ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com



تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 13:00 - 2020/05/21

Нақты Көзі: http://www.massaget.kz/layfstayl/madeniet/62173/

تونينو گۋەررا: دوستىق پەن ماحابباتتان قۇرالعان عاجايىپ الەم


تونينو گۋەررا: دوستىق پەن ماحابباتتان قۇرالعان عاجايىپ الەم

ەرتە ەرتە ەرتەدە مۇرتتى پەرىشتە ءومىر ءسۇرىپتى. ونىڭ قولىنان ءىس كەلمەيدى ەكەن. اسپاندا دا، جەردە دە جارىتىپ ەشتەڭە جاساماپتى. جۇرت ونى مازاق ەتىپ كۇلەدى ەكەن.

بىر كۇنى ول اڭشىنىڭ سارايىنا كىرىپ، وندا ورنالاستىرىلعان قۇس مۇسىنشەلەرىنە جەم شاشادى. مۇنى كورگەن قارا حالىق تاعى دا قىران توپان كۇلكىگە قارىق بولادى.

بىر كۇنى الگى مۇسىندەرگە جان ءبىتىپ، قۇستار بىرىنەن سوڭ ءبىرى اسپانعا ۇشقاندا جۇرت وعان تاڭىرقاي قارايدى.

بۇل جولى مۇرتتى پەرىشتە كۇلەدى. شالىقتاپ كۇلەدى. عاجايىپتىڭ بار ەكەنىنە كوزى جەتكەننەن كۇلەدى.

بۇل ەرتەگىنىڭ اۆتورى تونينو گۋەررو دا سونداي مۇرتتى پەرىشتەگە ۇقسايتىن. ونىڭ قولىنىڭ ۇشى تيگەننىڭ بارىنە جان بىتەتىن. قۇلپىرىپ، جايناپ سالا بەرەتىن.

سۋرەتكەر مەن مۋزا

تونينو توسەك تارتىپ جاتقاندا ۇنەمى وعان ايتۋشى ەدىم: تونينو، تونينو، مەن سەنى ءومىر بويى ءسۇيدىم. ...ەكەۋىمىز ءالى جولىقپاعان، سەن تۋرالى ەشتەڭە بىلمەگەن كەزىمدە دە.

كەتەرىنىڭ الدىندا ماعان باسىن بۇرىپ: «مەن سەنى سۇيەمىن» - دەدى، مەن: مەن دە! مەن دە! مەن دە!- دەپ شىر ەتە ءتۇستىم. ول: «بۇل ومىردەن كەيىن دە»... – دەدى...

قوس عاشىق ءومىرىن وتكىزگەن پەننابيلي ەلدىمەكەنىنە بارعان جۋرناليست نە قوناقتى ولار: ء«سىزدىڭ ومىرىڭىزدە مىندەتتى تۇردە ادەمى وقيعا بولادى، سەبەبى ءسىز بۇگىن «رۋبيكوندى كەشىپ ءوتتىڭىز» دەگەن سوزبەن كۇتىپ الاتىن. راسىمەن، وسى تىركەستىڭ قاناتتى سوزگە اينالۋىنا سەبەپ بولعان وقيعا مەكەنى وسىندا. يمپەراتور بولۋعا بەل بۋعان قاتارداعى اسكەر گاي يۋلي تسەزاردىڭ ريمگە العان باعىتىنىڭ شەشۋشى نۇكتەسى – رۋبيكون وزەنى ءدال وسى ايماقتان اعىپ جاتىر.

تونينونىڭ قولدان جاساعان بۇيىمدارىمەن بەزەندىرىلگەن «جوعالعان جەمىستەر باعىنىڭ» ەڭ اسەم گۇلى – لورا. كەلگەن قوناقتىڭ كوزى بۇعان بىردەن جەتەدى. لورا گۋەررا ەسىمدى جيرەن شاشتى اقجەلەڭ كەلىنشەك كىم-كىمدى دە بىردەن باۋراپ الادى.

ولار العاش رەت ماسكەۋدە جولىعادى. يتاليادان كەلگەن دەلەگاتسيا ىشىنەن كوزى ءتىرى اڭىز ءانتونيونيدى كورۋگە اسىققان ەلەونورا يابلوچكينا سول كۇنى ماڭگىلىك ماحابباتىن كەزىكتىرەمىن دەپ ويلامادى. سول وتىرىستا بۇدان كوزىن الماعان يتاليالىقتىڭ حاس تالانت ەكەنىن دە بىلمەدى.

ول تونينو گۋەررابولاتىن. تانىمال جازۋشى، اقىن، ستسەناريست، فەلليني، انتونيوني، تاركوۆسكي، دزەففيرەللي، تاۆياني سىندى ۇلىلاردىڭ سواۆتورى. تونينو بىرگە جۇمىس ىستەپ، دوس بولعان ادامدار ەسىمىن اتاساڭىز، حح عاسىر گەنيلەرىنىڭ ءتىزىمى شىعادى.

