ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-17595188948 %52 %
2019-06-18568193751 %49 %
2019-06-19000 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ايقىن گازەتى ماقالالارى

جولدانعان ۋاقىتى: 08:25 - 2019/04/27

مارالتايدىڭ قاتارىنان قارا ۇزگەن، قازىرگى قازاق پوەزياسىنىڭ ءدۇلدىل دارابوز اقىنى ەكەنىن تۋعان ادەبيەتىمىز بەن ونەرىمىزدىڭ سان سالاسىنىڭ ساڭلاقتارى جارىسا جازعانىنا قاراپ-اق باعالاۋعا بولار ەدى. سوعان قاراماستان، سىيلاس ءىنى، اقيىق اقىنىمىز جىگىت اعاسى جاسىنا تولعان تۇستا بىرەر اۋىز ءسوزىمىزدى ارناپ، ىقىلاسىمىزدى ءبىلدىرۋدى ءجون كوردىم. تەگى ءبىر اقىننىڭ شىعارماشىلىعى تۋرالى اركىمنىڭ پايىم-تانىمى ءارتۇرلى بولا بەرەتىنى بار. سونداي-اق تازا تالانتتىڭ اشىلماي، ايتىلماي تاسادا قالاتىن كەزدەرى بولاتىنى دا جاڭالىق ەمەس. بالكىم، مەن دە جۇرت ايتپاعاندى تاپ باسىپ ايتا الماسپىن، الايدا تىرىسىپ باعايىن دەپ شەشتىم. تاۋەكەل…

اقىن كىتاپتارىنىڭ قاي بەتىن اشىپ، قاي ولەڭىن وقىساڭ دا، وڭكەي ۇيلەسىم مەن كەلىسىمگە قۇرىلعان، قيىننان قيىستى­رىل­عان شۋاقتى شۋماقتارى باۋراپ الا­دى. ويتكەنى اقىننىڭ ولەڭ-جىرلارىنىڭ ءتورت قۇبىلاسى تەڭ، قۇرىلىمىنىڭ ەر-تۇرمانى سايلى. تاراتىپ ايتار بولسام: اقىن ولەڭدەرىندەگى سوزدەرىنىڭ بوياۋى قانىق، تەڭەۋلەرى توسىن، ۇيقاستارى ۇرىمتال، اۋەزى اۋەندى، مازمۇنى ءماندى. جۇرەك ءسوزىن تاۋىپ جازعاندىقتان دا جان سارايىڭدى جارقىراتىپ، جاساندىرىپ جىبەرەتىن تاپقىرلىعى تامساندىرماي قوي­سىن با؟! ولەڭدەرىنىڭ تالىمدىك ءتام­سىلى، تانىمدىق تەرەڭدىگى ونىڭ فيلو­سو­فيا­لىق سيپاتىن ايعاقتاپ تۇر. ويى تە­رەڭ، پايىمى پاراساتتى، سەزىمى تۇڭ­عيىق. ال ەستەتيكالىق اسەرى ەسىڭدە ساقتالىپ قالۋىنىڭ سىرى – وسى وي-تولعام­دا­رى­نىڭ سونىلىعىندا جاتسا كەرەك. ونى اشىن­دىراتىن اششى شىندىق – قوعامدا ورىن العان الەۋمەتتىك ادىلەتسىزدىك. ول – قۇر دال­باسا ايقاي ەمەس، ءسوز ساپتاسى مەن وي كەس­تەسى ۇيىرىلە ۇيلەسكەن جۇرتى­نىڭ جۇرە­گىن­دەگى سوزدەردىڭ ساۋلەسى. ۇلت­تىڭ بولمىسى – تازا قازاقى قالپى ور­نەك­تەل­گەن، وتكىرلىگى مەن وزەكتىلىگى ەرەكشە ولەڭدەرى ءسۇيسىنتىپ، سۇيىندىرەتىن قاسيەتى­مەن قىمبات. وقىر­مان­نىڭ جان دۇنيەسىن ءدۇر سىلكىن­دى­رە­تىن سەبەبى – ارعىماق ارىن­دى، قىران قاناتتى اقىن­نىڭ ولەڭ­دە­رىنىڭ شىنايى شىن­دىق­تى، الاپات سەزىمدى، پافوستى پاراساتتى كەلىس­تى­رىپ جازۋىنىڭ ارقاسى.
