قاسيەتتى قۇربان ايت مەرەكەسى رەسپۋبليكالىق «ازىرەت سۇلتان» مەشىتىندە ۇلتتىق ناقىشتا ۇلىقتالدى. ايت نامازىن وقىپ بولعان جاماعاتتى مەشىت اۋلاسىنداعى مەرەكە كۇتىپ الدى. قۇلشىلىق ورداسىنىڭ قوس قاناتىنا تىگىلگەن اپپاق قازاق ۇيلەر الىستان كوز تارتىپ، بۇگىن مەرەكە ەكەنىن ايقىنداي تۇسكەندەي. قاز-قاتار تىزىلگەن قايىرىمدىلىق جارمەڭكەسىنىڭ سورەلەرى دە بۇگىنگى مەرەكەنىڭ ءسانىن ارتتىرىپ، جاماعاتقا ءوز جىلۋىن سىيلادى.

بۇدان بولەك، جاماعات اراسىندا ۇلىق مەرەكە قۇرمەتىنە وراي ۇلتتىق سپورت تۇرلەرىنەن سايىس ۇيىمداستىرىلدى. اتاپ ايتقاندا، مەرەكەگە جيىلعان جاماعات اراسىندا ارقان تارتىس، قول كۇرەسى، گىر كوتەرۋ جانە اسىق ويىندارى بويىنشا سايىستار ۇيىمداستىرىلىپ، جەڭىمپاز انىقتالدى. كوپ اراسىنان سۋىرىلىپ شىعىپ، جەڭىمپاز اتانعان جۇرەكتى دە بىلەكتى جىگىتتەرگە مەشىت اتىنان «العىس حات» تابىستالىپ، ارنايى جۇلدەلەرمەن ماراپاتتالدى.

سۋرەتتەردى «فوتوگالەرەيا» ايدارىنان كورە الاسىزدار!