الماتىداعى اباي اتىنداعى قازۇپۋ-دا جامبىل جاباەۆتىڭ 175 جىلدىعىنا ارنالعان «مەنىڭ ءپىرىم – ءسۇيىنباي» حالىقارالىق جاس اقىندار ايتىسى ءوتتى. الامانعا 12 اقىن قاتىسىپ، باق سىناستى.

سالتاناتتى ءىس-شارا شىمىلدىعى «مەنىڭ ءپىرىم – ءسۇيىنباي» بەينەروليگىمەن اشىلىپ، ء«سۇيىنباي سازى» فولكلورلىق-ەتنوگرافيالىق انسامبل انشىلەرىنىڭ ورىنداۋىندا «جامبىل اتاما» ءانى شىرقالدى.
ونەر دوداسىن ۋنيۆەرسيتەت رەكتورى تاكير بالىقباەۆ اشىپ، بارلىق قاتىسۋشىلارعا ساتتىلىك تىلەدى. وسى شارا اياسىندا «جامبىلدىڭ ماڭگىلىك جارقىن جولى» عىلىمي ماقالالار جيناعىنىڭ تۇساۋكەسەرى ءوتتى.

ايتىسقا تۇسكەن جاس اقىنداردىڭ ونەرىنە قازاقستاننىڭ ەڭبەك سىڭىرگەن قايراتكەرى ءجۇرسىن ەرمان باستاعان ايتىس ونەرىنىڭ ساڭلاقتارى، بەلگىلى ونەر قايراتكەرلەرى مەن عالىمدار قازىلىق ەتتى. جاستاردىڭ جىر بايگەسىن بەكارىس شويبەكوۆ ارناۋمەن اشتى.

ايتىس قورىتىندىسى بويىنشا Nur Otan پارتياسىنىڭ ارنايى جۇلدەسىن قوجا احمەت ياساۋي اتىنداعى حقتۋ ستۋدەنتى گۇلجان ىقىلاس (قىتاي) يەلەندى.

ء

سۇيىنباي ارونۇلى اتىنداعى ارنايى جۇلدەمەن ت.جۇرگەنوۆ اتىنداعى ءقازۇوا ستۋدەنتى جانارىس تىلەۋبەك، ءجۇرسىن ەرمان اتىنداعى ارنايى جۇلدەمەن قاراعاندى متۋ ستۋدەنتى بەكارىس وسپانوۆ، ورازالى دوسبوسىنوۆ اتىنداعى ارنايى جۇلدەمەن اباي اتىنداعى قازۇپۋ ستۋدەنتى جامالي ايبىن ماراپاتتالىپ، ءاربىر اقىنعا 60 000 تەڭگەدەن اقشالاي سىيلىقتار تابىستالدى.

حالىقارالىق جامبىل قورىنىڭ جۇلدەسىنە ق.جۇبانوۆ اتىنداعى ءاوۋ ستۋدەنتى قايىرحان جۇبانيازوۆ، ەسەنقۇل جاقىپبەك اتىنداعى جۇلدەگە «قاينار» اكادەمياسىنىڭ ستۋدەنتى راسۋل ساۋىتبەك يە بولىپ، 50 000 تەڭگەمەن ماراپاتتالدى.

ء

ىىى ورىن العان شىناربەك تۇرسىن (قىتاي)، قابدوللا بەيسحان (موڭعوليا) جانە التىناي قاناپيالار (اباي اتىندعى قازۇپۋ) 100 000 تەڭگە اقشالاي سىياقىمەن ماراپاتتالدى.

II ورىندى ءال-فارابي اتىنداعى قازۇۋ ستۋدەنتى نۇربول جاۋىنباەۆ پەن اباي اتىنداعى قازۇپۋ ستۋدەنتى دانيار نىسانعاليەۆ ءبولىسىپ، 150 000 تەڭگە اقشالاي ماراپاتتالدى.

بىشكەك ۋنيۆەرسيتەتىنىڭ ستۋدەنتى نۇرسۇلتان مالدىباەۆ ءى ورىن جەڭىمپازى اتانىپ، وعان 200 000 تەڭگە كولەمىندەگى سەرتيفيكات پەن ارنايى ديپلوم تابىستالدى.

باس جۇلدە ءال-فارابي اتىنداعى قازۇۋ ستۋدەنتى بەكجان بازاربەككە بۇيىرىپ، 350 000 تەڭگەلىك سەرتيفيكات پەن ارنايى ديپلومعا يە بولدى.

الامان دوداعا قاتىسقان 20 اقىننىڭ بارلىعى دەرلىك ولجالى قايتتى.