نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



نۇرالەم Facebook -كە جازىل ءتاڭىرتاۋ YouTube -كە جازىل قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 13:20 - 2020/07/05

Нақты Көзі: http://www.massaget.kz/layfstayl/debiet/poeziya/62641/

تارت كۇيىڭدى، دومبىرا


تارت كۇيىڭدى، دومبىرا

بۇگىن - ۇلتتىق دومبىرا كۇنى! ەلباسى نۇرسۇلتان نازارباەۆتىڭ جارلىعىمەن شىلدە ايىنىڭ العاشقى جەكسەنبىسى ۇلتتىق دومبىرا كۇنى بولىپ بەكىتىلدى.

اتالمىش مەرەكەگە وراي دومبىرا تۋرالى ولەڭدەر توپتاماسىن وقىرمان نازارىنا ۇسىنۋدى ءجون كوردىك.

دومبىراعا قول سوقپا

دومبىراعا قول سوقپا،
شىمىرلاتىپ بىر-بىرلەپ.
جۇرەگىم، سوقپا، كەل توقتا،
جاس كەلەر كوزگە جۇر-جۇرلەپ.

قايعىلى كوڭىلىم قايداعى
بۇرىنعىمدى جاڭعىرتار.
قايراتتى الىپ بويداعى،
باسىمدى قايعى قاڭعىرتار.

ونان دا جىلى جۇزىڭمەن
كەل، جارىم، قارا بەتىمە.
جىلى، ءتاتتى جاۋاپ ايت
ىشتەگى قايعى دەرتىمە.

ىشتەگى ەسكى جالىندى
سوندىر جاڭا قىلىقپەن.
سويلەسشى جاقسى، جاعىمدى
مەندەي كوڭىلى سىنىقپەن.

سىنىق كوڭىلىم كوپ كەشەر،
مايدا قولمەن ۇستاساڭ.
كوڭىلگە ءتۇرلى وي تۇسەر،
ار تەرەڭگە نۇسقاساڭ.

كۇيلى، كۇيسىز بايگەگە
قاجىدى كوڭىلىم كوپ شاۋىپ.
كوپ قيناماي ارنەگە،
ەندى سەمىرت، جەم تاۋىپ.

اباي قۇنانباەۆ

دومبىرا

تارت كۇيىڭدى، دومبىرا!
توگىل، توگىل ءتاتتى كۇي،
تاۋ سۋىنداي سىلدىرا،
جەلپىن، جەلپىن جەل سوقتىر!
تاۋدا تۇمان تۇرماسىن،
كوكتە بۇلت ىدىرا!
تىڭداماعان قويماسىن،
ويدى-قىردى قىدىرا،
قۇلشىنا تارت، دومبىرا!
ەكى جەلى، ءۇش قازىق،
توعىز نوقتا دومبىرا،
ويناتايىن ون ساۋساق،
قۇلىندايىن قۇلدىرا.
بوزدا-بوزدا بوتا كۇي،
قاشاعاندى قۋدىرا،
قۇلشىنا تارت، دومبىرا!
ەڭبەك ەلدىڭ كۇيشىسى-اۋ،
قۇلاعىمدى قيقۋلات،
كوڭىلىمدى قاندىرا،
تاتگى-تاتتى كۇيگە تارت
كورگەنىڭدى كۇي قىلا،
قۇلشىنا تارت، دومبىرا!
ەڭبەك ەلدىڭ جىرشىسى-اۋ،
جانىمدى ءبىر جادىرات،
كوكەيىمە قوندىرا،
تاتتى-تاتتى اڭگىمە ايت
جاڭا ءومىردى جىر قىلا،
شەجىرە، شەشەن سۇڭعىلا،-
قۇلشىنا تارت، دومبىرا!

ىلياس جانسۇگىروۆ

دومبىرا

مايىسىپ قوس شەگىڭنەن كۇي وتكەندە،
وي تۋار جۇرەك تۇگىل، سۇيەكتەن دە.
دومبىرام قايران مەنىڭ، قايران مەنىڭ،
ريزامىن سەنى ماعان سىي ەتكەنگە.

قولتىقتاپ كوكتەم كەلسە جىر-سۇلۋدى،
ىزىنە جىر سۇلۋدىڭ گۇل شىعۋلى...
مەنى دە قويدىڭ اقىر جۇمباق قىلىپ،
كۇلۋ مەن ۇيرەتتىڭ دە كۇرسىنۋدى.

سىرلاسام كوكىرەگىمە سۇيەپ تۇرىپ،
جانىمنىڭ جازىعىنا كۇي ەكتىرىپ.
وي، ارمان – ەكى شەگىڭ بولسىن سەنىڭ.
بەرەيىن جۇرەگىمدى تيەك قىلىپ.

...كۇي ەكەن مىناۋ اققان بۇلاق دەسەك،
بۇلاقتار تاۋدان عانا تۋاد دەسەك،
ال، كانە، ءبىر تىڭدايىق دومبىرانى،
توسىنە تۋعان جەردىڭ قۇلاق توسەپ...

