وسىدان ءبىراز ۋاقىت بۇرىن تۇركىستان وبلىسىنىڭ اكىمى ومىر­­زاق شوكەەۆ جاڭا تەاتردىڭ ۇجىمىن قابىلداپ، كەزدەسۋ وتكىزەدى. بۇل اقپاراتتى وبلىس اكىمدىگىنىڭ ءباسپاسوز قىزمەتى تارات­­قان. حابارلامادا:  «تۇركىستاندا بوي كوتەرگەن جاڭا تەاتر­دا ازامات ساتىبالدى، حاميت شاڭعاليەۆ، دانيار بازار­­قۇلوۆ، اسەم شاريفۋللينا، ايگەرىم بوزششينا سياقتى ەلىمىزگە بەلگىلى ونەر جۇلدىزدارى ەڭبەك ەتەدى» دەلىنگەن.

بۇل اقپاراتتى تۇركىستان وب­لى­سى اكىمىنىڭ ءباسپاسوز قىزمەتى تاراتتى. اقپاراتتا جاڭا تەاتردىڭ شى­عارماشىلىق ۇجىمىن تانىس­تىرىپ وتىر. ال YouTube كانالىنا رايىمبەك سەيتمەتوۆتىڭ ءتول شاكىرتتەرى ۆيدەو جاريالاپ، وندا تەاتردى بالالار تەاترىنا اينال­دىرماق ەكەنىن ايتىپ، الەۋمەتتىك جەلىدە ۇندەۋ جولداعان ەدى. ولار: «تۇركىستان قالالىق سازدى دراما تەاترىن رايىمبەك سەيتمەتوۆ اتىن­دا قالدىرۋ­لارىڭىزدى سۇرا­نا­مىز» دەپ وتىر.

ال وبلىستىق اكىمدىكتىڭ حابار­لاماسىندا اتى اتالعان اكتەر، ع.مۇسىرەپوۆ اتىنداعى بالالار مەن جاسوسپىرىمدەر تەاترىنىڭ ديرەك­تورى ازامات ساتىبالدىعا قوڭى­راۋ شالعانىمىزدا، ول ءوزىنىڭ جاۋا­بىن Instagram پاراقشاسىنا جازعانىن ايتتى. «مەنىڭ وعان الىپ قوسارىم جوق. تۇركىستان وبلىس­تىق تەاترىنا دا قاتىسىم جوق»، – دەدى. ول Instagram پاراق­شاسىندا:

«مەنى تۇركىستان تەاترىنا دي­رەكتور بولىپ بارادى دەگەن وسەككە بەرگىسىز ءسوز جەلدەي ەسىپ جاتىر ەكەن. نيەت، كوڭىلدەرىڭىزگە راقمەت! ءقا­زىر تۇرىپ جاتقان اسەم قالام الما­تى مەن جۇمىس ورنىم قاتتى ۇنايدى. مەن ع.مۇسىرەپوۆ تەاترى­نىڭ باسشىسىمىن جانە م.اۋەزوۆ تەاترىنىڭ اكتەرىمىن. اكتەر ءۇشىن بۇدان اسقان باقىت بار ما؟! تەك وسى باقىتتىڭ باياندى بولعانىن تىلەي­مىن. ال مەنىڭ اتىمدى جامى­لىپ، داۋدى ورشىتكىسى كەلەتىن ارىپ­تەستەرىمە ايتارىم… «ايدالاداعى ادام­نىڭ اتىن قالقان قىلىپ ۇس­تا­­ماساڭىزدار ەكەن»… ەڭ بولما­سا، ءبىر ادام تەلەفون شالىپ، مەنەن سۇراعان جوق، مەنىڭ دە اۋزىمنان ول جاققا ديرەكتور بولىپ بارا­مىن دەگەن ءسوز شىققان جوق. قۇداي كۋا. دەمەك، ءبارى وتىرىك! «جۇيەلى ءسوز جۇيەسىن تاپسا، جۇيەسىز ءسوز يە­سىن قابادى» دەگەندى ۇمىتپاساق ەكەن. راقمەت!» دەلىنگەن.

وسى ماسەلەگە بايلانىستى تۇركىستان وبلىستىق  مادەنيەت باسقارماسىنا حابارلاسقان ەدىك. باسقارما باسشىلىعى بۇل ماسە­لەگە جاۋاپتى قالالىق مادەنيەت باسقارماسى ەكەنىن ايتىپ، جاۋا­بىن شولاق قايىردى.

