ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-20262590089 %11 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Muslim.kz ماقالالارى

جولدانعان ۋاقىتى: 15:45 - 2019/09/11




پايعامبارىمىز مۇحاممەد (س.ع.س.):«ۇلكەن كۇنالاردىڭ ىشىندە ەڭ اۋىرى – كىسىنىڭ ءوز اتا-اناسىنا لاعىنەت ايتۋى»،– دەگەن ەكەن. سوندا پايعامبارىمىزدان ءبىر كىسى: «قالاي ءوز اتا-اناسىنا لاعىنەت ايتۋى مۇمكىن، ۋا، راسۋلاللا؟» – دەپ سۇرايدى. ول (س.ع.س.):«كىسى بىرەۋدى اكەسىنەن بوقتايدى. ول دا ونى ء(وز كەزەگىندە جاۋاپ رەتىندە) اكە-شەشەسىنەن بوقتايدى. (وسىلايشا بىرەۋ ارقىلى ءوز اتا-اناسىن بوقتاعان بولىپ وتىر)»،– دەپ جاۋاپ بەردى.

پايعامبارىمىز (س.ع.س.) تاعى ءبىر حاديسىندە:«قيامەت كۇنى كىسىنىڭ تارازىعا اۋىر باساتىن نارسەسى – كوركەم ادەبى. ءسوزسىز، اللا تاعالا بوقاۋىز، بىلاپىت ءسوز ايتۋشى كىسىگە اشۋى كەلەدى»،– دەيدى.

ۇرپاعىنا: «جاقسى ءسوز – جارىم ىرىس»، «ويناپ سويلەسەڭ دە، ويلاپ سويلە»، ء«سوز سۇيەكتەن وتەدى» دەگەن ونەگەلى ناقىلدارىن قالدىرعان اتا-بابامىز ءسوزدىڭ قۇدىرەتىن جەتە سەزىنگەن دانا بولعان. ءسوز ارقىلى ادامنىڭ كوڭىلىن كوتەرۋگە دە، مۇڭايتۋعا دا، كۇلدىرۋگە دە، جىلاتۋعا دا بولادى. سوندىقتان دا، جاقسى بايقاپ سويلەر، جامان شايقاپ سويلەر دەگەن ءسوز بەكەرگە ايتىلماسا كەرەكتى.

ادامنىڭ ءتىلىنىڭ نەگىزگى قىزمەتى جاراتۋشى اللا تاعالانى ەسكە الىپ، ماداقتاۋ، شۇكىر ايتۋ، ءمانى بار جاقسى ءسوز سويلەۋ. بۇعان بايلانىستى قۇران كارىمدە كوپتەگەن اياتتارداايتىلادى. مىسالى، «احزاب» سۇرەسىنىڭ ء70-اياتىندا:«اي، يمان كەلتىرگەندەر! اللادان قورقىڭدار دا، دۇرىس ءسوز سويلەڭدەر»،- دەگەن. حازىرەتى پايعامبارىمىز مۇحاممەد (س.ع.س):«جاقسى ءسوز – ساداقا»،- دەپ بەكەر ايتپاعان. تاعى ءبىر حاديسىندە:«كىمدە-كىم اللا تاعالاعا جانە اقىرەت كۇنىنە يمان كەلتىرسە، جاقسى ءسوز سويلەسىن نەمەسە ۇندەمەسىن»،[1]– دەپ تە بۇيىرعان. دىنىمىزدە ورىنسىز سويلەۋگە تىيىم سالىنعان. ورىنسىز سويلەۋ، ماعىناسى جوق اڭگىمە ايتۋ مۇسىلمان كىسىنىڭ يمانىن السىرەتەدى. پايعامبارىمىز (س.ع.س.): «ادام اللا رازى بولاتىن ءبىر ءسوزدى انشەيىن ايتا سالادى دا، سول سەبەپتى اللا ونىڭ دارەجەسىن كوتەرەدى. ال، باسقا ءبىر ادام اللا رازى بولماعان (كارىنە ۇشىراتاتىن) ءبىر ءسوزدى ايتا سالادى دا، سول سەبەپتى اللا ونى ءجاھاننامنىڭ تۇبىنە لاقتىرادى»،[2]– دەيدى.

ساحابا مۋاز بين ءجابال: «ۋا، اللانىڭ ەلشىسى! سويلەگەن ءسوزىمىزدىڭ بارلىعىنا جاۋاپ بەرەمىز بە؟ – دەيدى. سوندا حازىرەتى پايعامبار (س.ع.س): «ادامداردىڭ مۇرىندارىمەن جەر ءسۇزىپ، توزاقتا ازاپتالۋىنىڭ باستى سەبەبى، وسى ءتىلدىڭ كەسىرى»،[3]– دەپ جاۋاپ بەرگەن. سوندىقتان، ابايلاپ سويلەۋ – اقىلدىلىقتىڭ، يماندىلىقتىڭ بەلگىسى.

