ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-20262590089 %11 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Muslim.kz ماقالالارى

جولدانعان ۋاقىتى: 12:45 - 2019/09/07




اسسالام الەيكۋم. مەن عۇسىلعا قاتتى كۇماندانامىن. جانە حارام نارسەلەرگە قاراپ ناپسىمە ەرىك بەرىپ ءجۇرمىن. سۋ دەنساۋلىققا زيان تيگىزەرلىكتەي بولسا، جالپى عۇسىل الۋعا جاعداي بولماعاندا تاياممۋم جاساۋعا بولا ما، دارەت العاندا قالاي ەكەن. ايتۋعان. عۇسىل الىپ بولعاننان كەيىن ءبىر نارسە بولىنگەندەي بولادى. وسىنداي جاعدايدا قايتا عۇسىل قۇيىنۋىم كەرەك پە؟ ايدوس.


جاۋاپ

ۋا الەيكۋم سالام. بۇل سۇراقتاردى بىرنەشە بولىككە ءبولىپ قاراستىرساق:

بىرىنشىسى – عۇسىلعا كۇماندانۋ. عۇسىلعا قاتىستى اللا تاعالا قۇراندا ء«مايدا» سۇرەسىندە: «ەگەر ءجۇنىپ بولساڭدار، عۇسىل الىڭدار (شومىلىڭدار)»،[1]– دەگەن. ياعني، عۇسىل قۇيىنۋدى قاجەت ەتەتىن جاعدايلار بار. ولار:

  1. وزگە ءدىن وكىلىنىڭ يسلامدى قابىلداۋى;
  2. مايىتكە عۇسىل قۇيۋ;
  3. ايەلدەردىڭ نيفاسى مەن حايىزىنىڭ توقتاۋى;
  4. جۇنىپتىك.

اۋەلگى ەكى جاعداي بەلگىلى، ءبىزدىڭ سۇراقپەن تىكەلەي قاتىسى جوق. سول سەبەپتى كەيىنگى ەكەۋىنە عانا جاۋاپ بەرەلىك:

ا) نيفاس – ايەلدىڭ بوسانعاننان كەيىن كەلەتىن قانى. ول قان توقتاعاننان كەيىن ايەل ادام عۇسىل قۇيىنىپ، ادەتتەگى قۇلشىلىقتارىنا ورالادى. نيفاس مەرزىمىنىڭ حانافي مازحابى بويىنشا ەڭ ۇزاعى قىرىق كۇنگە سوزىلادى.

ا) حايىز –باليعاتقا تولعان ايەلدىڭ ءار اي سايىن كەلىپ تۇراتىن ەتەككىرى. ول ايەلدەردە ءۇش پەن ون كۇن ارالىعىندا بايقالادى. ايەل زاتى ودان تولىق ارىلعاننان كەيىن قايتا عيباداتىنا ورالادى.

كۇمان تۋدىرۋى مۇمكىن جايتتار:
– ەگەر ەتەككىر قانى ادەتتەن تىس ۋاقىتتا كەلسە;
– ءۇش كۇننەن از ۋاقىت كەلگەنى;
– ون كۇننەن اسىپ كەلگەنى;
– جۇكتىلىك كەزىندە بايقالعان قان;

بۇلاردىڭ ەشبىرى ەتەككىرگە سانالمايدى. بۇلار – ءۇزىر قانى. ياعني، ءار نامازعا ءۇزىر دارەتپەن ناماز وقي بەرەدى.

ب) جۇنىپتىك. ءجۇنىپ بولۋ – شاحۋاتتىڭ ء(مانيدىڭ) اتىلىپ شىعۋىمەن، ءتۇس كورىپ، ويانعاننان كەيىن شاحۋاتتىڭ اسەرىن بايقاۋمەن، ەرلى-زايىپتىلاردىڭ قوسىلۋىمەن بولادى.

