نيدەرلاندىدا La Datcha دەپ اتالاتىن الەمدەگى العاشقىمۇزجارعىش ياحتاسى قۇراستىرىلدى. ياحتا ءTinkoff-Bank-تىڭ نەگىزىن قالاۋشى رەسەيلىك بيزنەسمەن ولەگ تينكوۆ تاپسىرىسىمەن جاسالعان.

Forbes اقپاراتىنا سايكەس، ياحتانى جاساۋعا 100 ميلليون ەۋرو جۇمسالعان. ونى قىركۇيەكتەن باستاپ La Datcha سايتى ارقىلى اپتاسىنا 740 مىڭ ەۋروعا جالعا الۋعا بولادى.

جەكە ياحتا فليسسينگەن پورتىندا سۋعا ءتۇسىرىلدى. 77 مەترلىك كەمەدە مونشا، ەكى تىكۇشاق، سنوۋبورد، ەكى دجاكۋزي، ساۋنا، ماسساج بولمەسى، ترەناجەر زالى جانە 6 كايۋتا بار. ياحتا ەكيپاجدىڭ 24 مۇشەسى مەن 12 جولاۋشىعا ارنالعان. La Datcha تەڭىزدە 40 كۇنگە دەيىن جۇزە الادى.

"الەم وتە ۇلكەن جانە ءبىزدىڭ ءومىرىمىز سونشالىقتى قىسقا، سوندىقتان مۇمكىندىگىنشە زەرتتەۋ كەرەك"، - دەيدى تينكوۆ.

كاسىپكەر ياحتانىڭ 2018 جىلى قۇراستىرىلاتىنىن مالىمدەگەن. ول ياحتادا جىلىنا 20 كۇن ءجۇزۋدى، ال قالعان ۋاقىتتا ونى جالعا بەرۋدى جوسپارلاپ وتىر.

ايتا كەتەيىك، رەسەيلىك بيزنەسمەن ولەگ تينكوۆتىڭ بايلىعى 2020 جىلى 2،4 ميلليارد دوللارعا باعالانعان. كاسىپكەر لەيكەميامەن اۋىرادى.