ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2019-11-192440715839 %61 %
2019-11-201983628842 %58 %
2019-11-212183686849 %51 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى

ءتۇرى: ماسساگەت ماقالالارى

جولدانعان ۋاقىتى: 18:45 - 2019/11/08

دالانىڭ كيەسى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


دالانىڭ كيەسى

دالانىڭ كيەسى

ى

وزبەكستانمەن شەكاراداعى سوزىلىپ جاتقان قىزىلقۇم ءىشى. ءار جەردە تىربيا وسكەن سەكسەۋىلدەن وزگە كولەڭكە بولارلىق بۇتا جوق. جۇزدەگەن شاقىرىم اۋماقتى الىپ جاتقان قۇمدى شولدە تازدىڭ شاشىنداي شاشىراي ورنالاسقان سكۆاجينالار بار. قىزىلدىڭ باۋىرىن مەكەن ەتكەن تىرشىلىك اتاۋلىنىڭ ءشول باسىپ، جان شاقىراتىن قاسيەتتى مەكەنى – وسى سكۆاجينالار.

كەڭەستىك زاماندا قويشىلاردىڭ قىستاۋى ورنالاسقان بۇل جەر ءقازىر دالانىڭ اڭىنان وزگەگە اسا قاجەتىلىك تۋعىزا قويمايدى. قاۋعا شەلەكتىڭ كولەمىندەي تات باسقان ترۋبادان ءمولدىر سۋ جوعارى كوتەرىلە ءبىرقالىپتى اعىپ جاتىر. قۇم ىشىندەگى تىرشىلىكتىڭ بەلگىسىندەي بولىپ سكۆاجينا اينالاسى شاعىن كولشىككە اينالعان. تابيعات-انانىڭ اڭ-قۇسقا تارتۋ ەتكەن سۋاتى، بالكىم. وسى سۋ كوزىن كوپتەن بەرى تۇراقتى سۋاتىنا اينالدىرعان اشاتۇياق قاراقۇيرىقتىڭ ءبىر ءۇيىرى بار-تىن.

سىڭار ءمۇيىز جاسامىس تەكە قاراماعىنداعى ەشكىلەرى لاقتاعالى قاراۋىلدى كۇشەيتكەن. بۇل كوكتەمنىڭ جايماشۋاق كەزى. قۇم اراسى جىلداعى ادەتىنشە تاماشا كەيىپكە ەنگەن. اينالا كوگەرىپ، قىستىڭ قاھارى كەتكەنىن، الدا اپتاپ ىستىق كۇتىپ تۇرعانىنان حاباردار ەتەدى. قۇم اراسىنىڭ قۇلپىرىپ تۇرلەنەتىنى وسى شاق. ءسال كۇن قىزسا، قىزىلدىڭ ءىشى قايتادان بۇرىنعى كەبىن كيەدى. بيىل ءۇيىردىڭ قاتارى كوبەيدى. ەندى ۇرپاقتارىن موتورىن گۇرىلدەتىپ، ۇزىن تەمىرىنەن وت شاشاتىن ەكى اياقتىلاردان، باسپالاپ ءجۇرىپ باس سالاتىن اش قاسقىرلاردان، سۋات ماڭىندا، تىرناعىندا كومىلىپ جاتىپ تىلەرسەكتەن شاپ بەرىپ ايىرىلمايتىن قاقپاننان قورعاۋى كەرەك. اتا كيىك وسىنىڭ ءبارىن ىشكى تۇيسىكپەن ۇقتى. ءقايبىر جىلدارى ءوزى سەكىلدى قاراقۇيرىقتار ءۇيىر-ۇيىر بولىپ، قۇم اراسىنداعى مەكەندەرىنەن ورگەندە قۇددى ءبىر بايدىڭ مىڭعىرعان وتار-وتار قويى سەكىلدى بولاتىن. سوڭعى جىلدارى قارسىلىققا قاۋقارى جوق، بار سەنەرى تۇياعى بولعان جانۋارلاردىڭ جاۋلارى سوڭدارىنا مىقتاپ ءتۇستى دە، سانىن كۇرت ازايتتى.

