تالدىقورعان قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى سەزىم ەرتاناتوۆ گارۆارد ۋنيۆەرسيتەتىنىڭ وقۋ گرانتىنا يە بولدى. بۇل تۋرالى نازارباەۆ زياتكەرلىك مەكتەبىنىڭ رەسمي سايتى جازدى.
وقۋداعى جەتىستىكتەرى، كوشباسشىلىق قاسيەتتەر، قابىلەتتىلىگى سەزىمگە ءوز جوسپارىن جۇزەگە اسىرۋعا مۇمكىندىك بەردى. ويتكەنى اقش-تاعى ەڭ تانىمال ۋنيۆەرسيتەتتەردىڭ بىرىنە ءتۇسۋ – كەزدەيسوقتىق ەمەس، قاجىرلى ەڭبەكتىڭ ناتيجەسى. بۇگىندە ول گارۆاردتىڭ كومپيۋتەرلىك عىلىمدار فاكۋلتەتىندە وقۋدى جوسپارلاپ وتىر.
– مەنى ءارقاشان اقپاراتتىق تەحنولوگيالار تەوريالىق جانە ماتەماتيكالىق تۇرعىدان قالاي جۇمىس ىستەيتىنى قىزىقتىرادى. قازىرگى ۋاقىتتا مەن Java، C ++، PHP سياقتى باعدارلامالاۋ ءتىلىن ۇيرەندىم. مەن سونداي-اق ءتۇرلى ۆەب-سايتتاردى جاساعاندى، دەرەكتى فيلمدەر تۇسىرگەندى جانە وڭدەگەندى ۇناتامىن، – دەيدى ول.
مەكتەپ قابىرعاسىندا سەزىم ءبىرقاتار ەرىكتىلەر قوزعالىسىن ۇيىمداستىردى، كاسىپتىك باعدارلاۋ كوميتەتىن اشتى جانە بۇۇ مودەلى ويىنى بويىنشا قالالىق كونفەرەنتسيا ۇيىمداستىردى. سونىمەن بىرگە ول ينفورماتيكا جانە قازاق ءتىلى پاندەرىنەن «جاس عالىم»، «دارابوز» اتتى حالىقارالىق، رەسپۋبليكالىق وليمپيادالارىنىڭ جۇلدەگەرى جانە جەڭىمپازى اتاندى.
– سەزىم، مەنىڭ ويىمشا، رەسپۋبليكانىڭ كوپتەگەن مەكتەپ وقۋشىلارى ءۇشىن ءوزىنىڭ تاباندىلىعى مەن ناقتى جوسپارلاۋ قابىلەتىنىڭ ارقاسىندا الەمدەگى ەڭ ۇزدىك ۋنيۆەرسيتەتكە تۇسە العان ادامنىڭ ۇلگىسى بولدى. تالدىقورعان قالاسىنداعى نازارباەۆ زياتكەرلىك مەكتەبىنىڭ تاريحىندا سەزىم – گارۆاردقا شاقىرىلعان ەكىنشى وقۋشى»، – دەيدى ديرەكتوردىڭ وقۋ ءىسى جونىندەگى ورىنباسارى ەرالي بيجانوۆ.
ءتۇرى: ايقىن گازەتى ماقالالارى
جولدانعان ۋاقىتى: 02:25 - 2021/04/09
