قىزىلوردادا ايتىسكەر اقىن جانداربەك بۇلعاقتىڭ ء«Sوz مەنەدجمەنتى» كىتابىنىڭ تانىستىرۋ ءراسىمى ءوتتى.

Nur Otan پارتياسى وبلىستىق فيليالىنىڭ قولداۋىمەن اسقار توقماعامبەتوۆ اتىنداعى قالالىق مادەنيەت ۇيىندە وتكەن تاعىلىمىدى ءىس-شاراعا وبلىستىق، قالالىق ءماسليحات دەپۋتاتتارى، مادەنيەت، ونەر سالاسىنىڭ وكىلدەرى، ارداگەرلەر، ۇەۇ-دار وكىلدەرى، ۇستازدار، جاستار، سونداي-اق بۇقارالىق اقپارات قۇرالدارىنىڭ وكىلدەرى مەن اقىننىڭ ونەردەگى دوستارى قاتىستى.

ء

«Sوz مەنەدجمەنتى» – ايتىسكەر اقىن جانداربەك بۇلعاقتىڭ العاشقى كىتابى. 208 بەتتەن تۇراتىن كىتاپ وراتورلىق ونەرگە ارنالعان. ماسەلەن، كىتاپتىڭ سويلەۋ بارىسى بولىمىندە اۆتور ساحناعا تىڭداۋشىدان بۇرىن كەلىپ الۋعا كەڭەس بەرەدى. سوندا عانا وراتور ءوزىن قوجايىن ەسەبىندە سەزىنەدى دەيدى. سوداي-اق كىتاپتا حالىقتىڭ نازارىن ۇستاپ تۇرۋ قۇپياسى ايتىلعان. كەلەسى تاراۋدا جانداربەك بۇلعاق داۋىس پەن ديكتسياعا ەرەكشە كوڭىل بولگەن. ءتىپتى ءبىر ءماتىندى وقىپ، ۆيدەوعا تۇسىرۋگە تاپسىرما بەرەدى. سوسىن سول ۆيدەونى 5 رەت داۋىسسىز، كەيىن قۇلاققاپپەن، سودان سوڭ جىلدامداتىپ قاراپ شىعىڭىز دەيدى. مۇنىڭ بارلىعى سويلەگەندە قانداي قاتە جىبەرەتىنىن بايقاۋعا كومەكتەسەدى. ونىمەن قويماي قانداي ىم-يشاراتتى شامادان تىس پايدالاناتىنىن دا بايقاتادى.

سياسى كەپپەگەن جاڭا تۋىندىنى وسىلاي دەپ تانىستىرىپ، سىر ەلىندەگى وقىرماندارمەن كەزدەسكەن ايتىسكەر اقىن ء«سوز مەنەدجمەنتى» ەڭبەگى وقىرمان ارقىلى كۇندەلىكتى كادەگە جاراپ جاتسا، ول شىعارماشىلىق ادامعا ۇلكەن ولجا ەكەندىگىن جەتكىزدى.

«جاسىراتىنى جوق قازىرگى قازاق قوعامى سويلەۋ مادەنيەتىنە ايىرىلىپ بارا جاتىر. ءبىر اۋىز سوزبەن قاندى قىرعىندى توقتاتىپ، بىتىسپەس داۋدىڭ ءتۇيىنىن تارقاتاتىن حالىقتىڭ بۇگىنگى ۇرپاعى استارلى ءسوزدىڭ ءمان-مازمۇنىن تۇسىنبەيدى. باسقانى بىلاي قويعاندا ەل الدىندا جۇرگەن كەيبىر ازاماتتاردىڭ ءوزى ەكى اۋىز ءسوزدىڭ باسىن قۇراي الماي كۇلكى بولىپ جاتادى. وكىنىشتىسى سول ەسىم-سويى ەلگە ءمالىم كىسىلەردىڭ دەنى شەشەندىك ونەرگە باۋليتىن شەتەلدىك مامانداردىڭ دارىسىنە قاتىسسا دا جۇرت الدىنا كەلگەندە تاعى دا پۇشايمان حالگە تۇسەتىنىن كوز كورىپ، قۇلاق ەستىپ ءجۇر. ويتكەنى ەڭ مىقتى دەگەن شەتەلدىك ماماننىڭ كوپشىلىك الدىندا سويلەۋدە سىزگە ۇسىناتىن ءادىس-تاسىلىن ءقازاقتىلدى اۋديتوريا قابىلداي المايدى. مۇندا ۇلتتىق ەرەكشەلىك دەگەن ەسكەرىلە بەرمەيدى. ءتىپتى ءبىر قازاقستاندا تۇرىپ، سوناۋ شىعىستىڭ قازاعى مەن باتىستىڭ قازاعىنىڭ سويلەگەن سوزىندە ايىرماشىلىق بايقالىپ تۇرادى. ء«Sوz مەنەدجمەنتى» وسىنداي سۇرانىستان تۋعان تۋىندى. مۇندا شامامىز كەلگەنشە ايتار ويدى اۋديتورياداعى ءاربىر تىڭداۋشىنىڭ قۇلاعىنا جەتكىزە ءبىلۋدىڭ ادىس-تاسىلدەرىن وقىرمان نازارىنا ۇسىندىق. سونداي-اق ادامنىڭ سويلەۋگە دەيىنگى، ءسوز سويلەۋ كەزىندەگى جانە ودان كەيىنگى ءوزىن-وزى ۇستاۋى جايىندا كەلەلى كەڭەستەر بەرۋگە تىرىستىق»، – دەدى جانداربەك ايتاقىنۇلى.

كىتاپ مازمۇنى 3 بولىمنەن تۇرادى. ادىستەمەلىك قۇرالدا حالىقپەن تىعىز قارىم قاتىناستا جۇمىس جاسايتىن ادامعا ونىڭ كيىم كيىسى، ءجۇرىس تۇرىسىنان باستاپ، سويلەۋ شەبەرلىگى، اۋديتوريامەن جۇمىس جاساۋعا دەيىنگى بارلىق جاتتىعۋلار قامتىلعان. 20 مىڭ دانامەن جارىققا شىققان تۋىندى حالىقتىڭ پسيحولوگياسىن، ۇلتتىق بولمىسىن ەسكەرە وتىرىپ جازىلعان.

تانىستىرىلىم كەزىندە «التىن دومبىرا» يەگەرى، ايتىسكەر اقىن مۇحتار نيازوۆ پەن بەلگىلى جىراۋ، اقىن سەرىك ىدىرىسوۆ ءسوز سويلەپ، كىتاپ اۆتورىنا شىعارماشىلىق تابىس تىلەدى.

شارا سوڭىندا جانداربەك بۇلعاق ء«Sوz مەنەدجمەنتى» كىتابىن وقىرماندارىنا ءوز قولتاڭباسىمەن تاپسىردى.

ايتا كەتەيىك، الداعى ۋاقىتتا Nur Otan پارتياcىنىڭ قولداۋىمەن شەشەندىك قابىلەتتى شىڭداۋعا باعىتتالعان تۋىندىنىڭ نەگىزىندە جەرگىلىكتى ءماسليحات دەپۋتاتتارى مەن جاستاردى وقىتۋ كوزدەلۋدە.

نۇرسۇلتان الپىسباي،
قىزىلوردا وبلىسى