ۇلى دالادا ماڭگىلىك ەلدىڭ گۇلدەنىپ، وركەندەي بەرۋى ءۇشىن ۇلتقا ايانباي قىزمەت كورسەتۋ ءار قازاق بالاسىنىڭ باستى بورى­شى­نا اينالسا عانا مۇراتىمىزعا جەتەمىز. وسى ورايدا زيالى قاۋىمنىڭ، ونىڭ ىشىندە سوزدەرى الابوتەن ءوتىمدى اقىن-جازۋ­شىلاردىڭ ازاماتتىق پارىزى ايرىق­شا. ازاتتىق تاڭى اتا سالا اقىندىق اتقا مىنگەن مارالتايدىڭ ءورشىل ولەڭ­دە­رىن باعالاۋ بارىسىندا وسى ۇستانىمعا جۇگىنگەن ءجون. اقىننىڭ ولەڭدەرىن وقي باس­تاعان ءسات ونىڭ سونشاما مۇڭدى سارى­نىنىڭ سىرىنا بىردەن بويلاي المايسىڭ. ەلدىگىمىزدىڭ ىرگەسىن قالاپ، ەجەلدەن ار­مان­داعان باقىتتى بولاشاعى­مىزعا كو­شىمىزدى تۇزەگەن سىن ساتتە جان جادى­را­تار، رۋح بەرەر جارقىن جىرلار جازباي شەرلى كوڭىلدىڭ كۇيىن كۇيتتەي بەرگەنى نەسى دەپ قاباق شىتىپ، رەنجۋىڭ مۇمكىن. الايدا… ارتىن باعىپ، ويلانا كەلە، تۇسى­نى­گىمىزدىڭ تۇ­بىرىنەن قاتە ەكەنىن مويىن­داۋعا ءماج­بۇر­سىڭ. سويتسە، اقىن بۇگىندى ەمەس، ەلدىڭ ەرتەڭىن ويلاپ، جانى كۇيىپ، ورتەنىپ ولەڭ قاشاپ ءجۇر ەكەن. ايتپەسە، ماقتانىپ، ما­ساتتانىپ ودا جازۋدىڭ وڭايلىعىن بىلە تۇرا وقىرماندارىنا وسىنداي كۇرمەۋى كۇر­دەلى، ءتۇيسىنىپ قابىلداۋعا قيىن، ور­نەك­تى دە ورەلى ولەڭدەر ۇسىنباس ەدى عوي. مارالتايدىڭ ماقساتى ءمىرجاقىپتىڭ ويان قازاعىن ويلان قازاققا جۇگىندىرۋ ەكەن…
…بۇرىلىپ قاراتپايتىن ارتىڭا ءبىر،
جاستىق-اي، ءسوزىڭ وتكىر، زارپىڭ اۋىر.
شىعا ساپ ارۋ ءتۇننىڭ قۋىسىنان،
بىردەڭە ايتپاق بولىپ حالقىما بۇل.
كىم ءبىراق قۇلاق قويار كەسىمىمە،
ءتىلىمدى جات جاۋلاسا بەسىگىمدە.
ەل جايلى ءلام-ميم دەمەس اعالارداي
جۇرگەنمەن ەلباسىنىڭ ەسىگىندە…
(«الاڭ»)
قاراقان باسىنىڭ ەمەس، ۇلتىنىڭ ۋايىمىن جۇرەككە جەتكىزە جىرلاۋىنا قالايشا ريزا بولماسسىڭ.