ال لورانىڭ اڭگىمەلەرىنىڭ تىڭداساڭىز، تونينو تەك ۇلىلاردىڭ ناق دوسى عانا ەمەس، ناعىز ماحاببات يەسى بولعانىنا دا كوزىڭىز جەتەدى.

70-شى جىلدارى ماسكەۋدە باستالعان بۇل ماحاببات وقيعاسى تاركوۆسكي مەنانتونيوني كۋالىك ەتكەن تويعا ۇلاسادى. 40جىلدىق وتباسىلىق ءومىر ءبىر-بىرىن اينىماي تاپقان سۋرەتكەر مەن مۋزانىڭ وداعىنا اينالادى.

«سۇلۋ قىزدار كوپ. اقىلدىلار دا از ەمەس. ال ناعىز ايەل بولاتىنىن تابۋ قيىن. سەزگىش، سەزىمتال. تۇسىنەسىز بە؟ مەنىڭ لورام سونداي» دەيتىن گۋەررا ءوزىنىڭ سەنوراسى تۋرالى. ال لورا جۇبايى مۇنىڭ كوڭىل قوشىنىڭ جوعىن بىردەن بايقاپ: «لورا، بۇگىن سەنىڭ كىرپىكتەرىڭ مۇڭدى عوي» دەپ كەۋدەسىنە قىساتىنىن ءجيى ەسكە الادى.

بىردە ماعان سەرگەي پارادجانوۆ:

- بىلەمىسىڭ، مەن تونينو گۋەررومەن تانىستىم

- ول كىم؟

- تونينونى بىلمەۋ - ءومىردى بوسقا وتكىزۋ.

رۋبەن گەۆوركيانتس ەستەلىگىنەن

گۋەررا مەن پارادجانوۆ

تونينو پارادجانوۆپەن تانىستىعى تۋرالى بىلاي دەيتىن: «ونىمەن بولعان ءار كەزدەسۋ سايىن جاڭا قىرىنان تانيسىڭ، قانشا مارتە جولىقساڭ دا، العاشقى كەزدەسۋ ىسپەتتى كۇي كەشەسىڭ. مەن ونىڭ اتموسفەراسىن ۇنەمى سەزۋمەن جۇرەمىن. ۇيدە بولايىن، يتاليادا، نە ماسكەۋدە، تبيليسي مە، ارمەنيا ما؟! ماڭىزدى ەمەس. ۇنەمى وعان ءتان ەرتەگىدەي عاجاپ شىعارماشىلىق الەممەن تىنىستاپ كەلەم».

تونينونىڭتانىسۋعا كەلە جاتقانىن ەستىگەن پارادجانوۆ شارباقتاعى جاڭعاق اعاشىنىڭ استىنداعى فونتان جيەگىنە ءوزى قولدان جاساعان قىزىلدى جاسىلدى، ءتۇرلى ءپىشىندى قۋىرشاقتارىن وتىرعىزىپ قويادى. ۇيگە كوتەرىلەتىن ساتى جاقتاۋىن قىزىق تۇسكە بوياپ، ەتنيكالىق مانەردە ارلەنگەن كىلەمدەر ىلەدى. اس ۇستەلگە داستارحان ورنىنا اينا توسەپ، تارەلكە ورنىنا ءىنجىر جاپىراقتارىن جايىپ تاستايدى. ورتاسىنا رەتسەپتىسىن ءوزى عانا بىلەتىن ەكزوتيكالىق سالاتتاردان ناتيۋرمورت قۇرايدى.


تونينو جۇبايىمەن تابالدىرىقتان اتتاعاندا، پارادجانوۆ تاعى قانداي «قويىلىم» دايىندادى ەكەن دەپ تاعاتسىزدانا كۇتكەن كورشىلەر قاراسى كوپ ەدى.

دال وسى كەزدەسۋدەن كەيىن «گرۋزيا-فيلمگە» ىسساپارمەن كەلگەن تونينو تاڭعى سەگىزدەن قالماي سەرەجانىڭ ۇيىنەن تابىلاتىن بولىپ الدى.

گۋەررا پارادجانوۆتىڭ ۇيىندە بولعان العاشقى شەتەلدىك قوناق بولاتىن. ودان كەيىن ءۇي يەسىنىڭ قوناقجايلىلىعى تۋرالى اڭىز تاراپ، ەرتەگىدەي بەزەندىرىلگەن ۇيگە فرانسۋازا ساگان، مارچەللو ماسترويانني، اللەن گينزبەرگ… سىندى ءوز زامانىنىڭ تالانتتى ونەرپازدارى ءجيى باراتىن بولدى.

دەسە دە سەرجيكتىڭ گۋەرراعا دەگەن ىقىلاسى بولەك ەدى، ەسىكتەن كىرەر-كىرمەستەن: «تا-ني-نا!—شتا-ني-نا!» دەپ قارقىلداعان كۇلكىسىمەن كۇتىپ الاتىن.

