ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-12-102001851947 %53 %
2019-12-111970784544 %56 %
2019-12-1225248442 %58 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Muslim.kz ماقالالارى

جولدانعان ۋاقىتى: 12:15 - 2019/07/08




اللا تاعالا قۇلشىلىقتار مەن قاجىلىقتاعى امالداردى ماڭىزدى ماقساتتار مەن بيىك سىرلارعا بايلانىستى پارىز ەتكەن. قۇلشىلىق ادامنىڭ جانىن تازارتادى، جۇرەكتەردى پاكتەيدى جانە پەندەنى جاراتۋشىسىنا جاقىنداتا تۇسەدى.

بارلىق عيباداتقا ورتاق ماسەلەلەر كەزدەسەدى. سول سياقتى، ءار عيباداتتىڭ وزىنە ءتان ەرەكشەلىگى دە بولادى. ۇلىق عيباداتتاردىڭ ءبىرى – قاجىلىق. قاجىلىققا نيەت ەتۋشى بۇل عيباداتتىڭ سىرى مەن حيكمەتىن جانە ماقسات-مۇراتىنا ءمان بەرۋى قاجەت. ولارعا زەر سالا وتىرىپ، بۇل قۇلشىلىقتى ورىنداۋعا كىرىسكەن كەزدە تۇلا بويىمەن ءتۇيسىنىپ، جان دۇنيەسىمەن ول سىرلاردى سەزىنە بىلگەنى دۇرىس. مىنە، سول كەزدە قاجىلىقتىڭ اسىل ماقساتى ورىندالادى.

قاجىلىق – ادامنىڭ تاقۋالىعىن كۇشەيتىپ، شىڭداي تۇسەتىن ۋاقىت. جانە ءدىن رامىزدەرى مەن قاسيەتتى دۇنيەلەرىن قۇرمەتتەيتىن قۇلشىلىق. قۇران كارىمدە: «مىنە، وسىلاي. ال، كىم اللانىڭ بەلگى-راسىمدەرىن ۇلى دەپ بىلسە، ءسوزسىز، بۇل – جۇرەكتەردىڭ تاقۋالىعىنان (اللانىڭ جازاسىنان قورقىپ، ساقتانۋىنان)»[1] جانە قۇراندا قاجىلارعا تاقۋالىقتى ازىق ەتۋىن ءامىر ەتىپ: «قاجىلىق – بەلگىلى ايلار. كىمدە-كىم ول ايلاردا قاجىلىقتى ورىنداۋعا مىندەتتەنسە، وندا قاجىلىق كەزىندە ايەلىنە جاقىنداسۋعا، كۇنا جاساۋعا جانە ايتىسىپ-تارتىسۋعا بولمايدى. قانداي جاقسىلىق ىستەسەڭدەر، اللا ونى بىلەدى. ءارى جول ازىعىمەن قامدانىڭدار. ال، جولازىقتىڭ ەڭ جاقسىسى – تاقۋالىق...»،[2] – دەپ بۇيىرىلعان.

قاجىلىقتا قان شىعارىپ، قۇربان ەتۋدىڭ دە ماقساتى تاقۋالىقتى كورسەتۋ. قۇران كارىمدە: «اللاعا ولاردىڭ (قۇرباندىققا سويىلعان مالداردىڭ) ەتتەرى دە، قاندارى دا جەتپەيدى. ءبىراق، وعان سەندەردىڭ تاقۋالىقتارىڭ جەتەدى...»،[3]دەلىنگەن.