كۇمان تۋدىرۋى مۇمكىن ءجايتتار:

– ايەل ادام شالقاسىنان جاتىپ، ءبىرتۇرلى ءتۇس كورىپ، ويانعاننان كەيىن سۇيىقتىقتىڭ بولىنگەنىن تاپپاسا دا ءجۇنىپ بولىپ ەسەپتەلەدى. سەبەبى، بولىنگەن سۇيىقتىق قايتا ىشىنە كىرىپ كەتۋ ءقاۋىپى بار.
– ەگەر ەر ادام ءتۇس كورىپ، ويانعاننان كەيىن ەشنارسە بايقاماسا، ءجۇنىپ بولمايدى. سەبەبى، ەر ادامنان بولىنگەن نارسەنىڭ اسەرى ايقىن بولادى.
– ۇيقىدان ويانعان ادام مولىنان بولىنگەن شاحۋاتتىڭ اسەرىن تاپسا، ءتۇس كورمەسە دە ءجۇنىپ بولادى.
– ەگەر ادام شاحۋاتىن وياتاتىن نارسەگە قاراسا نەمەسە جىنىستىق قاتىناس تۋرالى ويعا كەتسە، ءسويتىپ وزدىگىنەن ءالسىن ىلعال ء(مازي) بولىنسە، وندا ول ادامنىڭ عۇسىلى بۇزىلمايدى.

وسى ايتىلعانداردى دۇرىس تۇسىنسەڭىز، كۇمانعا ورىن قالمايدى.

ەكىنشىسى – حارام نارسەلەرگە قاراۋعا تىيىم سالىنعان. اللا تاعالا قۇراندا «زيناعا جاقىنداماڭدار»[2]دەگەن، ياعني وعان اپاراتىن جولدارعا اۋەس بولماڭدار دەگەنى. زيناعا جەتەلەيتىن نارسەگە قاراۋ – زينانىڭ العاشقى قادامى بولىپ تابىلادى. ونىڭ ەمىن پايعامبارىمىزدىڭ (س.ع.س) مىنا حاديسىنەن تابامىز: «ۋا، جاستار! ارالارىڭىزدان ۇيلەنۋگە جاعدايلارى بارلارىڭىز ۇيلەنسىن. ۇيلەنۋ – كوزدى حارامنان، بويدى كۇنادان ساقتايدى. ۇيلەنۋگە جاعدايى كەلمەگەندەر ورازا ۇستاسىن. سەبەبى، ورازا – ول ءۇشىن قالقان»[3].

ناپسىڭىزگە ەرىك بەرمەڭىز. ول جاقسىلىققا اپارمايدى. شاماڭىز كەلسە ۇيلەنىڭىز، سەبەبى ۇيلەنگەننەن كەيىن جۇبايىڭىزعا قوسىلۋدىڭ ءوزى ساۋاپقا كەنەلتەدى. ال، شاماڭىز كەلمەسە، ورازا ۇستاڭىز.

ۇشىنشىسى: سۋ دەنساۋلىققا زيان تيگىزەرلىكتەي بولسا، جالپى عۇسىل الۋعا جاعداي بولماعاندا، تاياممۋم جاساۋعا بولادى. اللا تاعالا قۇراندا: «ەگەر ءجۇنىپ بولساڭدار، عۇسىل الىڭدار. ەگەر ناۋقاس نە ساپاردا بولساڭدار نەمەسە سەندەردەن بىرەۋ تۇزگە وتىرىپ كەلسە نە ايەلگە جاقىنداسساڭدار، سوندا سۋ تابا الماساڭدار تازا جەرگە ءتاياممۇم سوعىڭدار; ونىمەن بەتى-قولدارىڭدى سيپاڭدار. ويتكەنى، اللا، سەندەرگە اۋىرشىلىق قالامايدى. ءبىراق، سەندەردى تازارتۋدى، سونداي-اق، شۇكىرلىك ەتۋلەرىڭ ءۇشىن سەندەرگە نىعمەتتەرىن تامامداۋدى قالايدى»،[4]– دەيدى. ول تاياممۋم الاتىن سۋدىڭ جىلۋىمەن نەمەسە عۇسىل الۋعا جاعداي تۋىسىمەن بۇزىلادى. سول ساتتەن باستاپ عۇسىل الۋىڭىز كەرەك بولادى.