كارى تەكەنىڭ ءۇيىرى بۇگىن تىرناعىنان ەرتە ءوردى. دالانىڭ قىزىل وتىنا جايىلىپ جاتقان ەشكىلەرىنە، انالارىنىڭ جانىندا اسىر ساپ جۇرگەن لاقتارىنا سۇيسىنە كوز سالعان اتالىق توپتان بولەك دوڭەستەۋ جەرگە جايىلدى. ءۇيىر باسشىسى ۇلكەن «دۇربەلەڭنىڭ» بولارىن سەزگەندەي مازاسىزدانىپ كەتتى. ىشكى داۋىسى باسىنا ءتونىپ تۇرعان ءقاۋىپتى حابارلاعانداي. ءبىراق ءقاۋىپتىڭ قاي تۇستان ساپ ەتەتىنىن بىلگەن جوق. وسىنداي بەيمەزگىل شاقتا ءبۇيىرى قابىسقان، قۇيرىعىن اياعىنىڭ اراسىنا قىسقان بورىلەردىڭ مازانى الاتىندارى ۇيرەنشىكتى ادەت. وسىدان سەكەم العانداي. جەلدىڭ باعىتىن بايقاپ، ءيىس تارتىپ ەدى، ايتارلىقتاي ەشتەڭە تاپپادى.

ىى

قالانىڭ شەتكى اۋداندارىنىڭ بىرىندە تاڭ اتقالى بەرى قاربالاس. كەشە الماتىدان وسى ءۇي ەگەسىنىڭ قۇرداسى بەكتاس كەلگەن. بۇگىن اۋىلعا باراتىن سىڭايلى. ويتكەنى، ايدوستىڭ قالا ىشىنە مىنەتىن جەڭىل كولىگىنىڭ ورنىندا اۋىلعا بارعاندا مىنىلەتىن «Hunter» تۇر. جول جابدىعىن قامداپ بولىپ، ءۇي ءىشى تاڭعى اسقا وتىردى. شاي ۇستىندە ايدوستىڭ كەنجە ۇلى:

- پاپا، قايدا باراسىزدار، - دەپ ەركەلەي سۇرادى. اكەسى بالاسىنا جۇمساق سويلەپ:

- -بالام، بەكتاس اعاڭ اڭعا اپار دەپ قولقا سالعان سوڭ اۋىلعا بارا جاتىرمىز. ءبىر جاعىنان، ءوزىمنىڭ مىنا تۇرعان اۋىلعا بارماعانىما ءبىراز بولىپتى، - دەدى.

- وندا مەن دە بارايىنشى اۋىلعا.

- جوق، بالام، ماماڭا كىم قارايدى؟ جالعىز تاستاپ كەتسەك قورقادى عوي. كەيىن ءبارىمىز بارامىز. شايىڭدى ءىشىپ ال دا، بارىپ ويناي عوي، - دەپ بالاسىن باسىنان سيپاعان وتاعاسى:

- قانە، بەكە، استان الىپ وتىر، - دەدى.

شاي ءىشىلىپ بولىپ، بەت سيپاسقان ايدوس پەن بەكتاس سىرتقا بەتتەدى. ونى-مۇنىسىن رەتتەپ، كەلىنشەگىنە شارۋالارىن تاپسىرىپ، كولىكتى وتالدىرعاندا كۇن ارقان بويى كوتەرىلىپ قالدى. قالا مەن اۋىل اراسى ارتىعىمەن ەسەپتەگەندە، ءجۇز ەلۋ شاقىرىمداي جەر. ءجۇز شاقىرىمداي تەگىس تاس جول بولسا، قالعان بولىگى – قارا جول. زىمىراعان تاس جولدا ەكەۋدەن-ەكەۋ كەلە جاتقان جولاۋشىلار اڭگىمە تيەگىن اعىتاتىنى بەلگىلى عوي. الدىمەن اڭگىمەنى قالادان شىققالى بەرى ءۇنسىز ويلانىپ كەلە جاتقان بەكتاس باستادى:

- «قاراقۇيرىق اتامىز» دەپ كەلەمىز-اۋ، ايەكە. مەن ساعان قولقا سالاردا ءبىر نارسەنى ەسكەرمەپپىن. سول جانۋارلاردىڭ ءتولى جاس ەمەس پە ەكەن؟

- اۋ، بەكتاس، ساعان نە بولدى؟ بەس قارۋىڭدى سايلاپ، مىلتىعىڭدى مايلاپ شىققاندا رايىڭنان قايتپاقپىسىڭ؟! «شەشىنگەن سۋدان تايىنباس» دەگەن، - دەپ كۇلە جاۋاپ بەردى.

