نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 15:20 - 2020/07/05

Нақты Көзі: http://www.massaget.kz/layfstayl/debiet/proza/62646/

باۋىرجان باباجانۇلى. قاربىز ۇرلاۋ حيكاياسى


باۋىرجان باباجانۇلى. قاربىز ۇرلاۋ حيكاياسى

قاربىز ۇرلاعان بالالاردى سونشا قورلاعان ادامنىڭ پسيحيكاسىندا اۋىتقۋ بار-اۋ، ءسىرا...
بالانىڭ ۇرلىق جاساعىسى كەلەتىن جاسى بولادى. شامامەن 7-13 جاستىڭ اراسى. تەك ول ونى ۇرلىق ەمەس، ەرلىك دەپ ۇعادى.
مەنىڭ اكەم قىزمەت بابىن پايدالانىپ قاتارىنان ءۇش جەر تەلىمىن الىپتى. ءۇش ۇلىم قاتار وتىرسىن دەگەن نيەت. ءبىر ۋچاسكەگە ءۇي سالىندى دا، قالعانىن ەگىستىك جەر رەتىندە پايدالاندىق. شەشەم قاۋىن-قاربىز، اسقاباق دەگەندەردى مول ەگەتىن. تاڭەرتەڭ ەرتە تۇرىپ، كۇندىك جەيتىن قاۋىن-قاربىزىمىزدى ءۇزىپ اكەلىپ قوياتىن. الدا-جالدا شەشەم ءبىر جاققا كەتىپ قالسا، قاۋىندى ءۇزىپ اكەلۋگە ەرىنىپ، "سەن بار، مەن بار" بولاتىن.
باستاۋىشتا وقىپ جۇرگەن كەزىمىزدە قاتارلاستارىم قاۋىن-قاربىز ۇرلاعاندارى تۋرالى "ەرلىكتەرىن" ءجيى ايتا باستادى. ارىقتىڭ ىشىمەن ەڭبەكتەپ بارىپ، قاربىز ءۇزىپ، ونى قايتاردا دومالاتىپ الىپ شىعاتىنى ماعان سوعىس تۋرالى فيلمدەردەگى ء"تىل" الۋعا باراتىن بارلاۋشىلاردىڭ ەرلىگىنەن كەم كورىنگەن جوق.
تااك، شۇعىل تۇردە ۇرلىققا بارۋ كەرەك.قالاي دا مىنالاردان اسىپ تۇسكەن ءلازىم. ول ءۇشىن كۇندىز، تاپا-تال تۇستە ۇرلاۋ كەرەك. تۇندە، ەشكىم كورمەيتىن ساتتە كىم ۇرلامايدى، ءتايىرى. باسىما كەلگەن وي - وسى.
جولداسباي اعامنىڭ اتىزىنان ۇرلايمىن دەپ شەشتىم. تۇستە اعام كەڭشاردىڭ ەگىسىنىڭ باسىندا جۇرەدى. جۇلدىز جەڭەشەم سول ۋاقىتتا ۇيىقتايدى.
...تۇس بولدى. ءوزىم كوزدەگەن تۇستان تەسىك جاسادىم دا، زىپ ەتىپ كىردىم. قاۋىن-قاربىزدىڭ پىسكەن كەزى عوي، تەڭكيىپ-تەڭكيىپ جاتىر. انانى دا العىڭ كەلەدى، مىنانى دا العىڭ كەلەدى. اقىرى بىرەۋىن تاڭداپ، ارىقتىڭ ىشىمەن ءبىراز ەڭبەكتەپ ەم، ءبىر كەزدە باتىرلىعىم ۇستاپ، تۇرىپ الدىم. سول ساتتە جۇلدىز جەڭەشەمنىڭ اششى ايقايى ەستىلدى: ء"اي، جۇگەرمەك، تاستا انا قاربىزدى". ءسىرا، دارەت قىستاپ، ۇيقىسىنان تۇرسا كەرەك. ءبىر ءسات ويلانىپ تۇردىم دا، قاربىزدى ۇستاعان كۇيى تەسىكتەن ءارى ءوتىپ، جۇگىرە جونەلدىم. جەڭەشەمنىڭ اياعى اقساق ەدى، جەتە الماسىن بىلەمىن عوي.
بالالارعا ادەمىلەپ ايتىپ بەردىم. ءتىپتى جۇلدىز قۋىپ، جەتە الماي قالدى دەپ قوسىپ جىبەردىم.
كەشكە ۇيگە بولات كەلدى. كلاستاسىم. اكەسى ابات بىزگە ساباق بەرەدى. جۇلدىز شاعىم جاساپتى. "جارايدى، - دەپتى اعاي، - ەرتەڭ جازاسىن بەرەمىن ول بالانىڭ. ۇيىڭە قايتا بەر".
زارەم ۇشتى. ساباققا بارماي قالۋعا بولمايدى. باسىم سالبىراپ، باردىم. ارتقى پارتاعا جايعاستىم. تىستەي-تىستەي قالامسابىمدى دا "كەمىرىپ" تاستاپپىن.
اعاي ارالاپ، اركىمنىڭ جازۋىن تەكسەرىپ كەلە جاتىر. ءتۇرى سۇستى. مەنىڭ قاسىما كەلدى. ء"اي، باۋىرجان مۇنىڭ نە؟ "ق"-نىڭ اياعىن تارتسايشى بىلاي. ءيا، سولاي. قالامسابىڭدى تىستەمە ولاي...". سوسىن اقىرىن سىبىر ەتتى: "سەن انا جۇلدىزدىڭ قاربىزىن ۇرلاما بۇدان بىلاي. كەلىستىك قوي؟". "جارايدى". ءوز داۋىسىمدى ءوزىم ەستىگەنىم جوق ءتىپتى. جان-جاعىما قاراپ ەم، جۇرتتىڭ ءبارى "ق"-نىڭ قۇيرىعىمەن اۋرە بولىپ، ماعان قارايتىنداي شاماسى جوق ەكەن.
قازىر ويلاسام، ابات اعايلار ۇلى پەداگوگتار ەكەن عوي. ءبىر اۋىز سوزىمەن تاربيەلەدى. ەگەر ۇرىسسا، ايقايلاسا، كىم بىلەدى نە بولارىن...
كەيىن وسى وقيعا تۋرالى ولەڭ جازدىم.
العاشقى ءمۇعالىمىم