تورتىنشىسى – ءجۇنىپ بولعان ادامنىڭ دارەت الۋى تۋرالى. ءجۇنىپ ادامنىڭ عۇسىل الۋعا مۇمكىندىگى بولماسا، سۋ تابىلماسا نەمەسە كىشكەنە عانا، دارەت الۋعا عانا جەتەرلىك سۋ بولسا، وندا ول ادام دارەت المايدى. تەك تاياممۋم سوعادى. سەبەبى، ءبىزدىڭ مازحابتا «جەتكىلىكسىز بولعان نارسە جوقتىڭ ۇكىمىندە»[5]دەلىنگەن.

ال، ايدوس باۋىرىمىزدىڭ سۇراعىنا جاۋاپ بەرەر بولساق، عۇسىل الىپ بولعاننان كەيىن ءبىر نارسەنىڭ بولىنگەنىن سەزىنسەڭىز، وندا سوڭعى شاحۋاتتىڭ بولىنگەن ۋاقىتىنا قاراۋ كەرەك. ەگەر شاحۋات بولىنگەنىنەن كەيىن اجەپتەۋىر ۋاقىت وتكەننەن كەيىن نەمەسە كىشى دارەتكە وتىرعاننان كەيىن، جىنىستىق قاتىناستى قيالداۋ سالدارىنان بورىنگەن ءالسىن ىلعال ء(مازي) بولسا، ول عۇسىلدى بۇزبايدى. الايدا، ودان كەيىن دارەت الۋ كەرەك.

دۇرىسىن اللا بىلەدى!

ايبەك ءابدىقادىر
Muslim.kz سايتىنىڭ ءدىني ساراپشىسى


[1]«مايدا» سۇرەسى، 6-ايات.
[2]«يسرا» سۇرەسى،32-ايات.
[3]بۋحاري، مۋسليم
[4]مايدا 6.
[5]ال-باحرۋر-رايق.

تەگتەر: عۇسىل دارەت


كەلۋ قاينارى: http://www.elarna.net/koru.php?tur=43&id=1044670

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


رەكتور ەسەپ بەردى | Dal 3 مينوت
中国哈萨克语广播网 3 مينوت
ەندى برەند زاتتاردىڭ ءت 3 مينوت
پاۆلودار وبلىسىندا 69 ا 9 مينوت
اعاجاي التاي تورى 13 مينوت
قازاقستان ەلشىسى تۇرىكم 21 مينوت
اعاجاي التاي تورى 1 ساعات
中国哈萨克语广播网 1 ساعات
ەلەكتروندى تەمەكى جايىن 1 ساعات
دوس تاڭداي بىلەىمىز بە؟ 1 ساعات
ەلوردادا تاعى ەكى ءوڭىر 1 ساعات
كۇرەس تۇرلەرىنەن الەم چ 1 ساعات
اسقار مىرزاحمەتوۆ جامبى 1 ساعات
中国哈萨克语广播网 1 ساعات
پرەزيدەنت بۇقتىرما سۋ ق 1 ساعات
وسى ارانى باسىپ كورىڭىز 1 ساعات
قاسىم-جومارت توقاەۆتىڭ 1 ساعات
ارمەنيانىڭ ەحەگنادزور ق 1 ساعات
20 قىركۇيەك. تۋعان كۇن 1 ساعات
باۋىرجان بايبەك "ا 2 ساعات
وسى ارانى باسىپ كورىڭىز 2 ساعات
中国哈萨克语广播网 2 ساعات
شاعباننىڭ شاراپاتى R 2 ساعات
پاۆلودارعا بەلارۋستان ج 2 ساعات
وسى ارانى باسىپ كورىڭىز 2 ساعات
بۋراباي مەن زەرەندىدە س 2 ساعات
中国哈萨克语广播网 2 ساعات
سولتۇستiك قازاقستانعا ق 2 ساعات
نايب ءمۇفتي: ورازادا اۆ 2 ساعات
20 قىركۇيەك. قازاقپارات 2 ساعات