- جوق، ءا! تەك جاس ءتولدىڭ وبالىنا قالمايىق دەگەنىم عوي.

- اي، قۇرداس، دەگەنمەن الماتىعا بارامىن دەپ سەكەمشىل بولعانسىڭ-اۋ، - دەپ قالجىڭدادى ايدوس. اڭگىمە جەلىسىن تاس جولدىڭ اياقتالۋى بۇزدى. ءبىر جارىم ساعاتتاي ءبىرسىدىرعى جول الماتىلىق قوناقتى مەزى ەتسە كەرەك، قارا جول باستالىسىمەن كولىكتىڭ ارتىندا جاتقان ەكى قوساۋىزدىڭ ءبىرىن الىپ، ۇڭعىسىنا وق سۇڭگىتتى. قۇرداسىنىڭ قيمىلىنا قاراپ ايدوس:

- مىنە، مۇنىڭ ءجون. جولدا قويان، قىرعاۋىل كەزدەسۋى مۇمكىن، دايىن وتىر، - دەدى.

يرەلەڭدەگەن قارا جول بىرەسە سەكسەۋىل اراسىنا كىرەدى، بىرەسە جازىق دالاعا شىعادى. ارتىنا بۇلتقا ۇلاساتىنداي بۋداقتاعان شاڭ قالدىرعان جاڭا كولىك بارىنشا-اق ءجۇرىپ كەلەدى. سەكسەۋىلدىڭ ورتاسىنا كىرە بەرگەندە ماشينانىڭ الدىن ءبىر قويان كەسىپ ءوتىپ، ىلديعا قاشتى. ماشينا دەرەۋ توقتاي قالدى دا، سەكىرىپ تۇسكەن بەكتاس قوياننىڭ باعىتىنا بىرىنەن سوڭ ءبىرىن قوس وق جىبەردى. وق اتقان باعىتىنا جۇگىرىپ بارىپ، ەلۋ قادامداي جەردەگى سەكسەۋىل تۇبىنەن قالقانقۇلاق سۇر قوياندى كوتەرىپ، ءماز بولىپ كەلە جاتقان دوسىنىڭ الدىنان شىققان ايدوس:

- پاي-پاي! الماتىعا كەتىپ، مىلتىق ۇستاۋدى ۇمىتتى ما دەسەم، بابىڭدا ەكەنسىڭ عوي، - دەدى. وعان بەكتاس:

- ءيا، ءسوزىڭنىڭ جانى بار. يىعىما مىلتىق ءدۇمىن قويماعالى كوپ بولدى. ءاي، دەگەنمەن، باعانادان بەرى سۇققان اششى ءتىلىڭنىڭ ەسەسىن ءبىر-اق قايتاردىم-اۋ، - دەدى قارقىلداي كۇلىپ. وسىنداي اڭگىمەمەن اۋىلعا دا كەلىپ قالدى قوس جولاۋشى.

ۇي ىشىنە سالەم بەرە كىردى ەكەۋى. يبالى كەلىندەرى داستارحاندى دايىنداپ ۇلگەرىپتى. تانىستىق پەن وتكەن-كەتكەندى اڭگىمە ەتىپ، شاي ۇزاق ءىشىلدى. شاڭىراقتىڭ ۇلكەنى، ايدوستىڭ اعاسى باينياز باتا جاساپ، قوناقتار سىرتقا بەتتەدى.

- ال، بەكە قۇرداس، اۋىل – وسى. ەندى ەكەۋمىزگە قاراعان تىرلىك جوق. ءتىپتى كولىكتى دە ءادىل ايدايدى، - دەدى ايدوس.

- ءوي، ءپالى! قالانىڭ تاس جولىندا عانا ءرول ۇستايدى ەكەنسىڭ عوي، - دەپ قالجىڭدادى بەكتاس قۇرداسىنا. بۇعان بارلىعى كۇلدى. قىزاراقتاپ قالعان ايدوس:

- جوق، ءا! مىنا قۇم اراسى مەن وعان جەتەمىن دەگەنشە تىشقان قازىپ تاستايتىن وقپان دا، ەسكى ارىقتاردىڭ ورىنى دا كوپ. ونى مىنا ءادىل سياقتى كۇندە كورىپ جۇرمەسەڭ، بايقامايسىڭ، - دەدى. ايدوستىڭ اعاسى باينياز:

- ال، جىگىتتەر! جول سوققان شىعار، ۇيگە كىرىپ دەمالىڭدار. قالعان شارۋالار رەتتەلە جاتار. بۇيىرسا، كەشكە ءجۇرىپ كەتەمىز، - دەدى.

جاستىققا باسى تيىسىمەن، ەكى قۇرداس ۇيقىعا كەتتى. قانشا ۋاقىت وتكەنى بەلگىسىز، تەك ءادىل كەلىپ:

- ايدوس، بەكە، جۇرەتىن ۋاقىت بولىپ قالدى. كەشىگىپ قالمايىق، - دەگەندە عانا وياندى. تىكە تۇرىپ ەكى كەسە ايراندى سىمىرگەن قۇرداستار وتالىپ، جۇرۋگە دايىن تۇرعان ماشيناعا وتىردى. ءرول تىزگىنى ادىلدە، الدىڭعى ورىنعا بەكتاس وتىردى دا، ارتقى جاعىنا ايدوس اعاسى ەكەۋى جايعاستى. قاراڭعى تۇسە اۋىلدان شىققان اڭشىلار وتىز شاقىرىمداي جەردەگى قۇم اراسىنا ىلىگەمىن دەگەنشە ءتۇن قويۋلانا ءتۇستى.

ىىى

كۇن تاس توبەگە كوتەرىلگەندە كارى تەكە باستاعان توپ قاراقۇيرىق جەلقازعان سكۆاجيناسىنا قۇلاعان. سكۆاجينا ويپاتتاۋ جەردە ورنالاسقان. جان-جاعى اينالا قورششاعان قۇم توبەلەر. جەلقازعان دەسە، دەگەندەي جەر. جەردەن جارتى مەتردەي شىعىپ تۇرعان تات باسقان قۇبىردان توگىلە اققان سۋ شاعىن كولشىككە اينالعان. سۋ اينالاسى تىرشىلىك بارىنىڭ دالەلىندەي جايقالىپ تۇر. توبەدەن جوڭكىلە قۇلاعان بويى ەشكى-لاقتار سۋعا باس قويعان. الدىمەن بارىپ، ءشولىن قاندىرىپ ۇلگەرگەن ءبىرلى-جارىم تەكەشىكتەر ءسۇزىسىپ ويناپ ءجۇر. ال ءۇيىر باسشىسى سول جال توبەدەن بەرى تۇسكەن جوق. تاڭنان بەرى مازاسىزدانىپ، ءبىر قۋعىننىڭ بولارىن سەزگەنىمەن، ءقاۋىپتىڭ قاي تۇسىنان، قاي بۇيىرىنەن تيەرىن ءدوپ باسا الماي دال بولدى. قىراعى كوزىمەن اينالاسىن شولعانىمەن، تاناۋىن جەلگە توسىپ، قانشا ءيىس تارتقانىمەن، بوتەن ءيىس تاپپادى. ءسويتىپ، اقىرىن ويپاتقا ءتۇسىپ، سالقىن سۋدان مەيىرى قانعانشا ءىشتى دە، ءۇيىرىن باستاپ، ويپاتتان شىعىپ كەتتى. جەلقازعان سكۆاجيناسى مەن قاراقۇيرىقتار جايىلىمىنىڭ اراسى ءبىرشاما ۇزاق. ءشولى قانعان ەشكى-لاقتار سەكسەۋىلدىڭ شىرپىسى مەن جەردەن قىلتيا باس كوتەرگەن ءشوپتىڭ باسىن شالىپ، اسىقپاي ءجۇرىپ كەلەدى. جايىلا جۇرگەندىكتەن، جول ونبەي، جايىلىمعا جەتكەندە كۇن ۇياسىنا قوناقتاپ قالىپ ەدى. ال جايىلىمعا اسا قاشىق ەمەس جەردەگى جاتاعىنا تۇياق تىرەگەندە قويۋ قاراڭعى ءتۇننىڭ پەردەسى ءتۇرىلدى. قارنى شيىرشىق اتا تويعان ەشكىلەر كۇرت-كۇرت كۇيىس قايىرىپ، لاقتار ەنەلەرىنىڭ قاسىنا جاتا باستادى. كۇنى بويى ساقتىقتا ءجۇرىپ، ءجوندى جايىلماعان تەكە دە ءۇيىردىڭ شەتىن الا، دوڭەستەۋ جەرگە تىزە بۇكتى. كۇنى بويى قاراۋىلدىق جاساپ، قالجىراعان تەكە تىزە بۇگىسىمەن ماۋجىراي باستادى. ءتۇن ورتاسى اۋا سەلك ەتىپ، شوشىپ وياندى. قۇلاعىنا قۇمىعىپ جەتكەن تانىس ءارى قورقىنىشتى موتور داۋىسىن انىق ەستىدى. باعاناعى كۇدىگى الداماپتى. «پىس» ەتىپ، وقىرانا اتىپ تۇردى. وقىس قيمىلدان شوشىپ قالعان ەشكى-لاقتار ەربيە تۇرىسىپ قالدى. ەس جيعانشا بولعان جوق، ۇلكەن قۇم توبەنىڭ باۋىرىنان بەرى قاراي تۇسكەن پروجەكتور جارىعى كوزدەرىنە شاعىلىسىپ، قاراقۇيرىق ءۇيىرى تۇياقتارى تاپىرلاپ قاشا جونەلدى. ماشيناداعى تورتەۋى:

- انە كەتتى!

- باس گازدى!

- قاراسى قالىڭ ەكەن. يا ءسات! – دەسىپ، داۋرىقتى.

رولگە يە بولىپ كەلە جاتقان ءادىل گازدى بارىنشا باسا ءتۇستى. ايدوس پروجەكتورىن كيىكتەردەن ايىرماۋعا تىرىسىپ كەلەدى. ال بايەكەڭ مەن بەكتاس ەكى قوساۋىزدىڭ قۇلاعىن قايىرىپ، ءبىرى ليۋكتەن، ءبىرى وڭ جاق تەرەزەدەن اتۋعا دايىن تۇر.

- ءادىل، باسىڭقىرا! وق جەتپەيدى. ارالىقتى قىسقارت! - دەپ ايقايلادى باينياز. ليۋكتەن جار بەلىنە دەيىن شىعىپ تۇرعان بەكتاس تا:

- باس! باس! ايەكە، سەن انا ءداۋ تەكەدەن ايرىلما! – دەدى.

ىشقىنعان «Hunter» قويسىن با، جەردىڭ اپشىسىن قۋىرىپ-اق جىبەردى. قاراقۇيرىقتار قۇمعا كىرگەن بويدا كەزدەسكەن. «شاماسى، جەلقازعاننىڭ سكۆاجيناسىنان ءشول باسىپ، بەرى قاراي جايىلاتىن بولعان عوي» دەپ ويلادى ءادىل. كيىكتەردىڭ باعىتى – قۇم ءىشى. ءبىراق ماشينا جۇرە المايتىن سۋسىما قۇمعا ىلىگەم دەگەنشە ون شاقتى شاقىرىم بار. وسىلاي دەپ توپشىلاعان ءادىل گازدى باسا ءتۇستى. انە-مىنە دەگەنشە كيىكتەرمەن قۇيرىق تىستەسىپ جاقىنداپ قالدى. بايەكەڭ دە، بەكتاس تا وق جەتكەنىن اتىپ كەلەدى. الدىمەن باينياز ەكى اتىپ ءبىر ەشكىنى قۇلاتتى. بەكتاس بۇل كەزدە القىنىپ، توپتان كەيىندەي باستاعان لاقتى اتىپ ءتۇسىردى. بۇلار ەندى كوكجاسىق ەشكى مەن لاقتى قويىپ، سىڭار ءمۇيىز ۇلكەن تەكەنىڭ سوڭىنا ءتۇستى. ءسىڭىرلى نەمە وڭايلىقپەن جەتكىزەر ەمەس. تەكە ويلاماعان جەردەن بۇلت ەتىپ سولعا ويىستى دا، ماشيناعا قاراي تۋرا سالدى. وقىس باسىلعان تەجەگىشتەن ەكى مەرگەن دە جاندارىنان وتە شىققان ولجالارىن نىسانالاي الماي قالدى. ليۋكتەن شىعىپ تۇرعان بەكتاس ەكى وقتى جوبالاپ جىبەرگەنىمەن، دارىتپاي كەتتى. بۇرىلىپ الىپ، قايتا قۋعاندا پروجەكتور جارىعىنا تەكە مەن ءۇش ەشكى ءتۇستى. قاسىنداعى ۇشەۋدىڭ قايدان قوسىلعانى بەلگىسىز. سىڭار ءمۇيىز ءۇيىرباسى وڭعا قاراي بارىنشا ويىسىپ بارادى. ءىشى قىلپ ەتە قالعان ءادىل:

- وسىنى قويا بەرسەك قايتەدى، ا؟ مىنالار بارا جاتقان باعىتتا ەكى-ۇش شاقىرىمنان سوڭ ارىقتار بار. مەرت قىلىپ كەتپەسىن، - دەدى. قىزىپ العان بەكەڭ:

- تاۋەكەل دە، ءادىل! ودان دا باس گازدى! – دەپ ايقايلادى.