قاجىلىق پەندە بولۋدى، جان-تانىمەن بويۇسىنۋدى ۇيرەتەتىن قۇلشىلىق. قاجى ءوزى تولىق تۇسىنبەگەن امالداردى ىستەۋى قاجەت بولادى. كۇندەلىكتى داعدىلانعان كيىم-كەشەگىن تاستاۋى كەرەك بولادى. ءساندى زاتتاردى قولدانباۋى ءتيىس. كوپ كۇش-قايرات تالاپ ەتەتىن تاۋاف، ساعي امالدارىن جاساۋى قاجەت ەتىلەدى. ءبىر تاۋعا بارىپ، بەلگىلى ۋاقىتقا دەيىن كۇننىڭ ىستىعى مەن جاعدايدىڭ قولايسىزدىعىنا قاراماي، سوندا بولۋعا مىندەتتەلەدى. ەلسىز مينا جازىعىندا تۇنەۋى كەرەك بولادى. قاجىلىقتىڭ ءبىر امالىنىڭ سىرىن تۇسىنسە، ەكىنشىسىنىڭ حيكمەتىن بىلمەسە دە، اللا تاعالا ءامىرى بولعاندىقتان بۇلجىتپاي ورىنداۋ ۇستىندە كورەسىڭ.

قاجىلىق مۇسىلماندار اراسىندا باۋىرماشىلدىقتى كۇشەيتەدى. جانە ولاردىڭ اۋىزبىرشىلىگىنىڭ اسا ماڭىزدى ەكەنىن ۇقتىرادى. قاجىلار ءبىر مەكەندە، ءبىر مەزگىلدە، ءبىر كەيىپتە باس قوسادى. ولار ءبىر جاراتۋشىعا دۇعا ەتەدى. ماقساتتارى ءبىر، باعىتتارى ءبىر. قاجىلىق ەتۋشى بۇل ۇمبەتتىڭ اۋىزبىرشىلىك پەن بىرلىك قۇندىلىقتارىن يەلەنگەنى سياقتى باسقا حالىقتا جوق ەكەندىگىن بايقايدى.

مۇسىلماندار ىنتىماقتاسسا جانە اۋىزبىرشىلىگى مىقتى جانە ويلارى مەن سوزدەرى ءبىر بولسا، اسپايتىن اسۋى، المايتىن قامالى بولمايدى.

سونىمەن قاتار، قاجىلىق مۇسىلمانعا قيامەت كۇنى مەن ونداعى جاعدايلاردى دا ەسىنە سالادى. قاجىلاردىڭ كوپتىگى، ءار قۇلشىلىق مەكەنىندە قۇلشىلىق جاساۋداعى قيىندىقتار، اپتاپ ىستىق اۋا دا – بارلىعى ءبىزدىڭ قيامەت كۇنىنە دەگەن قورقىنىشىمىزدى ارتتىرىپ، تاقۋالىعىمىزدى تاباندىلىقپەن ۇستاۋعا جەتەلەيدى.

قاجىلىقتىڭ ءبىر قاتار امالدارى پايعامبارلاردىڭ جانە ولاردىڭ وتباسىنىڭ باسىنان وتكەرگەن سىناقتارى جانە كەرەمەتتەرىمەن تىعىز بايلانىستى.

يبراھيمنىڭ ەلسىز ءشول دالا مەككەگە ايەلى مەن جورگەكتەگى بالاسىن اكەلىپ تاستاۋى، ءيبراھيمنىڭ ۇلى ءيسمايلدى (ع.س.) قۇربان ەتۋ قيسساسى، اكەلى-بالالى پايعامبارلاردىڭ كاعبا قۇرىلىسىنا كىرىسۋى سياقتى وقيعالارمەن تىعىز بايلانىستى.

مۇنىڭ بارلىعىن، قىسقاشا قۇران كارىمنىڭ «ولار وزدەرى ءۇشىن پايدالى نارسەلەرگە كۋا بولسىن جانە بەلگىلى كۇندەردە وزدەرىنە ول (اللا) ريزىق ەتىپ بەرگەن مالداردىڭ ۇستىنەن (شالاتىن كەزدە) اللانىڭ اتىن ەسكە السىن...»[4] اياتىن بايان ەتەدى.

رۋسلان قامباروۆ
Muslim.kz مۇراعاتىنان


[1] «حاج» سۇرەسى، 32-ايات.
[2] «باقارا» سۇرەسى، 197-ايات.
[3] «حاج» سۇرەسى، 37-ايات.
[4] حاج سۇرەسى، 28-ايات

دەرەككوز: muslim.kz



كەلۋ قاينارى: http://www.elarna.net/koru.php?tur=43&id=1020550

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى