ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-06-15442152155 %45 %
2019-06-16464218247 %53 %
2019-06-17400115954 %46 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: Muslim.kz ماقالالارى

جولدانعان ۋاقىتى: 12:00 - 2019/06/08




ۋاقىت ءبىر ساتكە كىدىرىپ قالسىن با؟ رامازان سىناپتاي سىرعىپ ءوتتى. اللا قابىل ەتسە، قاسيەتتى ايدا اركىم ۇلى جاراتۋشىعا ۇنامدى قايىرلى امالى ارقىلى وزىنە تيەسىلى ساۋاپقا كەنەلدى. بويعا رۋح، ساناعا نۇر قۇيىلعان رامازاننان كەيىنگى ايلاردا دا يماندى ساقتاۋ، جۇماققا جەتەلەيتىن قۇلشىلىققا ىقىلاس تانىتۋ – مۇسىلماننىڭ مۇراتى. ول ءۇشىن نە ىستەمەك كەرەك؟ ويلانىپ، كەرەك ون كەڭەستى وزىمىزگە ايتۋدى ابزال كوردىك. بالكىم، ءسىزدىڭ دە قاپەرىڭىزدە قالار، كادەڭىزگە، يگىلىگىڭىزگە جارار. سونىمەن...

1.ناپسىنىڭ ساعىن سىندىرعان ءسات – اشتىق. ورازانى تەك رامازانمەن بايلانىستىرۋ ابەستىك بولار. پەندەنىڭ شەكتەن تىس قالاۋى قاس-قاعىم ءسات سايىن تۇرتكىلەپ تۇرادى. ەندەشە، وعان قارسى كۇش تەك ورازا ەكەن. ءناپسىنى تىيىپ، تاۋبەگە كەلتىرەتىن وسى ءبىر تەڭدەسسىز قۇلشىلىقتى اپتاسىنا، ءتىپتى ايىنا ءبىر رەت جىل بويى جالعاستىرساق جاقسىلىق ەمەس پە؟وزگە دە كەزەڭدەردە ورازا ۇستاۋدىڭ وزىندىك ءمانى زور. «جىل بويى ورازا بولسا عوي، شىركىن» دەپ اسەرلەنگەن ءبىر اعامىزدىڭ سوزىندە جان بار.

2.رامازاندا اللانىڭ سوزىنە ۇڭىلدىك. وي تۇيدىك، اسەرلەندىك. ورازادان كەيىن قالايشا «قوش بول، قۇران!» دەمەكپىز. تىرىلەر ءۇشىن تۇسكەن قاسيەتتى كىتاپتى نەگە باسقا ايلاردا سەرىگىمىزگە اينالدىرماسقا.ۇدايى قۇران وقۋدىڭوزىمىزگە، وزگەگە، وتباسىنا، قوعامعا پايداسى مول. ءار ارپىنە ساۋاپ جازىلىپ، اللانىڭ بەرەكەتى جاۋادى.

3. جۇرەكتى مەشىتكە بايلاۋ.اللانىڭ ۇيىنە كىرگەن قۇل ءوزىن قۇرعاق جەردەن سۋعا تۇسكەن بالىقتاي سەزىنەدى. مەشىتتە وقىلعان نامازدىڭ ساۋابىن ساناپ جاتپاي-اق قويالىق.

4.رامازان – اعايىننىڭ اراسىن جاقىنداتا ءتۇسىپ، قارىم-قاتىناسىن كۇشەيتەتىن، تۋما-تۋىستى، كورشى-قولاڭدى بىرىكتىرەتىن اي. اۋىزاشار داستارقانىندا بۇعان كوزىمىز جەتتى.تۋىسقاندارمەن بايلانىستى ۇزبەۋدى تەك رامازانمەن شەكتەمەۋ. اعايىن ءار كەز كەرەك. قۋانىشى مەن قايعىسىندا بىرگە بولۋ – مۇسىلماننىڭ مىندەتى.

5.رامازان كەلىسىمەن جەتىمدەر، قارتتار، مۇگەدەكتەر ءۇيىن ىزدەپ كەتەتىن ادەتىمىز بار. قۇددى ولار بىزگە 11 اي بويى جايناپ، شات-شادىمان، باقىتتان باسى اينالىپ، شاتتىقتا شالقىپ ءومىر سۇرەتىندەي سەزىلەدى. باسقا كەزدە ۋاقىتىمىز جوق. ارينە، بۇل ءبىزدىڭ ۇلكەن سىلتاۋىمىز. رامازاندا قامكوڭىل جانداردى جاعالاپ، قايىرلى ءىس بىتىرگەندەي ءوزىمىزدى اقتاعىمىز كەلەدى.قامكوڭىل جاندارمەن ءجيى جۇزدەسۋ– ءوز ومىرىمە شۇكىرلىك سەزىمدى نىعايتپاق. ولاردىڭ ءحالىن ءبىلۋ، مۇمكىندىگىنشە كومەكتەسۋ، ساداقا، اۋىزاشار بەرۋ ءۇشىن وتىز كۇن ورازانى كۇتۋ شارت ەمەس-اۋ.

6.ورازادا ونشا اشۋلانبايمىز، سابىر ساقتايمىز. سانادا ءبىر عانا وي قاتىپ قالعان: باستىسى ورازام بۇزىلىپ كەتپەسىنشى. قۇلشىلىعىمىز قابىل بولۋ ءۇشىن اينالاداعى ادامداردىڭ ۇساق-تۇيەك ءسوزى مەن ەرسى ارەكەتتەرىن ەلەمەيمىز. شىلىڭگىر شىلدەنىڭ ءبىر كۇنىن شولدەپ، اش وتكىزگەننەن وزگە تۇك پايدا تاپپاعاننىڭ سيپاتىنان بولىپ قالمايىق دەپ قورقامىز. باسقا ۋاقىتتا اشۋلانۋعا، كەك ساقتاۋعا، عايباتتاۋعا بولادى دەگەن راببىمىزدان «رۇقسات قاعاز» الىپ قويعانداي كۇي كەشەمىز.رامازاننان كەيىن دە كوركەم مىنەز تانىتۋ– ىزگىلىك پەن يگىلىككە جول اشادى. ءيا، كوركەم مىنەز – كوركىمىز.

7. ءناپىل نامازدارعا كوڭىل بولۋ.كەيدە بەس ۋاقىت نامازدى «تۇگەلدەپ» جۇرگەندە ءوزىمىزدى ءجانناتتان «جولداما» الىپ قويعان جانداي سەزىنەدى ەكەنبىز. ومىردەن وتكەن ىزگىلەر «پەندە قوسىمشا قۇلشىلىعىمەن، ءناپىل ورازا، نامازىمەن جاراتۋشىعا جاقىنداپ، ونىڭ راقىمىنا بولەنەتىنىن» ايتىپتى.

8. رۋحاني ىزدەنۋ.سوقا جەر جىرتقان سايىن جىلتىراپ، وتكىرلەنە تۇسەتىنىن اۋىلدان شىققان ءبارىمىز بىلەمىز. سپورتشى شىنىققان سايىن بابىندا جۇرەدى. رۋحاني ىزدەنىپ، ءدىني ءىلىم الساق، كوكەيدەگى كۇمان سەيىلەدى، ءىلىم ارتادى، يمان كۇشەيەدى. «مۇسىلماننىڭ ءبىر كۇنى ەكىنشى كۇنىنە ۇقساسا – ۇتىلىستا»، – دەپتى عۇلامالار. مۇنى اتام قازاق: «كوپ تۇرعان سۋ ساسيدى»، – دەپ ءبىر اۋىز سوزبەن تۇسىندىرگەن عوي.

9.اردايىم دۇعادا بولۋ.ورازا بويى جاراتۋشى يەمىزگە دۇعا-تىلەكتى كوبىرەك ايتىپ، مۇڭ-مۇقتاجىمىزبەن بولىستىك، قاجەتىمىزدى سۇرادىق. رامازاندا مەيىرىمدى، دۇعانى قابىل ەتۋشى اللا تاعالا باسقا ايلاردا دا وسىناۋ تەڭدەسسىز سيپاتىنان ايىرىلعان ەمەس، ايىرىلمايدى دا. دۇعا – مۇسىلماننىڭ قورعانى، قارۋى، تايانىشى، سۇيەنىشى، ت.ب. ادامزاتتىڭ اسىلى بولعان پايعامبارلار دا ءار ىسىندە، ءار سوزىندە دۇعانى تاستاماعان. مۇنى اتام قازاق: «باتامەن ەل كوگەرەر، جاڭبىرمەن جەر كوگەرەر»، – دەپ اسپەتتەگەن. كوسەگەمىزدى كوگەرتىپ، ءومىرىمىزدى ونەگە ەتەتىن دۇعا-تىلەكتى ءاردايىم ايتىپ ءجۇرۋدىڭ ماڭىزى زور.