ادىل قاتەلەسپەگەن ەدى. ولار كەلە جاتقان باعىتتا ەرتەرەكتە نە ماقساتپەن قازىلعانى بەلگىسىز تىك جار ارىقتار بار. ماشينا كيىكتەردىڭ سوڭىنان قاتتى جىلدامدىقپەن كەلە جاتىپ، ءبىر شوق سەكسەۋىلدى اينالا بەرگەندە ارىقتى كوردى ءادىل. تەجەگىش باسۋعا كەش ەدى. بار ەكپىنىمەن ارىققا ۇرعان ماشينانىڭ تۇمسىعى ارىقتىڭ ەرنەۋىنە تىرەلدى دە، ليۋكتە بەيقام تۇرعان بەكتاس ۇشىپ كەتتى. كولىكتىڭ الدىندا وتىرعان ايدوس پەن رولدەگى ءادىل دە ەستەن تانىپ قالدى. تەك جەڭىل جاراقاتتانعان باينياز عانا تەز قيمىلداپ، دوڭگەلەكتىڭ بوس اينالىپ تۇرعانىن كوردى دە، قۇشاق-قۇشاق سەكسەۋىلدى استىنا سالدى. ءسويتىپ، بەكتاس پەن ءادىلدى كولىكتىڭ ارتىنا جايعاستىردى دا، ءوزى رولگە وتىردى. گازدى ىشقىنتا باسىپ، ماشينانى ارتقا شىعارىسىمەن اۋىلعا تارتتى. بار تىلەگى – كولىكتىڭ ءسونىپ قالماۋى بولعان بايەكەڭ بىردەن اۋدانعا تارتتى. ەكى ساعاتتىڭ كولەمىندە اۋدانداعى اۋرۋحاناعا جەتتى. ءوز جاراسىن جەڭىل-جەلپى تاڭدىرعانىمەن، ەكى ءىنىسى مەن ونىڭ قۇرداسىنىڭ جايىن ۋايىمداي بەردى. قارعىس اتقان قاسىرەتتى ءتۇن ءوتىپ، تاڭ بوزارىپ كەلەدى.

ىV

قاتتى جاراقات الا قويماعان ءادىل مەن ايدوس ەكى كۇننەن سوڭ اۋرۋحانادان شىقتى. تورتەۋىنىڭ اراسىنان اۋىر جاراقاتتانعانى – بەكتاس. الماتىلىق قوناق ليۋكتەن ۇشىپ كەتكەندە سەكسەۋىل تومارىنىڭ ۇستىنە ءتۇسىپ، ەكى قابىرعاسى سىنعان، وڭ قولى يىق تۇسىنان شىققان. اۋداندا ەس جيعاسىن بەكەڭدى قالالىق اۋرۋحاناعا جىبەردى. سوندا ءبىر ايداي جاتىپ، ساۋىعىپ شىقتى. اۋرۋحانا توسەگىندە جاتقاندا ايدوس ءجيى كەلىپ تۇردى. بايەكەڭ مەن ءادىل دە كەلدى. سوندا بەكتاس باينيازعا:

- بايەكە، سول جولى ءسىز بولماعاندا قىرىلىپ قالعانداي ەكەنبىز. سىڭار مۇيىزگە قانشا كوزدەپ اتسام دا وعىم دارىماي قويدى. سوعان تاڭمىن، - دەدى.

- جوق، بەكتاس، مەرگەندىگىڭە ءشۇبا كەلتىرمە، كارى تەكەگە تيگىزىپسىڭ. ونىڭ ولەكسەسى ارىقتان ءجۇز مەتردەي عانا جەردە جاتىر ەكەن. ارنايى بارىپ قارادىم، - دەدى جىميىپ.

- ە، وندا ول وسى اپاتقا تۇسۋىمىزگە كورىنگەن ەكەن عوي. دالانىڭ كيەسىنە بەكەر بالانباعانىنا كوزىم جەتتى.