ولەڭدەرىنىڭ ورىمىندەگى ورلىك پەن ەرلىك­تىڭ سارىنى ساناڭدى سەرپىلتىپ، تەكتى ۇلتتىڭ ۇرپاعى ەكەنىڭدى ەسىڭە ءتۇسىرىپ، ماقتانىش سەزىمىنە بولەيدى. مىسالى، مارالتايدىڭ «كەنتاۆر» ولەڭىندە جارتى الەمدى جاۋلاپ العان بابالارىمىزدىڭ ومىردەن نامىسىن تاپتاتپاي وتكەندەرىن ايتىپ، بۇگىنگى ءبىزدىڭ ونەگە الۋىمىزدى ويىمىزعا سالىپ ءارى رۋحتاندىرىپ وتىر.
…بولماۋى ءتيىس مۇراتىم مۇڭدى
تولاعاي ءبىر ۇل تۋاتىن سىندى – كىسى بەينەلى، تارپاڭ جۇرەكتى،
كەشەگى… ءبىزدىڭ ۇعاتىن سىردى…
(«كەنتاۆر»)
باعزىداعى بابالاردىڭ سەنىمىن اقتاي­تىن الاش ارىستارىنىڭ جاس ۇرپاعى بارى كوڭىلگە مەدەت. اقىننىڭ كەنتاۆرى تار­پاڭى الاپات رۋح، سەمسەر سەزىم، زور سەنىمنىڭ سيمۆولى ىسپەتتى. بۇل ويىمىزدى وسى ولەڭدەگى مىنا ءبىر شۋماقتار ايعاقتاپ تۇر ەمەس پە؟!
…پۇشايمان ءحالىم ورتەدى مەنى،
قىلقوبىز كەۋدەم شەرتەدى نەنى؟
جال ءبىتتى، كەنەت… جوتاما مەنىڭ
وقيعاداعىداي ەرتەگىدەگى.
عالامات سولاي باستالىپ ءبىر ءسات،
قۇيعىتىپ كەتتىم تاستاردى تۋراپ.
اتىلدىم كوككە جاي سياقتانىپ،
تۇمعىم التىن – اي سياقتانىپ…
(«كەنتاۆر»)
بۇلايشا ۇلتىن ۇلىقتاپ، تاعدىرىنا الاڭ­داپ، ونىڭ باسىنان كەشكەنىن – وت­كەن ءومىرىنىڭ قاسيەتى مەن قاسىرەتىن تەرەڭ­نەن تولعاپ، جۇرەكتى قوزعاپ، كوركەم سوز­بەن سومداۋ، ارينە، بىلىم-بىلىكتىڭ، كور­گەن­­دى-كوشەلىكتىڭ، اقىندىق العىر شەبەر­لىك­­تىڭ ناتيجەسى. بۇگىنگىدەي قاربا­لاس، الا­شاپقىن ۋاقىتتا بار ۋايىمى حالقى­نىڭ اسقاق مۇراتىنىڭ ورىندالۋىن اڭساپ، ەل بولاشاعى – جاس ۇرپاقتىڭ سانا­سىنا ابايشا ساۋلە ءتۇسىرۋدى ماقسات ەتكەن مارالتايدىڭ سارا سوزىنە ءسۇيىنىپ، سۇيسى­نەسىڭ دە، بارەكەلدى دەپ باتا بەرۋگە اسىعاسىڭ.
جازيرا دالا، اسقار تاۋلارى، جەرىنىڭ بايتاقتىعى مەن بايلىعى جات جۇرتتىڭ قىزعانىشى مەن كوزقۇرتىنا اينالىپ، باعزى زاماننان كۇنى بۇگىنگە دەيىن ونى ءبولىپ العىسى كەلەتىن سىرت ەلدەردىڭ سىرى بەلگىلى. زامانىندا تولە بي بابامىز بيلىك قۇرعان، كەيىن جامباسى جەرگە تيگەن تاشكەنت شاھارى دا قازاققا تيەسىلى قالا-تىن. سونداي ەلىمىزدىڭ ەنشىسىندەگى كيە جەرلەردىڭ كەيبىرى كورشىلەرىمىزدىڭ قونى­سى­نا اينالىپ كەتكەنىنە اشىنعان حال­قى­مىزدىڭ وكىنىشىن اقىننىڭ ولەڭىنە قوسىپ، كونە تاريحتى ءتىرىلتۋى ءجون-اق قوي.