جۇمەكەن ناجىمەدەنوۆ

دومبىرا

ەكى ىشەكتىڭ ءبىرىن قاتتى، ءبىرىن ءسال-پال كەم بۇرا.
ناعىز قازاق – قازاق ەمەس،
ناعىز قازاق – دومبىرا!

بىلگىڭ كەلسە ءبىزدىڭ جايدى، سودان سۇرا تەك قانا:
ودان اسقان جوق شەجىرە، ودان اسقان جوق دانا.

اقيقاتتى ايتقانداردىڭ ءبارى وسىلاي سورلاسىن
دەپ ءبىر حاھان شاناعىنا قۇيعان ونىڭ قورعاسىن.

جالعان سويلەپ كورگەن ەمەس سونىڭ وزىندە:
اپپاق جالىن كۇيدىڭ جانىن جالاپ جاتقان كەزىندە.

قادىر مىرزا ءالي

شەرلى دومبىرا

جانعالي جۇزباەۆقا

قاسيەتىڭنەن اينالدىم،
كەشىر، دومبىرا!
شاناعىڭدى شاڭ باسىپ، كەسىر قوندى ما؟
ەسى كەتكەنشە بيلەيتىن ەتەگىن اشىپ،
ەسترادانى قايتەيىن ەسىرگەن مىنا؟

قاسيەتىڭنەن اينالدىم،
كەشىر، دومبىرا!
قولىمنان قۇران كەتكەلى، ەسىمنەن دۇعا،
يت تىرلىك كەشىپ جۇرگەندەر يتتىگىن جاساپ،
يتتەرگە ءبىزدى قوسپاقشى بوس ۇرگەن، مىنا.

قاسيەتىڭنەن اينالدىم،
كەشىر، دومبىرا!
كەرۋەن سازىم، تونالدى-اۋ، كوشىڭنەن مۇرا.
جاتىرىنان جەرىنىپ، جەتى اتاسىنا
وركوكىرەكتەردى قايتەيىن وشىنگەن مىنا.

قاسيەتىڭنەن اينالدىم،
كەشىر، دومبىرا!
تەمىردەن ابدەن تەسىلدى-اۋ ءتوسىڭ، دومبىرا.
قانجىعاسىنا بايلاپ اپ ءقادىرىڭ بىلمەي،
ەسەرسوق ەسەك مىنگەندەر ەسىڭدى الدى ما؟

يت ۇرەر تاعى ...
كەرۋەن...
كوشىمىز جۇرەر،
دۇشپانىڭ – جىلاپ، وزگەرىپ، دوسىڭىز كۇلەر.
قاسيەتىڭنەن اينالدىم،
كەشىر، دومبىرا!
ەكى شەگىڭنەن ساداعا – ەكىجۇزدىلەر!

قالقامان سارين



كەلۋ قاينارى: http://www.elarna.net/koru.php?tur=41&id=1214225

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


تۇركىستاننىڭ سوزاق اۋدا 6 مينوت
قازاقستان ءبىرقاتار ەلد 12 مينوت
ياساۋي شەجىرەسى مەن ءمو 12 مينوت
گەرمانيانىڭ كەيبىر وڭىر 12 مينوت
جەلىدە باس پروكۋراتۋران 12 مينوت
اتىراۋ وبلىسى «سارى» اي 17 مينوت
اقپارات ءمينيسترى كاسىب 24 مينوت
ساۋمال نەگىزىندە دايىند 27 مينوت
ايدا بالاەۆا كاسىبي جۋر 1 ساعات
ەاەو وزبەكستاننىڭ اۋىل 1 ساعات
مىسىردان ۇشىپ كەلگەن قا 1 ساعات
اقپاراتقا مەملەكەتتىڭ ت 1 ساعات
قاسقىرلار نەگە ايعا قار 1 ساعات
بىلتىر قازاقستانعا 13 م 1 ساعات
سەرحيو راموس «رەالمەن» 1 ساعات
مىسىردان ۇشىپ كەلگەن قا 1 ساعات
ازاماتتىق ۇيىمدار جەكە 1 ساعات
ايدا بالاەۆا: ازاماتتىق 1 ساعات
«قازاقستان» تەلەراديوكو 1 ساعات
الماتى وبلىسىندا پاتەرد 1 ساعات
قازاقستاندىق ءۇش بوكسشى 1 ساعات
قاي قان توبىنداعىلار ۇز 1 ساعات
اقپاراتقا مەملەكەتتىڭ ت 1 ساعات
استانادا اپاتتى ۇيلەردە 1 ساعات
اقمولا وبلىسىنداعى مەكت 1 ساعات
مادەنيەت جانە سپورت ۆيت 1 ساعات
قازاقستان سۋپەركۋبوگى م 1 ساعات
دانيار ەلەۋسىنوۆتىڭ كەل 1 ساعات
اقتوبە قالاسىندا سۋ دوب 1 ساعات
ەل تىرەگى – تاۋەلسىزدىك 1 ساعات