تىل اللا تاعالانى زىكىر ەتۋ ءۇشىن بەرىلگەن. سوندىقتان، اللا تاعالانى ماداقتاپ، ۇلىقتايتىن سوزدەردى ايتقان سايىن جۇرەگىمىزدەگى ءيلاھي نۇر كۇشەيە تۇسەدى. ال، بوس سوزدەر ايتىپ، قىلجاقتاۋ جۇرەكتىڭ نۇرىن سوندىرەدى. حازىرەتى ومار (ر.ا): «كىمدە-كىم كوپ سويلەر بولسا، كوپ قاتەلەسەدى. كوپ قاتەلەسۋ كۇنانىڭ كوبەيۋىنە سەبەپ بولادى. ال، كۇناھار ادامنىڭ بارار جەرى توزاق قانا»، – دەيدى.

سوڭعى زەرتتەۋلەرگە سۇيەنەر بولساق، ادام بالاعات سوزدەر ايتقان كەزدەجاعىمسىز ەنەرگيانى ءوزى عانا قابىلداپ قويماي، جانىنداعى وزگە ادامدار مەن جان-جانۋارلارعا، ءتىپتى سۋ مەن تاعامدارعا دا تاراتادى ەكەن. ادامنىڭ ءسوزى مەن ويىنىڭ باسقا ادامدار مەن جاندى نارسەلەرگە، سونداي-اق وسىمدىكتەرگە اسەرىن زەرتتەۋمەن اينالىساتىن جاپون عالىمى ەموتو ماسارۋ ادام سويلەگەن كەزدە ءوزىنىڭ ويىن باسقالارعا جەتكىزىپ قانا قويماي، ايتقان ءسوزىنىڭ جاقسى نە جامان ماعىنالى بولۋىنا وراي پايدالى نە زياندى اقپاراتتىق تولقىن تۋدىراتىنىن مالىمدەگەن. عالىمدار بالاعات جانە جاعىمسىز ماعىناعا يە سوزدەردىڭ رادياتسيا اسەرى سەكىلدى ادامگەنىنىڭ مۋتاتسياعا ۇشىراۋىنا سەبەپكەر بولاتىنىن، ال ول ءوز كەزەگىندە اعزانىڭ قارتايۋ پروتسەسسىن تەزدەتىپ، ءتۇرلى پسيحيكالىق جانە ءتان اۋرۋلارىنىڭ پايدا بولۋىنا ىقپال ەتەتىنىن انىقتاعان. ال، جاقسى ماعىناعا يە، قايىرىمدى-مەيىرىمدى سوزدەر، دۇعالار، ءتىپتى كەيبىر ادەمى ولەڭ-جىرلاردىڭ ءوزى كوپتەگەن كەسەلدەردى ەمدەپ، ادامعا جاعىمدى ىقپال ەتىپ، اعزانىڭ قارتايۋ پروتسەسسىن تەجەيدى ەكەن.

رەسەي عىلىم اكادەمياسى كۆانتتىق گەنەتيكا ينتيتۋتىنىڭ عالىمدارى دا بالاعات جانە بەيادەپ سوزدەردىڭ جاعىمسىز سالدارى تۋرالى ءبىراز زەرتتەۋلەر جۇرگىزگەن. زەرتتەۋ ناتيجەلەرى كورسەتكەندەي، ايتىلعان سوزدەردىڭ ەلەكتروماگنيتتىك تەربەلىسى دنق مولەكۋلاسىنىڭ قۇرىلىمىنا تىكەلەي اسەر ەتەتىن بولىپ شىقتى. ەگەر بالاعات جانە جاعىمسىز سوزدەر ايتىلسا، دنق مولەكۋلاسى وسى سوزدەردى قابىلدايدى جانە قابىلدانعان اسەردىڭ تىم ارتىق ءارى جاعىمسىز بولۋىنان «تەرىس پروگرامما» نەمەسە ء«وزىن-وزى تاراتۋ (ساموليكۆيداتسيا) پروگرامماسىن» ىسكە قوسادى. دەمەك، ءوزىن-وزى كۇيرەتۋگە، بۇلدىرۋگە باعىتتالعان ۇدەرىستەر باستالادى. وسىلايشا اقپاراتتاردىڭ ۇنەمى كۇيرەپ، بۇرمالانۋى، وزگەرىسكە ۇشىراپ تۇرۋىدنق-نىڭ قۇرىلىمىن ساۋ كۇيدەن اۋرۋ كۇيگە دۋشار ەتەدى. دەمەك، جاعىمسىز، عايبات سوزدەر رادياتسيالىق ساۋلەلىگى مىڭ رەنتگەنگە تەڭ كەلەتىن مۋتەگەندىك اسەر بەرەدى. بۇل دەگەنىمىز دەنساۋلىعىمىزدىڭ زيانعا ۇشىراپ جاتقاندىعىنان حابار بەرەدى.