ابات ەلۋبايۇلىنا

وسى جايت ەسكە تۇسسە،
مەن كۇلەمىن،
بالالىق-اي، نە دەگەن ءمولدىر ەدىڭ؟
...قاتارىمنىڭ "ەرلىگىن" تىڭداي-تىڭداي،
بىر بۇزىقتىق جاساعىم كەلدى مەنىڭ.

اساۋ تاي ەم.
تاي قاشان باس بىلەدى؟!
(قاس الباستى تال تۇستە باستى مەنى...).
تىم بولماسا قاسىمدا ىبىراي جوق،
قاۋىن-قاربىز ۇرلاۋدا ول – ء"ماستىر" ەدى.

جالعىز شىقتىم.
(مۇنىمدى "ەل" قۇپتاماي ما؟)،
مىنا جايدى دا تۇيگەم مىقتاپ ويعا:
"جولداسباي اعام ءقازىر جۇمىستا ءجۇر،
جۇلدىز جەڭگەم...
تۇستە ەندى ول...
ۇيىقتاماي ما؟"

بارى عاجاپ.
قاتىپ تۇر "پلان" ەندى،
(وسىنى ايتىپ كۇنى ەرتەڭ "قىرام" ەلدى....).
...نان قاربىزدى ەندى ۇزە بەرىپ ەدىم،
جۇلدىز جەڭگەم ۇيىنەن شىعا كەلدى.

ايقاي سالىپ: — "قاربىزدى تاستا" — دەدى،
كەنەتتەن ءبىر وي بيلەپ باسقا مەنى.
قاربىزىمدى تاستاماي زىتا بەردىم،
جەتە الماسىن بىلەمىن،
(اقساق ەدى...).

باتىرلىعىم جەلپيدى تۇڭلىگىمدى،
«ەرلىگىمدى» بار بالا جىر قىلۋلى.
...كەشكە "سىمسىز تەلەفون" جەتكىزدى كەپ،
ابات اعاي ەستىپتى ۇرلىعىمدى.