10. ءاردايىم اللانى ەسكە الۋ.رامازان – ءبىز بەن راببىمىزدىڭ اراسىنداعى رياسىز قۇلشىلىق. ورازا – اللانى كوبىرەك ەسكە الۋعا جەتەلەيتىن قۇلشىلىق. ءبىز كەيدە دۇنيەلىك بولماشى جەتىستىگىمىزدى، از-كەم بايلىعىمىزدى، قىزمەتتىك ورلەۋىمىزدى ءوزىمىزدىڭ جەكە قابىلەتىمىزبەن، اقىل-ويىمىزبەن، پاراساتتىلىعىمىزبەن بايلانىستىرىپ جاتامىز. بولماشى تامشىدان جاراتىلعان پەندە ەكەنىمىزگە ءمان بەرمەي، ۇلى اللانىڭ قۇدىرەتىن ۇمىتىپ جاتامىز. جەر باسىپ جۇرگەنىمىزدىڭ ءوزى جاراتۋشى يەمىزدىڭ سىيى، نىعمەتى ەمەس پە؟ بارشا جاراتىلىستاردىڭ ىشىندە مۇسىلمان بولىپ جاراتىلۋىمىزدىڭ ءوزى تەڭدەسسىز نىعمەت ەمەس پە؟ اللانى كوبىرەك ەسكە الۋ ادامنىڭ بەس كۇندىك ومىرگە كەلۋدەگى ماقساتىن ايقىنداپ بەرۋگە، قۇدايعا ۇنامدى قۇل بولۋعا سەرپىن بەرەدى.

اعابەك قوناربايۇلى

دەرەككوز: Muslim.kz مۇراعاتىنان



كەلۋ قاينارى: http://www.elarna.net/koru.php?tur=43&id=1006072

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


روبوتتار ءسىزدى جۇمىسسى 7 مينوت
ابۋ xانيفا مازxابى بويى 7 مينوت
Every Single Time Tom H 7 مينوت
«ۇكىمەت قۇرىلىمدارىن ىق 7 مينوت
توقاەۆ: مەملەكەتتىك كۇز 10 مينوت
باقىت سۇلتانوۆ ساۋدا جا 17 مينوت
سىر وڭىرىندە حالىقارالى 17 مينوت
«ٴبىر بەلدەۋ، ٴبىر جول» 17 مينوت
پارتيا قۇرىلىسى ۇلگى ات 17 مينوت
قازاقستانداعى ەتنوس وكى 22 مينوت
پوليتسەي كۇندەلىگى: وگە 28 مينوت
قر ەكولوگيا، گەولوگيا ج 1 ساعات
كىتاپحاناشىسى جوق كىتاپ 1 ساعات
17 مىڭنان استام شىمكەنت 1 ساعات
قازاقستاندا جاڭادان ەكى 1 ساعات
تاتۋلىق – تابىلماس باقى 1 ساعات
«وتقا ماي قۇيۋ» جورالعى 1 ساعات
قازاق كۇرەسى بويىنشا ەل 1 ساعات
ايماقتىق 2 تولىق ورتا م 1 ساعات
تاس جولدى قىرمانعا اينا 1 ساعات
شي جينپيڭ ساۋلە گازەتىن 1 ساعات
تۇركىستاندىق پوليتسەيلە 1 ساعات
باقىت سۇلتانوۆ ساۋدا ج 1 ساعات
«بايتەرەك» حولدينگى مەن 1 ساعات
ءجانناتقا جەتەلەيتىن ام 1 ساعات
مادەنيەت جانە سپورت ءمي 1 ساعات
ارناۋلى سۇحبات: وڭىرلىك 1 ساعات
ەلىمىزدىڭ باس مەشىتىندە 1 ساعات
شي جينپيڭنىڭ جاڭا ءداۋى 1 ساعات
اۋىل ـ قىستاق ايەلدەرى 1 ساعات