…جانىڭدى سەنىڭ جارالى سەزەمىن ەلىم،
زاماننىڭ مىناۋ تارىلعان كەزەڭىن كوردىڭ.
باسىنا ەركىن بارا الماي بابانىڭ بۇگىن،
ورتەنىپ ءىشىم، وكسيدى وزەگىم مەنىڭ.
ءسوزىمدى مەنىڭ نەعىلسىن توباسى تومەن،
تاريحىن جازعان تۇرىكتەر وباسىمەنەن.
ولسە دە ءبىزدىڭ بابالار بولاشاق ءۇشىن،
بەلگىلەپ كەتكەن مەكەنىن مولاسىمەنەن.
(«قارلىعاش»)
ال بۇل – كەشەگى كەڭەستىك كەزەڭدە تالاي جەرى تالاپايعا ءتۇسىپ، قولدى بولعانىن، تاشە­نوۆ سىندى اسىل ازا­ماتتاردىڭ كۇرە­سە ءجۇرىپ قايتار­عانىن دا ەسىمىزگە سالىپ وتىرعان سالماقتى ءسوز.
ويىن سوزبەن ورنەكتەپ، تەرەڭنەن تولعاپ جازاتىن مارالتايدىڭ اقىندىق قولتاڭباسىن جازباي تانيسىڭ. ويتكەنى ونىڭ ءومىر، تىرشىلىك تۋرالى وي-تولعام­دارى­نىڭ مازمۇن-ماعىناسى وزگەشە، جاڭاشا سيپاتىمەن وقشاۋ تۇر. ايتالىق «الاتاۋ» ولەڭىنەن ەكى ءتۇرلى وي تۇيەسىڭ. «سەنى كۇن، مەنى كۇنشىل مەنسىنبەيدى، تۇرعان سوڭ تابانىمىز جەرگە ءتيىپ» دەگەن قوس جولدان ءبىز پەندەشىلىككە بەرىلىپ، وزىنەن اتى وزعان، ابىرويى اسقان ادامدى قىزعانىشتىڭ قىزىل يتىنە – كورەال­ماۋ­شى­لىققا سالىنۋدىڭ سالقىنىن سەزەمىز جانە سول ءبىر سوراقى قىلىقتان جيرەنە­مىز. بۇل ءبىر قىرى دەڭىز. ەكىنشىدەن، سەن سياقتى اسقار تاۋى، مەن سياقتى ارلى اقىنى بولماسا قازاعىم قايتەر ەدى؟ سو­نىڭ ءمانىن بىلە تۇرىپ، وزگەلەرگە وكپەلەمەي، جادىراپ، جارقىن عۇمىر كەشەيىك، ەل-جۇرتىمىزدىڭ ەڭسەسى بيىك بولسا ريزامىز دەگەن تۇپكى ءتۇيىنى قانداي ويلى، ءماندى، ماقساتتى!.. وسى ءبىر-اق مىسالدان مارالتايدىڭ ولەڭدى جۇرەگىنەن وتكىزىپ جازاتىن وتە ويشىل دا سەزىمتال اقىن ەكەنىنە كوزىمىزدى جەتكىزەمىز.
جانىڭدى تەربەپ، جۇرەگىڭدى جاندىراتىن وتتى سەزىمگە ورانعان وقىس ويلارى ساناڭدى ىزگىلىكتىڭ ساۋلەسىمەن نۇرلاندىراتىن شايىردىڭ شاپاعاتتى ولەڭ شۋماقتارى ءوزىنىڭ وسىنداي وزگەشە سىر-سيپاتىمەن باۋراپ الاتىنى اقيقات.
تاۋەلسىزدىكتىڭ تۋى تىگىلىپ، شاتتىققا بولەنگەن شاقتى شابىتتانا جىرلاعان شايىردىڭ مىنا ءبىر ويلارى بارشا قازاق بالاسىنىڭ جۇرەگىندەگى ءسوزى عوي. وقىپ كور:
…بىرلىگىمدى تاپسام-داعى جوعالعان،
قايدان تابام تاريحىمدى تونالعان؟!.
تار جاتىرىن جارىپ شىققان قۇلدىقتىڭ
ءسابي – ەلگە ساۋلەڭدى قۇي، و، جالعان.
كارىن قايتا توكپەسىن دەپ جات ءومىر،
ۋا، بابالار، بالالارىڭا باتا قىل.
ۇرپاقتارىڭ ۇمىتىنە ەر سالدى،
قولىڭ بوس پا، دەمەپ جىبەر، ءو،تاڭىر!
تامىرىنان جاراتىلىپ تەكتى ءسوز،
ال، ارمانشىل اسقاق حالقىم، كوكتى كەز…
كوك بايراقتى قىران تەكتى قازاققا
كۇن استىندا قانات جايار جەتتى كەز…
(«ۋ قايتارۋ»)
اقىندىق تەگەۋرىنى الاپات اقىننىڭ تاپقىرلىعى تاڭدانارلىق. ەلدىڭ ءسوزىن سويلەپ، تىلەگىن جەتكىزۋدىڭ بۇدان اسقان، بۇدان وزگە جولى بار ما؟! قيلى كەزەڭدەردى باسىنان وتكەرگەن قازاقتىڭ شەرلى تاعدىرىن جانىمەن تۇسىنگەن اقىننىڭ جىگەرلى جىرىن اسقاق رۋحتى رەكۆيەم رەتىندە قابىلدايسىڭ.
اقىننىڭ ولەڭ-جىرلارى تۇنىپ تۇر­عان فيلوسوفيالىق وي. قوعام ومىرىن­دەگى ءتۇرلى قيىندىقتار مەن قايشى­لىق­تار حاقىن­دا وي تولعاپ، ءتۇيىندى تولعانىستار ارقى­لى زەردەلەۋ اقىن شىعارماشىلى­عى­نا ارقاۋ بولعان. ادامنىڭ رۋحاني بولمىسىن ولەڭدەرىندە ورنەكتەگەن اقىننىڭ وي-تولعامدارىنىڭ تەرەڭدىگى مەن ءسوزىنىڭ زەرەكتىگى ايرىقشا! ال ەندى رۋحاني داعدارىسقا ۇشىراعان ۇرپاقتى ەل كەلە­شەگى، ۇلت مۇددەسى ءتىپتى دە تولعاندىر­ماي توقىراۋعا ۇرىندىرارى بەلگىلى. اقىننىڭ جانىن جەپ، ۋايىم-قايعى شەگىپ، وي-ساناسى ارپالىسقا تۇسكەن ساتتە جۇرەگىمەن جازعان جىرلارى ءبارىمىزدى دە بەيجاي قالدىرماسى حاق.
ءبىر ءۇمىت، ءبىر وكىنىشتەن تۇراتىن ءومىر­دىڭ سان سىنى، سان سىرى بار. سول جايىن­دا تولقي وتىرىپ، تولعانا سويلەگەن مارال­تايدىڭ كۇدىك پەن ءۇمىت الماسا اربا­عان كوڭىلىنىڭ تەبىرەنىسى وقىرمانىن دا ويعا قالدىرىپ، مازاسىزداندىرۋى اقيقات-اۋ…
…اڭسارىن العان اسىنداي بولىپ جەرىكتىڭ،
كورىنىپ كەزەك كوڭىلىمدى نەسىن ەلىتتىڭ؟
تۇسىنەسىڭ بە،
ءتۇبىرسىز مىنا دۇنيەنى،
پەيىلى تازا، جۇرەگى اپپاق كورىكتىم؟
باسا دا بەردىم، قايتەيىن، قاتە ءار ءىزدى.
تابىلماي قالىپ جانىمدى ۇعار جان ىزگى.
