الماتىلىقتار 15 قىركۇيەكتە "قالا كۇنىن" تويلايدى. قازىرگى ۋاقىتتا، ايتۋلى داتانى تويلاۋعا ارنالعان جوسپار جاسالىپ، ءىس-شارالار ۇيىمداستىرىلۋدا. وسىنداي مەرەكەلىك شارانىڭ ءبىرى – Almaquest كۆەستى بولماق.

الماتى اكىمدىگى ءباسپاسوز قىزمەتىنىڭ حابارلاۋىنشا، Almaquest — ەكى كەزەڭنەن تۇراتىن مادەني شارا. وعان نيەت بىلدىرۋشىلەردىڭ بارلىعى قاتىسا الادى. ول ءۇشىن almaquest.kz سايتىندا تىركەلۋ قاجەت. بۇل الماتى كوشەلەرىمەن جاياۋ نەمەسە ۆەلوسيپەد ارقىلى سەرۋەندەۋگە ارنالعان كۆەست.

اlma Quest — بۇل ءبىر ستسەناري بويىنشا بىرىكتىرىلگەن تاپسىرمالار تىزبەگى. تاڭعاجايىپ جانە كوڭىلدى كوماندالىق سپورت ويىنى. ويىننىڭ ءمانى — قالاداعى وبەكتىلەردىڭ شيفرلانعان ورنىن مۇمكىندىگىنشە جىلدام تابۋ، بارلىق تاپسىرمالاردى دۇرىس ورىنداۋ، وي جۇيرىكتىگى مەن ءبىلىمنىڭ ارقاسىندا مارەگە جەتۋ.

تاپسىرمالاردى ورىنداۋ ءۇشىن قالانىڭ نەگىزگى نىساندارى، تاريحي فاكتىلەر، مۇنداعى ادامدار تۋرالى قىزىقتى مالىمەتتەردى پايدالانۋعا بولادى. ويىن ونلاين رەجيمدە وتەدى. بارلىق تاپسىرمالار ۇيالى تەلەفون ارقىلى ورىندالادى.

قاتىسۋ ەرەجەلەرى، شارانىڭ باستالۋى، اياقتالۋى جانە سىيلىق قورى تۋرالى اقپاراتتى almaquest.kz سايتىنان الۋعا بولادى.