الماتى وبلىسىنا قاراستى ءبىرقاتار ايماقتاعى وزەكتى ماسەلەلەر «Nur Otan» پارتياسىنىڭ وكىلدەرىنىڭ ارالاسۋىمەن وڭتايلى شەشىلدى. اتاپ ايتقاندا، Instagram الەۋمەتتىك جەلىسىندەگى 05_region_kz پاراقشاسىندا كوكسۋ اۋدانىنا قاراستى دارابوز انا مەن مايقى بي كوشەسى ارالىعىندا اشىق جاتقان كوممۋنال جۇيەسى جايلى اقپارات تاراعان بولاتىن. «Nur Otan» پارتياسىنىڭ وكىلدەرى مەن حالىق قالاۋلىلارىنىڭ الەۋمەتتىك جەلىدەگى مونيتورينگ جۇمىستارى اياسىندا «Nur Otan» پارتياسى الماتى وبلىستىق ءماسليحات دەپۋتاتى سەكەنباي شەنگەلباەۆ اتالعان ماسەلەنى تەز ارادا شەشۋ ءۇشىن ءتيىستى كوممۋنالدىق سالالارعا حابارلاسىپ، جۇمىس بارىسىن باقىلاۋدا ۇستادى. ناتيجەسىندە، بىرنەشە كۇننەن كەيىن اشىق جاتقان كوممۋنال جۇيەسى تەمىر قاقپاقپەن جابىلىپ، ماسەلە وڭىنان شەشىلدى.
سەكەنباي شەنگەلباەۆ اتالعان ايماقتاعى جاعداي بەلگىلى بولا باستاعان تۇستا بىردەن ىسكە كىرىسكەنىن ايتتى.
– بۇل ماسەلەنىڭ الەۋمەتتىك جەلىدە تالقىلانۋى وتە ورىندى. ويتكەنى جاقىن ماڭدا بالالاردىڭ ويىن الاڭى بار، اشىق جاتقان قۇدىق بالا تۇگىل ەرەسەكتەر ءۇشىن دە ءقاۋىپتى. سوندىقتان بۇل ماسەلەنى بىردەن تۇرعىن ءۇي كوممۋنال شارۋاشىلىق وكىلدەرىمەن بىرلەسىپ شەشۋگە كىرىسىپ، سونىڭ ناتيجەسىندە اشىق جاتقان قۇدىققا بەتون توسەلىپ، اۋزى تەمىر قاقپاقپەن جابىلدى، – دەپ اتاپ ءوتتى وبلىستىق ءماسليحات دەپۋتاتى.
Instagram الەۋمەتتىك جەلىسىنىڭ sarkand_insta پاراقشاسىندا دا سارقان قالاسى قۋاتباەۆ كوشەسىندە ورنالاسقان بايلانىس جەلىسى ۇزاق ۋاقىتتان بەرى سالبىراپ تۇرعانى حابارلاندى. جەلى ادامعا ءقاۋىپ ءتوندىرۋى مۇمكىن ەكەنىن ەسكەرىپ، وبلىستىق ءماسليحات دەپۋتاتى رۋسلان قوجاسباەۆ «قازاقتەلەكوم» اق ءاوتد بايلانىسىپ، ماسەلەنى جەكە باقىلاۋىنا الدى. ناتيجەسىندە، بىرنەشە كۇننەن سوڭ «قازاقتەلەكوم» اق سارقان اۋدانىنىڭ بولىمشەسىندەگى ماماندارى باعانادا سالبىراپ تۇرعان جەلىلەردى تارتىپ، ءقاۋىپسىز دەڭگەيگە جەتكىزىپ، ماسەلە وڭ شەشىمىن تاپتى.
ابىلمانسۇر جاسان
ءتۇرى: ايقىن گازەتى ماقالالارى
جولدانعان ۋاقىتى: 05:50 - 2021/02/24