جالعاننىڭ جالعان ەكەنىن سەزىپ بارلىعى
ارلارىن ساتىپ،
ارسىز بوپ كەتكەن ءتارىزدى…
جانىما جىلى تيگەننەن كەيىن گۇل دەمىڭ،
وزىڭە اشتىم توت باسقان جۇرەك ىلگەگىن.
قاناتى دال-دال سۇڭقارمەن ءبىراق ساپارعا،
عۇمىرىن قيىپ، شىعا دا قويار بىرگە كىم؟!.
ء(«ۇمىت»)
ادامنىڭ رۋحاني الەمنىڭ ءالىمساقتان قالىپتاسقان قۇندىلىقتارىن اسپەتتەۋ جانە سول كيەلى قاسيەتتەن ايىرىلىپ قالماۋدىڭ جولىن اداسپاي تابۋدى مەڭزەگەن اقىن ءسوزىنىڭ ءتۇيىنى تۇسىنىكتى.
…ەرىكسىز تۇسەر ىلديدان،
ەركىڭمەن شىعار ءور ارتىق.
تىزەرلەپ ءومىر سۇرگەننەن،
كوسىلىپ جاتار كور ارتىق…
ءومىر ءسۇرۋدىڭ اسقاق تا اقيقات قاعيداسى – فيلوسوفياسى بۇل. اقىننىڭ جۇرە­گىڭدى جىلاتاتىن، جانىڭدى جارا­لاي­تىن قۇسالى ولەڭدەرىن وقي وتىرىپ تا جاسى­ماي­سىڭ: ويلاناسىڭ، تولعاناسىڭ، سودان كەيىن سەزىمىڭ سەرپىلىپ، جان دۇنيەڭ جاسا­نىپ، قايراتتانىپ، جىگەرلەنىپ، قايتا تۋعان­داي كۇي كەشەسىڭ. بۇل بولسا اقىن ءسوزىنىڭ قۇدىرەتى ەمەي نەمەنە؟!
جىلقى مىنەزدى، تارپاڭ تۇلعالى باعزى بابالارىنىڭ ۇرپاعى جالعاسى ەكەنىمىزدى ەسىمىزگە ءتۇسىرىپ، تىرشىلىكتىڭ قيىن-قىستاۋ ساتتەرىندەگى سىناقتارىنا كەزىككەندە جىلاپ، جاسىماي، تۇنەرىپ، تۇڭىلمەي، ءيىلىپ، بۇگىلمەي، جىگەرلەنىپ، نامىستانىپ قاسقايا قارسى تۇرۋ قاجەتىن قاپەرىمىزگە سالىپ وتىرعان سوزدەرى قانداي سۇيكىمدى! ۇلتتى رۋحتاندىرىپ، قاناتتاندىرىپ، جەبەپ جىبەرەتىن ۇلاعاتتى ءسوز.
شابىتتى دا ارىندى اقىننىڭ كۇن­دەي كۇركىرەپ، تولقىنداي تۋلاپ، جاسىن­داي جارقىلداعان رۋحتى جىرلارىنا قوسا، بىردە سامال جەلدەي سامال لەبىمەن كوڭىل قۇسىڭدى كوككە ورلەتىپ، بىردە تەرەڭ ويعا باتىرىپ، مۇڭعا بولەپ، بىردە جان-جۇرە­گىڭ­دى سىزداتىپ سىرلاسا جونەلەتىن ليري­كا­لارى دا جەتىپ جاتىر. اسىرەسە، ماحاببات، سۇيىسپەنشىلىكتىڭ قىر-سىرىن اقتارا، اعىنان جارىلا جازعان جىرلارىنىڭ ءجونى بولەك. اققۋداي سىلانعان قىردىڭ كەر­بەز ارۋلارىنىڭ بەكزات بولمىس-بەي­نەسىن ولەڭگە كوشىرگەن سۋرەتكەرلىگى كەرە­مەت. الاسۇرىپ، اساۋ ارعىماقتاي الىپ قاشقان الاۋ سەزىمدەر جىر جولدا­رى­نا جاۋھارداي شاشىلىپ تۇسكەن. اقىن بۇل ورايدا كۇيدىم-سۇيدىم دەگەن جالاڭ سوز­دەر­گە اۋەس ەمەس. ىنتىزار كوڭىلدىڭ، جالىن­دى جۇرەكتىڭ ىستىق سەزىمىن سۋىت­پاي، جان سىرىن جايىپ سالادى. ءمانايى سەبەپپەن عاشىعىنان ايىرىلىپ قالعان جىگىتتىڭ قوشتاسۋ ءسوزى، جاڭا ءبۇر جارعان قىزىل گۇلدەي ۇلبىرەگەن كوڭىلىنىڭ كەنەت سولعىن تارتىپ، الىستاپ كەتكەنىنە قاپا­لان­عان ءساتى جان-جۇرەگىڭدى قوزعايتىن سيقىرلى سەزىمگە تولى. ليريكالىق كەيىپ­كەردىڭ ءوزىن-وزى سابىرعا شاقىرعان لەپەسىنىڭ تۇيىنىندەگى شىندىعى – جاتقان ءبىر فيلوسوفيالىق تەرەڭ ويدىڭ قىزۋلى وشاعى.