دەپتى اعاي: — "بارا بەر، جازا — مەنەن"،
سودان كەيىن، ءاي، كەتتى مازا مەنەن.
ەرتەڭىنە مەكتەپكە زورعا باردىم،
(كەشە ساباق ەدى عوي - عاجاپ الەم...).

سوڭعى پارتا...
ازىرگە جاراپ تۇر-اۋ...
ساۋساعىمدى قالامىم قاناتتى ما-اۋ...
تۇقشىڭدايمىن، باسىمدى كوتەرە الماي،
اي، نەعىلعان بىتپەيتىن ساباق مىناۋ...

وسى ءقازىر بولارداي زاماناقىر،
"ەندى ۇرلىق جاساسام با؟
قارا دا تۇر..."
...بالالاردىڭ تۇزەتىپ جازۋلارىن،
اعاي ماعان جاقىنداپ كەلە جاتىر...

قاباعىن ءسال ءتۇيىپتى...
سالقىن دەمەك...
الاقانداي جۇرەگىم القىندى ەرەك...
— ء"اي، باۋىرجان، مۇنىڭ نە؟
جارامايدى،
"ق"-نىڭ بىلاي اياعىن تارتۋ كەرەك.

دۇرىس ۇستا، قالامدى.
تىڭدا، بالا-اي،
وشىرگىشتى بىلاي قوي، جۇلمالاماي".
سودان كەيىن اقىرىن سىبىر ەتتى:
"سەن ەندى قاۋىن-قاربىز ۇرلاما ولاي...".

"جارايدى...".
وز داۋسىمدى ەستىمەدىم،
(سول ساتتە جوق ەدى وزگە ەش تىلەگىم).
ايقايلاماي، ەل-جۇرتقا دابىرا ەتپەي،
اعايىم ءبىر كۇنامدى كەشتى مەنىڭ.

"...بالا، ماعان ۇنايسىڭ. ءىرى ىستەرىڭ، —
دەيسىز بە، — ونى ىستەدىڭ، مۇنى ىستەدىڭ".
...مەنىڭ جامان بولۋىم مۇمكىن ەمەس،
ويتكەنى، ءمۇعالىمىم دۇرىس مەنىڭ!



كەلۋ قاينارى: http://www.elarna.net/koru.php?tur=41&id=1214276

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


اقمولا وبلىسىنداعى مەكت 3 مينوت
مادەنيەت جانە سپورت ۆيت 12 مينوت
قازاقستان سۋپەركۋبوگى م 12 مينوت
دانيار ەلەۋسىنوۆتىڭ كەل 12 مينوت
اقتوبە قالاسىندا سۋ دوب 12 مينوت
ەل تىرەگى – تاۋەلسىزدىك 17 مينوت
اقمولا وبلىسىندا مەكتەپ 21 مينوت
سەناتور كۇرىشباەۆ ساۋدا 24 مينوت
«شەيح كۋنتا قاجى» مەشىت 27 مينوت
ەرەۆاندا وپپوزيتسيونەرل 1 ساعات
قازاقستاندا وتباسىلاردى 1 ساعات
عابيدوللا ءابدىراحىموۆ 1 ساعات
قازاق حالقىنا مىڭ العىس 1 ساعات
«ورداباسى» ماۋسىمعا قال 1 ساعات
قاي سالادا جالاقى ءوستى 1 ساعات
شۆەيتساريادا ۆاكتسينا س 1 ساعات
پاتشايىم ەليزاۆەتا حالى 1 ساعات
باسپانا ماسەلەسى: المات 1 ساعات
الماتىدا پاتەردەن ءۇش ا 1 ساعات
مما: گەورگي كيچيگين ACA 1 ساعات
استانادا جىل سايىن 300- 1 ساعات
جاپسىرما قۇرىلىستىڭ جىر 1 ساعات
كوروناۆيرۋس: اتىراۋ وبل 1 ساعات
الماتىدا 452 كوپبالالى 1 ساعات
چەحيا كارانتيندى ناۋرىز 2 ساعات
جىل سايىن 300-دەن استام 2 ساعات
Covid-19: 253 ادامنىڭ ج 2 ساعات
نۇرقانات رايىس «ستراندج 2 ساعات
اقش رەسەيگە قارسى جاڭا 2 ساعات
تۇركىستان وبلىسى مەشىتت 2 ساعات