- ەندى اڭعا شىعۋعا بەتتەمەي قالعان بولارسىڭ؟ – دەگەن باينيازدىڭ سۇراعىنا بەكتاس:

- اتاماڭىز! اللا قانشا عۇمىر بەرسە، تىرشىلىك اتاۋلىعا قارۋ كەزەمەيمىن، - دەدى.

بىر ايدان اسا ۋاقىت ءوتتى ارادا. قابىرعا سىنىعى جازىلىپ، قولىن يىعىنا اسىپ، ايدوستىڭ ۇيىنە شىقتى. بىرەر كۇن قوناق بولىپ، الماتىعا قايتۋعا بيلەت الدىرىپ العاسىن بايەكەڭە تەلەفون سوعىپ، قايتاتىنىن، وعان العىسى شەكسىز ەكەنىن جەتكىزدى.

تەمىرجول ۆوكزالى ىعى-جىعى ءنوپىر حالىق. «اقتوبە-الماتى» باعىتىنا جۇرەتىن جۇيرىك پويىزدىڭ ء11-شى ۆاگونىنىڭ تۇسىندا ءتورت جىگىت قاۋقىلداسىپ تۇر.

- ەندى اڭعا كەلمەيتىنىڭ بەلگىلى، بەكتاس. ءبىراق قوناق بولىپ، قىدىرىپ كەلىپ تۇر، - دەدى باينياز وزىمسىنە سويلەپ.

- ارينە! اللا بۇيىرتىپ، جول تۇسسە كەلەمىن مىندەتتى تۇردە، - دەدى بەكەڭ. وسى كەزدە پويىزدىڭ جۇرەتىنى حابارلانىپ، جولسەرىك اسىقتىرا باستادى. قولىن موينىنا اسىپ العان بەكتاس:

- ال، باۋىرلار، امان بولىڭدار! حابارلاسىپ تۇرامىز، - دەپ تەپكىشەككە اياق سالىپ، جولسەرىكتىڭ كومەگىمەن ۆاگونعا كوتەرىلدى.

- جاقسى، بەكە! جول بولسىن! – دەپ جامىراي قوشتاستى ۇشەۋى.

«وكىرتىپ» سيگنال بەرگەن پويىز ۆوكزالدان قوزعالىپ، ءجۇرىپ كەتتى.



كەلۋ قاينارى: http://www.elarna.net/koru.php?tur=41&id=1069636

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەل-ارنا ءوز گازەتى

ەڭ جاڭا ماقالالار


الماتىدا فۋتزالدان ەۋرو 10 مينوت
پارتيا جۇيەلى  جاڭعىرۋ 10 مينوت
قوستانايدىڭ باس پوليتسە 19 مينوت
رەجيسسەر ءادىلحان ەرجان 19 مينوت
Kids favourite desserts 20 مينوت
中国哈萨克语广播网 20 مينوت
ەلباسى «تىراۋلاپ ۇشقان 20 مينوت
جاپونيا وك باس حاتشىسى 29 مينوت
بالالار قاۋىپسىزدىگى تا 30 مينوت
ەلوردا 2025 جىلى گازبەن 1 ساعات
وسى ارانى باسىپ كورىڭىز 1 ساعات
ەنەرگەتيكا مينيسترلىگىن 1 ساعات
中国哈萨克语广播网 1 ساعات
سينگاپۋر مودەلى – ءتيىم 1 ساعات
الماتىدا تۇرعىندار شاعى 1 ساعات
اۋستراليانى شاڭدى داۋىل 1 ساعات
گايتيدە ءاربىر ءۇشىنشى 1 ساعات
قىزىلوردادا ايالداماداع 1 ساعات
اقتوبەدە ىشكى ىستەر ءمي 1 ساعات
الماتى اكىمدىگى 28 پانف 1 ساعات
قىزىلوردادا ايالداماداع 1 ساعات
دەنساۋلىق ساقتاۋ مينيست 1 ساعات
中国哈萨克语广播网 1 ساعات
وسى ارانى باسىپ كورىڭىز 1 ساعات
اقمولا وبلىسىنىڭ اكىمى 1 ساعات
ءپۋتيننىڭ قىزىنا تيەسىل 1 ساعات
وسى ارانى باسىپ كورىڭىز 1 ساعات
ورالدا 105 جاستاعى ۇوس 2 ساعات
ءبىرتانوۆ: 2020 جىلدان 2 ساعات
دەۆيس كۋبوگى: ۇلىبريتان 2 ساعات