…وتكەن كۇن ءوتتى، جوعالعان،
ۋايىمداي بەرمە، ۋ ءىشىپ…
وسىناۋ ەكى-اق جول ولەڭدە ءومىردىڭ استارلى اقيقاتى، سىرلى سۋرەتى بارىنشا بوياماسىز ايتىلعان-اق قوي…
جالعاندا جانىڭدى تۇسىنەتىن جالعىز ادامىڭا حابارلاسىپ، مۇڭىڭدى شاعىپ، ءبىر جەڭىلدەنىپ قالعىڭ كەلەر كەزدەر بولادى ەمەس پە؟! سونداي ساتتەگى سەزىمىڭدى سوزبەن سۋرەتتەگەن اقىن:
…مەن ساعان حابارلاسام، كۇيىنگەندە،
يىلمەس جەردە باسىم يىلگەندە.
…مەن ساعان حابارلاسام، كۇلە الماسام،
قايتەيىن ءحالىمدى ۇعىپ، ءتىل الماساڭ.
جاقىنداپ و باسىڭدا نەڭ بار ەدى،
شەشىنىپ ءورت ىشىنە كىرە الماساڭ.
باسقا ەمەس، جانى نازىك، سىيلاسىپ، سىرلاسىپ، سەنىپ جۇرگەن قىز بالاعا وسىلايشا، تاۋسىلا ءتىل قاتىپ، بازىنا-تىلەگىن جەتكىزىپ وتىر ءارى ونىڭ جارالى جانىن ءتۇسىنىپ، دەمەۋ بولارىنا كۇدىگى دە بار سياقتى.
مىنا قيۋى قاشقان تىرشىلىكتىڭ اششى-تۇششى ءدامىن تاتا ءجۇرىپ، تاعدىردىڭ تار سوقپاعىنان اداسپاي، امان-ەسەن شىعۋدى كوكسەپ، جانىن تۇسىنەتىن وقىرمانىنا سىرىن ايتىپ، تۇماندى ويىن سەيىلتىپ العىسى كەلگەن كەيىپكەردىڭ پاك سەزىمىن بىلدىرەتىن ولەڭنىڭ ءپالسا­پالىق پاراساتىنا سۇيسىنبەسكە نە شارا؟! وقىپ كورەيىك:
…سىرىمدى وزگەگە ەمەس، ساعان اشام،
(اشپاس ەم، سەنى جاقىن ساناماسام).
ارىمنىڭ اق وتاۋى بارىڭە ورتاق،
تاعدىردىڭ داۋىلىندا پانالاساڭ.
…سىرىمدى تۇسىنەر دەپ ساعان اشام.
(سىرلاسار ادامدار دا از، سارالاساڭ)
كورەسىڭ تەرەڭىمدە نە جاتقانىن،
جانىمنىڭ جاعالاۋىن جاعالاساڭ.