وسىلايشا، ءبىز مىناداي قورىتىندىعا كەلەمىز: دنق قۇرىلىمىنا ايتىلعان دا،ەستىگەن دەسوزدەر تىكەلەي اسەر ەتەدى. سونىمەن قاتار، ادامنىڭ ايتاتىن سوزدەرىنىڭ مازمۇنى مەن ماعىناسى دا تىكەلەي ادام گەنومىنا اسەر ەتەدى.

جاقسى ءسوز جاندى جادىراتادى. ءپوزيتيۆتى ماعىنادا ايتىلعان ءار ءسوز جاعىمدى اسەر قالدىرادى. جالپى العاندا، ايتىلعان سوزدەردىڭ ءپوزيتيۆتى جانە نەگاتيۆتى اسەرلەرىبار ەكەنى باعزى زاماننان بەرى بەلگىلى. مەديتسينا عىلىمى جاقسى دامىماعان زاماندا حالىق داۋانى دۇعالار مەن جاقسى تىلەك سوزدەردەن تاپقان. ال، ادەپسىز جانە بالاعات سوزدەردى ايتۋدىڭ ءوزىن قارعىس دەپ ەسەپتەگەن. ءتىپتى، سول زاماندا ادامداردىڭ ويىندا بالاعات سوزدەردى ايتۋدىڭ دۇرىس ەمەستىگى تۋرالى بولجامدار بولسا، بۇگىندە ول سوزدەردىڭ زياندىعى عىلىمي تۇردە دالەلدەنىپ وتىر. سول سەبەپتى، نە ويلاپ جۇرگەنىڭىزگە، قانداي كىتاپتار وقىپ، قانداي اقپاراتتار قابىلداپ جاتقانىڭىزعا، اينالاڭىزعا قانداي سوزدەر ايتىپ، قانداي سوزدەر ەستىپ جۇرگەنىڭىزگە اسا ءمان بەرىڭىز. ءومىرىڭىزدى جاقسارتۋ دا، قۇلدىراتۋ دا ءوز قولىڭىزدا!

بىر حاديستە: «كوزدىڭ زيناسى – حارامعا قاراۋ، قۇلاقتىڭ زيناسى – ادەپسىز (ۇياتسىز) ءسوز تىڭداۋ، ءتىلدىڭ زيناسى – بالاعات (ۇياتسىز) سوزدەردى ايتۋ، قولدىڭ زيناسى – وزىنە حالال بولماعان ايەلدى ۇستاۋ، اياقتىڭ زيناسى – كۇنالى جەرلەرگە بارۋ»، - دەگەن. پايعامبارىمىزدىڭ (س.ع.س.) وسى ءسوزىنىڭ ءوزى ءار ادامعا تۇنىپ تۇرعان وسيەت ەمەس پە؟!

لاۋرا الماحانوۆا


[1] مۋسليم، يمان 74.
[2] بۇحاري، ريقاق، 23.
[3] تيرميزي، يمان، 8.

دەرەككوز: muslim.kz



كەلۋ قاينارى: http://www.elarna.net/koru.php?tur=43&id=1046635

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


قازاقستان ەلشىسى تۇرىكم 1 مينوت
اعاجاي التاي تورى 13 مينوت
中国哈萨克语广播网 13 مينوت
ەلەكتروندى تەمەكى جايىن 13 مينوت
دوس تاڭداي بىلەىمىز بە؟ 13 مينوت
ەلوردادا تاعى ەكى ءوڭىر 16 مينوت
كۇرەس تۇرلەرىنەن الەم چ 28 مينوت
اسقار مىرزاحمەتوۆ جامبى 1 ساعات
中国哈萨克语广播网 1 ساعات
پرەزيدەنت بۇقتىرما سۋ ق 1 ساعات
وسى ارانى باسىپ كورىڭىز 1 ساعات
قاسىم-جومارت توقاەۆتىڭ 1 ساعات
ارمەنيانىڭ ەحەگنادزور ق 1 ساعات
20 قىركۇيەك. تۋعان كۇن 1 ساعات
باۋىرجان بايبەك "ا 1 ساعات
وسى ارانى باسىپ كورىڭىز 1 ساعات
中国哈萨克语广播网 1 ساعات
شاعباننىڭ شاراپاتى R 1 ساعات
پاۆلودارعا بەلارۋستان ج 1 ساعات
وسى ارانى باسىپ كورىڭىز 1 ساعات
بۋراباي مەن زەرەندىدە س 2 ساعات
中国哈萨克语广播网 2 ساعات
سولتۇستiك قازاقستانعا ق 2 ساعات
نايب ءمۇفتي: ورازادا اۆ 2 ساعات
20 قىركۇيەك. قازاقپارات 2 ساعات
中国哈萨克语广播网 2 ساعات
كۇن رايىن بولجاۋ دۇرىس 3 ساعات
中国哈萨克语广播网 3 ساعات
وسى ارانى باسىپ كورىڭىز 3 ساعات
سينوپتيكتەر قىركۇيەكتىڭ 3 ساعات