…بۇل ەكەۋىنە ءتان ورتاق قاسيەت قيالدارىنىڭ شەكسىزدىگى بولاتىن. قوس تالانت كوزگە كورىنىپ تۇرعان قورشاعان ورتانى ودان بەتەر بەزەندىرىپ، ارلەي ءتۇسۋ كەرەك دەپ ەسەپتەيتىن. ادامنىڭ ومىرگە كەلگەندەگى ميسسياسى سول ەكەنىنە سەنەتىن. ولار ۇلى فانتازەرلەر ەدى. جاقسى ماعىنادا.

گۋەررا مەن تاركوۆسكي

تاركوۆسكي «نوستالگيا» كارتيناسىن ءتۇسىرىپ جۇرگەن كەزدە فەلليني قالجىڭداپ: «گۋەررامەن جۇمىس ىستەگەن قالاي ەكەن؟» دەيدى، ماەسترو بولسا: «تونينومەن ناشار قاتىناس ورناتۋ مۇمكىن ەمەس، ويتكەنى ول اقىن عوي» دەگەن ەكەن.

تونينو مەن اندرەي اراسىنداعى دوستىق قوس اقىننىڭ ءسوز زەرگەرلەرىنىڭ دوستىعى ەدى. مۇنى مىنا ەستەلىكتەن دە بايقايسىز. گۋەررا ءوز ۇيىندە قوناق بولىپ جاتقان تاركوۆسكيدەن:«اندرەي، سەن ماعان مىنانى ايتشى، وسى ساعان مەنىڭ ءۇيىم ۇنادى ما» دەگەندە،«يا، ادەمى، ءبىراق ماعان سەنىڭ جىرلارىڭ كوبىرەك ۇنايدى» دەپ جاۋاپ بەرەدى.

«ۆرەميا پۋتەشەستۆيا» اتالاتىن دەرەكتى فيلمنەن ولاردىڭ بىر-بىرىمەن قالاي سويلەسىپ، نە تۋرالى اڭگىمەلەسكەنىنىڭ كۋاگەرى بولا الاسىز. ءبىرى يتاليالىق، ەكىنشىسى ورىس بولا تۇرا، اركىم ءوز تىلىندە ومىرلىك سۇراقتارعا قاتىستى ويىن ءبولىسىپ، كولەڭكەسىز ۇعىسادى.

ولار ءبىر بىرىنە مۇلدەم ۇقسامايتىن ەكى ەلدە دۇنيەگە كەلىپ، ەر جەتتى. ەكى ەل دەگەندە دە، ءتىپتى قاراما قايشى ەكى الەمدە ءومىر ءسۇردى. ءبىرى كۇن سۇيگەن، جارقىن; ەكىنشىسى سۋىق ءارى قاتال. ولار ەشقاشان كەزدەسپەي كەتۋى دە مۇمكىن ەدى. ءبىراق تاعدىر قوس اقىندى ءوزى قوستى.



كەلۋ قاينارى: http://www.elarna.net/koru.php?tur=41&id=1183368

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


الماتىنىڭ اۋاسى بەنزاپي 2 مينوت
اۋعانستان: تۇرمەلەردەن 5 مينوت
شىعىس قازاقستاندا 54 كو 5 مينوت
ورالدا كىسى قاعىپ، كولى 8 مينوت
دامۋ سىندى وسى ”باس كىل 10 مينوت
شينجياڭ فاڭدا حۇيكى ساۋ 10 مينوت
اتا-انالاردىڭ بالالارىن 10 مينوت
اتىراۋدا ءيتتى توڭازىتق 10 مينوت
اقتوبە «احقز» اق زاۋىتى 11 مينوت
الماتىدا ەكى جاسار بالا 11 مينوت
بيىل ۇبت قالاي وتەدى؟ 15 مينوت
دارحان ءقىدىرالى: قوعام 17 مينوت
ەنت پرويدەت ۆ تراديتسيو 20 مينوت
اتا-انالاردىڭ تەستىلەۋ 20 مينوت
باس ءمۇفتي بالالار ۇيىن 20 مينوت
شىلدەدە ەڭبەك نارىعىندا 20 مينوت
وقيعالار حرونيكاسى. 2 م 20 مينوت
جۇڭگونىڭ ەۆروپا وداعىند 20 مينوت
«باقىتتى بالالىق» ونلاي 20 مينوت
اۋە كومپانيالارى بيلەت 20 مينوت
كاليفورنيادا بوكس جانە 20 مينوت
اۆياكومپانيالار بيلەت ق 23 مينوت
قاراعاندى وبلىسىندا 24 26 مينوت
نۇر-سۇلتاندا ۇلەسكەرلەر 26 مينوت
حالىققا تيىمدىلىك جاساۋ 30 مينوت
ۇبت: پەداگوگ ماماندىعىن 30 مينوت
اقتاۋدا جاعاجايداعى دەم 30 مينوت
الاتاۋ شەكارا وتكەلىنەن 30 مينوت
وزبەكستان: قىرعىز-وزبەك 30 مينوت
بيىل 132 مىڭعا جۋىق ادا 30 مينوت