مادەنيەت جانە سپورت مي­نيستر­لىگىنىڭ ءباسپاسوز قىزمەتىنە قوڭىراۋ شالعانىمىزدا، ولار وب­لىستىق تەاترعا وبلىستىق اكىم­دىك جاۋاپتى ەكەنىن جەتكىزدى. مي­نيستر اقتوتى رايىمقۇلوۆا­نىڭ كەڭەسشىسى ەرلان جۇرىنباەۆ Facebook پاراقشاسىندا: «كوپ تالانتتار استانانى ارماندايدى، مۇمكىندىگى مول مەگاپوليستەردى مەكەندەيدى، ەلگە تانىلۋعا جاعداي جاسالاتىن جەرلەردى توڭىرەكتەيدى. الايدا تۋعان جەرگە تۋىن تىگىپ، ءوز ول­كەسىن وركەندەتۋگە بارىن، جا­نىن سالعان تالانتتى دا، تەكتى تۇل­­عا­لار از ەمەس. سولاردىڭ ءبىرى – تۇركىستان مۋزىكالىق دراما تەاترىنىڭ نەگىزىن سالعان، اكتەر، رەجيسسەر، تالاي شاكىرتتەردى تار­بيەلەپ شىعارعان ۇستاز رايىمبەك سەيتمەتوۆ. رايىمبەك نوعايباي­ۇلىنىڭ تۇركىستاندا تەاتر اشۋى سول كەزدەگى جاعدايمەن قاراعاندا، «جوقتان بار جاساۋمەن» تەڭ تىرلىك، ءاسىلى ەرلىك ەدى. ونىڭ ىرگەتاسىنان باستاپ ءوزى قالاپ، كورەرمەنى كوپ ونەر ورداسىنا اينالدىرعان را­يىم­بەك سەيتمەتوۆتىڭ ەرەن ەڭبە­گىن ەل بىلەدى. جاقىندا وبلىس ور­تا­لىعى بولعان تۇركىستان شا­ھارىنا جاڭادان تەاتر سالىندى. باق وكىلدەرى مەن رايىمبەك سەيت­­­­­مەتوۆتىڭ شاكىرتتەرى سول سۋ جاڭا عيماراتقا ۇستازىنىڭ اتىن بەرىپ، وعان ەسكى تەاتردى كوشىرۋدى سۇراپ، الەۋمەتتىك جەلى ارقىلى ۇندەۋ جولداپ جاتىر. ءيا، كورەر­مەندەرى مەن شاكىرتتەرى ايتقانداي، تۇركى جۇرتىنىڭ رۋحاني استاناسى بولعان تۇركىستانعا رۋحانياتتىڭ وردا­سىن سالىپ، قالىپتاستىرىپ، اياققا تۇرعىزعان رايىمبەك نوعاي­باي­ۇلىمەن ەشكىم تالاسپاۋى كە­رەك. ءبىراق بۇل – وبلىستىق تەاتر. ال وبلىستىق دەڭگەيدەگى تەاترعا باسشىنى تاعايىنداۋدى تەك سول وبلىس اكىمدىگىندە، ال ءبىر ادامنىڭ اتىن بەرۋ ماسەلەسى الدىمەن سول جەرگىلىكتى ءماسليحاتتا قارالادى» دەپ جازادى.

ء

بىزدى قىزىقتىرعانى – تەاتر­دىڭ ديرەكتورىن تاعايىنداۋ ەمەس، اكتەرلەردىڭ قۇرامى.  و باستاعى اكىمدىكتىڭ اقپاراتىندا «ەڭبەك ەتەدى» دەپ ايتىلعان اكتەرلەر اياق­استىنان نەگە اينىپ كەتتى؟ جاستار  تەاترى اكتەرلەرى جارىسا جازىپ جاتقان «كاستينگ» ماسەلەسى دە نەگە اياقاستى ساپ تىيىلدى؟  حابار­لاما­دا:  «تەاتردىڭ اكتەرلىك قۇ­رامى ءالى تولىعادى. 1 اقپاننان باس­تاپ كاستينگ جاريالانىپ، جاڭا تەاتردىڭ ارتىستىك قۇرامى جاساق­تالماق. تۇركىستان قالالىق سازدى-دراما تەاترى ساحنا ساڭلاق­تارى­نىڭ باسىن قوسقان قارا شاڭىراق­قا اينالماق» دەلىنگەن ەدى. جاڭا تەاتردىڭ شىعارماشىلىق ۇجىمى قالىپتاسقانى دۇرىس-اق دەلىك. وعان رايىمبەك سەيتمەتوۆ تەا­ترى­نىڭ ۇجىمىن اپارۋعا نە كە­دەر­­گى؟

رايىمبەك نوعايبايۇلىنىڭ ءتول شاكىرتتەرىن دە، وقىرماندى دا  تول­عان­دىرىپ وتىرعان ساۋال – وسى. ال جاۋاپتى دەلىنگەن تۇركىس­تان قالالىق مادەنيەت باسقار­ماسىنا قوڭىراۋ شالعانىمىزبەن، جاۋاپ الا المادىق.

ايىم بەكتۇر