الىس جولعا قاتىنايتىن جۇرگىزۋشىگە كومەككە پوليتسيا قىزمەتكەرلەرى جەتىپ، ارنايى تەحنيكا تاۋىپ جۇك كولىگىن جولعا شىعارعان، دەپ حابارلايدى Aikyn.kz پورتالىنىڭ ءتىلشىسى اقمولا وبلىسى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
جاقسى اۋدانى پوليتسيا ءبولىمىنىڭ اكىمشىلىك پوليتسيا بولىمشەسىنىڭ باستىعى، پوليتسيا مايورى دانيار يشامبەكوۆ جولدى شولۋ بارىسىندا الماتى-ەكاتەرينبۋرگ باعىتىنداعى جولدىڭ جيەگىنە اۋدارىلىپ كەتكەنىن Volvo اۋىر جۇك كولىگىن بايقاپ قالعان. الىس جولعا قاتىنايتىن فۋرانىڭ يەسى پوليتسەيلەرگە بۇرىلىپ جاتقاندا رولگە يە بولا الماي قالىڭ قارعا كولىكتىڭ اۋناپ كەتكەنىن ايتىپتى. جۇرگىزۋشى ءوز كۇشىمەن اۋدارىلعان كولىگىن شىعارا الماعان. بىرنشە مارتە ءوتىپ جاتقان كولىك جۇرگىزۋشىلەرىنەن كومەك سۇراعانىمەن، بىرنەشە توننالىق كولىكتى شىعارۋعا ەشكىمنىڭ ءداتى بارماعان.
«ماسەلەنىڭ ءمان جايىن تۇسىنگەن پوليتسەيلەر جول قىزمەتى ماماندارىن شاقىرعان. ءبىر ساعاتتىڭ ىشىندە قۇقىق قورعاۋشىلار اۋىر جۇك كولىگىن سۇيرەپ شىعارا الاتىن كولىكتى تابادى. الايدا تىركەلگەن تروستار سۇيرەلگەن كولىكتىڭ اۋىرلىعىنا شىداماي ۇزىلە بەرگەن. تەك ارقان جىپتەرگە اۋىستىرىپ قانا فۋرانى جولعا شىعارا العان. قۇتقارىلعان الىس جولعا قاتىناۋشى ءتارتىپ ساقشىلارىنا العىسىن ءبىلدىرىپ، ءارىقاراي جولعا شىقتى»، – دەيدى اقمولا وبلىسى پوليتسيا دەپارتامەنتىنىڭ ءباسپاسوز قىزمەتىنىڭ جەتەكشىسى گۇلنار پينچۋك.
پوليتسەيلەر اياز بەن قاردىڭ قالىڭ ءتۇسۋى جول قوزعالىسىنىڭ قاۋىپسىزدىگىنە ەلەۋلى ىقپال ەتەتىن ايتادى. قارلى بوراندار مەن تۇمان، جۇرگىزۋشىلەردىڭ كورۋ مۇمكىندىگىن ازايتىپ، ال جالتىر مۇزدى جول كوبىنەسە جول-كولىك وقيعاسىنا اكەلىپ سوعادى. ال اۋا رايىنىڭ قولايسىز تۇسىندا جۇرگىزۋشىلەردىڭ ءوزارا بىر-بىرىنە كومەگى اسا وزەكتى.
«كوپ جاعدايدا جولدا نەمەسە جول جيەگىندە تۇرىپ كولىكتەرگە قول كوتەرىپ تۇرعان جۇرگىزۋشىلەردى كورۋگە بولادى. ولاردىڭ جانارمايى تاۋسىلۋى، قوزعالتقىشىنىڭ ىستەن شىعۋى نەمەسە دوڭگەلەگىنىڭ جارىلۋى سەبەپتى كومەككە مۇقتاج بولۋى مۇمكىن. سوندىقتان جانىنان ءوتىپ كەتپەي كومەك بەرگەن ءجون. ەگەر ەلسىز ايدالادا توقتاۋعا قاۋىپتەنسەڭىز وندا بىردەن 112 نەمەسە 102 تەلەفوندارىنا حابارلاسىپ، بولعان جاعدايدى بايانداڭىز»، – دەيدى ۆەدومستۆودان.
ابزال الپىسبايۇلى
اقمولا وبلىسى
ءتۇرى: ايقىن گازەتى ماقالالارى
جولدانعان ۋاقىتى: 02:00 - 2021/02/24