(«عازيز سەزىم»)
ادامنىڭ ۇيقىسىن شايداي اشاتىن، جاۋراعان جۇرەگىن جىلىتاتىن، ءۇمىتىنىڭ ۇزىگىن جالعاپ، تىنجىر مۇڭىن سەيىلتىپ، ارمان اسۋلارىنا قۇلشىندىراتىن، شى­نايى شىندىعىمەن رۋحاني ءشولىڭدى قان­دىراتىن رۋحتى ولەڭ-جىرلارى وقىر­مان ويىن تەربەپ، تولعاندىراتىن، تالانتىنا تابىندىراتىن مارالتايدىڭ بولمىسى بولەكشە اقىن ەكەنى باسەكە­دەن بەلگىلى.
كوڭىلدەگى سىرىن جۇرەگىندەگى جىرىنا وراپ، قالىڭ ەلى – قازاعىنىڭ رۋحىن وياتىپ، نامىسىنا قامشى باسقان ايبوز اقىننىڭ ارمان-ماقساتى ۇلى دالانىڭ ۇل-قىزدارىنىڭ باقىتتى داۋرەن ءسۇرىپ، بوستان حالقىنىڭ جارقىن بولاشاعىنا، ۇلتىنا قالتقىسىز قىزمەت كورسەتۋدى ازاماتتىق پارىزى ساناۋلارىنا تىلەك قوسۋ. بۇگىنگى قازاق ولەڭىنىڭ ورەڭ جۇيرىگى ساناتىنداعى ساڭلاق اقىن مارالتايدىڭ ماقامدارىنان كوڭىلگە تۇيگەن ويلارىم­نىڭ ءبىر ۇزىگى وسى ەدى…

قۋانىشباي قۇرمانعالي،
«الاش» ادەبي سىيلىعىنىڭ لاۋرەاتى


كەلۋ قاينارى: http://www.elarna.net/koru.php?tur=5&id=987626

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


دارىگەرلەردىڭ ايلىعى تا 4 مينوت
جانۇزاق ايازبەكوۆ | اد 14 مينوت
تۇركىستاندا فوتوونەر ور 14 مينوت
كرايستچەرچتەگى شابۋىلدى 14 مينوت
يزرايل دۇنيە بانكەسىمەن 14 مينوت
الماتىدا 478 وقۋشى «الت 24 مينوت
3 ادامدى ولىمنەن قۇتقار 24 مينوت
19 ماۋسىمعا ارنالعان اۋ 29 مينوت
300-گە جۋىق ەلوردالىق ج 1 ساعات
چل 2019/20:«استانا» الع 1 ساعات
ەگيپەتتىڭ بۇرىنعى زۇڭتۇ 1 ساعات
اتىراۋ وبلىسىندا «جاڭا 1 ساعات
باس ءمۇفتي سەرىكباي قاج 1 ساعات
وسى ارانى باسىپ كورىڭىز 1 ساعات
نۇرلان رامازانوۆ: جاناز 1 ساعات
پورە: مەن ءحابيبتى توقت 1 ساعات
زاڭسىز ميتينگىلەر كەزىن 1 ساعات
الماتى وبلىسىندا شومىلۋ 1 ساعات
رەسمي: مومودۋ سيسەي «ەر 1 ساعات
قمدب "حالال دامۋ&q 1 ساعات
بوسقىنداردىڭ ءبىر كەمەس 1 ساعات
ۋەفا-نىڭ بۇرىنعى باسشىس 1 ساعات
يندونەزيادا كەمە اپاتىن 2 ساعات
ءجانناتقا اپارار جول - 2 ساعات
سقو تۇرعىندارى ينتەرنەت 2 ساعات
قىتايدا ءزىلزالادان 12 2 ساعات
ايبەك نۇعىماروۆ: قازاق 2 ساعات
لي جانشۋ مەملەكەتتىك 13 2 ساعات
يندونەزيادا قايىق سۋعا 2 ساعات
اقش تاياۋ شىعىسقا تاعى 2 ساعات