەجۇزىلىك م 1 ساعات
اقش-تا داۋىل سالدارىنان 2 ساعات
اتىراۋدا «باستاۋ» تۇلەگ 2 ساعات
برازيليادا ۇشاق اپاتىنا 2 ساعات
وسى ارانى باسىپ كورىڭىز 2 ساعات
وسى ارانى باسىپ كورىڭىز 2 ساعات
22 قازان. تۋعان كۇن يەل 2 ساعات