Nur Otan  پارتياسى سايلاۋدان كەيىنگى ءبىر اي ۋاقىت ىشىندە ءوزىنىڭ 216 سايلاۋالدى باعدارلاماسىن ىسكە اسىرۋ بويىنشا ءار جىلعا ناقتى كورسەتكىشتەرى بار جول كارتالارىن ازىرلەدى. بيىلدىڭ وزىندە نۇر-سۇلتان، الماتى جانە شىمكەنت قالالارىنىڭ تۇرعىندارى ءۇشىن نە ىستەلەتىنى تۋرالى پارتيا ورتالىق اپپاراتىنىڭ ءباسپاسوز قىزمەتى حابارلادى.

ەلباسى، پارتيا ليدەرى نۇرسۇلتان نازارباەۆتىڭ تاپسىرماسى اياسىندا ءاربىر وڭىردە، قالا مەن اۋداندا جۇيەلى باقىلاۋدى قامتاماسىز ەتۋ ءۇشىن ناقتى نىسانالى ينديكاتورلار مەن مەرزىمدەر بەلگىلەنىپ، سونداي-اق وعان جاۋاپتى ورىنداۋشىلار ايقىندالدى.

ماسەلەن، ەلوردادا 2025 جىلعا دەيىن 14 كورسەتكىش پەن 93 ءىس-شارانى ورىنداۋ جوسپارلانعان. 2021 جىلى Nur Otan  پارتياسىنىڭ سايلاۋالدى باعدارلاماسى 25%، 2022 جىلى – 45%، 2023 جىلى – 65%، 2024 جىلى – 72% جانە 2025 جىلى 100% ىسكە اسىرىلادى.

بيىلدىڭ وزىندە 131 كم قالا جولدارىنىڭ 34 كيلومەترى، 130 كم سۋمەن جابدىقتاۋ جەلىسىنىڭ 17،7 كيلومەترى، 85 كم سۋ بۇرۋ جەلىسىنىڭ 11،5 كيلومەترى، سونداي-اق، 438 كم گازبەن جابدىقتاۋ جەلىسىنىڭ 144 كيلومەترى سالىنىپ، رەكونسترۋكتسيالانادى.

5 جىل ىشىندە 3،5 ملن شارشى مەتر تۇرعىن ءۇي، 41 مەديتسينالىق نىسان، 50 مەكتەپ سالىنىپ، 138 مىڭ جاڭا جۇمىس ورنى اشىلادى. 16 تۇرعىن ءۇي الابىندا 500 اۋلانى اباتتاندىرۋ، 50 جاڭا ساياباق پەن گۇلزار سالىنباق.

الماتىدا 715 كورسەتكىش جانە 59 ءىس-شارا جوسپارلانعان. 2021 جىلى سايلاۋالدى باعدارلاما 26،2%، 2022 جىلى – 48،4%، 2023 جىلى – 66،6%، 2024 جىلى –83،9% جانە 2025 جىلى تولىق ىسكە اسىرىلادى.

جىل سوڭىنا دەيىن 19 مەديتسينالىق نىساننىڭ ء13-ى، 15 مەكتەپتىڭ ء8-ى، 339 بالاباقشانىڭ 69-ى، سونداي-اق، 104 سپورت نىسانى سالىنادى. جالپى، 243 مىڭعا جۋىق جۇمىس ورنىن قۇرۋ، 114 ءىرى ينۆەستيتسيالىق جوبانى ىسكە قوسۋ، ەرەكشە قاجەتتىلىكتەرى بار ادامدار ءۇشىن 1،2 مىڭنان استام نىساندى بەيىمدەۋ جوسپارلانعان.

شىمكەنتتە بەكىتىلگەن جول كارتاسى اياسىندا 423 كورسەتكىش پەن 529 ءىس-شارا بەلگىلەنگەن. 2021 جىلى پارتيا باعدارلاماسى 24،5%، 2022 جىلى – 45،6%، 2023 جىلى – 64،9%، 2024 جىلى – 82،7% جانە 2025 جىلى 100% ىسكە اسىرىلادى.

2021 جىلى 72 مەكتەپتىڭ ء12-سى، 24 مەديتسينالىق نىساننىڭ 2-ەۋى سالىنادى. 878 كم جولدىڭ 253 كيلومەترى، 1419 كم سۋمەن جابدىقتاۋ جەلىسىنىڭ 761 كيلومەترى سالىنىپ، جوندەلەدى.

حالىقتى تۇرعىن ۇيمەن قامتاماسىز ەتۋ ماسەلەسىنە ەرەكشە نازار اۋدارىلادى. 5 جىل ىشىندە 47 مىڭ پاتەر سالۋ جوسپارلانعان. 2025 جىلعا دەيىن 80 مىڭنان استام جۇمىس ورنى اشىلادى.

بارلىق سايلاۋالدى ۋادەلەرمەن nurotan.kz جانە nurotan2021.kz.سايتتارىنان تانىسۋعا بولادى.