بلوگەر ارمان يۋسۋپوۆ پروگرامميست جانە وزگە مامانداردان قۇرالعان كومانداسىمەن بىرگە ءدارى تابۋعا كومەكتەسەتىنkomek2020.kzسايتىن اشتى. سايتتا ءدارى ىزدەگەندەر، ارتىق ءدارىسى بارلاردىڭ نەمەسە باسقاشا كومەكتەسە الاتىنداردىڭ ءتىزىمى بار.

سايتتاعى تىزىمگە ءاتى-جونىڭىز بەن بايلانىس ءنومىرىڭىزدى ەنگىزىپ، كەرەك ءدارىنى جاريالاۋ ءۇشىن "ماعان كومەك قاجەت" (منە نۋجنا پوموشش) بولىمىندەگى Google-فورمانى تولتىرۋ قاجەت. ءقازىر تىزىمدە ءدارى ىزدەپ كومەك سۇراعانداردىڭ سانى 1500-گە جۋىق.

كومەكتەسكىسى كەلەتىندەر دە "كومەكتەسكىم كەلەدى" (يا حوچۋ پوموچ) بولىمىنە ءوتىپ، فورمانى تولتىرۋى كەرەك. بۇل تىزىمگە قازاقستاننىڭ ءار ايماعىنان 300-دەن اسا ادام تىركەلگەن. ولاردىڭ اراسىندا ارتىق ءدارىسى بارلاردان بولەك، كونسۋلتاتسيا بەرۋگە دايىن دارىگەر، مەدبيكە، ءۇيىنىڭ قاسىنداعى ءدارىحانادا قانداي ءدارى بار ەكەنىن ايتۋعا دايىن ەرىكتىلەر، قارجىلاي كومەكتەسكىسى كەلەتىندەر دە بار.

"بىز كارينا ەكەۋىمىز اۋىرىپ قالدىق تا، ءدارى تاپپاي قينالدىق. بىزگە ديرەكتكە (ينستاگرام) كوپ ادام ءدارى، جاساندى دەم بەرەتىن اپپارات تابۋعا كومەكتەسۋىمىزدى سۇراپ جازادى. ارامىزدا ءدارىسى ارتىلىپ قالعان، ءدارىحانادا تاۋسىلعان اپپاراتى بار ادامدار جەتەرلىك دەپ ويلايمىز. سوندىقتان ءبىز كوماندامىزبەن بىرگە اشىق انكەتاسى بار سايت جاساپ شىقتىق.

مەن ءارقايسىڭىزدى قالىس قالماي، وزگەگە كومەكتەسۋگە شاقىرامىن. قازىرگى سيتۋاتسيادا ءار ادامنىڭ ىقىلاسى ماڭىزدى"، - دەيدى بلوگەر.